Aliens (1986)

Alveg ótrulegt hvað James cameron tókst að gera hérna alveg ótrulega góð mynd sem á skilið að fá titillin besta framhaldsmynd ever.

Leiktjöldinn og tæknibrellurnar standast tímans tönn og mæli eg eindreigið með þessari mynd.

Þótt hún nái ekki alveg nr.1 er þessi mynd sem fjallar um hóp af sérsveita mönnum um Ellen Ripley sem fer á heimaplánetu geimverunar til þess að kanna sambandsleysi við íbúana þar.

Eins og eg sagði þá get eg ekki hrósað þessari mynd nógu míkið fyrir að vera ein af bestum geimvísindamyndum allra.

Jafnvel þótt að sú fyrsta hafi tekið ákveðin tímamótaskref í vísindaskáldskapi, þá er Aliens án vafa sú besta í röðinni og þar með sannar að framhaldsmyndir þurfa ekki að vera verri en sú fyrri.

Án efa besta vísindaskáldsaga sem kvikmynduð hefur verið. Sigourney Weaver snýr aftur sem Ripley í einni best heppnuðu framhaldsmynd í sögunni, sjö árum eftir að hafa leikið í frábæri mynd Ridley Scott, Alien. Kanadíski leikstjórinn James Cameron var áður búinn að gera garðinn frægan með mynd sinni The Terminator (1984), en með Aliens festi hann sig í sessi sem hasarmyndaleikstjóri í fremstu röð. Tæknibrellurnar í myndinni eru í hágæðaflokki þó svo að myndin hafi verið gerð 1986 en auðvitað eru tæknibrellur ekki nóg til gera góða mynd (sbr. ID4, Twister, Volcano, Armageddon,.......). Leikararnir standa sig allir mjög svo vel og má þar helst nefna Bill Paxton (The Terminator, True Lies, Titanic) og Michael Biehn (The Terminator, The Abyss) sem eru reglulegir 'gestir' í myndum James Cameron. Einnig leikur Paul Reiser (úr myndaflokknum Mad About You) lítið en mikilvægt hlutverk. Handritið er einnig skothelt, það er ekki bara uppfullt af adrenalín-atriðum, heldur fléttast inn í söguþráðinn mannlegt drama. Ekki vil ég kjafta frá meiru, en mæli eindregið með 'director´s cut' útgáfunni sem inniheldur nokkur mikilvæg atriði sem skýra betur út hvernig Ripley hegðar sér í myndinni. Þessi atriði voru því miður klippt út úr myndinn áður en hún fór í almenna dreifingu til að gera hana styttri og áhorfendavænni.

Bara til þess að sýna fram á að skoðanir séu eins margar og myndirnar ætla ég að skrifa dóm um Aliens. Ég verð bara að segja eitt, þetta er lélegasta myndin í seríunni. Á tímum er hún hallærislegri en Brady Bunch familían. Stælarnir í hermönnunum eru alveg óborganlega fyndnir en samt er það stelpan litla, Newt, sem nær að eyðileggja myndina fyrir mér. Gjörsamlega óþolandi. Plús allt þetta verð ég bara að segja að myndin er ekkert spennandi. Annars eru líka góðir punktar; fínar tæknibrellur, ágætis leikur og fínar hljóðbrellur. En samt ekki nóg. Þetta er ekki léleg mynd, en hún er samt langt frá því að vera besta myndin í seríunni.

Aliens er framhald hinnar byltingarkenndu myndar Alien. Hér hefur James Cameron tekið við leikstjórahlutverkinu frá Ridley Scott, og sýnir það vel hversu ólíkir en góðir báðir þessir leikstjórar eru. Ripley (Sigourney Weaver) hefur eftir hálfrar aldar dásvefn loks komist til mannabyggða á ný. Segir hún sögu sína, en er ekki trúað af hinu máttuga Company. Er hún lækkuð í tign, og býr ein og yfirgefinn með stöðugar matraðir vegna reynslu sinnar. Það breytist þó fljótt er sambandi við plánetuna LV-426 (þar sem geimverunnar voru fundar í fyrstu myndinni) er glatað. The Company hefur byggt upp nýlendu á plánetunni, og vinnur að því að gera andrúmsloftið hæfilegt mönnum. Ripley gerir sér grein fyrir að hún verður að horfast í augu við ótta sinn og berjast við geimverunnar í annað sinn. Fer hún með hóp landgönguliða og vélmennisins Bishop (snilldarlega leikinn af Lance Henriksen) til að finna út hvað orðið hefur um nýlendubúana. Hér er áherslan lögð á annarsvegar háhraða spennu og hinsvegar er persóna Sigourney Weaver, Ripley frekar þróuð með sambandi hennar við Corporal Dwayne Hicks (Michael Biehn) og við littla stelpu frá LV-426 Rebecca Newt Jorder (Carrie Henn). Eins og allar myndir sem James Cameron hefur gert (Terminator 1&2, The Abyss, True Lies), þá verður maður ekki fyrir vonbrigðum. Atburðarásin er hröð, persónusköpun meirháttar og má þar sérstaklega nefna Bill Paxton sem Private W. Hudson. James notar líka skemmtilega kvikmyndatöku með skiptum milli atriða, og má þar nefna andlit Ripley smá breytast í plánetu í eitt skiptið. Það eina sem ég mundi mæla með, er að þú lesandi góður sjáir frekar Aliens Special Edition, þar sem sagan hangir mun betur saman. Þessi mynd er ein af þessum myndum sem allir ættu að sjá.

Langbesta myndin í frábærri seríu, alveg heljar spenna frá upphafi til enda. Ég mæli með því að horfa á special edition útgáfuna, þar sem hún bætir myndina enn meira. Þetta er mynd sem er hægt að horfa á aftur og aftur.

Alveg hreint ótrúlega spennandi vísindaskáldskapsmynd þar sem söguhetjan er Ellen Ripley (Sigourney Weaver), en í upphafi er henni bjargað eftir að hafa flotið í um 50 ár úti í geimnum eftir hremmingar fyrstu Alien myndarinnar. Það vill þannig til að fljótlega eftir björgun hennar tapast samband við plánetuna þar sem könnunarleiðangur hennar rakst fyrst á geimverurnar og stórfyrirtækið sem hún vinnur fyrir þvingar hana meira eða minna til þess að snúa þangað aftur ásamt vel búinni hersveit, bara svona til öryggis. Orð fá varla lýst því sem bíður þeirra á plánetunni og er sjón sögu ríkari í þessu tilfelli. Mörg kunnugleg andlit má finna í myndinni, t.d. Bill Paxton, Michael Biehn, Paul Raiser (úr sjónvarpsþáttunum Mad About You) ásamt Lance Hendriksen (úr Millenium). Leikararnir skila allir sínu frábærlega en senuþjófarnir í þessari mynd eru samt ekki mennskir. Skrýmslin, sem eru hönnuð af H.R. Giger, eru frábærlega vel gerð miðað við aldur myndarinnar. Einnig er hljóðrásin á þessari mynd fyrsta flokks. Að mínu mati er þetta langsamlega besta mynd James Cameron og einnig besta Alien myndin. Það er sérstök ástæða til að mæla með "Special Edition" sérútgáfunni þar sem eru tugir mínútna af nýjum atriðum sem bæta miklu við myndina, ólíkt sérútgáfum af mörgum öðrum myndum. Það eru örfáar myndir (ef einhverjar) sem geta boðið upp á jafn spennuþrungna upplifun og Aliens, hún fær mín sterkustu meðmæli.