Væntanlegt í bíó

Söguþráður Dune fjallar um Paul Atreides, fjölskyldu hans og baráttu þeirra við Harkonnen-ættina um plánetuna Arrakis, sem einnig kallast Dune. Sagan gerist í ítarlegum söguheimi. Heilar mannfólks eru þjálfaðir í að framkvæma gífurlega flókna útreikninga og menn hafa náð mun meiri stjórn á hugsunum sínum og líkömum. Á plánetunni Arrakkis finnst Kryddið svonefnda, sem gerir mönnum kleift að efla heila sína enn frekar og meðal annars stýra geimskipum langar vegalengdir. Plánetum í þessum söguheimi er stjórnað af aðalsættum og þeim er stýrt af keisara. Atreides-ættin tekur við stjórn Arrakis af Harkonnen-ættinni að skipan keisarans og á Leto Atreides að auka framleiðslu krydds en keisaraveldið stendur og fellur með því að tryggja framleiðslu efnisins.

Söguþráður Léttgeggjuð saga af því hvað getur gerst þegar taugarnar þenjast til hins ítrasta.

Söguþráður Þann tíunda og ellefta ágúst árið 1996 fjölmenntu 250 þúsund ungir tónlistarunnendur á Knebworth Park til að sjá bresku rokkhljómsveitina Oasis spila tvo tónleika, sem mörkuðu þáttaskil. Tónleikarnir seldust upp á innan við einum degi og 2% ungra Breta reyndu að kaupa miða. Þetta var á þeim tíma þegar Bretland var að stíga upp úr efnahagslægð. Vaxandi sjálfstraust og hugur var í lista- og menningarlífi landsins og ris Oasis til frægðar og frama endurspeglaði stöðuna og andann í landinu. Í myndinni fáum við að heyra mörg af frægustu lögum Oasis eins og Champagne Supernova, Wonderwall og Don´t Look Back in Anger.

Söguþráður Dýrið segir frá sauðfjárbændunum Maríu og Ingvari sem búa í fögrum en afskekktum dal og þegar dularfull vera fæðist á bóndabænum ákveða þau að halda henni og ala upp sem sitt eigið afkvæmi. Vonin um nýja fjölskyldu færir þeim mikla hamingju um stund en verður þeim síðar að tortímingu.

Söguþráður Bókhneigður silkiapi leggur upp í ævintýralegt ferðalag umhverfis Jörðina á 80 dögum eftir áskorun frá gráðugum froski.

Söguþráður Blindi maðurinn hefur verið í felum í mörg ár í kofa langt fjarri mannabyggðum, og hefur tekið að sér og alið upp unga stúlku, sem missti foreldra sína í húsbruna. Tilveru þeirra er ógnað þegar hópur mannræningja birtist og tekur stúlkuna, sem neyðir blinda manninn til að grípa til sinna ráða og bjarga henni.

Söguþráður Beth er að jafna sig á sviplegum dauða eiginmanns síns og býr nú ein í húsinu við vatnið sem hann byggði fyrir hana. Hún reynir eins og hún getur að halda lífinu áfram en þá fer hún að fá ógnvekjandi martraðir. Hún sér skelfilegar sýnir sem gefa til kynna að í húsinu sé eitthvað afl sem kallar á hana. Þvert á ráðleggingar vina sinna þá byrjar hún að róta í eigum eiginmannsins, í leit að svörum. Í leit sinni kemst hún að óþægilegum og skrítnum leyndarmálum - ráðgátu sem hún er ákveðin í að leysa.

Söguþráður Slunginn svikahrappur sem er á flótta undan stórhættulegum leigumorðingja felur sig inni á lögreglustöð í litlum bæ. En þegar morðinginn birtist, þá lendir nýliði í löggunni óvænt í miðju atburða.

Söguþráður Wolka fjallar hina pólsku Önnu sem losnar úr pólsku fangelsi eftir 16 ára dvöl. Hún á sér það markmið að finna konu að nafni Dorota. Til þess þarf Anna hinsvegar að brjóta skilorð, brjóta lög og leggja allt undir þegar hún kemst að því að Dorotu sé líklega að finna á Íslandi.

Söguþráður Myndin hefst þar sem Bond er að slaka á í Jamaíka, eftir að hafa lagt byssuna á hilluna. En allt breytist þegar gamall vinur hans Felix Leiter frá bandarísku leyniþjónustunni CIA kemur og biður um aðstoð. Bond kemst nú á snoðir um ill áform dularfulls þorpara, sem býr yfir hættulegri nýrri tækni.

Söguþráður Þetta erótíska drama á sér stað á seinni hluta sautjándu öld þegar farsóttir herja á og nýliðinn Benedetta Carlini gengur til liðs við klaustur í Pescia í Toscanahéraði. Frá unga aldri virðist mærin mörgum undragáfum gædd og hefur koma hennar umsvifalaus og umbyltandi áhrif á samfélagið.

Söguþráður Addams fjölskyldan lendir hér í fleiri stórskrítnum ævintýrum, og hittir allskonar óvæntar persónur. Morticia og Gomes eru leið yfir því að börnin þeirra eru að vaxa úr grasi, þau hætta að vera með á matmálstímum og eru algjörlega niðursokkin í "Ótíma", eða "Scream Time". Til að styrkja fjölskylduböndin þá ákveða þau að troða Wednesday, Pugsley, Fester frænda og liðinu inn í ferðavagn og fara í ferðalag í eitt lokaskipti.

Söguþráður Saga Michael Myers og Laurie Strode heldur hér áfram.

Söguþráður Auðunn Blöndal leikur hér besta lögreglumann Reykjavíkur og er í baráttu við sjálfan sig á sama tíma og hann berst við hættulegustu glæpamenn landsins.

Söguþráður Söguþráður enn á huldu. Myndin er framhald Venom frá árinu 2018.

Söguþráður Mynd um líf og störf sálarsöngkonunnar Aretha Franklin.

Söguþráður Myndin gerist í heimi þar sem gangandi, talandi og sítengd vélmenni eru orðin bestu vinir barna. Aðalpersónan er 11 ára strákur sem kemst að því að vélmennavinur hans er hættur að virka, og hann tekur til sinna ráða.

Söguþráður Í afviknum bæ í Origon fylki í Bandaríkjunum, kynnast framhaldsskólakennari og bróðir hennar lögreglustjórinn, dularfullum nemanda, en myrk leyndarmál hans leiða til hrollvekjandi samskipta við goðsagnarkenndar fornar verur.

Söguþráður Ung stúlka með ástríðu fyrir fatahönnun, getur á einhvern undurfurðulegan hátt, farið aftur til sjöunda áratugar síðustu aldar, þar sem hún hittir átrúnaðargoð sitt, efnilegan söngvara. En sjöundi áratugurinn í London er ekki eins og hún bjóst við, og tíminn virðist ætla að riðlast með skuggalegum afleiðingum.

Söguþráður Karl sjötti Frakkakonungur biður riddarann Jean de Carrouges að jafna leika við skjaldsvein sinn, með því að skora á hann í einvígi.

Söguþráður Hinn 12 ára gamli Iwo bý í litlum bæ eftir fall kommúnismans í Póllandi, en í bænum er svört mylla í niðurníðslu, sem eitt sinn veitti mörgum bæjarbúum atvinnu. Þó honum hafi verið bannað að fara að myllunni þá gerir hann það samt sem áður ásamt vinum sínum og óafvitandi leysir hann úr læðingi illa anda sem þar búa. Nú verður ekkert eins og áður og hlutir og fólk byrja að hverfa á dularfullan hátt.

Söguþráður Saga hinna Eilífu, sem er kynþáttur ódauðlegra geimvera, sem lifað hafa í leyni á Jörðinni og mótað sögu hennar og menningu í þúsundir ára. Eftir atburðina í Avengers: Endgame, þá verður óvæntur harmleikur til þess að hin Eilífu þurfa að koma út úr myrkrinu og berjast ásamt mannkyninu við sameiginlegan óvin.

Söguþráður Ef þú leggur við hlustir þá segir Þorpið þér kannski nokkrar ósagðar sögur. Sögur af forstjóranum unga sem dreymir á latínu og fórnar fjölskyldu og glæstum frama fyrir gamlar bækur og stjörnukíki, heljarmenni sem kiknar undan myrkrinu, fínvöxnum syni hans sem tálgar mófugla. Af bóndanum með bassaröddina sem strengir fallegar girðingar en ræður illa við fýsnir holdsins, einmana gröfukalli sem skellir sér í helgarferð til London og gömlum Dodge 55.

Söguþráður Hin 11 ára kraftmikla en auðtrúa Birta tekur málin í sínar hendur með ævintýralegum hætti þegar hún heyrir móður sína segja í hálfkæringi að það verði engin jól vegna blankheita.

Söguþráður Ástarbréf til blaðamanna, og gerist í útibúi bandarísks dagblaðs í skáldaðri franskri borg á tuttugustu öldinni. Í myndinni eru sagðar nokkrar sögur sem birtar voru í lokaútgáfu The French Dispatch tímaritinu.

Söguþráður Sagan um mótunaár glæpamannsins Tony Soprano í New Jersey.

Söguþráður Ungur drengur og fjölskylda hans í verkamannastétt upplifa hina róstursömu tíma í Belfast á sjöunda áratug tuttugustu aldarinnar.

Söguþráður Kvikmyndin fjallar um einstæða móður, sem Carrie Con leikur, og tvö börn hennar, sem flytja í lítinn bæ og byrja að uppgötva tengsl við upprunalegu draugabanana, og dularfullt lífshlaup afa síns.

Söguþráður Mynd sem fjallar um tennis ofurstjörnurnar Venus og Serena Williams og hvaða áhrif faðir þeirra og þjálfari Richard Williams hafði á þær.

Söguþráður Diana prinsessa ákveður að skilja við Karl Bretaprins þegar hún er stödd í jólafríi með konungsfjölskyldunni á Sandringham herrasetrinu í Norfolk á Englandi.

Söguþráður

Söguþráður Sagan af fyrirætlunum Patrizia Reggiani, fyrrum eiginkonu Maurizio Gucci, um að myrða eiginmann sinn, barnabarn hins þekkta tískuhönnuðar Guccio Gucci. Sagan spannar þrjá áratugi af ástum, svikum, hnignun, hefnd og að lokum morði. Við kynnumst þýðingu nafns, hvers virði það er og hvað fjölskylda gengur langt til að halda yfirráðum sínum.

Söguþráður Myndin fjallar um unga stúlku og fjölskyldu hennar í Kólumbíu. Fjölskyldan hefur öll ofurkrafta, nema stúlkan sem býr yfir engum slíkum eiginleikum.

Söguþráður Raccon City sem eitt sinn var blómlegt heimili lyfjarisans Umbrella Company, er núna deyjandi bær í miðríkjum Bandaríkjanna. Brottför fyrirtækisins skildi eftir sig auðn þar sem illar vættir hafa búið um sig undir yfirborðinu. Þegar illskan brýst upp á yfirborðið hefur það áhrif á bæjarbúa til framtíðar og lítill hópur eftirlifenda þarf að vinna saman að því að afhjúpa sannleikann á bakvið Umbrella og lifa nóttina af.

Söguþráður Kvikmyndagerð söngleikjarins West Side Story, sem fjallar um forboðnar ástir og átökin á milli Jets og Sharks, tveggja unglingsgengja af ólíkum kynþáttum.

Söguþráður Eftir að hafa verið rekinn úr sjóhernum þá gengur James Reed til liðs við sérsveit til að sjá fyrir fjölskyldu sinni.

Söguþráður Framhaldið af Spider-Man Far From Home.

Söguþráður Söguþráður er á huldu.

Söguþráður Þegar samansafn verstu harðstjóra og glæpaforingja heimsins býr sig undir að efna til stríðs sem mun þurrka milljónir manna út af yfirborði Jarðar, er aðeins einn maður sem getur stöðvað þá.

Söguþráður Buster Moon og vinir hans þurfa að reyna að sannfæra rokkstjörnuna Clay Calloway, sem hefur lifað einsetulífi um langa hríð, um að ganga til liðs við sönghópinn í tilefni af nýrri sýningu sem er væntanleg á fjalirnar.

Söguþráður Hinn kjarklitli Aron Neisti er í leynifélaginu Rauðuhauskúpunni ásamt vinum sínum Óla og Höllu. Hann neyðisttil að taka á honum stóra sínum þegar hrekkjusvínin í hverfinu láta til skarar skríða.

Söguþráður Aldraður bóndi skrifar bréf til ástkonunnar sem honum bauðst að fylgja til borgarinnar forðum tíð. Gerði hann rétt í að taka sveitina fram yfir kærleikann? Hefði hann fremur átt að flytjast til Reykjavíkur til að moka skurð eða reisa bragga fyrir Ameríkana? Minningar úr sveitinni fléttast inn í safaríkar frásagnir af því sem hann kallar fengitíð lífs síns. Fornar ástir renna saman við sagnir af gleymdum líkum, lágfættum hrútum sem liggja afvelta milli þúfna og því þegar Farmallinn kom.

Söguþráður Þegar háleynilegt vopn lendir í höndum málaliða, þá fer leyniþjónustumaður ásamt þremur alþjóðlegum fulltrúum, í hættuför til að endurheimta vopnið. Dularfull kona fylgist með hverju skrefi þeirra.

Söguþráður Grunur fellur á auðugan eiginmann, sem leyfir eiginkonu sinni að eiga í ástarsamböndum utan hjónabandsins, til þess að forðast skilnað, þegar ástmenn hennar hverfa einn af öðrum.

Söguþráður Ruglingur verður á hættulegasta leigumorðingja í heimi og mesta klaufabárði í New York borg, í Aribnb íbúð.

Söguþráður Lífefnafræðingurinn Michael Morbius reynir að lækna sjálfan sig af sjaldgæfum blóðsjúkdómi. Óafvitandi sýkir hann sjálfan sig í staðinn af einskonar vampírusjúkdómi.

Söguþráður Hinn orðhagi en óöruggi Cyrano de Bergerac hjálpar hinum unga Christian að vinna ástir Roxanne með fallegum ástarbréfum.

Söguþráður Metnaðarfullur maður sem vinnur í karnivali, og hefur einstakgt lag á að stjórna fólki, kynnist kvenkyns geðlækni sem er jafnvel hættulegri en hann.

Söguþráður Hin unga Rakel er með allt annað á dagskrá en að verða móðir. En hún getur ekki hunsað þá staðreynd að hún er ólétt! Stórkostleg gamanmynd um áskoranir lífsins – þar sem teiknimyndir hjálpa auðvitað til!

Söguþráður Finney Shaw er rænt af raðmorðingja sem heldur honum föngnum í hljóðeinangruðum kjallara. Þar finnur Shaw ótengdan síma, sem hefur þann eiginleika að geta spilað raddir fyrri fórnarlamba morðingjans.

Söguþráður Jackass gengið er mætt á ný í sína síðustu krossferð.

Söguþráður Spæjarinn Hercule Poirot þarf að rannsaka morð á kvenkyns erfingja, þegar hann er staddur í fríi á ánni Níl.

Söguþráður Tónlistarmennirnir og ofurstjörnurnar Kat Valdez og Bastian ætla að giftast frammi fyrir aðdáendum sínum um allan heim, og verður athöfninni streymt á netinu svo allir geti fylgst með. En þegar Kat kemst að því, nokkrum sekúndum áður en athöfnin hefst, að Bastian hefur verið henni ótrúr, þá ákveður hún að giftast í staðinn Charlie, ókunnugum manni úr áhorfendaskaranum. Þó þetta hafi gerst alveg óvænt, þá þróast atvikið upp í ástarsamband, en stóra spurningin er hvort að fólk úr jafn ólíkri átt nái að bindast böndum til framtíðar.

Söguþráður Nunnan Ann, sem er 25 ára, ung og uppreisnargjörn, býr sig undir að framkvæma særingu og við það stendur hún andspænis djöfullegu afli með dularfullri tengingu við fortíð hennar. Í raun er nunnum óheimilt að framkvæma særingar en Ann hefur þrátt fyrir það fengið þjálfun í þeim efnum.

Söguþráður Í veröld þar sem skrímslaglíma er vinsæl íþrótt um allan heim og skrímsli eru ofurstjörnur, ákveður hin unga Winnie að fylgja í fótspor föður síns og gerast þjálfari vinalegs skrímslis sem fáir hafa trú á.

Söguþráður Tveir ræningjar stela sjúkrabíl eftir að rán mistekst.

Söguþráður Ný útgáfa af vinsælli sögu Paul Callico um ræstitækni á sjötta áratug tuttugustu aldarinnar í Lundúnum sem verður ástfangin af hátískufatnaði frá Christian Dior og ákveður að leggja allt undir til að eignast dressið.

Söguþráður Söguþráður óljós að svo stöddu.

Söguþráður Þrettán ára stúlka breytist í risastóran rauðan pandabjörn alltaf þegar hún verður of æst.

Söguþráður Björgunarleiðangur er gerður út í Tælandi þar sem hópur ungra drengja og fótboltaþjálfarinn þeirra eru fastir í neðanjarðarhellum sem flæðir inn í.

Söguþráður Top Gun: Maverick gerist 34 árum eftir atburði fyrri myndarinnar, og segir frá því þegar hinn goðsagnakenndi flugmaður Peter "Maverick" Mitchell, er orðinn yfirþjálfari Top Gun, og hefur það verkefni m.a. að þjálfa Bradley, son Goose, sem ætlar sér að verða flugmaður, rétt eins og faðir sinn.

Söguþráður Saga tólf ára stráks sem á sér þann draum helstan að verða heimsins mesti ofurþorpari.

Söguþráður Framhald Avatar frá árinu 2009.