The Prestige (2006)

 Vá nú er ég búin að sjá 3 myndir(Batman Begins, Dark Knight og the Prestige) eftir Christopher Nolan og vá hvað þær eru góðar. En varðandi The Prestige þá var hún með æðislegan söguþráð. Tvemur galdramönnum(Robert Angier og Alfred Borden) sem voru vinir og verða óvinir eftir að kona annars þeirra deyr í áhættusömu galdrabragði sem fal í sér að láta hana oní kar fullt af vatni með bundið fyriir hendur og fætur og ná að losa sig og komast upp úr á no time, og það var Borden sem batt á hana hnútana og eftir það kennir Angier honum um dauða hennar.Eðal leikara val í þessari mynd, Christian Bale er frábær leikari sem er búin að gera það mjög gott. Hugh Jackman(sem er ný kominn með bílpróf:P) stóð sig frábærlega, einn vinur minn kallar hann ýktan leikara sem ég skil ekki alveg. Svo er það Scarlett Johannson sem ég hef ekki séð svo margar myndir með því miður en þær sem ég hef sé var hún góð  í eins og American Rhapsody. Svo var ég bara vá þegar ég sá David Bowie sem var svo svalur í The Prestige.Brellunar voru mjög góðar í myndinni, manni fannst bara eins og það væri verið að gera töfrabrögðin í alvörinni í henni.Þessi mynd hefur æðislegt plott sem bara slær mann í framan í enda myndarinar, allavega þá sem eru ekki góðir í að fatta plott snemma, sem á við með mig. Christopher Nolan er snillingur, þannig er það bara, ég hef heyrt að hann eigi ekki að leikstýra næstu Batman mynd en ætla að vona að hann gerir það.Annars með The Prestige bara æðislega góð mynd með flottu plotti, söguþráð og öllu heila klabbinu.10 stjörnur af 10

The Prestige er alveg djöfulli góð mynd frá Christopher Nolan og lýsir í stuttu máli frá fjandskap tveggja töframanna í London og öðrum stöðum í Englandi við lok 19.aldarinnar. Gæðaleikararnir Hugh Jackman og Christian Bale leika þessa tvo töframenn og óhætt er að segja að þeir báðir standi sig frábærlega í þessum fagmannlega skrifuðu hlutverkum. Michael Caine virðist vera með stöðugt comeback þessa dagana og það er gott að sjá að hann hefur ekki enn glatað neistanum. The Prestige er mjög spennandi mynd, grípandi og sannfærandi og kemur sífellt á óvart. Vel er unnið úr góðum hugmyndum og endaplottið er mjög skemmtilegt. Persónurnar ná vel til manns(sérstaklega persónur Jackman's og Bale's)sem veldur því að maður lifir sig auðveldlega inn í atburðarrásina og er það snilldarleikstjórn Christopher Nolan's að þakka. Ég gef þó The Prestige ekki alveg fullt hús en það er bara vegna þess að mér finnst hún ekki ná því að vera gullmoli heldur er hún einungis frábær afþreying. Semsagt, stórgóð þriggja og hálfrar stjörnu mynd sem þú verður að sjá.

The Prestige er byggð upp nákvæmlega eins og töfrabragð; Hún kynnir eitthvað til leiks, dregur mottuna síðan undan manni þegar lengra er komið inn í atburðarásina, svo þegar líður að endanum kemur í ljós að það er eitt stórt spurningarmerki á bakvið þetta allt saman, og það má eiginlega segja það að markmið áhorfandans út í gegn er að komast að þessu leyndarmáli áður en ætlast er til þess.Þessi mynd er virkilega góð og í alla staði vel heppnuð afþreying. Christopher Nolan klikkar ekki hér frekar en fyrri daginn, og hvað skemmtilegar uppákomur varðar, þá er hann enn traustur þegar kemur að því að því að koma manni á óvart (maðurinn gerði náttúrlega eina bestu flækjumynd sem að gerð hefur verið; Memento).Myndin styðst líka vel við andlitin sem eru á skjánum. Christian Bale og Hugh Jackman eru höggþéttir að venju, ásamt gömlu kempunni Michael Caine, sem brillerar einnig. Scarlett Johansson er einnig góð í merkilegri aukarullu og gaman er að sjá þarna Andy Serkis í smá gestahlutverki, ef svo má kalla það, ásamt David Bowie í hlutverki Nikola Tesla. The Prestige gerir meira en einungis að safna plúsum út frá leikurunum. Myndin er geysilega vel strúktúruð, sem er einn helsti styrkleiki handritsins. Hún er líka spennandi og kemur almennilega á óvart, ekki aðeins í lokin, heldur út í gegn. Sumar flétturnar eru auðvitað fyrirsjáanlegri en aðrar, en myndin kemst upp með slíkt smotterí. Andrúmsloftið er líka glæsilegt, og bara útlitið í heild sinni gefur myndinni mjög markvissan og skuggalegan tón. Ég hafði gaman af þessari mynd frá upphafi til enda og tjái vitaskuld þá botnlausu virðingu sem ég hef gagnvart leikstjóranum enn og aftur. Ég segi 8/10, og kalla það sanngjarnan dóm.

Christopher Nolan hefur sér þann vana samkvæmt fyrri myndirnar sínar að halda sögunni sífellt gangandi, það er aldrei neinn hægur né veikur punktur því að hraðinn í framvindunni er stanslaus og klippingin er svo hröð, en það virkar alltaf. The Prestige er nákvæmlega svona, það er erfitt að koma henni saman en hún er samt sáraeinföld, söguþráðurinn er ekki flókinn en tímaleysið í uppbyggingunni og endurlitin gera söguna mun erfiðari að seta í rétt samhengi. Myndin fjallar í stuttu máli um Robert Angier (Hugh Jackman) og Alfred Borden (Christian Bale) sem verða óvinir eftir að Borden orsakar versta slys fyrir Angier. Seinna þegar Borden finnur uppá eitt besta töfrabragði í heiminum þá verður Angier óður í að komast að leyndarmálum hans Borden. Verður það að keppni tveggja manna sem óendanlega mun ganga alltof langt fyrir þá báða. Má merkja Prestige sem nýjustu tilraun Christopher Nolan og bróður hans Jonathan Nolan í frumleika, handritið þeirra er býsna vel skrifað og sýnir góðan skilning á undirstöðu töfrabragða enda byggir hún alla myndina á því, brögðin sjálf koma vel út á mynd, mér leið nánast eins og ég væri að horfa á þau á sviði meðan þau áttu sér stað. Hugh Jackman, sem er víst hörkugóður leikari á sviði, sýnir það í The Prestige með frábærar sviðsframkomur og auðvitað góðan leik í allri myndinni og sama má segja um Christian Bale, sem hefur hinsvegar mun færri tækifæri til þess að sýna sig vel á sviði. Það er mjög mikilvægt að þú spennir athyglinni frá fyrstu sekúndu myndarinnar ef þú vilt skilja brögðin bakvið söguna því hvert einasta atriði inniheldur upplýsingar um lausnir raðgátur myndarinnar. Mér fannst hinsvegar þessi hraði sem myndin heldur sér yfirlíta suma mikilvæga hluti fyrir aukapersónurnar, þrátt fyrir að vera AUKApersónur þá fannst mér það hefði verið hægt að bæta inn aðeins meiri áherslur fyrir þær. Einnig er notað hræðilegt poplag í lokatextunum sem gersamlega eyðilagði endastafina, hinsvegar eru þetta ekki nægar ástæður til þess að draga niður heila kvikmynd. The Prestige er ein af betri myndum ársins og ein af þeim merkilegri, hún hefur nánast ekkert sameiginlegt með The Illusionist fyrir utan það að báðar myndir fjalla að hluta til um töfrabrögð. Christopher Nolan er að hækka í áliti eftir hverja einustu mynd og ef hann heldur svona áfram þá ætti hann að verða af einum bestu kvikmyndagerðamönnum samtímans, en það kemur í ljós.

Ég geri mig fulla grein fyrir því að það eru ótrúlega margir sem elska þessa mynd, telja þetta vera meistaverk jafnvel. Mér hins vegar fannst hún jú góð en alls ekkert meistaraverk. Söguþráðurinn var mjög áhugaverður og karerktarnir í myndinni voru það líka. Leikurinn var einnig mjög góður og öll umgjörð í kringum myndina var til fyrirmyndar. Hins var myndin mjög fyrirsjáanleg og maður var löngu búin að átta sig á öllum plottunum langt áður en þau voru sýnd. Það sem mér þótti mest gaman af var að fá að vera baksviðs í öllum töfrabrögðunum, sjá hvernig þau voru gerð og sjá hvað töframaður þufrti að leggja á sig.

í heildina var þetta fínasta mynd en meira þarf til að þetta meigi kallast meiastaverk.

Ótrúlegt hvað er mikið af gullmolum í bíó þessa dagana og er þessi algjörlega ein af þeim.

Bræðurnir Christopher Nolan og Jonathan Nolan eru að sjálfsögðu ekkert annað en snillingar ég meina fyrst Memento svo The Prestige tvær myndir sem fá algjörlega topp einkun á t.d imdb.com. (memento 8,6 og The Prestige 8,1)

Og eru þeir enþá ungir, ég meina Christopher er 36 ára og Jonathan aðeins 30 ára og eiga þeir algjörlega frammtíðina fyrir sér í þessum bransa. Christopher Nolan algjörlega búinn að sína að hann er einn af betri amrísku leikstjórunum í dag, og ég verð alls ekki hissa ef hann eigi ekki bara eftir að vera alveg ótrúlega stór í frammtíðinni.

En handritið af þessari mynd vinna þeir í sameningu eins og þeir gerðu með memento (sem er reyndar bigð á smásögu eftir Jonathan Nolan) og er handritið að sjálfsögðu alveg glæsilegt.

Myndin er biggð á sögu eftir Christopher Priest og ætla ég mér svo sannarlega að leita bókina uppi og lesa hana.

Myndin er aðalega um tvo galdramenn að nafni Robert Angier leikin af Hugh Jackman og svo Alfred Borden sem er leikin af Christian Bale. (margir af krúinu með mjög svipuð nöfn)

Og bara hversu langt þeir ganga til að blekkja áhorfandann.

Og deilur þeirra á milli yfir ´því hver er betri og gera þeir hvað sem er til að verða betri en aðstæðingurinn.

Leikaranir eru flest allir ótrúlega góðir.

Christian Bale er náturlega bara í myklu uppáhaldi hjá mér, ótrúlega góður leikari.

Svo er það Hugh Jackman sem einnig sínir mjög góða frammistöðu í sínu hlutverki.

Michael Caine líka alltaf mjög góður í öllum myndum sem hann tekur sér fyrir höndum.

Mér fannst samt Scarlett Johansson svona síðst í sínu hlutverki, fannst hún frekar litlaus og ekki alveg nógu góð.

Sem er mjög leiðinlegt því mér hefur ávalt fundist hún mjög góð leikkona og líka alveg ótrúlega myndarleg.

En hún dregur myndina samt alls ekki niður, en hún er samt ekkert að sína neinn afbragðs leik.

En þessi mynd er en einn gullmolinn í safnið þessi misseri, og vorkenni ég öllum þeim sem vinna við að dæma í ýmsum kvikmyndaverlaunahátíðum víðs vegar um heiminn því það er alveg ótrúlega mikið um að velja, og það er alveg örugt að þessi kemst í hópinn af einum af bestu mynum ársins 2006, þó svo að þær séu orðnar þó nokkrar.

Þrátt fyrir það að ég gefi The Prestige fjórar stjörnur af fjórum held ég að ég gæfi henni fjórar og hálfa en fimm væru mögulegar því fáar myndir eru fullkomnar. En svo er ekki á þessari síðu og þrjár og hálf er bara of lítið fyrir meistarastykki á borð við þessa mynd.

Christopher Nolan snýr hér aftur góður sem alltaf. Ég er ekki frá því að The Prestige sé jafn góð og jafn vel betri en aðrar myndir hans svo sem Batman Begins og Memento.

Myndin er byggð á verðlauna bók Christophers Priest af sama nafni.

Myndin gerist á þremur mismunandi tímum sem hoppað er á milli í myndinni. Allir kaflar myndarinnar endurspegla þrjú stig töfrabragða: Fyrst er það ‘The Pledge’ – þar sem manni er sýndur hlutur sem lítur út fyrir að vera venjulegur en er það þó ekki - sem segir manni frá forsögunni og hvernig tvær aðalpersónur myndarinnar kynnast og verða erki-óvinir – Robert Angier (Hugh Jackman) og Alfred Borden (Christian Bale.)

Miðjuhlutinn, ‘The Turn’ – þar sem venjulegi hluturinn er gerður að einhverju óvenjulegu - sýnir manni ferð Angier til Colarado í leit að hinu fullkomna töfrabragði.

Og seinasti hlutinn “The Prestige” – þar sem galdurinn nær hámarki og ótrúlegir hlutir gerast - segir frá því þegar Borden er dæmdur til dauða fyrir morðið á Angier.

Þrátt fyrir að myndin sé sögð í þremur hlutum svipar henni lítið sem ekkert til annarra mynda eins og Pulp Fiction eða Sin City - sem notast á við sama kerfi - því í þessari eru allar sögurnar sagðar í skömmtum og flakkað á milli þeirra marg-oft yfir myndina.

Það besta við myndina er hversu rosalega “twisty” hún er. Margoft munt maður halda að maður hafi fattað “plottið” en svo er ekki. Myndir hleður fleiri og fleiri snilldar “plottum” ofan á þau gömlu og að lokum mun myndin hafa gabbað mann og snúið á mann svo algerlega að hún líkist meira töfrabragði en nokkurt slíkt sem maður mun verða vitni að í hinum raunverulega heimi. Myndin er svo sannarlega gædd meiri og máttugri göldrum en nokkur Harry Potter mynd.

Leikararnir, sviðsmyndin, og búningarnir eru allir til sóma. Góðir leikarar eru góðir, lélegir betri og jafnvel Christian Bale sem mér hefur aldrei líkað mjög vel við hefur fært sig upp í hátt sæti á uppáhalds leikara listann minn – og þá er mikið sagt.

Ef myndin hefur veikleika þá er það án efa hversu langdregin hún er. Það hefði að vísu ekki truflað mig hefði ég ekki verið með dúndrandi hausverk seinni hluta myndarinnar (en samt tókst mér að hafa gaman af – ótrúlegt, ha?) Sumum gæti þó leiðst það. Þó ætti að rassskella rækilega þá sem ekki hafa gaman af myndinni.

Ekki láta þessa sleppa.