Alien³ (1992)

Ég verð nú að viðurkenna það að þessi toppaði ekki nálægt því eins vel og hinar tvær myndirnar, en það er samt mikil spenna í myndinni og maður beið alltaf spenntur eftir því hvað gerist næst. Ég ætla að vona að hún Sigourney Weaver geri fimmtu myndina því að mér fannst Alien-serían alltaf góð. Ég gef þessari 3 og hálfa stjörnu.

Að mínu mati er þetta besta Alien myndin. Ég gleymi aldrei þegar ég fór á þessa mynd í bíó. Ég hef aldrei verið jafn hræddur. Hún er svo miklu meira töff og drungalegri en allar hinar til samans og nú eru engin vopn. Það er virkilega cool. Ekkert hægt að freta á dýrið úr vélbyssum. Nú eru það bara kyndlar og álíka forneskjuleg vopn. Leikararnir eru fínir og gaman er að sjá hin geðþekka Pete Postelwaite í aukahlutveri eins fangans.

Í þriðju myndinni í Alien seríunni hefur Ellen Ripley hrapað á plánetu sem hefur mátt muna sinn fífil fegri. Fiorina 161 er gamalt fangelsi fyrir verstu glæpamenn heimsins. Sundurleytur hópur af hálfgeðveikum, eða í það minnsta sérvitrum föngum og fangavörðum, býður hana velkomna er hún kemur til meðvitundar eftir nauðlendinguna. Kemst Ripley fljótlega að því að eitt af skrímslunum hefur tekið far með skipi hennar og fer þá heldur betur að hitna í kolunum. Fangar byrja að hverfa og engin nema Ripley veit hvað er að gerast. Þegar Ripley loks reynir að fá íbúa Fiorina 161 til að berjast við skrímslið kemst hún að þeirri óhuggulegu staðreynt að engin vopn eru leyfð á fangaplánetunni. Hvernig getur hún barist við skrímsli, sem hafði drepið heila deild af fótgönguliðum (í Aliens) með fullkomnustu vopn, án þess að hafa svo mikið sem baunabyssu sér til hjálpar. Það sem mér finnst sérstakt við Alien Seríunna, þegar hún er borin saman við aðrar kvikmynda seríur, er hversu ólíkar allar myndirnar eru. Í Alien 3, höfum við enn á ný mjög nýjar aðstæður, og er um allt annað en fjöldaframleiðslu að ræða. Persóna Ripley tekst hér á við innri djöfla, og þarf að horfast í augu við að kannski hefur hún eftir alla sína fyrri erfiðleika tapað fyrir skrímslinu. Atriði með Dillon (Charles Dutton) og Ripley eru hjartnæm og ná rosalega vel að sýna tvær einmanna manneskjur sem styðjast við hvort annað á erfiðum tímum. Kvikmyndatakan er stórkostleg og fékk myndin Oscar tilnefningu fyrir Best Visual Effects. Þetta er þó mjög drungaleg mynd og get ég ímyndað mér að áhorfendur hafi littla samúð með þessum föngum. Alien 3 er allt öðrvísi en Alien eða Aliens, og skyldi enginn horfa á hana og búast við því sama. Að lokum er vert að geta þess að myndin er götótt, og skildi ég betur hvers vegna þegar ég las handritið. Af einhverjum ástæðum hefur stór partur myndarinnar verið klipptur út og ef maður les handritið getur maður greinilega séð hvar (lítið á þegar sjálfvirkur slökkvibúnaður fer af stað og allir gegnblotna, og í næstu töku eru allir þurrir, og jafnvel í öðrum fötum!!)

Þar sem ég er mikill aðdáandi Alien-seríunnar í heild (þ.e. mínust Resurrection) þá finnst mér mjög erfitt að gefa Alien 3 vonda einkunn sérstaklega þar sem mér fannst hún svo frábær þegar ég sá hana fyrst. En það er einnig ekki hægt að gefa mynd með svo götóttu og hreint út sagt lélegu handriti góða einkunn. Alien 3 eyðileggur margt sem James Cameron gerði í Aliens, Newt og Hicks eru drepin, Bishop er óstarfhæfur og Ripley er eins og allt önnur persóna. Reyndar vildi Fincher alls ekki gera mynd eins og Aliens, Alien 3 átti að vera hans mynd, rétt eins og Alien og Aliens voru mjög ólíkar myndir. Ekki er hægt að kenna Fincher um alla galla handritsins þar sem mikið af því var skrifað á meðan myndin var í tökum og þurfti marga handritshöfunda til að klára það. Þetta sýnir sig greinilega í myndinni sem lítur oft út eins og gatasigti; persónur hverfa og birtast ekki aftur, persónusköpun er í algjöru lágmarki og, eins og ég sagði áðan, Ripley er ekkert lík sjálfri sér. En það er einnig margt gott við Alien 3, útlitslega séð er hún næstum því fullkomin, myndatökur, lýsing og allt það er pure-Fincher og leikararnir standa sig allir mjög vel. Tæknibrellurnar eru svona la-la en eyðileggja ekki mikið. Tónlist Elliot Goldenthal er mögnuð (hann m.a. gerði Batman Forever hæfa til áhorfs með flottri tónlist (en er samt enginn Elfman) en gat ekki hjálpað Batman & Robin). Mér finnst Alien 3 mun betri en framhaldið, Alien Resurrection, og þá er lítið sagt en hún er alveg áhorfshæf, bara meingölluð.

Þessi þriðja mynd í Alien seríunni er leikstýrð af David Fincher (Seven, The Game) en hann er þekktur fyrir að gera einstaklega dökkar og harðgerðar myndir og er að mínu mati einn besti leikstjóri starfandi í dag. Eitt af því sem hefur einmitt gert Alien myndirnar áhugaverðar er að sami leikstjórinn hefur aldrei komið nálægt meira en einni mynd, hver þeirra hefur sinn eigin stíl. Í upphafi brotlendir geimfarið þar sem eftirlifendur hremminganna úr fyrri myndinni (Aliens) hvíla á eins konar fangelsisplánetu og aðeins Ripley (Sigourney Weaver) lifir það af. Maður á dálítið erfitt með að sætta sig við hvernig Newt, Hicks og Bishop er í raun sópað úr þessari mynd alveg í upphafi, en það gleymist þó fljótlega. Geimvera virðist hafa verið um borð í brotlenta geimfarinu og fljótlega fer íbúum plánetunnar að fækka. Þessi mynd er fín afþreying fyrir alla sem kunna að meta hinn drungalega stíl Fincher's en kemst þó ekki með tærnar þar sem Aliens hefur hælana.