The Boondock Saints (1999)

ÉG verð nú bara að segja að þetta er góð mynd og ég vona að sjá hana sem fyrst því hún er einfaldlega bara fantagóð mynd sem kemur manni verulega á óvart hvað þessi mynd leynir á því að vera góð.

Willem Dafoe leikur hér fanta vel og eins og maður sér þá er hann frægasti leikarinn sem leikur í þessari mynd. Þessi mynd er góð og ég er sammála gæjanum sem sagði að þetta er svolítíð líkt Pulp Fiction.Góð mynd.

The Boondock Saints hefur aldrei látið bera mikið á sér, en hefur sópað að sér stórum aðdáendahópum í gegnum árin og er núna komin í költ status-inn. Athyglina á hún nokkuð vel skilið. Myndin er bara eitthvað svo sérstök, á margan hátt líka. Ekki einstök, heldur sérstök, bara svo það komi vel fram. Nýliðinn Troy Duffy meðhöndlar leikstjórnina bara afskaplega vel og með miklu sjálfsöryggi. Það sést ekki auðveldlega að þetta sé hans fyrsta bíómynd. Hann sækir þó í margs konar stílbrögð frá öðrum fagmönnum/kvikmyndum (þið sjáið væntanlega mikinn Tarantino-blæ í myndinni, ásamt nokkru ''lánuðu'' úr Leon sem og örugglega tugi annarra mynda), en gerir jafnframt margt ferskt við hráefnið og fær að sjálfsögðu hrós fyrir mjög töff grunnhugmynd.Frásagnarhátturinn er ótrúlega flottur og ofbeldissenurnar bráðskemmtilegar vegna sérstakrar blöndu af slow-motion skotum, hráum klippingarstíl og fjölbreyttri tónlist. Hasarinn er heldur ekki ofhlaðinn tilgangslausum kúlnahríðum, eins og yfirgnæfir margar spennuræmur sem hlynntar eru formúlunni, heldur fléttist hann reglulega inn í söguþráðinn á flottan hátt. Þeir Sean Patrick Flannery og Norman Reedus hafa hvorugir sannað sig sem miklir leikarar í sitthvoru lagi (né höfðu þeir verið í hátt settu áliti hjá mér), en í þessari mynd eru þeir dúndurgóðir sem strangtrúuðu írsku bræðurnir sem finna sér skyndilega umdeilt hobbí. Flanery blæs kannski örlitlu meira lífi í sinn karakter heldur en Reedus gerir, þrátt fyrir að bæði hlutverkin séu frekar vanskrifuð. Willem Dafoe er annars frábær leikari og stelur öllum atriðum sínum með dásamlega "over the top" frammistöðu sem rannsóknarlöggan sem elskar að fara yfir strikið. Ég set stórt spurningarmerki við Jesús-tvífarann David Della Rocco, sem fær alltof mikinn tíma á skjánum (enda góðvinur leikstjórans). Eina stundina er hann fyndinn en þá næstu er hann djöfulli pirrandi. Það er svosem í takt við persónu hans og ég held að Duffy hafi gert hann þannig viljandi, en það er eitthvað óvenjulegt við það hversu illa manni líkar stundum við hann.Endirinn fer líka rosalega í taugarnar á mér, en þá kannski vegna þess að myndin hefur bara alls engan endi! (anti-climax? ég held það nú) Akkúrat þegar atburðarásin byrjar að vera gífurlega spennandi þá allt í einu byrjar credit-listinn að rúlla og manni líður eins og það vanti heilmikið inn í lokaþriðjunginn. Það er stærsta kvörtunin mín, og hundleiðinlegur galli vegna þess að mestallur afgangur myndarinnar er stórskemmtilegur.Annars er kvikmyndatakan góð og bara stíllinn yfirhöfuð rosalega vel heppnaður. Það er margt bæði frumlegt og ófrumlegt við þessa mynd, en þrátt fyrir það er heildarmyndin þess virði að mæla með. Þetta er ekkert sem vekur mann til mikillar umhugsunar (þótt hún kafi gjarnan út í hugtakið réttlæti og vekur upp alls kyns spurningar), en afþreyingargildið stendur fyrir sínu.7/10

Þessi mynd er algjör snilld. Hún fjallar um írska bræður sem að sumir halda að séu englar sem eru sendir af guði til að taka til hendinni og drepa alla sem að brjóta gegn vilja guðs. Myndin er vel tekin og það eru mjög mörg atriði sem láta mann stoppa aðeins og hugsa. Söguþráðurinn er vel spunnin og maður finnur aldrei fyrir því að það sé eitthvað söguþræðinu eins og gengur og gerist of í annars ágætis myndum. Myndin fær þess vegna 4 stjörnur

Ég fatta ekkert í þessu. Ég skrifaði um þesssa mynd fyrir ári síðan. Kom aldrei upp. En þessi mynd er einstök. McManus bræðurnir eru eftir spillingu borgara Bostons til að fella þá með kraft Guðs. Willem Dafoe lék alveg rosalega vel. Líka Flanery og Reedus. Verst að þessi mynd kom ekki í bíó. Þetta er fyrsta mynd Troy Duffy og gekk honum vel. Má vita að Boondock Saints II: All Saints Day er að koma. Athyglisvert að vita hvernig henni mun ganga.

Þessi mynd er bara snilld og lætur engann ósnortinn,

ég á mér þrjár uppáhalds myndir og er Boondock Saints ein af þeim.


Shepard we shall be, for thee my lord for thee, power had the senate forh from thy hand, thy feet may swiftly carry out thy command, so we shall flow a river forth to thee, and taming with souls shall it ever be



“in nomini patri - Et filii - Spiritu sancte”

Mér finnst asnalegt að the Boondock saints kom ekki í bíó.

Þessi mynd er hrein snilld, Sean Patrick Flanery og Norman Reedus eru frábærir sem MacManus bræðurnir.


Í grófum dráttum fjallar myndin um að Írar um allan heim halda dag heilags Patreks, þjóðhátíðardag Írlands, hátíðlegan. MacManus-tvíburarnir í suður-Boston byrja daginn á því að fara á kirkju og á eftir hitta þeir vini sína yfir bjórglasi á hverfiskránni. Eftir það taka aðrar og óhefðbundnari athafnir við. Næstu daga fara bræðurnir að taka til í bænum, losa sig við óþverra bæjarins.


P.S það er búið að skrifa undir framhald af myndinni, hún mun bera nafnið BOONDOCK II The Second Coming.

Svona snilldarmyndir eru ekki á hverju strái. Eftir að hafa horft á þessa mynd hugsaði ég með mér af hverju í fjandanum þessi snilld kom ekki í bíó. The Boondock Saints er ein besta mynd sem ég hef séð og hún hefur verið að fá frábæra dóma alls staðar og er geðveikt vinsæl á videóleigum þess vegna er ég ekki að skilja hvers vegna hún fór beint á myndband hér á Íslandi.


Myndin fjallar um McManus bræðurna 2 sem fá skipun frá himnum um að myrða nokkra glæpamenn og mafíuóssa. Brátt kemst síðan mjög snjall lögreglumaður að nafni Paul Smecker (Willem Dafoe) á hæla þeirra.

Willem Dafoe fer á kostum sem Paul Smecker í aðalhlutverkinu og þessi leikari er alltaf að hækka í áliti hjá mér. Flestir aðrir leikarar myndarinnar eru ekki jafn góðir og hann en eru samt alveg þolanlegir. Leikstjóri myndarinnar, Troy Duffy var mjög lítið þekktur áður en hann gerði þessa mynd sem er hans fyrsta leikstjóraverk.

Að mínu mati er The Boondock Saints mun betri og vanmetnari mynd heldur en Pulp Fiction sem margir eru að líkja henni við. Það er synd að þessi mynd hafi ekki verið verðlaunuð á kvikmyndahátíðum en það er eins og kvikmyndanefndirnar horfi fram hjá sumum myndum etc. þessari, Donnie Darko og fleirum.

The Boondock Saints er að mínu mati frábær kvikmynd sem fer í hóp með bestu myndum sem ég hef séð og er þriðja besta mynd ársins 1999.

Þetta er allra uppáhaldsmyndin mín. Reifarar á borð við pulp fiction komast ekki í hálfkvisti við hana þessa. Menn í nútímalegri pílagrímsferð fyrir guð ann sjálfann. Spenna, Húmor og snilldarsögurþráður og leikur. Hún hefur þetta allt. Ef þú hefur ekki séð hana þá ertu varla maður með mönnum.

Ég er næstum orðlaus, hvílík mynd og ég spyr bara afhverju kom hún ekki í bíó? Hún er frábær og ég vil mæla með henni til allra sem hafa gaman af góðum myndum. Pottþétt skemmtun tvímannalaust Fjórar störnur og ég skil ekki í þeim sem gefa minna.