Jurassic Park (1993)

Jurassic Park sem er leikstýrt af Steven Spielberg er meistaraverk. Michael Crichton skrifaði þessa meistaralegu skáldsögu og nú er hún kominn í kvikmyndaheiminn. Í fyrsta lagi eru risaeðlunar óvenjulega raunverulegar og í öðru lagi eru frábærir leikarar eins og Sam Neil og Jeff Goldblum sem leika einstaklega vel í myndinni og í þriðja lagi er söguþráðurinn mjög góður. Myndin er um milljónamæring að nafni John Hammond sem stofnar garð á lítilli eyju fullan af klónuðum risaeðlum. Hann notar DNA úr margra milljóna gömlum moskítóflugum sem hafa verið á tímum risaeðlanna sem hafa sogið blóð úr mismunandi risaeðlum og þannig klónar hann þær. Garðurinn verður rosa vinsæll, en allt fer svo úrskeiðis þegar margar risaeðlur sleppa úr búrum sínum. Maður að nafni Dr. Alan Grant sem rannsakar risaeðlur og kona hans og börn eru einmitt á sama tíma þarna og þau þurfa að lifa af allar kjötæturnar sem þau eiga eftir að hitta og komast af þessari hrikalegri eyju. Steven Spielberg hefur átt mjög góðan feril en Jurassic Park og JP2 The Lost World eru án efa bestu myndirnar hans hingað til. Þegar ég sá fyrst Jurassic Park fannst mér hún mjög áhugaverð, spennandi og fyndinn. Þetta er frábær afþreying fyrir krakka sem hafa gaman af flottum tæknibrellum og raunverulegum risaeðlum. Það ætti enginn að láta þessa frábæru mynd fara framhjá sér.

Algjör geimsteinn af kvikmynd ! Doctor einum hefur tekist að búa til riseðlur , lifandi risaeðlur og sett þær í skemmtigarð einn á afskektri eyju út í miðjarðarhafi. Sam Neill er þarna og þegar allt fer úrskeiðis þá er komið að honum að bjarga deginum. Ein og aðrar myndir Spielbergs þá er allt lagt í tæknibrellur og handrit og það kemur út fullkomlega vel í þessari mynd ! Sjáið þessa !

Jæja... Hvað get ég sagt um Jurassic Park annað en að þetta sé algjört rugl frá upphafi til enda. Myndin fjallar um eiganda stórfyrirtækis sem grefur upp gamla gullna froðu sem inniheldur moskító flugu frá tíma risaeðlanna, auðvitað hefur flugan sogið blóð úr risaeðlunum þannig að þeir taka DNA úr henni og byrja að klóna alls kyns risaeðlur. Síðan fer allt úr böndunum og allar kjötæturnar sleppa. Fyrsta vitleysan sem ég sá var að hversu ólíklegt það er að þessi eina moskítófluga innihélt DNA úr öllum þessum risaeðlum sem þeir klónuðu, þetta voru svona allar risaeðlur frá tíma grameðlunnar. Önnur vitleysan er að hve vitlaust getur fólk verið að opna skemmtigarð sem inniheldur allskonar kjötætur og önnur eitruð kvikyndi, ég meina það fyrsta sem mér dytti í hug væri að allir gestirnir yrðu étnir, en það gerðist ákkurat næstum því. Það voru margar aðrar vitleysur sem ég fann en það myndi taka mig allt kvöldið að skrifa þær þannig að ég dreg mig í hlé frá vitleysunum og held áfram. Ástæðan fyrir að þessi mynd fékk stjörnu frá mér er fyrir tæknibrellurnar sem voru furðulega vel heppnaðar. Ein og hálf stjarna frá mér.

Jurassic park er en eitt snildarvekið eftir Steven Spilberg.

Spenna frá upphafi til enda. Góður leikur og frábærar tæknibrellur. Ég mæli með mikið með þessari mynd fyrir þá

sem vilja spennu og hasar.

Það er kannski lítill tilgangur í að vera skrifa um Jurassic Park myndirnar, þar sem þónokkrir hafa gert það nú þegar. En þannig er að ég sé bara svo sorglega fáar myndir þessa dagana, og verð því að finna mér myndir sem ég þekki náið, langi mig til að skrifa nokkrar línur á þennan mjög svo góða vef. Jurassic Park (1) er án efa ein af tímamótamyndum síðusta áratugsins. Fer hér saman það besta úr öllum áttum. Til að byrja með er Steven Spielberg leikstjórinn, og hefur hann sjaldan eða aldrei skilað frá sér lélegum myndum. Við það bætist myndarlegur leikhópur, margir sem eru í persónulegu uppáhaldi hjá mér (sérstaklega Jeff Goldblum). Og eins og það hafi nú ekki verið nóg, heldur er myndin tæknilega séð langt á undan sinni samtíð (þó svo kvikmyndaheimurinn hafi verið fljótur til að gera alla þessa tölvutækni einfalda, og séu nú komnir á næsta stig með myndum eins og The Final Fantasy). Fyrir þá fáu sem ekki hafa séð Jurassic Park, þá eru söguþráðurinn í stuttu máli eftirfarandi: John Hammond (Richard Attenborough), ríkur sérvitringur hefur búið til drauma skemmtigarðinn. Eftir margra ára starf hefur hann og hans fólk búið til dýragarð með lifandi risaeðlum. Þessu hefur hann áorkað með því nýjasta í DNA tækni, notandi blóð úr moskító flugum vel varðveittum síðan á tímum risaeðlna. Verður garðurinn fyrir því óhappi að einn af verkamönnunum er drepinn við störf sín. Þykir lögfræðing fjárfesta Donald Gennaro (Martin Ferrero) þetta vera merki um að ekki sé allt með felldu og vill að áhættumat sé gert á öryggi garðsins. Til starfsins eru fengin Dr. Alan Grant (Sam Neill), Dr. Ellie Sattler (Laura Dern) og Dr. Ian Malcolm (Jeff Goldblum). Alan og Ellie vinna við fornleifarannsóknir (eða uppgröft) á risaeðlubeinum, en Ian á hinn bóginn er vísindamaður sem einbeitir sér að hinu ýmsu sviðum sem aðrir fá illa skilið (svo sem 'The butterfly effect'). Þegar í garðinn er komið, sem er staðsettur á eyju fyrir utan Costa Rica, fer að sjálfsögðu allt úrskeiðis og verður nú hver og einn að berjast fyrir lífi sínu við '60 milljóna ára gamlar' risaeðlur. Ég hef líkast til séð Jurassic Park um 20 sinnum, og hef ekki ennþá orðið leiður á henni. Það sem gerir hana svona sérstaka að mínu mati er að sjálfsögðu hinar vel gerðu risaeðlur. En það er samt ekki það eina! Persónusköpun er rosalega góð, og sýnir Steven Spielberg enn og aftur hversu góður hann er við leikaraval. Yfirleitt þegar maður sér myndir, þá endar maður á að segja að þessi og hinn leikarinn/leikonan hafi verið góð en restin hafi verið slöpp. Í Jurassic Park er hver einast leikari á réttum stað, með góðar línur og mikilvægan part. Líkt og ET, þá er Jurassic Park mynd sem allir ættu að sjá, og hlakka ég til þegar ég mun kaupa mér DVD útgáfuna (hver veit nema það séu einhver auka atriði osfrv).