Á leigunum

Útbrunninn leyniskytta er föst í þakíbúð úr gleri, þar sem lífshættulegur keppinautur situr um hana. Hún verður að finna leið til að lifa af og flýja, með nánast ekkert sem skýlir henni fyrir morðingjanum.

Myndin fjallar um vinahóp sem svindlar sér inn í dularfullt verkefni þar sem þeir þurfa að ná í demant á Suðurskautið í gamla sovéska námu. Í fyrstu virðist verkefnið vera einfalt en fljótlega kemur í ljós að það er meira sem býr undir ísnum en einungis demanturinn.

Bart Millard, aðalsöngvari hljómsveitarinnar MercyMe, stendur frammi fyrir persónulegri krísu á hátindi velgengni sinnar. Þegar heimur hans hrynur glímir hann við trú sína og innri djöfla á meðan hann leitar að leið í gegnum mótlætið.

Þegar stökkbreyttur og bráðsmitandi sveppur sleppur úr lokaðri aðstöðu verða tveir ungir starfsmenn – ásamt úrræðagóðum sérsveitarmanni – að lifa af villtustu næturvakt allra tíma til að bjarga mannkyninu frá útrýmingu.

Maður sem hefur milligöngu um arðbærar mútugreiðslur milli spilltra fyrirtækja og einstaklinga sem ógna þeim brýtur sínar eigin reglur þegar nýr viðskiptavinur leitar verndar hans til að halda lífi.

Will, lítill geithafur með stóra drauma, fær einstakt tækifæri til að ganga til liðs við atvinnumennina og spila körfubolta með hröðustu og grimmustu dýrum í heimi. Nýju liðsfélagar Will eru ekki hrifnir af því að hafa lítinn geithafur í liðinu, en Will er ákveðinn í að bylta íþróttinni og sanna að margur er knár þótt hann sé smár.

Franklin Shepard er hæfileikaríkt Broadway-tónskáld sem yfirgefur leikhúsferil sinn og alla vini sína í New York til að framleiða kvikmyndir í Los Angeles. Sagan hefst þegar hann stendur á hátindi frægðar sinnar í Hollywood og færist aftur á bak í tíma og sýnir svipmyndir af mikilvægustu augnablikum í lífi Franks sem mótuðu manninn sem hann er í dag. Um er að ræða upptöku af af enduruppfærslu á söngleik Stephens Sondheim og George Furth sem hlaut Tony-verðlaunin árið 2024, í Hudson-leikhúsinu í New York-borg.

Efnilegur rithöfundur sem finnst eitthvað vanta í líf sitt fær aðsetur í Jane Austen-rithöfundaríbúð og lendir í rómans sem gæti allt eins verið ættaður úr Jane Austen sögu.

Hér er glæstum ferli fótboltamannsins Kenny Dalglish hjá tveimur sigursælustu félögum Bretlands, Liverpool FC og Celtic, gerð skil. Myndin sýnir hvernig hann varð einn af bestu leikmönnum Evrópu og táknmynd í borginni Liverpool, jafn mikið fyrir það sem hann gerði utan vallar og innan.

Árið 1977 kom fyrrverandi fasteignasali, Tony Kiritsis, inn á skrifstofu Richard Hall, forstjóra fjármálafyrirtækisins Meridian Mortgage Company, með afsagaða haglabyssu sem hann tengdi sprengibúnað við, og krafðist 5 milljóna dala í bætur og persónulegrar afsökunarbeiðni vegna óréttlætis sem hann taldi sig hafa verið beittan.

Eftir að hafa snúið aftur úr sinni fyrstu geimferð er geimfarinn Sam Walker sett í umsjón NASA í öryggishúsi vegna endurhæfingar og læknisrannsókna. Hins vegar, þegar óhugnanlegir atburðir fara að eiga sér stað allt í kring, óttast hún að eitthvað utan úr geimnum hafi elt hana aftur til jarðar.

Þessi dásamlega saga gerðist á tímum hugdjarfra riddara, fagurra prinsessa og stríðandi galdramanna. Ruslan, farandlistamaður sem dreymdi um að verða riddari, kynntist hinni fögru Milu og varð ástfanginn af henni; hann grunaði ekki einu sinni að hún væri dóttir konungsins. Hamingja elskendanna átti þó ekki að vara lengi. Chernomor, hinn illi galdramaður, birtist í töfrahvirfilbyl og rændi Milu beint fyrir augum Ruslans til að breyta krafti ástar hennar í sinn eigin galdramátt. Án frekari tafa eltir Ruslan stolnu prinsessuna til að yfirstíga allar hindranir og sanna að sönn ást er sterkari en galdur.

Dr. Kelson lendir í nýju og átakanlegu sambandi – með afleiðingum sem gætu breytt heiminum eins og við þekkjum hann – og kynni Spike af Jimmy Crystal verða að martröð sem hann fær ekki flúið.

Brandon Beckett og Agent Zero leiða björgunarleiðangur í Venesúela þegar vinir þeirra eru teknir í gíslingu.

Mason er einrænn maður sem býr á afskekktum stað við sjóinn. Þegar hann ákveður að bjarga ungri stúlku frá drukknun í hræðilegum stormi hleypir hann óafvitandi af stað atburðarás sem leiðir fljótlega til ofbeldis og neyðir hann til að horfast í augu við ákvarðanir úr fortíðinni.

Sophie hlakkar til sumarsins hjá ömmu sinni, Clöru, á meðan bróðir hennar, Leo, er ekki jafn spenntur. Clara er nefnilega mikil ævintýramanneskja. Í helli einum uppgötva þau þrjú fjögur risastór egg sem reynast vera alvöru risaeðluegg. Brátt klekjast út þrjár risaeðlur. Og þær geta talað! Það líður ekki á löngu þar til vafasamir einstaklingar seilast í risaeðlurnar. Og svo er það líka leyndarmálið um Herrmann, eiginmann Clöru, sem er horfinn.

Í Þýskalandi eftir Seinni heimsstyrjöldina þarf bandarískur geðlæknir að meta hvort nasistafangar séu hæfir til að fara fyrir rétt vegna stríðsglæpa. Hann lendir í flókinni glímu, vitsmuna- og siðferðislegri, við Hermann Göring, hægri hönd Hitlers.

Hin unga Gerda heldur af stað út í óvissuna í leit að Kai vini sínum sem hvarf á dularfullan hátt. Myndin er byggð á ævintýri H.C. Andersen um Snædrottninguna.

Maya og hin ókunnugu horfa fram á ógnvænlega stöðu og það stefnir í óumflýjanlegan og miskunnarlausan árekstur – uppgjör sem sannar að þau eru langt frá því að vera ókunnug núna.

Í New York á sjötta áratugnum fer borðtennisspilarinn Marty Mauser, ungur maður með draum sem enginn tekur mark á, í gegnum súrt og sætt í leit að frægð og frama.