Nýtt á DVD

DramaSöguleg
Leikstjórn Martin Scorsese
Söguþráður Árið er 1639 og tveir portúgalskir prestar ákveða að ferðast alla leið til Japans til að kanna sannleiksgildi þess orðróms að fyrrverandi lærimeistari þeirra, jesúítapresturinn Cristóvão Ferreira, hafi gengið af trúnni og afneitað kristindóminum. ÍJapan á þessum tíma standa yfir trúarofsóknir gegn kristnu fólki og fjöldi þeirra var líflátinn, en það reyndi að sjálfsögðu mikið á trú þeirra sem eftir lifðu.
Útgefin: 20. apríl 2017
Gamanmynd
Leikstjórn John Hamburg
Söguþráður Ned er ástríkur faðir en ofverndar dóttur sína og fjölskyldu. Þau fara í heimsókn til dóttur sinnar í Stanford yfir jólin, og þar hittir hann fyrir sína mestu martröð: hinn viðkunnalega en félagslega klaufalega Silicon Valley milljarðamæring og kærasta dóttur sinnar, Laird. Hinn stífi Ned telur að Laird, sem er mjög blátt áfram og opinn, sé algjörlega kolrangur maður fyrir dóttur sína. Átökin á milli þeirra stigmagnast þar til að pabbinn kemst að því að Laird er um það bil að fara að biðja um hönd dóttur hans.
Útgefin: 19. apríl 2017
DramaSpennutryllirSöguleg
Leikstjórn Peter Berg
Söguþráður Þann 15. apríl 2013 sprungu tvær sprengjur með tólf sekúndna millibili við endalínu maraþonhlaupsins í Boylston-stræti í Boston með þeim afleiðingum að þrír áhorfendur létu lífið og um 264 slösuðust, margir mjög alvarlega. Bíómyndin Patriots Day er um það sem gerðist næst – og næstu daga á eftir. Sprengjutilræðið í Boylston-stræti leiddi af sér viðamestu aðgerð í sögu lögreglunnar í Boston enda kom ekkert annað til greina en að hafa sem allra fyrst uppi á þeim sem ábyrgð báru á voðaverkinu því á meðan þeir fengju enn um frjálst höfuð strokið gat enginn í borginni verið öruggur um líf sitt og ástvina sinna ...
Útgefin: 13. apríl 2017
Barnamynd
Söguþráður Krökkum á öllum aldri er hér boðið með í tónleikaferð um víða veröld með þeim Kötu, Kylie og Kim sem saman nefna sig K3. Þær eru æskuvinkonur sem fyrir utan sönginn og að koma fram á tónleikum slá aldrei hendinni á móti öðrum ævintýrum sem þeim býðst að taka þátt í á ferðum sínum, hvort sem þau snúast um að góma fingralanga, berjast við skrímsli eða hjálpa þeim sem minna mega sín í veröldinni.
Útgefin: 6. apríl 2017
Ævintýramynd
Leikstjórn Tim Burton
Söguþráður Þegar Jakob var lítill drengur hafði afi hans sagt honum sögur af barnaheimili þar sem munaðarlaus börn voru ekki bara undarleg og öðruvísi heldur bjuggu einnig yfir óvenjulegum hæfileikum. Nú þegar Jakob er orðinn sextán ára ákveður hann að athuga hvort eitthvað hafi verið til í þessum sögum. Það sem hann uppgötvar á eftir að flækja hans eigið líf verulega.
Útgefin: 30. mars 2017
Teiknimynd
Söguþráður Sagan er um hina sex ára gömlu en munaðarlausu Heiðu sem flytur upp í Alpana til afa síns, en hann er sérvitur einsetumaður, hvumpinn og önugur við flesta sem hann hittir. En koma Heiðu á fljótlega eftir að gjörbreyta viðhorfum hans til lífsins enda getur enginn verið í vondu skapi lengi sem hefur þessa lífsglöðu, skemmtilegu og snjöllu stúlku sér við hlið.
Útgefin: 30. mars 2017
BarnamyndTeiknimynd
Söguþráður Ástralskir teiknimyndaþættir um hinn hugrakka Tashi sem býr í sannkölluðu ævintýralandi þar sem furðuverur eru á hverju strái og allt getur gerst. Þættirnir eru um tólf mínútur að lengd hver og segja frá þeim ótrúlegu ævintýrum sem þeir frændur lenda í, en í þeim þurfa þeir oft að leysa vandasamar þrautir til að sleppa heilir á húfi frá furðulegustu aðstæðum og enn furðulegri verum ...
Útgefin: 24. mars 2017
DramaSpennutryllirVísindaskáldskapurRáðgáta
Leikstjórn Denis Villeneuve
Söguþráður Þegar tólf geimskip koma óvænt til jarðar er málvísindakonunni Louise Banks ásamt vísindamönnum á öðrum sviðum falið að ná sambandi við geimverurnar í von um að komast að ástæðunni fyrir heimsókn þeirra. Það sem Louise og kollegar hennar uppgötva með rannsóknum sínum er langt fyrir utan allt það sem nokkur hefði getað ímyndað sér.
Útgefin: 23. mars 2017
TónlistarmyndHeimildarmynd
Leikstjórn Shane Meadows
Söguþráður Árið 2011, eftir meira en 15 ára hlé, koma upprunalegir meðlimir hinnar goðsagnakenndu bresku hljómsveitar The Stone Roses, þeir Ian Brown, John Squire, Alan "Reni" Wren og Gary "Mani" Mounfield, saman til að spila á tónleikum. Í myndinni er fylgst með endurfundum þeirra, æfingum og tónleikunum sjálfum.
Útgefin: 3. mars 2017
DramaSpennutryllir
Leikstjórn Farren Blackburn
Söguþráður Mary Portman er barnasálfræðingur sem býr afskekkt uppi í sveit í Englandi þar sem hún hugsar um son sinn, en hann er svo gott sem í dauðadái eftir að hafa lent í bílslysi þar sem faðir hans – eiginmaður Mary – lést. Dag einn ákveður Mary að taka inn á heimilið ungan ráðvilltan dreng og sinna honum þar en það reynist upphafið að ófyrirsjáanlegri atburðarás.
Útgefin: 23. febrúar 2017
HrollvekjaSpennutryllir
Söguþráður Þegar ung, efnileg og upprennandi sextán ára fyrirsæta kemur til Los Angeles í leit að frama lendir hún fljótlega í hringiðu atburða þar sem viðmiðið og verðmætin eru útlitið og allir vilja fá það sem hún hefur, æsku og æskublómann.
Útgefin: 23. febrúar 2017
SpennumyndVísindaskáldskapurÆvintýramynd
Leikstjórn Stewart Hendler
Söguþráður Hinn ungi Max McGrath verður mest hissa sjálfur þegar hann kemst að því að hann býr yfir dularfullri orku í líkama sínum sem aðrir hafa ekki. Enn meiri verður undrun hans þegar hann hittir fljúgandi vélmennið Steel og áttar sig á að saman geta þeir tveir myndað hinn ósigrandi orkubolta Max Steel.
Útgefin: 16. febrúar 2017
RómantískDramaStríðsmyndSögulegÆviágrip
Leikstjórn Mel Gibson
Söguþráður Hermaðurinn og læknaneminn Desmond T. Doss er talinn hafa bjargað a.m.k. sjötíu og fimm mannslífum í hinni grimmilegu orrustu við Japani sem kennd er við eyjuna Okinawa. Þetta gerði hann þrátt fyrir að vera vopnlaus og án þess að skjóta einni einustu kúlu. Doss gekk í herinn beinlínis til að bjarga mannslífum og neitaði að bera vopn af trúarástæðum. Sumir félagar hans á meðal hermannanna töldu þetta gunguskap í Desmond en annað átti eftir að koma á daginn ...
Útgefin: 9. febrúar 2017
SpennutryllirRáðgáta
Leikstjórn Tate Taylor
Söguþráður Hin fráskilda Rachel Watson tekur lestina á hverjum degi til New York og fer framhjá gamla húsinu sínu á leiðinni. Húsinu sem hún bjó í með eiginmanni sínum, sem býr þar enn, með nýrri eiginkonu og barni. Hún reynir að hugsa ekki of mikið um vanlíðan sína, og byrjar að fylgjast með pari sem býr nokkru neðar - Megan og Scott Hipwell. Hún skapar draumalíf fyrir þau í eigin höfði, um hvað þau er ótrúlega hamingjusöm fjölskylda. Og dag einn, þegar lestin fer framhjá, þá sér hún eitthvað sem slær hana, og hún reiðist. Næsta dag þá vaknar hún með rosalega timburmenn, allskonar meiðsli og marbletti, og man ekkert frá kvöldinu áður. Hún veit bara eitt - eitthvað slæmt gerðist. Þá sér hún sjónvarpsfréttirnar: Megan Hipwell er týnd. Rachel blandast inn í málið og reynir að finna út úr hvað gerðist, hvar hún er, og hvað hún sjálf var að gera þetta kvöld.
Útgefin: 19. janúar 2017
BarnamyndTeiknimyndSjónvarpssería
Söguþráður Heiða er eins og flestir vita um hina sex ára gömlu en munaðarlausu Heiðu sem flytur upp í Alpana til afa síns, en hann er sérvitur einsetumaður, hvumpinn og önugur við flesta sem hann hittir. En koma Heiðu á fljótlega eftir að gjörbreyta viðhorfum hans til lífsins enda getur enginn verið í vondu skapi lengi sem hefur þessa lífsglöðu, skemmtilegu og snjöllu stúlku sér við hlið.
Útgefin: 12. janúar 2017
GamanmyndDramaSpennutryllir
Leikstjórn Todd Phillips
Söguþráður War Dogs er byggð á sannri sögu þeirra Davids Packouz og Efraims Diveroli sem árið 2007 lönduðu 300 milljón dollara vopnasölusamningi við bandaríska varnarmálaráðuneytið þrátt fyrir að vera aðeins rúmlega tvítugir að aldri.
Útgefin: 15. desember 2016
GamanmyndRómantísk
Leikstjórn Sharon Maguire
Söguþráður Sagan um hina skemmtilegu en seinheppnu Bridget Jones heldur hér áfram, en hún er nú komin á fimmtugsaldurinn og er á milli manna ef svo má segja því sambandið við Mark Darcy hefur verið losaralegt um leið og hún hefur kynnst nýjum manni, hinum heillandi draumaprinsi Jack Qwant. Eins og í fyrri myndunum um Bridget Jones er það húmorinn og rómantíkin sem ræður ríkjum í lífi og starfi Bridgetar þótt alvaran sé auðvitað aldrei langt undan. Þegar hún verður nú ófrísk af sínu fyrsta barni kemur í ljós að hún veit ekki hver er faðirinn ...
Útgefin: 15. desember 2016
HrollvekjaSpennutryllir
Leikstjórn Adam Wingard
Söguþráður Eftir að James Donahue uppgötvar nýjar vísbendingar um hvarf systur sinnar, Heather, í hinum drungalegu Svörtuhlíðarskógum í Marylandríki fyrir tuttugu árum ákveður hann að fá nokkra skólafélaga til að koma með sér inn í skóginn í könnunarleiðangur.
Útgefin: 15. desember 2016
TónlistarmyndHeimildarmynd
Leikstjórn Ron Howard
Söguþráður Heimildarmynd um Bítlanna og tónleikaferðir þeirra um heiminn á árunum 1963 til 1966 þegar vinsældir þeirra voru svo miklar að það lá við að tónleikagestir hreint og beint sturluðust af hrifningu og spennu. Myndin inniheldur nánast eingöngu efni sem hefur aldrei komið fyrir sjónir almennings og varpar enn einu ljósinu á þessa merku sveit!
Útgefin: 15. desember 2016
GamanmyndFjölskyldumyndTónlistarmyndTeiknimynd
Leikstjórn Janice Karman
Söguþráður Hér segir frá hinum ókvænta Davíð sem tekið hefur að sér að ala upp sex íkornakrakka, þrjá stráka og þrjár stelpur. Það gengur því að sjálfsögðu mikið á á heimilinu því íkornakrakkarnir eru hugmyndaríkir með eindæmum og óhræddir við að feta nýjar slóðir í hverju því sem þeir taka sér fyrir hendur. En stundum þrýtur Davíð þolinmæðina og þegar það gerist kallar hann yfir sig: „ALVINNN!!!“
Útgefin: 15. desember 2016