Vinsælast í USA - 18. til 20. sep. 2017

Söguþráður Þegar sjö vinir í bænum Derry í Maine-ríki Bandaríkjanna komast á snoðir um að í holræsum bæjarins er á kreiki óvættur sem ber að öllum líkindum ábyrgð á hvarfi margra ungmenna í gegnum árin ákveða þau að rannsaka málið á eigin ábyrgð.

Söguþráður Eftir að unnusta Mitch Rapp er myrt í hryðjuverkaárás ákveður hann að helga líf sitt baráttunni gegn hryðjuverkamönnum og gengur til liðs við bandarísku leyniþjónustuna. Þar nýtur hann leiðsagnar Stans Hurley sem er þaulvanur í baráttunni og áður en langt um líður er komið að fyrsta verkefninu: Að stöðva dularfullan hryðjuverkamann sem kallast „Draugurinn“ og er að reyna að koma þriðju heimsstyrjöldinni í gang.

Söguþráður Parið Eli og Grace lifa rólegu og friðsömu lífi á gömlu sveitabýli sem gert hefur verið upp og Grace hefur varið miklum tíma í að mála og snyrta að innan. Skyndilega er friðurinn rofinn þegar tvær ókunnugar manneskjur, karl og kona banka upp á og svo fer að Eli ákveður að leyfa þeim að gista, þvert á vilja Grace. Upp frá því fer dularfull atburðarás í gang.

Söguþráður Eftir að hafa gengið í gegnum skilnað flytur Alice Kinney ásamt dætrum sínum aftur á æskuslóðirnar í Los Angeles, endurnýjar kynnin við gamla vinahópinn og hefur nýtt líf. Málin taka svo óvænta stefnu þegar hún ákveður að skjóta skjólshúsi yfir þrjá unga og blanka kvikmyndagerðarmenn og hefur auk þess ástarsamband við einn þeirra – og enn óvæntari þegar fyrrverandi eiginmaður hennar, Austen, dúkkar upp, sér eftir öllu saman og vill bjarga hjónabandinu.

Söguþráður Hér segir frá topp-lífverðinum Michael Bryce sem enginn á nokkurt roð í þegar slagsmál eru annars vegar. Dag einn fær hann það nýja verkefni að halda hlífiskildi yfir vitni, Dariusi Kincaid, sem samþykkt hefur að vitna gegn fyrrverandi vinnuveitanda sínum, rússneska glæpakónginum Vladislav Dukhovich, sem á móti skipar sínum mönnum að koma Dariusi fyrir kattarnef með hvaða ráði sem er og hvað sem það kann að kosta. Þegar Michael kemst að því að vitnið er Darius renna hins vegar á hann tvær grímur því þeir tveir hafa margoft tekist á og honum líst ekkert á að eiga að vernda líf mannsins sem í gegnum árin hefur margoft reynt að drepa hann. En skyldan kallar og á næsta sólarhring fá þeir báðir um nóg annað að hugsa en gamlar væringar því útsendarar Vladislavs eru mættir til að kála Dariusi og þeir eru bæði þrjóskir og vel vopnum búnir ...

Söguþráður Nokkrum árum eftir að dóttir brúðugerðarmannsins Samuels og eiginkonu hans dó í skelfilegu bílslysi ákveða þau hjón að breyta húsi sínu í heimili fyrir munaðarlausar stúlkur. Allt gengur vel til að byrja með, eða allt þar til stúlkurnar og gæslufólk þeirra uppgötva að það er eitthvað illt á kreiki í húsinu. Annabelle: Creation er eins og heitið ber með sér upprunasaga dúkkunnar Önnubellu og því forsaga myndarinnar Annabelle frá árinu 2014, sem aftur var ákveðin forsaga að atburðunum í Conjuring- myndunum.

Söguþráður Alríkislögreglumaður fær aðstoð frá gamalreyndum rannsakanda í bænum, til að rannsaka morð sem gerðist á friðarsvæði indjána.

Söguþráður Árið er 1879 og ung, munaðarlaus stúlka hefur þann eina draum að fá að dansa. Hún leggur á ráðin ásamt vini sínum, Viktori, sem ætlar sér að verða uppfinningamaður, um að strjúka frá munaðarleysingjahælinu í Brittany og ferðast til borgar ljóssins, Parísar, þar sem Eiffelturninn er í smíðum. Félicie þarf að leggja sig alla fram til þess að láta drauma sína rætast og verða ballerína hjá Óperuhúsinu í París.

Söguþráður Peter Parker nýtur lífsins með hina nýfundnu hæfileika sína sem gera hann að köngulóarmanninum. En alvaran er skammt undan og spurningin er hvort Peter hafi í raun það sem þarf til að takast á við hættulegustu glæpamenn New York-borgar.

Söguþráður Hér segir frá einhverju magnaðasta björgunarafreki sögunnar þegar Bretum og bandamönnum þeirra tókst, þvert á allar aðstæður, að bjarga um 340 þúsund hermönnum úr nánast vonlausri sjálfheldu í Dunkirk og yfir Ermarsundið þrátt fyrir stanslausar árásir þýskra orrustuflugmanna sem einnig fengu skipanir um að sökkva öllum bátum og skipum sem freistuðu þess að bjarga mönnunum. Seinna hlaut þessi atburður viðurnefnið „kraftaverkið í Dunkirk“.

Söguþráður Bræðrunum Jimmy, Mellie og Clyde Logan finnst örlögin leika fjölskyldu þeirra grátt. Til að leiðrétta stöðuna skipuleggja þeir meiriháttar rán á NASCAR kappakstri í Norður Karólínu í Bandaríkjunum.

Söguþráður Gene býr ásamt aragrúa broskarla og alls kyns öðrum táknum í borg emoji-táknanna sem er falin á milli appanna í símanum. Táknin í borginni þrá að vera valin af eiganda símans og Gene er þar engin undantekning. Hann er svokallað „meh“-tákn og á að vera með tómlátan svip. Gene hefur þó litla sem enga stjórn á svipum sínum og hin táknin í borginni eru hrædd um að síminn verði straujaður komist eigandinn að þessu vandamáli. Gémmi Fimm og Töggur ganga til liðs við Gene og ferðast um símann þveran og endilangan í leit að kóðanum sem á að gera Gene að „eðlilegu“ emoji-tákni með einn fastan svip.

Söguþráður Þegar þeim Gru og Lucy er sparkað úr starfi eftir að þau klúðra mikilvægu verkefni og skósveinarnir ákveða að yfirgefa Gru vegna skorts hans á glæpsamlegu innræti ákveða þau Lucy að gera gott úr öllu og einbeita sér að heimilislífinu og uppeldi fósturdætranna. En þá uppgötvar Gru að hann á tvíburabróður.

Söguþráður The Dark Tower er viðamikið ævintýri um leit síðasta „byssumannsins“ Rolands Deschain að „Myrka turninum“ en það hugtak lýsir bæði raunverulegum turni og er jafnframt myndlíking, en turninn er ekki bara bygging heldur einnig hjartað og miðjan í þeirri veröld (eða veröldum) sem sagan gerist í. Falli þessi turn, falla allar veraldir að okkar veröld meðtalinni, og það er einmitt það sem byssumaðurinn vill koma í veg fyrir. Til þess þarf hann að tortíma „manninum í svörtu“ sem leitar einnig Myrka turnsins til að eyðileggja hann svo hið illa (eða dauðinn) öðlist öll völd til eilífðar.

Söguþráður Þegar fjórar góðar vinkonur fara saman til New Orleans á hina árlegu Essence hátíð, þá uppgötva þær margt um sjálfar sig og vinskapinn.

Söguþráður Myndin fjallar um íkornann Surly, sem safnar saman hópi dýra til að bjarga heimili þeirra, sem hinn illi borgarstjóri vill rífa niður.

Söguþráður Þegar hópur flóttamanna frá Búrma kemur í klaustur, þá reynir prestur að aðstoða þá við að yrkja jörðina.

Söguþráður Jeannette Walls fæddist árið 1960 og ólst upp ásamt þremur systkinum í mikilli fátækt, óreiðu og afskiptaleysi. Faðir þeirra var drykkfelldur skýjaglópur sem hélst hvergi í vinnu og móðirin sagðist vera listakona þótt hún skapaði aldrei neitt af viti og virtist reyndar hvorki vita í þennan heim né annan löngum stundum. Fjölskyldan festi hvergi rætur, var stöðugt að flytja (flýja) og hvorki Jeannette né systkini hennar gengu í skóla á uppvaxtarárunum. Svo fór líka að þau lærðu fljótt að standa á eigin fótum og flúðu öll foreldra sína um leið og þau gátu, en foreldrana dagaði síðan uppi sem hústökufólk í New York.

Söguþráður Uppistandarinn Kumail er Bandaríkjamaður af pakistönskum ættum og hefur um langt skeið þurft að hafna aragrúa kvonfanga sem foreldrar hans hafa fundið handa honum. En um leið og hann vill ráða ástalífi sínu algjörlega sjálfur vill hann hins vegar ekki styggja trúaða foreldrana og frændgarðinn ef þess er nokkur kostur. Þegar hann hittir Emily reynir á þetta en bæði þau Kumail, Emily og fjölskyldur þeirra þurfa að takast á við rótgróna fordóma og alls kyns vandamál sem skora þau bæði siðferðis- og menningarlega á hólm.

Söguþráður Í War for the Planet of the Apes, þriðja kaflanum í hinni vinsælu Apaplánetu seríu, þá neyðast Caesar og aparnir til að fara í blóðugt stríð við her manna, undir stjórn hins miskunnarlausa Colonel. Þegar aparnir verða fyrir gríðarlegu “mann”falli, þá á Caesar í innri glímu við myrka hlið eðlis síns og byrjar að leita að leið til að hefna þeirra sem féllu. Að lokum liggja leiðir þeirra Caesar og Colonel saman, og úr verður sögulegur bardagi sem mun ákvarða örlög kynþáttanna og framtíð plánetunnar.