Lucky Number Slevin (2006)

Þetta er nú bara frábær hasarmynd. Handritið er snilld og gaman að sjá hversu allt passar einmitt saman.
Josh Hartnett (Pearl Harbor, 30 Days of Night) leikur Slevin Kelevra og er mjög góður sem þessi hressi karakter. Bruce Willis (Die Hard, Sin City) leikur Goodkat sem er nú eins og flestir karakterar Willis, kúl ,hard core gaurar. Morgan Freeman (Seven, The Bucket List) leikur Stjórann og Sir Ben Kingsley (Gandhi , War, Inc.) leikur Rabbínann. Þeir eru óvinir og ráða báðir Sleven til að vinna sérstök verk. Þeir eru báðir mjög góðir, Morgan Freeman er líka alltaf góður.
Lucy Liu (Charlie's Angels, Kung Fu Panda) er nú eina konan í myndinni (nema kannski fyrir utan fyrrverandi Slevens sem kom í 30 sek.). Hún er góð sem bara venjuleg kona, ekki svona kung fu bardagakappi.

Quote

Sloe: Hey, look! Tell it to the one-legged man, so he can bump it off down the road.

Lucky Number Slevin er nett skemmtileg og að mörgu leyti óvenjuleg glæpamynd. Hún er svona bræðingur af alvarlegum þriller og léttri, kómískri glæpamynd. Handritið er höggþétt og stútfullt af skrautlegum uppákomum. Samtöl myndarinnar eru hnyttin og flétturnar góðar. Leikaraúrvalið er heldur ekkert til að setja út á, hvað þá þegar maður hefur nöfn á borð við Morgan Freeman, Sir Ben Kingsley, Bruce Willis eða jafnvel Stanley Tucci. Síðan, þarna á milli, höfum við fyrrum sjarmerinn Josh Hartnett. Satt að segja hef ég aldrei séð Hartnett standa sig eins vel og í þessari mynd og kemur hann sér mjög vel fyrir innan um eldri módelin. Bruce Willis stendur annars sjálfur upp úr, enda óneitanlega svalur í hlutverki leigumorðingjans Goodkat, sem er án efa eftirminnilegasti karakter myndarinnar (er það bara ég eða minnir hann á hálfgerða blöndu af John McClane og Hartigan úr Sin City?). Paul McGuigan (sem seinast gerði hina vanmetnu Wicker Park) gerir líka margt skemmtilegt og frumlegt með leikstjórnina, og það sést strax að hann er lítið fyrir að afrita stílbrögð frá mönnum eins og Tarantino eða Guy Richie. Það eru einkenni í Lucky Number Slevin sem að minna gjarnan á eitthvað úr myndum þeirra beggja, en til að rétta því við fer þessi einnig aðrar leiðir. Athyglisverðast er að sjá skiptinguna á hvar myndin fer úr alvarleikanum yfir í léttari gírinn, og það kemur jafnvel mér á óvart að sjá hvað handritið jafnar þetta vel út og virkar atburðarásin aldrei neitt ójöfn. Stíll myndarinnar er ógurlega ferskur; hann skiptist á milli þess að vera skuggalegur og litríkur í senn (takið t.d. eftir hvernig leikstjórinn velur veggfóðrið í ýmsum senum), og kemur það tvímælalaust vel út. Mér finnst hálf leiðinlegt að sjá hvað Slevin hefur fengið litla athygli (og misjafna dóma). Myndin er virkilega solid og kemur líka með góðan húmor sem vefst utan um spennandi og áhrifaríka glæpasögu. Hún er kannski pínu góð með sig, en ég lít meira á það sem part af þessum skrítna stíl hennar. Sumum finnst hún líka "svindla" aðeins of mikið með lokafléttunni, en ég gæti ekki verið meira ósammála því.Allt í allt mjög góður pakki að mínu mati, og ég sé alls ekki eftir því að hafa eignað mér ræmuna.8/10

Mér var sagt að taka þessa mynd því að hún er sögð allveg frábær. Ég tók mér hana á dvd og hlakkaði til. Ég varð fyrir smá vonbrigðum því að ég bjóst við meira. Myndin er mjög róleg en sammt er handritið mjög gott og flest allir leikarar standa sig vél,Morgan freman og Brus vilis eru flottastir. Smá hasar, gott handrit og góðir leikarar gera þessa mynd að góðri skemmtun. FÍN MYND.