Á leigunum

Þegar hin átta ára gamla Heiða bjargar gaupufjölskyldu og heimili hennar frá gráðugum athafnamanni fær hún afa sinn til að gera hreint fyrir sínum dyrum gagnvart þorpssamfélaginu. Hún gerir sér þá grein fyrir því að litli, ástkæri gaupuunginn hennar á heima hjá fjölskyldu sinni úti í náttúrunni, rétt eins og hún á heima hjá afa sínum í fjöllunum.

Hér er sögð saga bresk-jemenska hnefaleikamannsins Prince Naseem Hamed sem bjó við fátækt í æsku í verkamannasamfélagi í Sheffield borg. Dag einn var hann uppgötvaður af Brendan Ingle, fyrrum stáliðnaðarmanni sem gerðist hnefaleikaþjálfari. Ólíklegt samstarf þeirra, óhefðbundinn stíll Naz, yfirlætisfullur persónuleiki og algjörir yfirburðir í hringnum komu þeim á toppinn í heimi hnefaleikanna og færðu þeim áður óþekkta heimsfrægð, en þeir þurftu einnig að glíma við hömlulausan íslamófóbíu og kynþáttafordóma sem ríktu í Bretlandi á níunda og tíunda áratugnum.

Kærustupar, sem hefur sitthvora trúna, er í þann mund að láta foreldra sína hittast í fyrsta sinn yfir Shabbat-kvöldverði þegar manndráp af gáleysi truflar allt.

Kvikmyndin kannar þjáningu og vegsemd núverandi og fyrrverandi meðlima hljómsveitarinnar King Crimson. Hún veitir áhorfendum nána og stundum óþægilega innsýn í reynslu tónlistarmannanna þar sem þeir takast á við lífið og dauðann af fullum þunga í kröfuhörðustu rokkhljómsveit heims.

Í kjölfar bankaráns afhjúpar Ulysses, sem gegnir embætti sýslumanns til bráðabirgða, glæpsamlegt samsæri í hjarta smábæjarsamfélagsins.

Þegar Sibylla greifynja stelur stafnlíkneski og rænir Pinky af skipi Skögultannar skipstjóra, ákveða Raven, skipstjórinn, dreki og kokkur að koma vini sínum til bjargar og stöðva samsæri Sibyllu gegn heimalandi sjóræningjanna.

Becket Redfellow, erfingi milljarða dala auðæfa, gerir allt sem hann getur til að fá það sem hann á skilið ... eða það sem honum finnst hann eiga skilið.

Scarlet er miðaldaprinsessa sem berst með sverði. Hún er í hættulegri ferð til að hefna dauða föður síns og er söguhetjan í þessu magnaða, tímaflakksævintýri. Eftir að hafa mistekist í leiðangri sínum og slasast lífshættulega í súrrealískum heimi hittir hún fyrir hugsjónaríkan ungan mann úr nútímanum sem hjálpar henni ekki aðeins að ná heilsu heldur sýnir henni einnig möguleikann á framtíð lausri við biturð og reiði. Þegar hún stendur aftur frammi fyrir morðingja föður síns þarf Scarlet að heyja sína erfiðustu baráttu: Getur hún rofið vítahring hatursins og fundið tilgang í lífinu sem er meiri en hefnd?

Útbrunninn leyniskytta er föst í þakíbúð úr gleri, þar sem lífshættulegur keppinautur situr um hana. Hún verður að finna leið til að lifa af og flýja, með nánast ekkert sem skýlir henni fyrir morðingjanum.

Myndin fjallar um vinahóp sem svindlar sér inn í dularfullt verkefni þar sem þeir þurfa að ná í demant á Suðurskautið í gamla sovéska námu. Í fyrstu virðist verkefnið vera einfalt en fljótlega kemur í ljós að það er meira sem býr undir ísnum en einungis demanturinn.

Bart Millard, aðalsöngvari hljómsveitarinnar MercyMe, stendur frammi fyrir persónulegri krísu á hátindi velgengni sinnar. Þegar heimur hans hrynur glímir hann við trú sína og innri djöfla á meðan hann leitar að leið í gegnum mótlætið.

Þegar stökkbreyttur og bráðsmitandi sveppur sleppur úr lokaðri aðstöðu verða tveir ungir starfsmenn – ásamt úrræðagóðum sérsveitarmanni – að lifa af villtustu næturvakt allra tíma til að bjarga mannkyninu frá útrýmingu.

Maður sem hefur milligöngu um arðbærar mútugreiðslur milli spilltra fyrirtækja og einstaklinga sem ógna þeim brýtur sínar eigin reglur þegar nýr viðskiptavinur leitar verndar hans til að halda lífi.

Will, lítill geithafur með stóra drauma, fær einstakt tækifæri til að ganga til liðs við atvinnumennina og spila körfubolta með hröðustu og grimmustu dýrum í heimi. Nýju liðsfélagar Will eru ekki hrifnir af því að hafa lítinn geithafur í liðinu, en Will er ákveðinn í að bylta íþróttinni og sanna að margur er knár þótt hann sé smár.

Franklin Shepard er hæfileikaríkt Broadway-tónskáld sem yfirgefur leikhúsferil sinn og alla vini sína í New York til að framleiða kvikmyndir í Los Angeles. Sagan hefst þegar hann stendur á hátindi frægðar sinnar í Hollywood og færist aftur á bak í tíma og sýnir svipmyndir af mikilvægustu augnablikum í lífi Franks sem mótuðu manninn sem hann er í dag. Um er að ræða upptöku af af enduruppfærslu á söngleik Stephens Sondheim og George Furth sem hlaut Tony-verðlaunin árið 2024, í Hudson-leikhúsinu í New York-borg.

Efnilegur rithöfundur sem finnst eitthvað vanta í líf sitt fær aðsetur í Jane Austen-rithöfundaríbúð og lendir í rómans sem gæti allt eins verið ættaður úr Jane Austen sögu.

Hér er glæstum ferli fótboltamannsins Kenny Dalglish hjá tveimur sigursælustu félögum Bretlands, Liverpool FC og Celtic, gerð skil. Myndin sýnir hvernig hann varð einn af bestu leikmönnum Evrópu og táknmynd í borginni Liverpool, jafn mikið fyrir það sem hann gerði utan vallar og innan.

Árið 1977 kom fyrrverandi fasteignasali, Tony Kiritsis, inn á skrifstofu Richard Hall, forstjóra fjármálafyrirtækisins Meridian Mortgage Company, með afsagaða haglabyssu sem hann tengdi sprengibúnað við, og krafðist 5 milljóna dala í bætur og persónulegrar afsökunarbeiðni vegna óréttlætis sem hann taldi sig hafa verið beittan.

Eftir að hafa snúið aftur úr sinni fyrstu geimferð er geimfarinn Sam Walker sett í umsjón NASA í öryggishúsi vegna endurhæfingar og læknisrannsókna. Hins vegar, þegar óhugnanlegir atburðir fara að eiga sér stað allt í kring, óttast hún að eitthvað utan úr geimnum hafi elt hana aftur til jarðar.

Þessi dásamlega saga gerðist á tímum hugdjarfra riddara, fagurra prinsessa og stríðandi galdramanna. Ruslan, farandlistamaður sem dreymdi um að verða riddari, kynntist hinni fögru Milu og varð ástfanginn af henni; hann grunaði ekki einu sinni að hún væri dóttir konungsins. Hamingja elskendanna átti þó ekki að vara lengi. Chernomor, hinn illi galdramaður, birtist í töfrahvirfilbyl og rændi Milu beint fyrir augum Ruslans til að breyta krafti ástar hennar í sinn eigin galdramátt. Án frekari tafa eltir Ruslan stolnu prinsessuna til að yfirstíga allar hindranir og sanna að sönn ást er sterkari en galdur.