Minority Report (2002)

Þetta er einn besti spennutryllir sem ég hef séð í áraraðir. Þessi mynd er um John Anderton sem vinnur hjá Pre-Crime Division sem er einhverskonar löggur sem sjá glæpinn áður en hann er framinn. Einn daginn er John ásakaður fyrir morð vegna sýnar sem þeir fengu hjá Pre-Crime. Þá byrjar eltingarleikurinn á milli John Anderton og sérþjálfaða sveit sem hann þjálfaði sjálfur. Atburðarrásin er snilldarleg í gegn, og mun leiða þig til sérstakann enda.

Þetta alveg mögnuð mynd sem ég mæli sterklega með. Ég er ánægður með Tom Cruise og fleiri leikara. Myndin er rosalega vel gerð og er hugsað fyrir öllu. Þessi mynd er alls ekki neitt rugl eins og flestar framtíða myndir. En ég er ónánægður með hvað hún er langdreigin og að það hefði mátt vera meiri hasar. En hún fær alveg 3 stjörnur og er alls ekki langt frá 3 og hálfri stjörnu, því þetta er mjög góð mynd!

Nýjasta mynd Spielbergs og með þeim lélegri.


Ef þið eigið auðvelt með að láta blekkja ykkur þá getur svo sem vel verið að þið hafið gaman af henni, en ef þið hafið gaman að góðu plotti eins og í Matrix, þá í guðana bænum, SLEPPIÐ ÞVÍ.



Leikarar stóðu sig vel með Tom Cruise (John Anderton) og Max von Sydov (Lamar Burgess) í broddi fylkingar. Nokkur góð action atriði, en þá er það líka upptalið.


Það var mjög illa farið með hugmyndina, þ.e. þá að fólk sé notað og beintengt við tölvu til að sjá fyrir og spá um morð.


Í fyrsta lagi, hvernig er hægt að sjá fyrir einhverja framtíð sem er ekki framtíð?? Hin meintu morð eiga sér ekki stað í framtíðinni vegna skilvirkni lögreglu, ergo: spádómurinn rætist ekki, önnur framtíð.


Í öðru lagi, fórnarlambið (Anderton) sem trúir að kerfið sé óskeikult, m.a. margsinnið orðið vitni að því þegar hinir meintu morðingar þræta fyrir ætlun sína, hvers vegna ætti hann að gangast upp í spádóminn og hreinlega elta uppi hina ætluðu atburðarrás?


Í þriðja lagi, plottið að Lambart ætli sér að losa sig við Anderton?

Hvers vegna var ekki bara látið leka til hans að búið væri að komast á snoðir um morðinga sonar hans?

Anderton færi svo af stað að leita uppi morðingjan og framhaldið eins og í myndinni?

Nei sjávaldurinn var notaður og látinn setja upp gildru að undirlagi Lambarts, sem var svo þegar upp var staðið, enginn minority report og um ekki um nein svik að ræða.


Fleiri veilur sá ég eins og þetta með byssuna. Anderton skildi byssuna eftir morðið, þ.e. á vettvangi, Lambart tekur hana sem sönnunargagn en skilur hana svo eftir hjá næsta líki til að freima Anderton! Hvernig í ósköpunum á Tom að hafa náð í byssuna?


Ég verð nú bara að segja það, Þessi mynd á ekki skilið nema eina og hálfa stjörnu.


Bjarni Einarsson

Ótrúlega flott og vel gerð framtíðar spennumynd frá Spielberg sem að klikkar alls ekki frekar en fyrri daginn.

Myndin fjallar um John Anderton (Tom Cruise) sem er yfirmaður Pre-Crime lögreglu deildarinnar í Washington árið 2054.

Tæknin er orðin þannig að það er hægt að sjá glæpina áður en þeir gerast og kerfið klikkar aldrei, eða hvað.

Einn daginn þegar John Anderton mætir til þess að skoða hvað sé í vændum sér hann það sér til mikillar undrunar að hann er næsti morðingi, en það getur ekki verið, hann veit ekki einusinni hver maðurinn er sem hann á að drepa.

Minority Report er framtíðarspennumynd af allra bestu gerð sem að flestir ættu að hafa gaman af.

Tæknibrellurnar eru ótrúlega flottar, tónlistin algerlega í samræmi við myndina, og kvikmyndatakan og allt yfirbragðið í myndinni er drungalegt og hæfir myndinni mjög vel, æðislegt plott og góður söguþráður þó svo hann sé fyrirsjáanlegur á köflum, en hvaða mynd er það ekki.

Besta skemtun sem enginn ætti að láta fram hjá sér fara.

John Anderton (Tom Cruise) er yfirmaður Pre-Crime deildarinnar í Washington árið 2054. Lögreglan getur nú séð glæpi og stoppað þá áður en þeir eiga sér stað með því að notast við sjáendurna eða Pre-Cogs sem eru mannverur sem hafa þann eiginleika að geta séð hvenær morð verða framin. Bráðum verður kosið um það í landinu hvort Pre-Crime verði komið fyrir á landsvísu eða ekki. Danny Witwer (Colin Farrell) frá dómsmálaráðuneytinu er ekki viss um ágæti kerfisins og brátt skapast mikil spenna á milli hans og Andertons. Dag einn berst Anderton útsending frá sjáendunum sem sýnir hann sjálfan myrða ókunnugan mann. Honum bregður mjög við þetta og þarf strax að leggja á flótta. Á meðan hann flýr lögregluna sem er annað en auðvelt á þessum tíma þarf hann jafnframt að sanna sakleysi sitt og komast að því hvort að einhver sé að reyna að klína á hann morði. Með hjálp sjáandans Agöthu (Samantha Morton) reynir hann nú að hreinsa nafn sitt.

Ég hef heyrt að fólk haldi vart vatni yfir þessari nýjustu ræmu Spielbergs og telji hana eina af bestu myndum leikstjórans. Mér finnst hún góð en mér finnst hún ekki stórkostleg. Vissulega er hún mjög flott og söguþráðurinn er margslunginn og spennandi (á sumum köflum reyndar dálítið fyrirsjáanlegur) en hana vantar bara eitthvað í viðbót til þess að lifta henni yfir aðrar svipaðar myndir eins og Strange Days eða Total Recall (aðrar svona framtíðarsakamálamyndir). Og endirinn er að mínu mati veikur og svona dálítið fyrisjáanlega týpískur fyrir Spielberg. Persónulega var ég hrifnari af síðustu mynd hans A.I. Artificial Intelligence.

En eins og ég sagði áður, þetta er ekki léleg mynd, engan veginn. Kvikmyndataka Janusz Kaminski er vægast sagt frábær og verulega vel og sniðuglega klippt og tekin mörg atriði. Tónlist John Williams er fín eins og venjulega þótt hún týnist dálítið inn á milli. En það sem gefur myndinni aukinn kraft er fyrst og fremst afbragðsgóð frammistaða Tom Cruise sem leifir manneskjunni á bak við hasarhetjuna alltaf að skína í gegn og stundum skyggja á hana. Gömlu stórleikararnir Max von Sydow og Lois Smith eru einnig mjög traust, Lois Smith er ekkert annað en brilliant í því atriði sem hún birtist í.

Minority Report er mjög góð skemmtun með heila en eins og ég sagði, hún er engin snilld.

Frábær framtíðarspennutryllir sem gerist 50 árum inn í framtíðinni, en þá hafa menn fundið leið til þess að vita af morðum áður en þau eru framkvæmd og það er orðið fastur liður að handtaka fólk sem vitað (?) er að muni framkvæma morð. Rannsóknarlögreglumaður nokkur sem vinnur við þessa deild (''pre-crime'') lendir einn daginn hinum megin við borðið þegar því er varpað fram að hann muni sjálfur framkvæma morð innan nokkurra klukkustunda og upp úr því hefst æsilegur eltingaleikur þar sem ekki er allt sem sýnist. Hugmyndin er frekar nýstárleg og sem betur fer er útfærslan skotheld. Hér er virkilega um að ræða spennutrylli með þykku ráðgátu-plotti fyrir hugsandi fólk. Það þarf vart að taka fram að tæknibrellurnar eru fyrsta flokks (þetta er nú Spielberg mynd) og leikur allur til fyrirmyndar, sérstaklega hjá Tom Cruise og Colinn Farrell. Eins og aðrar myndir Spielbergs þá dettur þessi út í of mikla væmni á einum eða tveimur stöðum ásamt því sem að keyrslan verður pínulítið ójöfn í seinni hálfleik - myndin endar einhvern veginn ekki þar sem manni finnst hún ætti að enda. Þetta eru frekar lítil atriði, en verða samt til þess að ég gef ekki fullt hús. Það breytir því samt ekki að Minority Report er án efa ein af bestu myndum ársins.

Ég hika ekki við að segja að þetta sé besta mynd ársins(eða sú næstbesta, á eftir Episode 2). Hún er cool, hún er fyndin, hún er vel leikin og kemur mikið á óvart. Söguþráðurinn er ótrúlega flottur og bara allt við þessa mynd er frábært í einu orði sagt. Hefði kannski mátt vera meiri hasar, en samt mæli ég með henni.

Vá ég er bara aldeilis ekki sammála mér fannst hugmyndin snilld en myndin bara ekkert spes, jú ég gef henni tvær stjörnur fyrir hugmyndina og tæknilegar útfærslur en kom on endirinn var nú alveg vonlaus og í raun segir endirinn að hugmynd myndarinnar sé slæm... fyrir mér gengur þetta bara ekki upp !

Ein sem varð fyrir vonbrigðum.

Nýjasta mynd Steven Spielberg’s Minority Report hefur fengið frábærra dóma bæði erlendis (Roger Ebert- 4 stjörnur) og hérlendis (gagnrýnendur DV, Morgunblaðsins og Rásar 2 hafa gefið henni fullt hús stiga). Og flestir notendur kvikmynda.is eru að sama skapi mjög ánægðir með hana. En ég verð að viðurkenna að ég er ekki jafn ánægður með hana og margir aðrir. Já, Steven Spielberg vinnur sína vinnu auðvitað vel. John Williams semur tónlistina (eins og í öllum öðrum Spielberg myndum) og hún er einn sterkasti hluti myndarinnar. Kvikmyndatakan er sterk enda er enginn annar en Janusz Kaminski (kvikmyndatakan í Schindler’s List og svo flestum öðrum Spielberg myndum eftir það) að verki. Leikurinn er góður fyrir utan Tom Cruise, sem leikur kannski ekki illa en er samt eins og í öllum öðrum spennumyndum sínum. En besti leikurinn að mínu mati sést hjá Samantha Murton í hlutverki sjáandans Agöthu og hjá Svíanum Max von Sydow sem Lamar Burgess. Tæknibrellur eru ótrúlega flottar og með þeim bestu sem ég hef séð. Handritið er byggt á smásögu eftir Phillip K. Dick og er svo sem gott en það er allt of fyrirsjáanlegt. Það sem gerir það enn verra er að verið er að bjóða upp á einhverja fyrirsjáanlega ráðgátu. Svo fannst mér eltingaleikurinn frekar þreytandi. En svo kemur líka þessi Hollywood happy ending sem er kannski ekki stór galli en samt er hann frekar hallærislegur. Það mætti kannski stytta myndina nokkuð en hún er samt ekki beinlínis langdregin. Minority Report er góð mynd, sem er þess virði að sjá í bíó en að mínu mati kemst hún ekki í hóp bestu mynda Spielberg’s og ég vona að hún verði ekki óskarsverðlaunamyndin í ár.

ÞEssi mynd eftir steven spielberg er hreint mögnuð. Hún gerist árið 2054, sem er mikill galli á myndini. Myndin fjallar um mann að nafni John Anderrton(Tom Cruise) sem vinnur hjá lögreglukerfi sem sér um það að stoppa morð áður en þau gerast. svokallaðir sjéndur sjá fyrir um morðin áður en þau gerast, en þá kemur í hlut lögreglumanna að stoppa þau. En þegar John sjálfur lendir í því að eiga eftir að drepa mann sem hann veit ekki einusinni hver er hefst brjálaður eltingar leikur. Myndin er spennandi og heldur manni við efnið. Tæknibrellurnar eru góðar þótt það mætti sjá inn á milli merki um óraunveruleika. Ég mæli með að allir sjái hana.

Dísös kræst hvað þetta var góð afþreying!


Karlinn kom heim rennsveittur af spenningi(ég varð meira að segja að splæsa í sódavatn fyrir hann í hléinu til að hann ynni upp vökvatapið) og ég varð mér iðulega til skammar með því að kasta mér í fangið á karlmanninum sem sat við hliðina á mér (við mættum svo seint að ég fékk ekki sæti við hliðina á mínum manni og varð því að notast við sessunaut minn í hallæri).


Núna rifjast upp fyrir manni afhverju Spielberg er svona frægur. Sagan er rosagóð, tónlistin tilvalin, brellurnar dúndur án þess að gleypa myndina. Þetta er svona mynd þar sem maður þarf ekki einu sinni að tíunda kosti hennar til að sannfæra einhvern til að sjá hana, maður segir bara trust me, baby, sjáðu bara helv... myndina og svo getum við rætt málin.

Frábær mynd en samt er ég ekki sammála þeim sem telja þessa mynd bera fjórar stjörnur. Spennandi, skemmtileg, áhugverðar pælingar og áleitnar spurningar. Myndatakan góð, leikurinn góður, sérstaklega fannst mér Colin Farell góður í sínu litla hlutverki .. hann náði að skila karakter sem ekki var hægt að staðsetja fyrr en í lokin. Aðrir skila sínu óaðfinnanlega. Hvað er það þá sem dregur af henni hálfa stjörnu? Jú, annars vegar hálfvitalegir fimmaurabrandarar sem eiga ekkert heima í ádeilu, spennu, drama sem þessari, og svo hins vegar fáránlegur happy ending endirinn sem er alveg út í hött. Dettur einhverjum í hug að slaufa svona kerfi algjörlega sem sannaði sig í sífellu í myndinni. Sjáið þessa. Persónulega fannst mér AI ekkert síðri, hún var bara eilítið löng. En þessar tvær eru að mínu mati bestu myndir Spielbergs og hann loksins farinn að sýna hvað hann getur.