Mort Rainey nýtur velgengni sem rithöfundur. Hann stendur í erfiðum skilnaði við eiginkonu sína sem hann hefur verið kvæntur í 10 ár, Amy. Einn og bitur heldur hann áfram að skrifa í kofanum sínum þegar ókunnugur maður að nafni John Shooter birtist, og segir að Rainey hafi stolið sögunni hans. Mort segist geta sannað að þessi saga sé hans, en ekki eftir Shooter, en þegar Mort er að leita að tímaritinu sem birti söguna sem um ræðir fyrir mörgum árum síðan, þá fara skrítnir hlutir að gerast í kringum Shooter. Hundur Mort deyr, fólk fer að deyja, og skilnaður hans við Amy verður sífellt óskemmtilegri. Svo virðist sem Shooter hafi kverkatak á Mort, en hugsanlega er Mort sjálfur með lausnir á öllum þessum vandamálum.
Secret Window er gerð eftir samnefndri skáldsögu Stepen King. Johnny Depp leikur næstum því King sjálfan, þ.e. rithöfund dularfullra smásagna. Dag einn bankar John Turturro upp á og sakar J…
Secret Window er gerð eftir samnefndri skáldsögu Stepen King. Johnny Depp leikur næstum því King sjálfan, þ.e. rithöfund dularfullra smásagna. Dag einn bankar John Turturro upp á og sakar Jón Doppu um að stela smásögu af honum sem Depp kannast ekki við. Myndin fer af stað sem frekar týpísk stalker mynd en breytist í eitthvað annað. Maður finnur vel fyrir að maður er í heimi King og hvað sem er getur gerst. Myndin er mjög vel leikin enda reynsluboltar hér í öllum hornum. Það verður líka bara að segjast eins og er, Johnny Depp er eiginlega alltaf góður og hann velur góðar myndir til að vera í. Þetta er langt frá því að vera stórmynd eða must see en mér fannst hún skemmtileg.
Þessi mynd kom mér virkilega á óvart. Hafði ekki miklar væntingar til þessarar myndar, en tók hana af sömu ástæðu og margir aðrir: Johnny Depp er í henni. Og finnst mér hann standa sig …
Þessi mynd kom mér virkilega á óvart. Hafði ekki miklar væntingar til þessarar myndar, en tók hana af sömu ástæðu og margir aðrir: Johnny Depp er í henni. Og finnst mér hann standa sig alveg þokkalega vel í sínu hlutverki sem rithöfundurinn. Svo er gaman að sjá John Turturro í hlutverki Shooters. Einn af mínum uppáhaldsleikurum og alltaf gaman að sjá hann, sama hvort sem það sé í Big Lebowski, Barton Fink eða þessari. Og verð að vera sammála Tómasi um það hversu hröð myndin er. Hún nær athygli manns alveg frá byrjun til enda, og það er kostur. En hvað varðar plottið á myndinni: Þó að það virki ágætlega, er þetta ekki eitthvað sem við erum búin að sjá áður í annarri mynd? En samt, mæli með henni samt sem áður.
Ég var á video leigjunni í gær og var að hugsa um að taka annaðhvort Dark water eða Skeleton key,myndir sem ég var þegar búinn að sjá en endaði að ég tók Secret window því ég fýla…
Ég var á video leigjunni í gær og var að hugsa um að taka annaðhvort Dark water eða Skeleton key,myndir sem ég var þegar búinn að sjá en endaði að ég tók Secret window því ég fýla sálfræði trylla og Johnny Depp er minn uppáhalds leikari.
Mort Rainey(Johhny Depp)er subbulegur og hrokkafullur rithöfundur sem stendur í miðjum skilnaði eftir að konan hans Amy(Maria Bello)hélt framhjá honum svo hann býr einn í sumarbústaði þeirra hjóna,hann er þar aleinn og er að skrifa nýja skáldsögu þegar mjög undarlegur maður sem kallar sig John Shooter(John Turturro)og segir að -Mort hafi stolið frá sér skáldsögu og hótar öllu illu en Mort getur sannað það að hann sé ranglega áskaður og hefur sannanir og Shooter gefur honum þriggja daga frest.
Svo fara hryllilegir hlutir að gerast og spennan magnast eða hvað?
Ég varð fyrir vonbrigðum með Secret window hún er mjög lík Hide and seek og Shining en kom úut ári á undan Hide and seek en það er samt mun betri mynd.
Secret window var frekar stutt en endirinn rosa óhugnalegur,kunning minn var reyndar búinn að kjafta frá honum og það eyðilegði fyrir mér myndina en endrinn var engu síðar hryllilegur(meint í sömu merkingu og óhugnanlegur).Myndin er ekki mjög vel gerð og mynnti á tíma bili sem sjónvarpssmynd.Johnny Depp hefur verið mikilu betri en var ágætur sem aðalpersónan,mun betri var Turturro sem hinn skrítni og óhugnanlegi Shooter,og Maria Bello var skítsæmileg.Mæli mun meira með Hide and seek,góð mynd þar á ferð en sleppiði bara secret window.
Johnny Depp sýnir hér enn og aftur að hann er stórleikari. Við kynnumst rithöfundi sem hefur skorið frá nútímasamfélagi og hýrist í kofa út buskanum.
Depp hefur átt í skilnaði við fyrrverandi konu sína og er hann í sífelldu þunglyndi sem dagurinn líður. Einn daginn kemur til hans maður(Turturo), mjög dularfullur, og segir hann að Depp hafi stolið af sér sögu, Depp kannast ekkert við það og fer að rannsaka málið. Það sem hann kemst að og það sem á eftir kemur er tvímælalaust óséð og hafði ég ekki græna glóru um það hvernig myndin myndi enda.
Þessi mynd er ein af þeim sem heldur manni allan tímann og er maður sífellt að pæla í henni, það sem maður fær í andlitið í lokin er vel biðinnar virði, en mér fannst þó endirinn ekki eins góður og myndin var búin að byggja upp, hefði getað verið betri. En Depp fær kredit fyrir leik sinn og er hann án efa með betri leikurum í dag.
Andskoti góð mynd og ein af þessum fáu góðu myndum sem eru byggðar á skáldsögum eftir Stephen King. Johnny Depp fer alveg á kostum í aðalhlutverkinu sem rithöfundur í sóðaskap og rugl…
Andskoti góð mynd og ein af þessum fáu góðu myndum sem eru byggðar á skáldsögum eftir Stephen King. Johnny Depp fer alveg á kostum í aðalhlutverkinu sem rithöfundur í sóðaskap og rugli og það er alveg frábært að sjá hann leika svona vel. Maria Bello er líka fín, spilar vel úr annars hálf klisjukenndu hlutverki. Hins vegar er soldið vont að sjá John Turturro, eitthvað svo slappur og bara ekki rétti maðurinn í hlutverkið en það gerir ekkert til þar sem að Depp valtar alveg yfir Turturro og jafnvel alla aðra leikara í myndinni. Margir hafa haft orð á því að óvænta uppljóstrunin í þessari mynd Secret window þurfi á hvíld að halda í bili þar sem að eitthvað svona hefur verið notað reglulega undanfarið og undirritaður er að vissu leiti sammála því en plottið kemur samt reglulega á óvart við fyrsta áhorf. Þetta er samt orðið gott í bili. Secret window hefur sína galla en hún hefur sína kosti sem eru fleiri en gallarnir. Undirritaður er því ánægður með myndina og gefur henni þrjár stjörnur ásamt dágóðum meðmælum.
Secret Window er spennutryllir um rithöfund (Johnny Depp) sem lendir í því að verða ásóttur af manni sem heldur því fram að hann hafi stolið frá honum smásögu, þ.e. gefið hana út und…
Secret Window er spennutryllir um rithöfund (Johnny Depp) sem lendir í því að verða ásóttur af manni sem heldur því fram að hann hafi stolið frá honum smásögu, þ.e. gefið hana út undir sínu nafni. Krefst þessi dularfulli maður að þetta verði leiðrétt, þ.e. rithöfundurinn fái söguna gefna út aftur undir nafni rétts höfundar, en um þennan meinta ritstuld eru þeir ekki sammála. Atburðarásin stigmagnast jafnt og þétt og verður myndin nokkuð spennandi á köflum. Það er erfitt fyrir mig að fara út í það sem ég tel vera langsamlega stærsta galla þessarar myndar án þess að eyðileggja endinn fyrir þeim sem ekki hafa séð hana. Ég læt nægja að nefna myndir eins og Sixth Sense, Fight Club og A Beautiful Mind. Þetta hefur verið gert áður og það er kominn tíma á að gefa þessum ''plot-twist'' góða hvíld. Það er synd og skömm að handritið skuli ekki vera frumlegra því hér er allt annað fyrir hendi til þess að skapa eftirminnilega mynd. Johnny Depp er frábær í hlutverki sínu og John Turturro litlu síðri. Áðurnefndur galli er samt nógu stór til þess að draga myndina verulega niður í mínum huga og er þetta því meðal stjörnugjöf fyrir meðal mynd.
Secret window er rúmlega ágætis mynd. hún er spennandi og vel leikin. Það eina sem böggar mig er endirinn. Fyrir þá sem ekki eru búnir að sjá hana...ekki lesa lengra. Ekki það að hann h…
Secret window er rúmlega ágætis mynd. hún er spennandi og vel leikin. Það eina sem böggar mig er endirinn. Fyrir þá sem ekki eru búnir að sjá hana...ekki lesa lengra. Ekki það að hann hafi verið fyrirsjáanlegur en mann var farið að gruna þetta stuttu fyrir uppljóstrunina. Málið er að þetta er orðið nokkuð þreytt twist á sögunni. Tek sem dæmi ´´never talk to strangers´´ þar sem plottið kom manni gjörsamlega í opna skjöldu, og svo var það Fight club sem hafði þetta fáránlega twist að manni fannst það hlægilegt. Og svo núna þessi mynd. Satt að segja finnst mér þetta vera orðið þreytt. Grunsamleg morð þar sem morðinginn er annar persónuleiki Depp´s, fremur einföld lausn. En ég læt hana ekki líða of mikið fyrir það, hún virkaði vel á mann.
Secret Window er mynd sem þarf bara eitt markmið. Þetta er spennutryllir sem þarf ekki að gera annað en að halda áhuga áhorfandans meðan á lengd stendur, og gerir hún það svo sannarlega,…
Secret Window er mynd sem þarf bara eitt markmið. Þetta er spennutryllir sem þarf ekki að gera annað en að halda áhuga áhorfandans meðan á lengd stendur, og gerir hún það svo sannarlega, og virkilega vel. Það sem kom mér mest á óvart með þessa mynd var hversu hröð hún er. Myndin fer af stað frá fyrstu mínútu og heldur góðu flæði til þeirrar seinustu. En ég er viss um að þetta yrði ekki eins góð skemmtun væri snillingurinn Johnny Depp ekki viðstaddur. Depp lífgar mikið upp á klisjukennda persónu (einmana gaurinn sem drekkur eftir að hafa misst konu sína - týpískara verður það ekki) og gerir hana skemmtilega. Leikarinn hefur alltaf haft næga útgeislun og persónutöfra sem gerir hann svo fjölbreyttan. Hann stendur sig þrusuvel, sem og John Turturro í hlutverki brjálæðingsins Shooter. Aðrir leikarar - þ.á.m. Maria Bello og Timothy Hutton - eru auðgleymanlegir og lítt áhugaverðir. Það eru bara lykilhlutverkin tvö sem gera myndina að slíkri þrælgóðri afþreyingu, og vissulega með hjálp frá nettri spennu og síðast en ekki síst, furðulegri en mjög óvæntri lokafléttu. Það er gott að vita að það sé enn hægt að gera góða Stephen King-mynd. Ég var farinn að missa trú á slíku eftir Dreamcatcher-hrærigrautinn. Eins og Ebert segir: ''Thumbs up!''7/10
Secret Window kom mér mjög á óvart því ég bjóst ekki við að hún væri svona góð. Johnny Depp og John Turturro eru mjög sannfærandi. Myndin fær mann til að verða mjög spenntann og ma…
Secret Window kom mér mjög á óvart því ég bjóst ekki við að hún væri svona góð. Johnny Depp og John Turturro eru mjög sannfærandi. Myndin fær mann til að verða mjög spenntann og maður hefur mjög gaman af henni. Handritið er vel skrifað og góð leikstjórn. Myndin fjallar um rithöfund sem býr einn upp í kofa, dag einn kemur síðan maður sem sakar hann um ritstuld og framhaldið verður mjög spennandi. Endirinn er líka mjög ófyrirsjánlegur og kemur manni á óvart. Eg mæli eindregið með henni enda ein besta spennumynd sem komið hefur lengi.
Kvikmyndin Secret Window er gerð eftir sögunni Four Past Midnight: Secret Window, Secret Garden eftir Stephen King. Gerðar hafa verið margar kvikmyndir eftir sögum Stephen King. Margar eru frábærar eins og Green Mile, The Shining, Misery og Shawshank Redemption en margar eru hreint og klárt rusl eins og Sometimes they come back, Thinner og Graveyard Shift . Kvikmyndin Secret Window rétt nær í hælana á þeim toppmyndum sem gerðar hafa verið eftir sögum meistarans. Í stuttu máli fjallar myndin um rithöfundinn Mort Rainey (Johnny Depp). Hann hefur einangrað sig eftir erfið sambandsslit við fyrrverandi konuna sína, Amy Rainey (Maria Bello). Hann á erfitt með að skrifa og nýtur dagana til svefns og drykkju. Einn morguninn er bankað á dyrnar hjá honum og fyrir utan stendur maður að nafni John Shooter. John sakar Mort um ritstuld og krefst þess að hann leiðrétti það hið fyrsta. Mort álítur þennan mann eitthvað ruglaðan og hunsar hann að mestu leyti. En síðar gerir Mort sér grein fyrir því að þessi maður veit mun meira um hann en Mort hafði gert sér grein fyrir. Secret Window leikur sér með þekkt minni úr sögum Kings, rithöfundur í ákveðinni tilvistarkreppu. Myndin er vel leikin og handritið nokkuð gott. Það er góður stígandi í myndinni og er hún mjög spennandi á köflum. Secret Window er vel gerð spennumynd með óvæntri fléttu. Mæli með þessari.
Þetta er enn ein myndin sem sýnir hversu góður leikari Johnny Depp er. Í þessari mynd eru aldrei dauð augnablik. Þessi mynd minnir mann samt óhugnalega mikið á Fight Club þar sem hið ófy…
Þetta er enn ein myndin sem sýnir hversu góður leikari Johnny Depp er. Í þessari mynd eru aldrei dauð augnablik. Þessi mynd minnir mann samt óhugnalega mikið á Fight Club þar sem hið ófyrirsjáanlega gerist í bláendann. Þessi mynd fjallar um rithöfund (Johnny Depp) sem leigir sér kofa til að skrifa bók en þá bankar upp hjá honum maður (John Turturro) sem segir að hann hafi stolið sögunni sinni og eftir það byrjar æsispennandi atburðarrás en samt er aldrei er langt í grínið. Maðurinn byrjar að áreita hann og gerir marga illa hluti. En ekki treysta því sem þið haldið vegna þess að margt ófyrirsjáanlegt gerist. Ég mæli eindregið með þessari mynd fyrir þá sem hafa gaman af myndum sem fá hnakkahárin til að rísa og hjartað til að pumpa.
Bönnuð innan 16 ára
Ofbeldi
Kynlíf
Blótsyrði
John Chard ★ 6.0/10
Reno ★ 6.0/10
Kamurai ★ 7.0/10
Wuchak ★ 6.0/10
