The Sixth Sense (1999)

 ég leigði þessa mynd með vini mínum. Við bjuggumst við mjög miklum spennutrylli og miklum atriðum sem maður bregður í.... en nei nei okkur fannst þetta bara nokkuð skemmtinleg mynd sko... manni bregður sko ekkert í þessari mynd. Ég mæli með þessari mynd fyrir 11. ára og eldri.

Ég er víst í algjörum minnihlutahóp með að þykja The Sixth sense ekkert neitt mjög góð. Umgjörðin er að vísu vel unnin og leikurinn alveg súper en í rauninni er lítið að gerast í myndinni og hún snýst aðallega um að byggja upp endinn(sem eins og flestir vita er mjög óvæntur og kemur manni til umhugsunar) og þangað til er hún heldur þreytt og daufleg og ekki nærri því eins hrollvekjandi og hún hefði átt að vera. Þetta er allavega það sem ég sá. Bruce Willis fílar sig vel í hlutverki barnasálfræðings og tekst að gera hann furðu áhugaverðan miðað við hvað hlutverkið er flatt skrifað. Haley Joel Osment leikur lítinn dreng sem sér framliðið fólk og hann leikur vel. Yfirleitt þoli ég þennan gutta ekki en hann er þolanlegur hér. Hvað er meira hægt að segja.....? Ég ætla að vera stuttorður í þetta sinn og lýsa því yfir að mér finnst lítið varið í The Sixth sense, hún er ágætis skemmtun til að sjá einu sinni eða tvisvar en hún átti alls ekki skilið að verða tilnefnd til allra þessa óskarsverðlauna á sínum tíma. Tvær stjörnur frá mér, ég fer ekki hærra.

Bruce Willis leikur sálfræðinginn nokkurn sem fær það verkefni að hjálp strák sem heitir Cole Sear(Haley Joel Osment)hann er lagður í einelti í skólanum sínum og býr með einstæðri móður sinni sem er afar ströng(þetta hljómar eins og í Carrie)en sálfræðingurinn á líka við vandamál að stríða konan hans hatar hann og er hugsanlega að halda framhjá honum en hann kemst að því að Cole er hefur 6 skilningarvitið og sér það sem aðrir sjá ekki.....

Toni Colette og Olivia Williams leika aðalkvennpersónurnar.

Þessi mynd er meistaraverk algjörlega og listrænt séð er hún fullkominn

mjög creepy andrúmsloft og líka mjög sorgleg.

Handritið,leikstjórnin,myndatakan og leikurinn er allt frábært.

Og einnig er endirinn frábær einn af þeim bertu sem ég veit um.

Þetta er meistaraverk sem allir ættu að sjá.

Algjört skylduáhorf

Sjötta Skilningarvitið er auðvitað góð mynd en ég skil ekki hvað er svona óhugnalegt við hana! Jæja,þið um það en hér kemur söguþráðurinn. Dr.Malcolm Crowe (Bruce Willis,Die hard,Mercury Rising) er virtur barnasálfræðingurinn sem sér eftir fortíðinni því að hann telur sig hafa brást einum sjúklingi sínum. Hann er heillaður af einum sjúklingi sínum (Haley Joel Osment,Pay It Forward) en hann er skyggn en það kemur í ljós að hann getur talað við látið fólk.

The Sixth Sense er ekki alveg eins frábær og allir vilja halda. Ég játa það að margt í myndinni er vel gert og að sjálfsögðu kippist hver lifandi sála nokkuð við, en það er ekki eins og þetta hafi ekki verið gert áður. Ég er ekki að segja að ég dragi myndina niður fyrir ófrumleika, alls ekki. Gallar myndarinnar eru aðrir. Sem dæmi: Myndin byrjar á því að byggja upp nokkra spennu með því að láta drenginn verða fyrir árásum ýmissa drauga og því um líkt. Það heldur áfram í nokkurn tíma og síðan kemur hlé (ef þú sást myndina í bíó). Þá hefði maður haldið að nú myndi hryllingurinn fara virkilega af stað, en nei. Þá var myndin einfaldlega að verða búin og draugarnir voru bara góðir eftir allt saman. Myndin hefði getað orðið svo miklu betri ef hún hefði haldið áfram á sömu braut. En stærsti gallinn er þó handritið. Það er góð hugmynd og við fyrstu sýn virðist endirinn vera hin mesta snilld. En hugsum betur um það. Endirinn gefur í skyn að kvikmyndin hafi í raun verið að fjalla um Bruce Willis en ekki strákinn, eins og allir héldu framan af. En það er gallinn, myndin veit ekki alveg um hvað hún er að fjalla, það er engin megináhersla í kvikmyndinni og endirinn er aðeins flottur á yfirborðinu. Hann dregur einnig margt annað niður í myndinni. Þó fær myndin tvær og hálfa stjörnu fyrir fínt útlit og fínan leik hjá Osment og Collette (Willis er frekar stirður) Þó finnst mér fáránlegt að hún skuli hljóta Óskarsverðlaunatilnefningu sem besta mynd, og hvað þá fyrir leikstórn eða handrit. P.S. Af hverju tala allir draugar og óvættir á latínu (sbr. Event Horizon og Stigmata)?

I see dead people. Þvílík snilld. The Sixth Sense er trúlega einn besta hrollvekju drama mynd sem gerð hefur verið og besta mynd ársins 1999 á eftir Matrix (ég er ekki búinn að sjá American Beauty). Myndin fjallar um barnasálfræðingin Malcolm Crowe (Bruce Willis) sem á við vandamál að stríða. Hann er með sektarkent yfir því að fyrverandi sjúklingur hans brýst inn á heimili hans og skítur sig til banna og einig skítur hann Malcolm. Einig virðist samband Malcolm og eiginkonu hans Önnu vera fara í vaskinn. Hún er virðist fjarlæg honum og hún vill ekki hlusta á hann. Hún virðist lík vera farinn að halda fram hjá honum. En einn daginn fær Malcolm sjúkling að nafni Cole Sear (Haley Joel Osment). Hann er 9. ára og er hann stöðugt hræddur við eithvað hræðilegt sem hann vill eingum segja. Malcolm reynir að fá drenginn til að segja honum við hvað hann sé svona hræddur við en það gengur ekki vel þanngað til atvik gerist sem fær Cole til að leisa frá skjóðunni. Það virðist vera að hann sjái dáið fólk. Malcolm trúir Cole aðvitað ekki en þagar hann byrjar að rannsaka málið betur kemur í ljós að það er ekk bara vitleysa sem drengurinn er að segja. Þessi mynd er meistaraverk eftir M. Night Shyamalan sem bæði gerði handritið og leikstírði myndinni og hefði hann átt skilið að fá óskar fyrir handritið. Leikurinn í myndinni er góður. Bruce Willis er mjög góður sem sálfræðingurinn Malcolm og Toni Collette er frábær sem Lynn Sear en hún er móðir Cole. En senuþjófur myndarinar er tvímælanlaust Haley Joel Osment en hann á sankalaðan stjörnuleik sem Cole Sear, sem er drengurinn sem hefur sjötta skilningarvitið. Ég varð mjög svekktur þegar ég las hér á kvikmyndir.is að hann hefði ekki hlotið óskarinn hyrir þennan snildar leik sinn. Kvikmyndatakan í myndinini er mjög góð eins og allt annað sem viðkemur myndini. The Sixth Sense var tilnefnd til sex óskarsverðlauna fyrir árið 1999; sem besta kvikmynd ársins, fyrir bestu leikstjórn, besta frumsamda kvikmyndahandrit, bestu klippinguna og síðast en ekki síst fyrir besta leik í aukahlutverki karla (Haley Joel Osment) og kvenna (Toni Collette). Og mér finnst að hún hefði átt að fá óskarsverðlaun fyrir besta frumsamda kvikmyndahandrit og besta leik í aukahlutverki karla (Haley Joel Osment). The Sixth Sense er stórmynd og skyldueign á hverju siðmenntuðu heimili. Takk fyrri.

Eftir að hafa séð Sixth Sense tvisvar veit ég að hún er með þeim allrabestu og á skilið fullt hús og allt það lof sem hún hefur fengið. Hún er frumleg og ógnvekjandi og hefur alveg óvæntan endi. Haley er frábær að venju og Bruce Willis stórgóður -hann hefur oft sýnt að hann getur tekist á við ólíkustu hlutverk. Aðrir leikarar standa sig vel, enda leikstjórnin í góðum höndum. Það hefur verið krefjandi fyrir alla aðstandendur myndarinnar að gera hana og útkoman er stórmynd. Mér er nú orðið vel ljóst að M. Night Shyamalan er einn af uppáhaldslistamönnum mínum í kvikmyndaheiminum í dag, enda kann ég mjög vel að meta þetta sköpunarverk hans, auk Unbreakable og Signs. Honum tekst með leikni að halda spennu út alla myndina og taka mann á sálfræðinni, auk þess sem hann fær ekki minni menn en Bruce Willis og Mel Gibson (í Signs) í lið með sér. Hvað við kemur Sixth Sense er rétt að spyrja sig hvort sé óhuggulegra að vita bara af tilvist drauga eða að sjá þá og jafnvel tala við þá. Kannski ekki góð mynd fyrir myrkfælna, en tæknin, heimspekin, spennan og skemmtunin í heild gera myndina að sannkölluðu meistaraverki. Ef einhver á eftir að sjá hana, þá er ekki seinna vænna en að drífa í því.

The Sixth Sense er ein af þessum myndum sem maður getur bara séð einu sinni, og ef þú færð að vita of mikið úr myndinni áður en þú sérð hana þá er hún gjörsamlega ónýt. En ég verð að segja það að ég skemmti mér mjög vel þegar ég sá The Sixth Sense. Ekki bara er þetta mjög góð saga heldur er hún frábærlega leikstýrð af M. Night Shyamalan. Leikurinn hjá bæði Bruce Willis ( Die Hard 1,2,3 og Pulp Fiction ) og Hartley Joel Osment ( Bogus ) er mjög góður ásamt öðrum góðum leikurum. Shyamalan nær að byggja upp góða sögu og mikla spennu sem kemur þér sífellt á óvart. THE SIXTH SENSE ER EIN AF 5 BESTU MYNDUM SÍÐASTA ÁRS.

Vá, hvað ég varð hræddur á þessari. Hún hélt manni spenntum og um leið hræddum allan tímann. Fullt af flottum atriðum þar sem manni brá og leikur Haley Joel Osment og Bruce Willis er svaðalegur. Svalur endir sem mér datt engan veginn í hug að gæti gerst. Byrjunaratriðið er líka mjög flott. Þessi mynd er í háum klassa og svíkur engan sem vill góða spennu og einnig dálitla hræðslu.


I see dead people.

Ég hef ekki séð mynd jafn vel gerða, jafn spennandi og jafn ógugnanlega síðan ég sá The Shining. Þetta er hreint út sagt frábær mynd og mjög ógnvænleg og sjokkerandi. Myndin segir frá barnasálfræðingnum Malcolm Crowe (Bruce Willis) sem á við vandamál að stríða. Hann þjáist af sektarkennd eftir að fyrrverandi sjúklingur hans skýtur hann og síðan sjálfan sig til bana af því honum finnst að Malcolm hafi ekki hjálpað sér. Honum líður líka illa út af því að samband hans við konu sína Önnu Crowe (Olivia Williams) sé að fara í vaskinn. Hún virðist vera fjarlæg honum og vill ekki hlusta á hann. Hún er jafnvel kannski farin að halda framhjá honum. Einn dag fær Malcolm sjúkling að nafni Cole Sear (Haley Joel Osment). Þetta er 9 ára strákur sem er stöðugt skelfingu lostinn við eitthvað hræðilegt sem hann einn veit um en vill engum segja. Malcolm reynir að ná til hans og gengur það brösuglega þangað til að atvik gerist sem fær Cole til þess að leysa frá skjóðunni. Svo virðist sem að hann geti séð dáið fólk. Malcolm trúir honum að sjálfsögðu ekki en eftir að hann kafar dýpra ofan í málið og sálarlíf drengsins fer hann að sannfærast um að drengurinn sé að segja satt. Fyrir utan The Shining hef ég aldrei séð mynd sem er jafn vel gerð um svona hluti. Myndin er það djúp að hún leyfir sér að grafa sig virkilega niður í sálarlíf drengsins svo að maður skilur hvernig honum líður. Og það er ekki skemmtileg líðan. Það er sennilega svipað eins og að vera staddur í martröð sem aldrei hættir. Myndin er ekki neitt sérstaklega blóðug eða neitt svoleiðis en þegar eitthvert blóð er á skjánum er það svo vel undirbúið og vel tímasett að maður verður skelfingu lostinn um leið og það kemur. Leikstjóranum og handritshöfundinum M. Night Shyamalan heldur óhugnanlegu andrúmslofti gangandi allan tímann svo maður sekkur niður í sætið í bíóinu og grípur dauðahaldi í stólarmana. Þegar ég kom út úr bíóinu leið mér illa og leit oft aftur fyrir mig eins og til þess að sjá að allt væri í lagi. Ég tek ofan fyrir hverri þeirri mynd sem fær mig til þess að láta þannig. Myndin er vel leikin einnig. Bruce Willis sem sálfræðingurinn leikur rólega og samúðarfulla týpu sem byrjar síðan að átta sig á því hvað er á seyði. Að þetta er ekki ímyndun endilega heldur hugsanlega raunverulega. Haley Joel Osment sem leikur drenginn er hreint út sagt frábær og stelur hverri einustu senu sem hann er í sem er þá mest öll myndin. Hann sýnir hræðslu drengsins svo vel að ótrúlegt er á að líta. Lokin á myndinni ætla ég alls ekki að ljóstra upp um en þau eru hreint út sagt stórkostleg. Að vera svo djarfur að leyfa sér að enda mynd svona er afrek. Endirinn einn er þess virði að fara á þessa mynd. Skemmtið ykkur vel og verið hrædd af því að eruð afbrigðileg ef þið verðið ekki hrædd á þessari mynd.

Þetta er með þeim betri myndum sem ég hef séð. Ég fór á þessa mynd sem spennu mynd og fannst hún ömurleg, en svo fór ég á hana aftur og þá sá ég hvað þetta er geðveik mynd. Fínar brellur og Bruce í topp formi. Ég mæli með þessari mynd!!

Mjög góð spennumynd. Haley Joel Osment leikur litla 8 ára strákinn Cole Sear mjög vel og Bruce Willis er ekki slæmur. Myndin er um Cole Sear sem á sér leyndarmál. Hann sér dáið fólk eins og það sé lifandi. Það truflar hann mjög og mamma hans sér að það er eitthvað að og leitar til sálfræðings. Það er bara spurning hvort sálfræðingurinn geti einhvað hjálpað honum.