The Nines (2007)

The Nines er sálfræðitryllir með Ryan Reynolds í aðalhlutverki, og skiptist myndin í þrjá tengda hluta. Fyrsti hlutinn kallast The Prisoner og segir frá leikaranum Gary (Reynolds), sem er í stofufangelsi á heimili annarrar manneskju, fjarverandi handritshöfundar, af því að hann brenndi sitt eigið hús til grunna. Á meðan á stofufangelsinu stendur verður Gary sannfærður um að hann sé hundeltur af tölunni 9. Annar hlutinn heitir Reality Television og segir frá handritshöfundinum Gavin (Reynolds), sem fer að heiman til að vinna við þáttinn sem hann er að búa til, „Knowing“. Auk þess finnst Gavin hann vera eltur af sjálfum sér, en getur ekki útskýrt það fyllilega fyrir vinkonu sinni, leikkonunni Melissu (Melissa McCarthy). Þriðji þátturinn, Knowing, segir frá virtum tölvuleikjahönnuði, Gabriel (Reynolds), sem festist á afskekktum stað þegar bíllinn hans bilar. Hann hittir konuna Sierru (Hope Davis), og fara þá atburðir að gerast sem kollvarpa tilveru allra aðila.