Coyote Ugly (2000)

Ein sú allra, allra versta mynd sem ég hef séð. Hún er það léleg að þótt píurnar séu flottar verða þær bara asnalegar, þannig að maður nýtur þess varla að horfa á þær. Allgert sorp. Og það sem mér fannst verst var að einn af mínum uppáhaldsleikurum, John Goodman, hafi leikið í þessari mynd. Sorglegt fyrir jafn snjallann leikara.

Alveg sprelligóð mynd sem í rauninni fjallar um á margvíslegan hátt um líf einnar stúlka og raunir hennar í raunveruleikanum. Alveg frábærir leikarar í þessari mynd ásamt því að hafa góðan handrithöfund sem sannaði skapar skemmtistemmningu hvar sem hann stígur niður fæti - (já, eða Penna :). Sjálfsögðu má margt fara betur eins og ávallt er, enda ef engin væru mistökin þá gætum við ekki lært af þeim..

Ég varð fyrir alveg hræðilegum vonbrigðum með þessa mynd, myndin snýst nánast bara um einhverjar stelpur að glenna sig uppi á borði og sprautandi vatni yfir bargesti. Dökkhærða stelpan, hvað sem hún nú heitir, Rachel í myndinni, er sú eina sem sýnir góðan leik að mínu mati. Ég gef hálfa stjörnu fyrir hana og svo eina stjörnu fyrir góða tónlist (Can´t fight the moonlight er ÆÐISLEGT lag). Jæja, ef þér finnst gaman að horfa á gellur dansa uppi á borði og sýna alls konar trix og vilt mjög götóttan söguþráð þá skaltu bara leigja myndina, en það er margt betra hægt að gera fyrir 330 kall, eins og bara....eitthvað!!!!

Ástæðan fyrir því að ég ákvað að kíkja á þessa er einföld: flottar píur. Ég gerði mér fyrirfram grein fyrir því að söguþráðurinn myndi líklega ekki verða upp á marga fiska svo að allar væntingar voru í lágmarki. Því verð ég að telja það afrek hjá Coyote Ugly að hafa ekki aðeins mistekist að mæta þessum lágu væntingum heldur einnig að komast ekki einu sinni nálægt því. Stórmyndaframleiðandinn Jerry Bruckenheimer er á hraðri niðurleið með hverri mynd sem hann gefur út og ég held svei mér þá að nú geti ekki annað verið en hann hafi náð á botninum. Aðeins um söguþráðinn - Violet er ung stúlka sem flytur úr smábæ í New Jersey þar sem hún hefur búið allt sitt líf inn í stórborgina New York til þess að reyna að slá í gegn sem lagahöfundur. Stóra grimma borgin fer í fyrstu illa með saklausu sveitastúlkuna og fljótlega á hún ekki annarra kosta völ en að fá sér vinnu á bar og svo vill til að staður sem heitir einmitt Coyote Ugly verður fyrir valinu. Þar er villt partý á hverju kvöldi þar sem barpíurnar dansa upp á borðum ásamt fleiru milli þess að hella í glös. Í allri myndinni er nákvæmlega eitt frumlegt augnablik, það má sjá skýrar hliðstæður úr ótal öðrum myndum - allt frá Cocktail til Showgirls. Handritið er hroðalega illa skrifað og það segir meira en margt annað að við félgarnir lágum í hláturskrampa yfir því sem átti að vera eitt hjartnæmasta atriðið í myndinni. Þá hálfu stjörnu sem ég gef myndinni fær hún fyrir kvennfólkið. Ég vil að lokum koma þessu á framfæri til allra þeirra sem fannst þetta vera virkilega góð mynd: Aldrei taka mark á orði sem ég skrifa hérna á kvikmyndir.is framar - það eru yfirgnæfandi líkur á því að við munum aldrei verða sammála um neitt sem tengist kvikmyndum (eða nokkru öðru ef út í það er farið).