Íbúar námubæjar úti á landi komast að því að eiturefnaleki hefur valdið því að hundruðir lítilla köngulóa hafa á einni nóttu stækkað og eru orðnar á stærð við bíla.
Íbúar námubæjar úti á landi komast að því að eiturefnaleki hefur valdið því að hundruðir lítilla köngulóa hafa á einni nóttu stækkað og eru orðnar á stærð við bíla. Námuverkfræðingurinn Chris McCormack og lögreglustjórinn Sam Parker þurfa nú að fá fólkið í bænum með í lið við að ráða niðurlögum skordýranna, sem nú eru orðin að blóðþyrstum skrímslum.
Ekki veit ég hvort þessi mynd hafði verið djók, eða allvara. Því þegar ég horfði á hana, fannst mér eins og þetta væri eitthvað djók, en samt voru allir svo há alvarlegir í myndinn…
Ekki veit ég hvort þessi mynd hafði verið djók, eða allvara. Því þegar ég horfði á hana, fannst mér eins og þetta væri eitthvað djók, en samt voru allir svo há alvarlegir í myndinni.
Þessi mynd er um fólk í litlum smábæ sem verða fórnalömb af stökkbreyttum kóngulóm. Þegar ég horfði á myndina leið mér stundum svolítið óþægilega, því ég er einn af þeim sem er með hræðilega fóbíu fyrir kóngulóm, og ég fékk alltaf mjög sterka tilfeningu fyrir því að ein af þessum kóngulóm væru á mér.
Myndin í heild sinni er bara eitt stórt djók, og þá ekkert endilega á vondan hátt, því hún er ágætis af þreiging. Maður hló svolítið, ég skemmti mér ágætlega, en samt frekar mikil drasl mynd, í heildina litið illa leikin, og svona frekar sérstök mynd, en það er stundum bara gaman að því.
Ömurlegt kjaftæði sem að hefði alveg mátt sleppa að gera sökum leiðinlegra leikara. Þetta er eins og einhver mynnist á bara hálfgerð B-mynd, en þar sem að hún reynir að lyfta sér á …
Ömurlegt kjaftæði sem að hefði alveg mátt sleppa að gera sökum leiðinlegra leikara. Þetta er eins og einhver mynnist á bara hálfgerð B-mynd, en þar sem að hún reynir að lyfta sér á hærra plan en það þá er hún orðin handónýt. Ég varð aldrei hræddur, hló ekkert og fann ekki til með þeim sem urðu köngulónum að bráð.
Skemmtileg B-mynd en með allt of klisjukenndum söguþráði. Kjarnolkuúrgangur dettur úr bíl rétt hjá köngulóabæli og breytir þeim í stór skrímsli sem ráðast á Arizona. Fógetinn og k…
Skemmtileg B-mynd en með allt of klisjukenndum söguþráði. Kjarnolkuúrgangur dettur úr bíl rétt hjá köngulóabæli og breytir þeim í stór skrímsli sem ráðast á Arizona. Fógetinn og kærasti hennar (David Arquette,Scream) reyna að drepa þær með hjálp íbúana og klaufskri löggu. Góður húmor gerir myndina með léttum undirtóni og það gerir myndina svo góða.
Ég var svo heppinn að taka eina mynd á leigu til að hita mig upp fyrir þessa. Eins og sumir gætu vitað, þá er þessi mynd endurgerð af einni eða fleyri gömlum skrímslamyndum nema með bet…
Ég var svo heppinn að taka eina mynd á leigu til að hita mig upp fyrir þessa. Eins og sumir gætu vitað, þá er þessi mynd endurgerð af einni eða fleyri gömlum skrímslamyndum nema með betri tæknibrellum og svaka húmor (þótt gömlu myndirnar séu nú bara findnar fyrir það að vera gamlar). Ég tók The Night of the Lapus sem gaf mér betri sýn á hvað var verið að gera grín að í þessari mynd. Sem sagt, það er köngulær úr köngulóa búi sem sleppa eftir að þær hafa fengið steraeitur. Og núna eru þær að drepa allt og alla. Þarf að segja meira? Mikil steipa hér á sveimi og mjög findin, sérstaklega ef þú nennir að hita þig upp með einni sígildri hrollvekjud frá því í gamladaga.
Góð mynd, virðist vera eða er bein tilvísun á gömlu góðu B-myndirnar eins og talað hefur verið um. Ég er tremorsaðdáðandi og er mjög hrifin að þessari mynd sem er eins í uppbyggingu…
Góð mynd, virðist vera eða er bein tilvísun á gömlu góðu B-myndirnar eins og talað hefur verið um. Ég er tremorsaðdáðandi og er mjög hrifin að þessari mynd sem er eins í uppbyggingu, ódýr, hnitmiðuð og fyndin. Þótt hún var ódýr er hún dáldið lík 1996 tðlvuteiknuðum myndum á borð við The Lost World (ekki úr Jurrassic Park seríunni), er þá þetta dáldið gott miðað við hversu lítið hún kostaði. Stundum getur maður heyrt að kóngulærnar hafa mannlega eiginleika eins og líst er hér að ofan. Formúlan er sú sama og úr nokkrum '80 myndum í leikaravali, engir þekktir leikarar (fyrir utan einn). Gerir það myndina raunverulegri eins og þeir í gamla daga hugsuðu. Allir nema þeir sem haldnir eru kóngulóarfóbíu ættu að fara á þessa mynd, sama þótt trailerinn sukkaði.
Mér fannst þessi mynd ömurleg, hún var illa leikin persónunar voru ekki nógu hræddar við köngulærnar og of fattlausar. Svo var einn galli í handritinu ef það má ekki skjóta af byssu af …
Mér fannst þessi mynd ömurleg, hún var illa leikin persónunar voru ekki nógu hræddar við köngulærnar og of fattlausar. Svo var einn galli í handritinu ef það má ekki skjóta af byssu af við að allt springi út frá neistanum má þá starta krossara og keyra hann??? Svo er þetta allt of amerískt sérstaklega í endann, þessi mynd er ekki nógu raunsæ þetta er algert bull.Tæknibrellurnar voru ágætar og ekki meira en það ef ekki væri fyrir tæknibrellurnar þá myndi ég kalla þetta B mynd.
Þetta er ein mest spennandi mynd sem hefur verið gerð ég hef ekki séð svona góða spennu og grín mynd í mörg ár, hún er mjög klíuleg og ógeðsleg mynd og mér finnst David Arquette fara…
Þetta er ein mest spennandi mynd sem hefur verið gerð ég hef ekki séð svona góða spennu og grín mynd í mörg ár, hún er mjög klíuleg og ógeðsleg mynd og mér finnst David Arquette fara á kostum í þessari mynd hún er algjörlega gallalaus, fyndin spennandi og ógnvekjandi mynd sem hefur ekki verið gerð í mörg ár, skelltu þér á þessa geggjuðustu kóngulóga mynd sem hefur verið gerð.
Eight Legged Freaks er bara nákvæmlega það sem hún ætlar að vera .... stórar köngulær að éta fólk í litlum bæ þar sem símalínurnar rofna, töffarinn nýkominn aftur til þess í raun…
Eight Legged Freaks er bara nákvæmlega það sem hún ætlar að vera .... stórar köngulær að éta fólk í litlum bæ þar sem símalínurnar rofna, töffarinn nýkominn aftur til þess í raun að vinna gömlu ástina aftur og redda því sem redda þarf með hennar aðstoð. Það eina sem er nýtt í þessari að í henni ER HLUSTAÐ Á STRÁKINN. Óttalega vitlaus formúlumynd en alls ekki leiðinleg. Frábærar köngulær. En ekki nema tvær stjörnur. Meira að segja strákunum mínum 11 og 14 ára fannst lítið til hennar koma. Kannski ég hefði átt að fara með konu á hana. Ég bauð systrum mínum en þær langaði ekki. Skrýtið.
Eight Legged Freaks er prýðisgóð B-mynd, skemmtileg, tekur sjálfa sig mátulega alvarlega, og bráðfyndin í þokkabót. Hún er í anda Arachnaphobia og sérstaklega Tremors, aðrar snilldar B-…
Eight Legged Freaks er prýðisgóð B-mynd, skemmtileg, tekur sjálfa sig mátulega alvarlega, og bráðfyndin í þokkabót. Hún er í anda Arachnaphobia og sérstaklega Tremors, aðrar snilldar B-myndir, og fylgir þeim nokkuð vel. Það eru sérstaklega góðar brellur í henni ef miðað er við framleiðslukostnaðinn sem var innan við 30 milljónir dollara, og kóngulærnar eru gerðar mjög skemmtilegar. Þær hafa ýmsa mannlega kosti, og er oft á tíðum óborganlegt að fylgjast með þeim. Leikarar skipta nánast engu máli í mynd eins og þessari, enda eru þeir að fara með grútþunnar línur í lapþunnu plotti. Allir skila sínu samt ágætlega, þó David Arquette sé reyndar arfaslakur leikari. Til þess að fá ánægju út úr myndinni er nauðsynlegt að skilja heilann eftir heima, því hér er um algjöra poppkornsmynd að ræða. Geri menn það, þá mega þeir eiga von á prýðisgóðri skemmtun.
Ég fór á þessa með þær takmörkuðu væntingar að ég bjóst bara við léttri og hressilegri afþreyingu, og viti menn, ég varð ekki fyrir neinum vonbrigðum. M.a.s., ef eitthvað er, kom m…
Ég fór á þessa með þær takmörkuðu væntingar að ég bjóst bara við léttri og hressilegri afþreyingu, og viti menn, ég varð ekki fyrir neinum vonbrigðum. M.a.s., ef eitthvað er, kom myndin mér svolítið á óvart. Eight Legged Freaks vísar nokkuð til skrímslamynda á borð við Tremors, Earth vs. The Spider, Critters, Tarantula og ekki síst Arachnophobia. Myndin er hræódýr, en miðað við kostnaðinn má hún eiga það að hafa bara heppnast nokkuð vel. Vissulega er hugmyndin ófrumleg og greindarvísitalan í handritinu er lægri en stofuhiti, en hjá mér verður hún allavega að teljast bara sem guilty-pleasure. Eight Legged Freaks gengur bara helst út á það að skemmta áhorfandanum, og það gerir hún, með fínum hasar, prýðisgóðum B-mynda tæknibrellum og ágætis húmor. Þeir Doug E. Doug og Rick Overton eru alveg hreint út sagt drephlægilegir og sjá vel til þess að áhorfendum fari aldrei að leiðast. Aftur á móti er David Arquette verstur í leikhópnum. Hann er bara ósköp flatur og ekki gerir hann mikið miðað við það að hann á einmitt að vera aðalsöguhetjan í myndinni (mér fannst Kari Wuhrer frekar eiga þann titil skilið), annars er hann bara bókstaflega jarðaður af hinum tveimur grínurunum. En annars er þetta nokkuð skemmtilegur bræðingur af gríni og hrolli, og best er fyrir áhorfendur að slökkva bara á heilanum í þessar 90-og eitthvað mínútur og skemmta sér bara eins vel og mögulegt er.6/10
Eight legged Freaks er spennu-gamanmynd í anda Independence Day í þeim skilningi að áður óþekktar verur ráðast á varnarlaust mannfólkið. Í Eight Legged Freaks eru þessar verur risavaxna…
Eight legged Freaks er spennu-gamanmynd í anda Independence Day í þeim skilningi að áður óþekktar verur ráðast á varnarlaust mannfólkið. Í Eight Legged Freaks eru þessar verur risavaxnar köngulær sem komist hafa í snertingu við eiturúrgang. Myndin gerist í litlu þorpi í Arizona og aðalpersónan (fyrir utan köngulærnar) er maður að nafni Chris McCormick sem leikinn er af David Arquette. Hann snýr aftur í gamla heimabæinn sinn og ekki líður á löngu þar til köngulórnar fara að gera ursla og bæjarbúarnir fara að tína tölunni einn af öðrum. Kosturinn við myndina er að hún tekur sjálfan sig aldrei of hátíðlega og gerir góðlátlegt grín af skrímslamyndum fyrri ára. Það er fullt af skemmtilegum atriðum og köngulórnar eru oft gerðar mannlegar í þeim skilningi að þær hnerra, meiða sig, spýta út úr sér ef þeim mislíkar eitthvað o.s.frv. Myndin er samt langt í frá að vera gallalaus. Leikurinn er slæmur og það er allt of mikið af lausum endum. Ellory Elkayem er að leikstýra sinni fyrstu kvikmynd og gerir það ágætlegar. Tæknibrellurnar eru óaðfinnanlegar. Hér er sem sagt á ferðinni fyrirtaks þrjúbíó, heilalaus rússíbanaferð sem léttir manni lundina svona þegar daginn fer að lengja.
Á fyrstu árum kalda stríðsins var Hollywood með æði fyrir skrímslamyndum sem settu venjulegt fólk í óvenjulegar aðstæður og enduðu með sigri litla mannsins gegn stórum, hættulegum an…
Á fyrstu árum kalda stríðsins var Hollywood með æði fyrir skrímslamyndum sem settu venjulegt fólk í óvenjulegar aðstæður og enduðu með sigri litla mannsins gegn stórum, hættulegum andstæðingi. Þessar myndir hétu nöfnum á borð við Them! og The Incredible Flying Mantis, og voru allar líkingar í baráttu vestrænna lýðræðisþjóða gegn kommúnistum Sovétríkjanna, og í samræmi við tíðarandann voru skrímslin yfirleitt skordýr sem höfðu komist í snertingu við kjarnorkuúrgang. Svona myndir hafa ekki verið gerðar í rúm 35 ár, en núna kemur fram á sjónarsviðið Eight Legged Freaks, sem gerir góðlátlegt grín að þessari kvikmyndahefð en skipar sér samt óhikað í flokk slíkra mynda. Ég man eki eftir neinni mynd sem hefur sameinað hrylling og grín svona vel síðan Tremors árið 1990. David Arquette leikur aðalhetjuna, ungan mann sem snýr aftur til heimabæjarins til að ganga frá lausum endum. Það líður ekki á löngu þar til risastórar köngulær byrja að éta bæjarbúa hvern á fætur öðrum, og þeir sem eftir standa taka saman höndum til að sigrast á skrímslunum. Eight Legged Freaks er miklu meiri gamanmynd en hryllingsmynd. Hún er full af óborganlega fyndnum atriðum (takið eftir tjaldinu og gamla manninum) og fer varlega með skrímslalætin. Myndin er gerð til að vera tveggja tíma heilalaus skemmtun og henni tekst ætlunarverkið fullkomlega. Hún tekur sjálfa sig ekki alvarlega á neinn hátt, og þess vegna gengur hún upp. Arquette er eins og hann er alltaf, en það er Rick Overton í hlutverki ógæfusams lögreglumanns sem stelur hverju atriði. Ódýr og skemmtilega hallærisleg mynd sem slær á réttu strengina við hvert tækifæri.
Bönnuð innan 12 ára
Ofbeldi
Blótsyrði
