Deep Blue Sea (1999)

Undan strönd Kaliforníu er neðansjávar rannsóknarstöð að nafni Aquatica. Vísindamenn þar gera tilraunir á hákörlum . En hákarlarnir sleppa og allt fer til fjandans og starfsmenn þurfa að berjast við hákarlana til að komast af. Ótrúlega hrollvekjandi mynd þar sem Samuel L. Jackson kom reyndar lítið við sögu en samt er þetta mjög góð mynd.

Jæja... ég skemmti mér bara þó nokkuð vel yfir þessarri mynd og hún svoldið spennandi en COME ON, hugmyndin var ekki nógu góð. þó að mannfólkið stækki heilann á hákarli þá þýðir það ekki að hákarlinn viti meira og getur reiknað út fyrir hvað manneskja ætlar að gera, líka tók ég eftir því að þegar hákarlarnir syntu aftur á bak þá vil ég taka það fram að hákarla geta það alls EKKI, í fyrsta lagi þá kunna þeir það ekki og hafa ekki hugmynd að það sé hægt, og í öðru lagi þá það er það líkamlega ógerlegt fyrir þá því að þeir myndu bara kafna. Ég gef þessarri mynd 2 stjörnur fyrir heimskuna en hún fær ekki fullt hús (fjórar stjörnur) af því hugmyndin var léleg og að reyna að fá fólk til að trúa að svona hrikalega fáránlegir hlutir geta gerst.

Þessi mynd er ágæt ef maður slekkur á heilanum áður en stutt er play. Óvænt, spennandi fyndinn og svöl eru allt orð sem má nota í sömu setningu og The Deep Blue Sea. Því miður gleymdi ég að slökkva á gráa efninu sem mótar höfðukúpu mína að utan og fljótlega fóru taugasímarnir að hringja. Misvitrir vísindamenn hafa sett upp rannsóknarstofu út í reginhafi þar sem gerðar eru tilraunir á hákarlaheilum. Notaðar eru aðferðir erfðafræðinnar til þess að stækka heila þessara annars skemmtilegu dýra og þannig gera þau gáfaðari. Gestaþraut: hvað var að síðustu setningunni? Svar: ef þú vinnur á kaffihúsi og við lokun eitt kvöldið sérðu óvenju breiðan og djúpan hatt liggja á einhverjum stólanna, hugsar þú þá: vá þetta hlýtur að vera gáfaður maður.

Eini munurinn á heila dýrsins eftir ofangreint erfðafikt er orkuinntak hans, þ.e nú er erfiðara fyrir littlu greyin að lifa. Af hverju, jú þetta er nú eftir allt saman bara útblásinn fiskheili sem varla fæst mikið fyrir á japönskum markaði. Stóri heilinn lætur sér ekki nægja að framleiða meira rafmagn en forveri hans, heldur virðist hann einnig geta lesið hugsanir manna. Ja, einhvernvegin virðist hákarlarnir vita hvað videomyndavél sé og hafa vit á að eyðileggja allt slíkt. Þetta er þó aðeins smáundirmáli í.......The Master Plan Of The Homesick Sharkes sem ekki má fara nánar út í hér. Mynd þessi hefði allt eins getað heitið Jurassic Park: The Deep Blue Sea

vegna þess hversu söguþræðirnir eru líkir. Þó DBS hafi að sjálfsögðu ekkert með Júratímabilið að gera né eigi sér stað í einhverjum garði. Þegar öllu er á botnin hvolft tekur botninn bara úr og mænuvökvinn lekur út. Ein stjarna fyrir viðleitni.

Þetta er ömurleg mynd. Ekkert spennandi og þetta smá grín er ömulegt. Leikaranir eru svo sem ágætir. Verst við þessa mynd að hún gerist bara í einhverri neðan jávarstöð sem gerir hana leiðinlega. Því miður ekki góð mynd.

Lélegur leikur. Gengur ekki upp. Hvaða líkur eru á því að rafmagn fari í vatn og fólk er í því en ekkert gerist? Hún lagast að vísu svoldið í endan en ekki nógu mikið og svo koma atriðin ekki á óvart.

Þessi mynd er flott, spennandi og með hákörlum. Þessi er svona í anda Jaws, en ekki alveg vegna þess að þessir hákarlar eru gáfaðir. Þvílíkt hvað leikstjórar geta komið með góðar hugmyndir. Hákarlinn er þokkalega flottur í myndinni og þetta er mynd sem maður getur verið spenntur yfir allan tímann, alveg eins og í Jaws. Þetta er ekkert annað en 4 stjarna mynd.

Afspyrnuléleg mynd. Hákarlar sem ....... jæja má víst ekki uppljóstra neinu hér, hákarlar sem framkvæma hluti sem eru þeim líffræðilega ómögulegir ! Kommon ! Leikurinn ? fæst orð axla minnsta ábyrgð. Handritið var þynnra en stefnuskrá sumra stjórnmálaflokka hér í bæ. Brellurnar lélegar og ekkert smá gervilegar. Forðist þessa eins og heitan eldinn !

Flott, skemmtileg, tekur sig ekki alvarlega og inniheldur ýktustu sprengingu kvikmyndasögunnar! Viljið þið eitthvað meira? Renny Harlin er meistari þegar kemur að heimskulegum action-myndum (sbr. Die Hard 2 og Cutthroat Island) og hefur einnig sannað sig sem meistari þegar kemur að ekki-svo-heimskulegum action myndum (sbr. Long Kiss Goodnight og Cliffhanger). Deep Blue Sea er meðal þeirra heimskari, en hún er svo flott og stórkostlega vel gerð að hún valtar gjörsamlega yfir flestar aðrar hasarmyndir ársins (ja, fyrir utan Matrix). Stórgóð skemmtun, en mjög lítið annað.

Á sjávarrannsóknarstöð í Kyrrahafinu eru nokkrir vísindamenn að leita lækningar við heilahrörnunarsjúkdómum í prótínum sem finna má í hákörlum. Þessar rannsóknir fela í sér að breyta genauppbyggingu hákarlana og sem hliðarverkun stækkar heilarýmd þeirra og þeir verða "gáfaðir". Einn daginn fer mikið af hlutum úrskeiðis á sama tíma og hópur fólks þarf að berjast fyrir lífi sínu á móti hákörlunum og náttúruöflunum þegar þau lokast inni í dýpsta hluta rannsóknarstöðvarinnar. Renny Harlin hefur áður sýnt að hann kann til verka við gerð hasarmynda (Cliffhanger, Die Hard 2, The Long Kiss Goodnight) og hæfileikar hans nýtast gífurlega vel hérna, það er ekki dautt augnablik í myndinni. Keyrslan er slík að áhorfendur fá varla tækifæri til að jafna sig milli atriða. Handritið er líka nokkuð gott og leikur sér dálítið af þeim væntingum sem myndir eins og Jaws hafa skilið eftir í hugum okkar. Tæknibrellurnar eru í flestum tilfellum góðar en það kemur fyrir að hreyfingar hákarlana eru ekkert alltof raunverulegar. Það fór ekki stórlega í taugarnar á mér því þarna er í raun verið að fórna raunveruleika fyrir hraða og spennu, sem eru ágætis skipti í mynd sem þessari. Leikhópurinn samanstendur meðal annars af Saffron Burrows (er það bara ég eða er röddin hennar dálítið skrýtin?), Samuel L. Jackson, LL Cool J og Stellan Skarsgard. Góð skil eru gerð á flestum hlutverkum en aðalhlutverkin eru eiginlega í höndum hákarlana. Í stuttu mál er þetta ein besta spennumynd sem ég hef séð í langan tíma.