Vinsælast í bíó - 12. til 14. maí 2025

Hópur ólíkra andhetja sem enga virðingu ber fyrir neinu, með hinn þunglynda leigumorðingja Yelena Belova fremsta í flokki, þurfa að koma bandarískum almenningi til hjálpar þegar ljóst er að Avengers flokknum er ekki til að dreifa.

Velkomin í Minecraft heiminn þar sem sköpunargáfan hjálpar þér ekki aðeins að skapa, heldur er þér lífsnauðsynleg! Fjórar ólíkar persónur, Garrett "The Garbage Man" Garrison, Henry, Natalie og Dawn dragast skyndilega inn um dularfull hlið inn í Overworld: undarlegt kubba-ævintýraland sem lifir á ímyndunarafli. Til að ná að komast aftur heim þá þurfa þau að læra á þennan heim og vernda hann gegn illum öflum eins og Piglins og Uppvakningum. Einnig þurfa þau að fara í töfraferð með nýjum smiði, Steve. Saman mun ævintýrið reynast mikil áskorun fyrir hina skapandi eiginleika hvers og eins - sömu eiginleika og þau nota í raunheimum.

Tvíburabræður í leit að betra lífi snúa aftur í gamla heimabæinn. Þar býður þeirra meiri illska en þeir hafa áður kynnst.

Þegar fyrrum yfirmaður Marybeth Medina er drepinn af óþekktum leigumorðingjum neyðist hún til að leita hjálpar hjá Christian Wolff. Með hjálp bróður síns, hins stórhættulega Brax, hefst hinn bráðsnjalli Wolff handa við að leysa málið og notar til þess vafasamar aðferðir að vanda.

Villa hefur alltaf dreymt um að verða ofurhetja og berjast við glæpi við hlið föður síns. Þessi draumur verður að engu þegar litli bróðir Villa, Kalli, fæðist. Kalli fær alla athyglina og að auki hefur hann ofurkrafta. Þegar ofur- illmenni og illur vísindamaður stefna á að taka yfir borgina, verða Villi og Kalli að leggja ágreining sinn til hliðar og vinna saman sem teymi. Geta ungabarn og öfundsjúkur bróðir hans bjargað borginni?

Kardinálinn Lawrence fær það verkefni að stjórna einum elsta og leyndasta viðburði í heimi, vali á nýjum Páfa. Þegar valdamestu leiðtogar kaþólsku kirkjunnar hafa safnast saman alls staðar að úr heiminum og lokað sig af í Vatikaninu lendir Lawrence í miðju samsæris sem á eftir að hrista upp í stoðum kirkjunnar.

Ty, afvegaleiddur, einstakur hönnunarstrigaskór, veit ekki hvernig lífið er utan skókassans. Þegar safnari stelur systur hans, þarf Ty að fara til New York til að reyna að bjarga henni. Á leið sinni hittir hann allskonar annað skótau, af öllum stigum samfélagsins, sem kemur honum til hjálpar.

Ári eftir að systir hennar Melanie, hvarf á dularfullan hátt, leita Clover og vinir hennar að svörum í afskekktum dalnum þar sem hún hvarf. Þegar þau koma í yfirgefinn skála lenda þau í grímuklæddum morðingja sem myrðir þau hvert á eftir öðru ... en svo byrjar allt upp á nýtt og þau eru föst í tímalykkju og þurfa að þrauka til morguns.

Kyrah og Isaac voru eitt sinn leiðtogar alþjóðlegu sérsveitarinnar Shadow Force en urðu ástfangin þvert á reglur. Þau fara í felur til að vernda son sinn fyrir öðrum meðlimum Shadow Force sem eru á hælum þeirra og vilja drepa þau.

Leikarinn upprennandi, Edward, gengst undir róttækar læknisaðgerðir til að breyta útliti sínu. En nýja draumaandlitið breytist fljótt í martröð, og hann missir af hlutverkum sem hann var fæddur til að leika. Hann verður gagntekinn af því að enduheimta það sem hann missti.

Í þessari hjartnæmu heimildamynd fylgjumst með Filip og Frank sem þekktir eru úr sænsku sjónvarpi, þar sem þeir fara í síðustu ferðina með föður Filips.

Prinsessa og sjö dvergar reyna að frelsa konungsríki prinsessunnar úr höndum illrar stjúpu hennar, Vondu drottningarinnar.

Kisi er einmana dýr og eftir mikið flóð finnur hann skjól á báti þar sem allskonar dýr búa. Nú upphefst ævintýraferð þar sem samvinna dýranna skiptir öllu máli.

Bráðsnjall en einrænn dulmálssérfræðingur hjá leyniþjónustu Bandaríkjanna, CIA, tekur málin í eigin hendur þegar yfirmenn hans halda að sér höndum, eftir að eiginkona hans lætur lífið í hryðjuverkaárás í Lundúnum.

Við erum stödd í Mexíkóborg á sjötta áratugnum þar sem við fylgjumst með amerískum innflytjanda á fimmtugsaldri sem lifir einangruðu lífi í fámenni. Þegar ungur námsmaður birtist á svæðinu, vaknar löngun mannsins til að mynda loks djúpstæða tengingu við einhvern.

Heimsins þyngsta - og skrítnasta - dauðarokksband, Impaled Rektum, afplánar dóm í notalegasta fangelsi Noregs. Þeir heyra að hreindýrabú foreldra gítaristans Lotvonen verði boðið upp vegna veikinda föður hans og þeir vilja halda tónleika til að bjarga búinu. Þeir komast út úr fangelsinu og halda af stað á stærstu þungarokkshátíð heimsins, Wacken í Þýskalandi.

Daglegt líf hjúkrunarfræðingsins Prabha, sem býr í Mumbai á Indlandi, fer úr skorðum þegar hún fær óvænta gjöf frá fyrrum eiginmanni sínum. Yngri herbergisfélagi hennar, Anu, reynir að finna stað í borginni þar sem hún getur verið ein með kærastanum. Ferð í strandbæ gerir þeim kleift að finna næði fyrir þrár sínar og drauma.

Payne fjölskyldan vill breyta til og byrja upp á nýtt, eftir að hafa lent í áfalli. Hún ákveður því að kaupa 100 ára gamalt hús í úthverfinu. En hús, rétt eins og fólk, geta veikst. Smátt og smátt fer fjölskyldan að verða vör við einhvern óhugnað sem flýtur á milli ganga og herbergja og fylgist með hverju skrefi íbúa. Óvætturinn er ekki ánægður með þessa innrás í húsið enda er þetta hans hús. En hvernig mun fjölskyldunni ganga að losna við þennan illa anda?

Við fylgjumst með Elvíru í baráttu við töfrandi stjúpsystur sína í ævintýraheimi þar sem fegurð ræður ríkjum. Hún grípur til öfgakenndra aðferða til að heilla prinsinn, mitt í miskunnarlausri samkeppni um líkamlega fullkomnun.

Við fylgjumst með fjölskyldu rannsóknardómara þar sem byssan hans hverfur óvænt á sama tíma og heljarinnar mótmæli brjótast út í Teheran höfuðborg Írans. Innan áður samheldinnar fjölskyldu hans myndast eitrað andrúmsloft…