Ronin (1998)

Vönduð mynd með gæðaleikurum(samt bera Robert De Niro og Jean Reno af) fín afþreying sem ætlir sem hafa gaman af spennumyndum ættu að sjá. Samt er þetta svona mynd sem maður getur horft á í röð. En myndin fjallar um tösku sem Niro,Reno,Bean Skågskard, eiga að ná, en svo verða svik í hópnum, svo er myndin öll þrælskemtilegur eltingaleikur eftir það. Mjög góð afþreying.

Samurajar sem misstu húsbændur sína út af því að þeim tókst ekki að vernda þá nógu vel voru neyddir til að reika um og leita sér að vinnu fyrir hina ýmsu vafasömu náunga. Þeir hétu ekki lengur samurajar. Þeir hétu Ronin. Myndin fjallar um Bandaríkjamanninn Sam, Robert De Niro, Frakkann Vincent, Jean Reno, Þjóðverjann Gregor, Stellan Skarsgård, og Bretann Spence, Jean Bean, sem eru allir ráðnir af dularfullri írskri konu, Natascha McElhone, til að ná í skjalatösku sem á að vera geysilega verðmæt. Félagarnir gera sig klára og ná töskunni auðveldlega. En þá koma upp svik í hópnum og einn stingur af með töskuna. Restin af grúppunni verður þá að elta manneskjuna og ná aftur töskunni. Spurningarnar eru: Hver er að svíkja hvern og hvað er í töskunni. Ronin er örugglega ein af betri spennumyndum í ár. Ekki bara er hún þrælspennandi heldur er hún einnig vitsmunaleg. Myndin nær hápunktum sínum í ótrúlega vel gerðum bílaeltingaleikjum sem eru geysilega vel útfærðir af leikstjóranum, John Frankenheimer. Leikararnir eru allir frábærir og eru bestir þeir Robert De Niro og Jean Reno. Eftir hina hræðilegu mynd, The Island of Dr. Moreau, er greinilegt að John Frankenheimer er kominn aftur á fullt skrið með spennumynd sem ætti engan að svíkja.

Svik á svik ofan í undirheimum evrópskra hryðjuverkamanna. Leikararnir eru flestir heimsþekktir, þar á meðal þrír fyrrverandi Bond-þrjótar, og standa þeir sig allir með sóma. Bílahasaratriðin eru sömuleiðis þrælvel útfærð og spennandi og jafnast alveg á við Bullitt enda þótt svo til eingöngu hafi verið notast við evrópska bíla í þessu tilfelli. Svarti fjögurra dyra Audiinn á 18 tommu felgunum kom þó ótrúlega vel út. Handritið er jafnframt óvenju ferskt og heilsteypt og sneiðir sem betur fer hvað eftir annað hjá klisjunni. Tvímælalaust langbesta mynd Frankenheimers í tvo áratugi, enda tími til kominn Horfist þó aðeins á breiðu, því tjaldið er nýtt til fulls, og algjört MÖST á DVD. Eftir að hafa séð Ronin í bíói gerði ég nefnilega þau mistök að horfa á hana aftur á litlum skjá í þotu Flugleiða, en þar var ekki aðeins skorið af hliðum hennar, heldur reyndist hún einnig talsvert stytt.

Loksins gerir John Frankenheimer eitthvað almennilegt. Fyrsta áhorfanlega mynd hans síðan Black Sunday. Minnir stundum á Usual Suspects. Spenna, svik, lygar, morð...og ekki einn, heldur tveir þeir glæsilegustu bílaeltingaleikir sem undirritaður hefur séð. Hópur manna er fenginn til að ræna tösku, sem enginn veit hvað er í, af einhverjum manni, sem enginn virðist vita hver er. Bráðskemmtileg mynd og bætir næstum því fyrir mistök Frankenheimers, The Island of Dr. Moreau. Takið eftir að þrír Bond-bófar eru í myndinni - Sean Bean úr Goldeneye, Jonathan Pryce úr Tomorrow never dies og Michel Lonsdale úr Moonraker.

Vönduð og góð mynd með Robert De Niro og Jean Reno sem standa sig mjög vel að vanda. Myndin gerist í Frakklandi á heimaslóðum Jean Reno sem gerir umhverfið skemmtilegt og öðruvísi en þessar tíbísku amerísku myndir. Aldrei er slakað á spennunni og myndatakan alveg einstök. Ég mæli eindregið með henni.