Red Planet
Bönnuð innan 12 ára
SpennumyndHrollvekjaSpennutryllirVísindaskáldskapur

Red Planet 2000

Frumsýnd: 8. desember 2000

Not A Sound. Not A Warning. Not A Chance. Not Alone.

5.7 52,291 atkv.Rotten tomatoes einkunn 14% Critics 6/10
106 MÍN

Í nálægri framtíð er Jörðin að líða undir lok. Nýlenda á Mars gæti verið eina von mannkyns. Hópur bandarískra geimfara, sem hver er sérfræðingur á sínu sviði, fer í fyrstu mönnuðu ferðina til plánetunnar rauðu, en þau eru öll ólík og þurfa að sætta sig við hvert annað, en þau búa yfir ólíkum bakgrunni og hugmyndum um gildi ferðarinnar. Þegar... Lesa meira

Í nálægri framtíð er Jörðin að líða undir lok. Nýlenda á Mars gæti verið eina von mannkyns. Hópur bandarískra geimfara, sem hver er sérfræðingur á sínu sviði, fer í fyrstu mönnuðu ferðina til plánetunnar rauðu, en þau eru öll ólík og þurfa að sætta sig við hvert annað, en þau búa yfir ólíkum bakgrunni og hugmyndum um gildi ferðarinnar. Þegar búnaður þeirra skemmist og lífi þeirra er ógnað, þá þurfa þau að stóla á hvert annað til að lifa af á lífshættulegu yfirborði Mars, og efasemdir þeirra, hræðsla og efasemdir um Guð, og örlög mannkyns, og alheiminn sjálfan, skipta sköpum í örlögum þeirra sjálfra. Í þessu nýja umhverfi þá verða þau að horfast í augu við sig sem manneskjur.... minna

Aðalleikarar

Val Kilmer

Robby Gallagher

Carrie-Anne Moss

Cmdr. Kate Bowman

Benjamin Bratt

Lt. Ted Santen

Tom Sizemore

Dr. Quinn Burchenal

Simon Baker

Chip Pettengill

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (6)


Fyrirgefið, en mér stendur ekki á sama, þessi mynd er bara sú lélegasta sem ég hef séð í bíó í mjög langan tíma, ég fór á hana með væntingar, því miður, og var að vona að eitthvað yrði varið í hana, en því miður, hún er bara ömurleg. Ég gekk hreinlega út með grátstafina í kverkunum, öllum þessum peningum hefði verið hægt að eyða í eitthvað gáfulegt og skemmtilegt. Í staðinn fáum við geimkúrekann Val Kilmer, sem sýndi enga hæfileika í þessari mynd, Chuck Pfarrer skrifaði handritið örugglega með því að klippa saman handrit úr öllum (þá meina ég öllum) vísindaskáldsögum síðustu fimmtán ára og við stjórnvölinn situr Anthony Hoffman, sem getur ekki ákveðið sig hvort hann sé að stýra Alien, Terminator, 2001, Armageddon eða Space Cowboys. Þetta er leitt og öll myndin virðist vera uppbyggð á þann hátt að Kilmer sé hetjan, harður og tilfinninganæmur í senn og einhvern veginn er öllum hugmyndum í handriti safnað saman og hrært í með vellu. Ef þið farið á þessa mynd, í guðanna bænum farið á hana með því hugarfari að hún sé kennslumyndband í því hvernig eigi ekki að gera kvikmynd.
Fannst þér gagnrýnin hjálpleg? Nei

Stórskemmtileg vísindaskáldsaga sem gerist árið 2050 og segir frá nokkrum geimförum á Mars og þeirra ýmsum vandamálum. Val Kilmer heldur myndinni uppi með afbragðsgóðum leik og er tvímælalaust aðalstjarna myndarinnar. Drungalegur stíll og snilldar stemning bæta upp fyrir örlítinn skort á innihaldi. Undirritaður mælir sterklega með Red Planet og er hún með betri myndum sem eiga að gerast á Mars en þó eru þær ekki margar.
Fannst þér gagnrýnin hjálpleg? Nei

Ég verð að segja að ég var bara þokkalega ánægður með Redplanet miðað við allt það sem ég hafði heyrt um hana. Hún er þó ekki neitt til að hrópa húrra fyrir en er þó ágætis afþreying og er það ekki það eina sem við viljum. Maður fær það á tilfinningunni að í byrjuninni á myndinni sé verið að flýta sér með persónukynningar til að geta komið myndinni af stað. En þegar því er lokið þá fer allt á stað og myndinn verður ágætlega spennandi. Þó að myndinn sé ekkert meistarastykki þá er hún allavegna 5 stjörnum betri heldur en Mission to Mars sem að mér finnst var alveg hryllileg.
Fannst þér gagnrýnin hjálpleg? Nei

Þetta er fín mynd með Val Kilmer og allavega skárri en Mission To Mars og hinar geimmyndirnar sem ég hef séð, mjög góð mynd en hún fjallar um hóp sem ætlar til Mars. En eitthvað misheppnast því lendingin er svo harkaleg að hópurinn missir öll hjálpartækin og samskiptatæki sín við jörð. Ágætis mynd.
Fannst þér gagnrýnin hjálpleg? Nei

Hún kom mér mjög á óvart þessi mynd. Ég hélt að þessi mynd myndi vera eins og Mission to Mars en svo var nú ekki. Val Kilmer, Carrie-Ann Moss og allir hinir eru mjög góð í sínum hlutverkum og myndin er mjög spennandi á tímum.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn