Daði Sveinsson

Pulp Fiction hvað?? Þessi mynd er svo miklu betri en hún að ég skil ekki hvað það er verið að bera þær saman þar sem mér fannst Pulp Fiction allgert rusl. Mjög hröð og bara cool mynd í alla staði. Töff persónur. Ein besta glæpamynd síðari ára og ÓTRÚLEGT að hún hafi ekki verið í bíó. Einn af þessum gullmolum sem fá litla athygli.... Svo eru myndir eins og Pearl Harbor að moka inn seðlum....

Fínasta mynd. Búningarnir og fjöldasenurnar eru náttúrulega allger snilld. Það er náttúrulega ekki hægt að miða þessa mynd við fyrstu myndina, sem er by the way allger snilld, því þær eru allt öðruvísi. Enda var þetta ekki nein endurgerð eins og sumir héldu. Þetta er bara útgáfa Tim's Burton á bókinni eftir Pierre Boulle. Mæli eindregið með þessari mynd því hún er flott og fyndin. Samt er enþá meiri ánægja fólkin í því að horfa á hana ef maður hefur séð upprunalegu mynina á undan ;) Þótt endirinn sé frekar slappur er lokasenan ótrúlega mögnuð.

Næst besta kúrekamynd sem ég hef séð á eftir The Good, the Bad and the Ugly. Fjallar um William H. Bonney og félaga hans sem gerast útlagar þegar þeir standa uppi í hárinu á hrotta bæjarins. Þeir Estevez, Sheen og Sutherland eru mjög góðir, og manni finnst sárt hvað þeir hafa dalað mikið síðan þeir léku í þessari mynd. Mæli eindregið með þessari. Frábær mynd með frábærum leikurum.

Þessi mynd er allger snilld! Maður hafði ekki heyrt neinn segja neitt slæmt um þessa mynd og þegar maður fór loksins á hana stóð hún undir öllum væntingum þótt ótrúlegt sé. Hugmyndin er mjög góð. Fyrir hlé er mikið hlegið en síðan þegar komið er í fangabúðirnar er meira grátið. Það þarf náttúrulega ekki að taka það fram að Benigni er snilldar leikari og ekki eru aukaleikararnir verri. Einn plús í viðbót er að myndin er ítölsk, því ítalskan er mjög fallegt mál að mínu mati. Ég mæli eindregið með þessari mynd.

Mögnuð ádeilumynd um það hvað kynþáttafordómar eru út í hött. Derek Vineyard (Edward Norton) er afburðagreindur og góður námsmaður sem villist á slóðir nýnasista eftir morð föður hans. Myndin sýnir að þótt hann hafi eytt mörgum árum í hatur á svertingjum, hvað hefur hann þá grætt á því? Hefur líf hans batnað? Hefur honum liðið vel eftir allt þetta hroðalega sem hann hefur gert óæðra fólki? Nei, ekki neitt. Það eina sem hann hefur afrekað er að láta fjölskyldu sinni líða illa. Það þarf náttúrulega ekki að fara mörgum orðum um leikinn í þessari mynd, Norton og Furlong eru báðir frábærir. Endirinn var samt frekar slappur.

Mjög góð mynd um mann (Cage) sem á að drepa eiginkonu annars manns fyrir góða fúlgu fjár. Svo þegar hann ætlar að fara að kála konunni býður hún honum meiri pening fyrir að ganga frá manninum hennar. Það er bara einn galli. Hann er ekki leigumorðingi og hefur aldrei verið. Svo æsist leikurinn þegar hin raunverulegi morðingi (Hopper) mætir á svæðið.

Ein sú allra, allra versta mynd sem ég hef séð. Hún er það léleg að þótt píurnar séu flottar verða þær bara asnalegar, þannig að maður nýtur þess varla að horfa á þær. Allgert sorp. Og það sem mér fannst verst var að einn af mínum uppáhaldsleikurum, John Goodman, hafi leikið í þessari mynd. Sorglegt fyrir jafn snjallann leikara.

Þessi mynd er eins og margar aðrar, svona mynd sem maður nennir bara að sjá einu sinni. Þetta er fínasta afþreying. Clint leikur þarna fyrrverandi leyniþjónustumanninn Frank sem þjáist af mikilli sektarkennd yfir því að hafa ekki náð að vernda John F. Kennedy þegar hann var myrtur í Dallas árið 1963. Nú 30 árum síðar fær hann annað tækifæri þegar annar fyrrverandi leyniþjónustumaður (John Malkovich) hótar að drepa forsetann. Og uppúr því hefst mikill hasar. Myndin fær s. s. engin verðlaun fyrir frumleika en er samt fínasta skemmtun.

Þessi mynd er svona týpískur farsi um aulann sem vill hjálpa til en er þeirri ólukku gæddur að geta varla svarað í síma án þess að allt fari til fjandans. Jaques Villeret er drepfyndinn í hlutverki hálfvitans, Francois Pignon og hinir leikararnir standa sig ekkert síður. Ef þú ert hrifinn af erlendum myndu þá mæli ég allveg með þessari. Fínasta skemmtun.

Af öllum myndum sem ég hef séð þá er þessi í mestu uppáhaldi hjá mér. Ég hef örugglega séð hana svona 30 sinnum eða oftar og fæ aldrei leið á henni. Það er bara eitthvað við The Dude sem er svo mikil snilld. Uppáhalds persónan mín í kvikmyndum. Ekki skemmir það fyrir að John Goodman leikur í myndinni, en hann er í sérstöku uppáhaldi hjá mér. Söguþráður myndarinnar er margvíslegur og ég ætla ekki að segja frá honum hér því ef þú hefur ekki séð þessa mynd legg ég til að þú farir og leigir hana núna. Mín kenning er sú að The Dude eigi að vera einhverskonar Jesú týpa nútímans.... Allavega er hann mjög líkur gaurnum. Alltaf í einhverjum slopp og á inniskónum. Frábær karakter.

Lang besta mynd ársins 1994 og þá er miðað við Forest Gump og Pulp Fiction. Það eru fáar myndir sem komast í standard með þessari. Ein af fimm bestu myndum sögunar. Flestar myndir sem gerðar eru eftir sögum Stephen King verða oft leiðinlegar, en ekki þessi. Leikararnir vita náttúrulega alveg hvað þeir eru að gera og standa sig frábærlega. Morgan Freeman klikkar ekki frekar en fyrri daginn og það sama er hægt að segja um Tim Robbins. Plottið er þannig að það er alveg hægt að segja aðeins King hefði dottið þetta í hug. Snilld!

Alveg yndisleg fávitamynd. Lang besta myndin sem Adam Sandler hefur leikið í. Sandler leikur Billy, mann sem er tja...þroskaheftur í bókstaflegum skilning. Hann á moldríkann pabba og hefur aldrei þurft að vinna eða gera nokkurn skapaðan hlut. Hann á tvo vini sem eru algerir iðjuleysingjar og lifa bókstaflega á honum. Eru alltaf heima í lúxusvillunni hans. Þeir eru að mínu mati bestu persónurnar í myndinni. Þvílíkt steiktir í hausnum. Líf Billy flækist aðeins þegar hann þarf að endurtaka alla bekki í grunnskóla eða hann tapar fyrirtæki föður síns. Svo verður hann að sjálfsögðu ástfangin af kennara sínum í 2. bekk. Það er ekki beint hægt að segja að þessi mynd sé voða djúp, en hún er samt allveg óborganlega fyndin.

Ein af mínum allra uppáhaldsmyndum. Ég held að ég verði að viðurkenna að þetta er ein af fáum myndum í dag sem að ef ég horfi á, fæ ég oftast gæsahúð og tár í augun í sumum atriðum. Ein af bestu myndum sögunar. Frábær bardagaatriði og búingarnir líka. Tónlistin er líka snilld. Fínir aukaleikarar og þá sérstaklega Brendan Gleeson sem Hamish og David O'Hara sem hinn geggjaði íri Stephen.

Ein mestu vonbrigði sem ég hef orðið vitni að. Þessi mynd var hrikaleg. Þegar ég sat í bíóinu varð ég ekki var við það að hjartað fór eitthvað á stað nema í einu atriði. Allgerlega óspennandi. Svo er myndin svo langdregin að manni bara leiðist allan tímann. Og þessi strákur fer ekkert smá í taugarnar á mér. I see dead people.... Well döh...þvílíkt pirrandi og þreytt lína. Ein ofmetnasta mynd síðari ára og Bruce Willis hefur fallið verulega í áliti hjá mér eftir að hann lék í þessari mynd. Ein sem ber að forðast því hún er álíka spennandi og mynd um Tinna.

Ég man fyrst þegar ég sá þessa mynd. Það var verið að sýna hana á Stöð 2 og ég kom inn í miðja mynd og ákvað að kíkja á þessa svarthvítu mynd. Því átti ég ekki eftir að sjá eftir því þetta er ein besta og fyndnasta mynd sem ég hef séð á ævinni. Ég sjaldan séð jafn snilldarleg samtöl og í þessari mynd. Það er allveg sama hvað það verða gerðar margar myndir í framtíðinni...þessi mynd verður ALLTAF á topp 5 listanum mínum. Leikararnir eru mjög góðir. Þeir sjást alltaf af og til í myndum Kevin's Smith. Persónurnar eru allger snilld og þá nefni ég sérstaklega Jay og Silent Bob. Og ekki skemmir það að myndin er í svarthvítu. Það er frumlegt og að mínu mati væri myndin ekki jafn sjarmerandi ef hún væri í lit.

Ein versta mynd sem ég hef séð. Ég get bara ekki skilið hvað fólk sér við þessa mynd, ef það sér eitthvað. Tom Crusie er ofmetinn leikari að mínu mati. Ég hef það fyrir grundvallarreglu að ég klára myndir sem ég byrja á. Sama hvað þær eru leiðinlegar. Eina góða við þessa mynd er að ég fékk mér einn bjór á meðan ég var að horfa á hana. Minningin um hann mun lifa lengur en þessi viðbjóður.

Ef þú fílar vísindaskáldsögur þá er það allger SKYLDA að sjá þessa mynd. Það vita sennilega allir um hvað þessi mynd fjallar en fyrir þá sem vita það ekki fjallar hún um geimfaran Taylor (Charlton Heston) sem brotlendir skipi sínu á óþekktri plánetu þar sem apar ráða ríkjum og menn eru veiddir upp á sport. Þetta er ein af þessum Hvað ef myndum. Svoleiðis myndir eru í miklu uppáhaldi hjá mér og ég mæli eindregið með þessari snilld. Myndin er komin vel til ára sinna og er löngu orðin klassísk. Mæli eindregið með henni ef þú fílar vísindaskáldsögur

Ég get varla lýst því með orðum hvað þessi mynd er ömurlega léleg og leiðinleg. Ein sú allra versta mynd sem ég hef séð á minni ævi. En þeir eiga hrós sem gerðu hana. Hrósið fá þeir fyrir það að hafa hreinlega gabbað almenning til að halda að þetta séu raunverulegar upptökur. Einnig settu þeir upp vefsíðu ,sem milljónir manna heimsóttu daglega, þar sem þetta var allt klætt í dularfullann og spennandi búning. En þessi mynd er ekki spennandi. Ó nei. Hún er svo langdregin og leiðinleg að manni langar mest til að gubba. Ég var nú bara feginn þegar ég var látinn horfa á þessa mynd í sálfræði þar sem bekkurinn minn var að fjalla um óttann við hið óþekkta, en ég hreinlega sofnaði. Myndatakan er pirrandi, myndavélin alltaf á fleygiferð og þessir þrír leikarar sem koma við sögu eru hrikalegir. Þessi mynd er ein af þeim fimm verstu sem ég hef séð á ævinni og ég ræð öllum frá því að sjá hana.

Talandi um eina af þessum myndum sem innihgeldur þvílíka liðið af frábærum leikurum en er síðan bara eins og maður myndi segja allgert crap. Þessi mynd er sorp. Maður er gjörsamlega að farast úr leiðindum þegar maður horfir á hana. Og allir þessir leikarar ná ekki að gera neitt fyrir myndina, en fá þó eina stjörnu fyrir að reyna. Söguþráðurinn er leiðinlegur. Um menn sem eru að rifja upp þegar þeim var nauðgað af ógeðslegum fangavörðum. Sjaldan séð mynd sem var jafn langdregin.

Næst besta Alien myndin að mínu mati á eftir fyrstu myndinni. Það er loks í þessari mynd að maður fær að sjá skrímslin vel og getur loks virt þau fyrir sér, það var ekki mikill tími til þess í fyrri myndunum. Þetta er mikill action í þessari mynd eins og Aliens. Persónurnar eru þveröfugt við Aliens bara nokkuð svalar.(Þessir Marines voru brandari). Tæknibrellurnar eru mjög góðar. Og það er sérstaklega ánægjulegt fyrir sci-fi fan eins og mig að fá loks að sjá skrímslin almennilega eftir öll þessi ár. Pottþétt mynd.

Bara til þess að sýna fram á að skoðanir séu eins margar og myndirnar ætla ég að skrifa dóm um Aliens. Ég verð bara að segja eitt, þetta er lélegasta myndin í seríunni. Á tímum er hún hallærislegri en Brady Bunch familían. Stælarnir í hermönnunum eru alveg óborganlega fyndnir en samt er það stelpan litla, Newt, sem nær að eyðileggja myndina fyrir mér. Gjörsamlega óþolandi. Plús allt þetta verð ég bara að segja að myndin er ekkert spennandi. Annars eru líka góðir punktar; fínar tæknibrellur, ágætis leikur og fínar hljóðbrellur. En samt ekki nóg. Þetta er ekki léleg mynd, en hún er samt langt frá því að vera besta myndin í seríunni.

Fyrst þegar ég sá þessa mynd fannst mér nú ekki mikið til koma. Það var sennilega vegna þess að ég sá Aliens á undan. Látum það líka fylgja með að ég var töluvert undir því aldurstakmarki sem var sett á myndina. En svo þegar ég sá hana aftur nokkrum árum seinna sá ég hvað hún er mikil snilld. Það er nú ekki margt kannski að segja um þessa mynd nema að þetta er ein besta vísindaskáldsaga sem gerð hefur verið. Allgjör klassík. Þegar maður horfir á myndina í dag getur maður ekki annað en tekið eftir því hvað hún er gömul, en það gerir hana bara betri. Leikararnir eru góðir... En fækkar alltaf stöðugt. Það vill henda þá sem leika í seríunni ;). Snilld. Parturinn af spennunni er það að maður sér mjög lítið af skrímslinu. Og þetta er bara allt svo drungalegt.

Ein albesta vísindaskáldsaga sem ég hef séð. Hún og Alien eru í mestu uppáhaldi hjá mér. Myndin er mjög spennandi og heldur manni við efnið allann tímann, tónlistin spilar mjög mikinn þátt í spennunni. Maður heldur alltaf að Predatorinn ætli að láta strax til skara skríða en það gerist ekki fyrr en nokkuð er liðið á myndina. Leikararnir eru góðir og að mínu mati er þetta næst besta mynd Schwarzeneggers á eftir T2. Fyrir þá sem vilja pottþétta spennu, smá hrylling og fíla vísindaskáldskap er þetta rétta myndin.

Eins og oft vil verða eru framhaldsmyndirnar lélegri en fyrsta myndin, það er allavega í þessu tilviki. Vonbrigðin eftir að hafa horft á fyrstu myndina og síðan þessa eru algjör. Það sem dregur myndina niður eru afleitir leikarar. Danny Glover er lélegur en samt ekki jafn slakur og aðstoðarmenn hans í myndinni. Maður biður um það að þeim verði slátrað. Bill Paxton er ágætur í túlkun sinni á leiðinlegri persónu í myndinni. Horfðu frekar á Predator þrisvar sinnum heldur en þessa einu sinni. Hún fær 2 stjörnur bara út af því að þetta er Predator mynd. Eitt sem þessi mynd hefur fram yfir hina er að maður sér meira af Predatornum. En það nær ekki að rífa hana upp úr meðalmennskunni.

Að mínu mati er þetta besta Alien myndin. Ég gleymi aldrei þegar ég fór á þessa mynd í bíó. Ég hef aldrei verið jafn hræddur. Hún er svo miklu meira töff og drungalegri en allar hinar til samans og nú eru engin vopn. Það er virkilega cool. Ekkert hægt að freta á dýrið úr vélbyssum. Nú eru það bara kyndlar og álíka forneskjuleg vopn. Leikararnir eru fínir og gaman er að sjá hin geðþekka Pete Postelwaite í aukahlutveri eins fangans.

Fór á þessa mynd og vænti þess að hún væri góð, enda tveir mjög færir leikarar sem bera hana uppi. En ég varð ekkert fyrir smá miklum vonbrigðum. Bara enn ein Ameríska myndin sem skilur ekkert eftir sig. Og endirinn..shi mar..þvílíka væmnin. Hrillingur. Merkilegt hvað Bandaríkjamenn gera MIKIÐ af svona væmnum myndum. Ég gef þessari mynd tvær stjörnur. Eina fyrir De Niro og Cuba fær hina.