The Pledge (2001)

Alveg kolsvört mynd um mann sem kann ekki að hætta. Nicholson stórgóður að vanda ,sem og flestir aðrir sem láta sjá sig, og sagan ljómandi fín, sérstaklega seinni partinn og lokaatriðið ekkert minna en stórkostlegt. Ekki orð um það meir.

Mig langar að seigja ykkur aðeinns frá the Plegde sem er með í aðalhlutverki hin frábæra leikara Jack Nicholas en myndinn er í leikstjórn Sean Penn. Sean penn hefur nú ekki leikstýrt mörgum myndum sú sem mér dettur fyrst í hug er myndinn The Indian Runner með David Mosse í aðalhlutverki en Sean penn skrifaði líka handritið að þeirri mynd en leikstyrir bara The plegde. Sean Penn hefur fengið hluta Fjölskyldunar með sér í þessa mynd vegna þess að kona Sean penn Ribin Wright Penn leikur aðalhlutverkið í þessari mynd á móti Jack Nicholas svo leikur mamma sean penn Ellieen Rayn einkaritara jack Nicholas en hann leikur Lögreglumannin Jerry Black. En hann er að fara að hætta en á síðasta degi hans er lítil stúlka drepinn og Jerry lofar móður stúlkunar að hann muni finna morðingan, Svo í stað þess að fara að veiða rinhverstaðar í rólegheitum eins og félagar hans á lögreglustöðini voru búnir að seigja honum að gera. Þetta er langt því frá frumleg mynd fyrsta myndinn sem mér dettur í hug um svona gamla lögreglumenn eru myndir eins og Shaft með Sammuel L Jackson og líka a long came a spider með Morgan Friman.Jack Nicolas finns mér vera að breyta svo lítið um stefnu enda orðinn gamal hver man ekki eftir honum í myndini As good as it gets þar sem hann lék rithöfund sem haldin var Áráttueinkenni en í the Plegde en hann bara gamal lögreglumaður sem verður heltekinn af einu máli. Hann Jack Nicholas leikur þó ekki mann sem er geðveikur allan tíman. Plotið í The plegde finnst mér marg notað þetta plot er búið að nota allt of oft handritið er engan veginn frumlegt en fyrir frábæran leik Jack Nicolas og hversu miklar mætur ég hef á honum sem leikara gef ég þessari mynd þessa einkunn eitt annað sem spilar einni einkunna gjöfina er það að leikara eins og Mickey Rouke og fleiri leikarar leika smá hlutverk í þessari mynd og það finns mér athugavert.

Það fer lítið fyrir sumum myndum í bíó og oft á tíðum eru það myndir sem eru algjört rusl. The Plege er aftur á móti gæðamynd sem fór ekki hátt í bíóhúsum borgarinnar. Hérna er á ferðinni frekar þung spennumynd með alveg frábærum stígandi og fléttu sem kemur svo sannarlega á óvart. Nicholson leikur lögreglumann sem kominn er á eftirlaun en tekur að sér eitt verkefni í viðbót. Þetta verkefni heltekur hann og það er yndislegt að sjá leik Nicholson í þessum leik, hann er að bilast svona smátt og smátt. Hérna er á ferðinni toppmynd sem vert er að gefa góðan gaum þegar hún kemur á leigurnar. Góða skemmtun.

Hann er búinn að skapa marga eftirminnilega persónuleika á meira en þrjátíu

ára leikaraferli. Hver man ekki eftir mótorhjólagaurnum í Easy Rider eða

McMurphy í Gaukshreiðrinu? Rithöfundinum í The Shining, Jókernum í Batman?

Jack Nicholson hefur fengið nokkur Óskarsverðlaun, fyrst fyrir Gaukshreiðrið

og síðast fyrir As Good As It Gets, og fáir hafa verið útnefndir jafn oft og

hann.

Reyndar er leikaraúrvalið í The Pledge með eindæmum. Með Nicholson eru þarna

Benicio Del Toro, sem hefur heldur betur slegið í gegn á síðustu tveimur

árum (t.d. óborganlegur í Óskarsverð-launamyndinni Traffic), Helen Mirren,

Vanessa Redgrave, Sam Shepard og Aaron Eckhart. Þá sést gamli refurinn

Mickey Rourke, en hann er þó ekki með þeim bestu!

Sagan fjallar um rannsókn á hrikalegu morði. Löggan sem Jack Nicholson

leikur, Jack Black, er að hætta störfum og ætlar til Mexíkó til að slaka á.

En síðasta vinnudaginn finnst lík af 18 ára stúlku. Það kemur í hlut Jacks

að tilkynna móður stúlkunnar tíðindin. Eftir að hafa hitt móðurina getur

Jack ekki hugsað sér annað en að leysa máið og hann ætlar ekki að hætta fyrr

en hann finnur sökudólginn í þessu voðalega morðmáli.

Þetta er mynd fyrir þá sem þola hrottalega spennu en það eru víst alveg

svakalegar senur í henni. Leikstjóri er Sean Penn, þekktur leikari.

Gagnrýnandi á ABC sjónvarpsstöðinni fullyrðir að þetta sér besta hlutverk

Jack Nicholson á ferlinum, og er af nógu að taka.

The Pledge er óvenjuleg mynd sem er leikstýrð af Sean Penn, en hann hefur oft lýst yfir fyrirlitningu á þeim kvikmyndum sem koma frá Hollywood. Það kemur því ekki á óvart að hér er ekki um dæmigerðan spennutrylli að ræða. Myndin segir frá lögreglumanninum Jerry (Jack Nicholson) sem er um það bil að fara á eftirlaun, en á síðasta starfsdegi hans finnst lík 9 ára stúlku. Móðir stúlkunnar fær hann til að lofa sér að hann muni finna morðingjann og það vill þannig til að Jerry er maður sem tekur loforð alvarlega. Allur leikur í myndinni er til fyrirmyndar og þá sérstaklega hjá Nicholson. Tónlistin og myndatakan hjálpa einnig til við að skapa rétta stemmningu. Sean Penn hefur hér tekist að gera kvikmynd sem er áhugaverð, spennandi og umfram allt frumleg. Söguþráðurinn er mjög óútreiknanlegur og fær mann til þess að sjá hversu formúlukenndar flestar svipaðar Hollywood myndir eru í raun og veru. Veikasti hlekkurinn er líklega endirinn, en sumir áhorfendur eiga ef til vill eftir að verða ósáttir við hann. Engu að síður er The Pledge traust mynd með góðum leikurum.

Ég vann miða á þessa mynd og skellti mér á hana í gær. Ég vissi ekkert um þessa mynd en þar sem Jack Nicholson væri í henni þá hugsaði ég með mér að eitthvað hlyti að vera varið í þessa mynd.

Ég komst að því að svo væri ekki. Þetta er óumræðanlega sú allra allra allra allra leiðinlegasta mynd sem ég hef nokkurn tíman séð í bíó og ein af þeim allra leiðinlegustu sem ég hef nokkurn tíman séð.

Ég bara gat ekki trúað því að hún væri svona leiðinleg.. hún hlyti að skána og þó að kærastinn minn hafi ítrekað reynt að fá mig til að labba út þá ákvað ég að sitja alla myndina og gefa henni séns.

Þetta var þvílík tímasóun... því eins og ég komst að þá getur vont lengi versnað.

Ég hef nú aldrei skrifað neitt hérna áður en ég bara gat ekki orða bundist og bara verð að vara alla við þessari mynd.

Það má með sanni segja að þessi mynd hafi laumast aftan að mér og komið verulega á óvart. Hún gerði stuttan stans í bíó fyrr á þessu ári og hvarf svo sjónum þar til ég rakst á hana á næstu vídeóleigu. Þar sem Jack Nicholson bregst sjaldan sló ég til og tók hana með mér heim. Ég var svo aldeilis hissa að komast að því að þetta er hinn fínasti þriller með Jack kallinum í góðu formi. Hann leikur lögreglumanninn Jerry Black, sem er að fara á eftirlaun en getur ekki hægt að hugsa um síðasta málið sitt, sem snerist um nauðgun og morð á 8 ára gamalli stúlku. Hann fær málið á heilann og hættir ekki fyrr en hann fær botn í það. Sean Penn leikstýrir hér sinni þriðju mynd og stílbragðið er mjög áhugavert. Kvikmyndataka, klipping og tónlist eru vægast sagt óvenjuleg, en virka mjög vel. Hans Zimmer, sem venjulega semur gífurlega vellulega kvikmyndatónlist, á sinn langbesta dag hér. Ekki spillir firnasterkur leikhópur fyrir. Jack er náttúrlega bara Jack, en Benicio del Toro, Helen Mirren, Vanessa Redgrave, Robin Wright Penn, Sam Shepard og Aaron Eckhart eru með bestu leikurum dagsins í dag. Meira að segja gamli, ljóti Mickey Rourke kemst skammlaust frá sínu. The Pledge er mjög óþægileg og á köflum hrottafengin mynd vegna þess um hvað hún fjallar - barnamorð- og nauðgun eru ekki beint á meðal vinsælustu umfjöllunarefna kvikmyndasögunnar. Það er hins vegar óhætt að segja að myndin haldi manni við efnið allan tímann. Það eru eflaust margir sem verða ósáttir við framganginn; myndin er oft hæg og endar hálf undarlega. En ég þakka bara fyrir að sjá þriller sem er ekki gerður eftir formúluuppskrift Hollywood. Það þarf fleiri svona myndir.