Myndin er vestri sem gerist á 19. öldinni í Bandaríkjunum. Chon Wang er klaufalegur konunglegur vörður keisarans í Kína. Þegar Pei Pei prinsessu er rænt úr forboðnu borginni, þá finnst Wang hann vera persónulega ábyrgur og krefst þess að fá að vera í björgunarteyminu sem á að bjarga prinsessunni, en hún var flutt til Bandaríkjanna. Í Nevada, rétt á hælum mannræningjanna, þá skilja leiðir Wang og hinna í hópnum, og fljótlega hefur hann slegist í lið með Roy O´Bannon, smákrimma með mikilmennskubrjálæði. Saman þá lenda þeir í hverju ævintýrinu á eftir öðru.
Shanghai Noon er alveg pottþétt ein af fáránlegri vestrum sem sést hefur í langan tíma, þ.e. hvað varðar stíl hennar. En hún er samt mjög góð skemmtun, þrátt fyrir það. Þó að maður vilji helst ekki sjá martial arts í vestra, getur maður ekki annað en dást að því að sjá Jackie Chan lumbra á vondu köllunum á þann hátt sem hann er hvað þekktastur fyrir. Svo er Owen Wilson nokkuð góður í hlutverki Roy O'Bannon og mynda þeir mjög skemmtilegt teymi sem er gaman að fylgjast með. Fínasta mynd sem ég mæli með að þið sjáið.
Vestrinn er dauður sagði einhver fyrir nokkrum árum, og að vissu leiti er það rétt, en samt, Shanghai Noon er bara kvikmynd sumarsins, hún er hvorki dýpsta mynd sumarsins né sú mest spennan…
Vestrinn er dauður sagði einhver fyrir nokkrum árum, og að vissu leiti er það rétt, en samt, Shanghai Noon er bara kvikmynd sumarsins, hún er hvorki dýpsta mynd sumarsins né sú mest spennandi og hún er vestri. Það er bara eitthvað við Jackie Chan og myndir hans, einhver ferskleiki sem vantar í aðrar myndir gerðar í dag. Mér er t.d. sama þótt hann sé ekki besti leikarinn og að handritið sé gloppótt, skemmtunin er bara það mikil að ég var í marga daga að ná brosinu af andlitinu á mér. Owen Wilson og Jackie eiga góðan samleik og fóru greinilega af stað í myndina með því hugarfari að skemmta sér og öðrum, aðrir leikarar eru ekki alveg jafn sannfærandi og indíánagellan er eins og skrattinn úr sauðaleggnum og greinilega skrifuð með það fyrir augum að Roy (Owen Wilson) endi "happy ever after" eins og félagi hans. Aðrir gallar á myndinni voru eiginlega bara til að gæða hana meira lífi og þessum John Wayne fíling sem hefur vantað í seinni tíma vestra. Þessi mynd er hreinlega frábær skemmtun fyrir alla fjölskylduna og ég mæli með henni fyrir alla sem taka sjálfa sig og aðra ekki allt of alvarlega.
Shanghai Noon er frekar skemmtileg mynd og er eiginlega rush hour í villta vestrinu. Jackie Chan er mun skemmtilegri í þessari mynd heldur enn Rush Hour. Owen Wilson er fyndinn í þessari mynd og …
Shanghai Noon er frekar skemmtileg mynd og er eiginlega rush hour í villta vestrinu. Jackie Chan er mun skemmtilegri í þessari mynd heldur enn Rush Hour. Owen Wilson er fyndinn í þessari mynd og þetta er líklega ein skásta mynd sem Owen wilson hefur leikið. Sá sem leikstýrði þessari mynd heitir Tomas Bey, og hann leikstýrði líka hinnu ágætu grínmynd, Showtime. Enn núna ætla ég að koma mér að efninu. Myndinn fjallar um að prinsessan í Kína er rænd. Jackie Chan sem leikur eins konar þræl í myndinni fer með nokkrum öðrum þrælum með lest til Bandaríkin til að borga ræningjunum gull sem hann vill fá. Einhverjir heimskir bófar ræna lestinni og gullið verður týnt. Þ.A.M. er einn ræninginn Owen Wilson sem heitir Ray'O'bannon í myndinni. Hann Jackie hittir Ray og þeir þurfa eiginlega að vinna saman því þeir eru báðir í klípu og Ray vill hjálpa honum útaf gullinu sem hann Jackie var með í lestinni. Svona gengur myndinn eiginlega útaf, þeir slást eins og hundar og þeir reyna að bjarga prinsessuni af vond karlinum sem var fyrrum þræll konungsríkinnsins. Það eru mörg fyndinn atriði t.d. að þegar að hann Jackie hittir Ray aftur á bar og allir ráðast á þá(segi ekki hvernig þeir réðust á Ray'o'Bannon). Mér fannst þessi mynd frekar góð og fyrir þá sem vissu það ekki þá leikur Lucy Lue (Charlies Angels) drottninguna. Það leika líka mjög marga kínverja í þessari mynd og líka nokkuð margir bandaríkjamenn. Ég veit ekki af hverju ég sagði þetta með marga kana sem leika enn ég segi bara sem ég veit um myndinna.Lokorð mín á þessa mynd er fín mynd,gott grín og sömuleiðis góð bardagaatriði sem Jackie Chan hann sjálfur framleiðir.Góð mynd. Takk fyrir
Fínasta afþreying. Nokkuð fyndin á köflum en engin snilld. Mynd sem maður horfir ekki mikið oftar á en einu sinni. Mjög lík Rush Hour, nema þetta er í vestrinu. Félagarnir Chan og Wilson …
Fínasta afþreying. Nokkuð fyndin á köflum en engin snilld. Mynd sem maður horfir ekki mikið oftar á en einu sinni. Mjög lík Rush Hour, nema þetta er í vestrinu. Félagarnir Chan og Wilson eru eins ólíkir og hægt er.
Með betri myndum sumarsins. Þessi kom mér á óvart. Ég vissi að hún yrði góð en hún var bara frábær. Betri en allt þetta Romeo must die shit. Hún var slæm. Shanghai noon var nú eiginl…
Með betri myndum sumarsins. Þessi kom mér á óvart. Ég vissi að hún yrði góð en hún var bara frábær. Betri en allt þetta Romeo must die shit. Hún var slæm. Shanghai noon var nú eiginlega bara grínmynd frekar en bardagamynd en samt var hún betri bardagamynd en Romeo sem segir kannski ýmislegt um gæði þeirrar myndar. Jackie fer á kostum og Owen líka. Frábær skemmtun!
Þetta er ábyggilega besta mynd með Jackie Chan alveg frá upphafi! Frábær bardaga atriði, góður húmor og frábærir leikarar!! Þú mátt ekki missa af henni því þetta er mynd sem maður …
Þetta er ábyggilega besta mynd með Jackie Chan alveg frá upphafi! Frábær bardaga atriði, góður húmor og frábærir leikarar!! Þú mátt ekki missa af henni því þetta er mynd sem maður verður að sjá í bíó.
Ég fór á þessa mynd með væntingar um að verða skemmt og ég varð ekki fyrir vonbrigðum. Maður skal bara gleyma öllu med plottið og bara njóta snilldar Jackie Chans. Það er góð stemmi…
Ég fór á þessa mynd með væntingar um að verða skemmt og ég varð ekki fyrir vonbrigðum. Maður skal bara gleyma öllu med plottið og bara njóta snilldar Jackie Chans. Það er góð stemming yfir myndinni og hann þarna Wilson er fínn. Jackie kemur med nokkur góð stönt en það sem gerir myndina góða er frábær húmor og náttúrulega að þetta er villta vestrið madur. Sjáðu þessa!!
Þessi nýjasta mynd Jackie Chan er í raun og veru ekki mikið annað en Rush Hour í villta vestrinu - aftur leikur Jackie austurlenskan náunga sem kemur til Bandaríkjanna til þess að bjarga man…
Þessi nýjasta mynd Jackie Chan er í raun og veru ekki mikið annað en Rush Hour í villta vestrinu - aftur leikur Jackie austurlenskan náunga sem kemur til Bandaríkjanna til þess að bjarga manneskju sem hefur verið rænt og fær aðstoð félaga sem er nánast eins ólíkur og hægt er að hugsa sér. Þrátt fyrir söguþráðurinn sé í grófum dráttum ekki beint frumlegur sakar það ekki svo mikið því að Jackie býr yfir mikilli orku og geislandi persónuleika sem skilar sér afar vel á hvíta tjaldinu. Owen Wilson leikur náunga sem verður félagi hans og stendur sig einnig mjög vel í hlutverki ódæmigerðs kúreka, frekar rólegrar týpu sem er opin fyrir öllu. Slagsmálaatriðin eru á sínum stað og Jackie heldur áfram að framkvæma áhættuatriðin sín sjálfur - að minnsta kosti að eins miklu leiti og Hollywood leyfir honum. Vandamálið við grínspennumyndir er oft að þær eru ekki vissar um hvort þær vilja ganga út á grín eða spennu (sjáið til dæmis hvað var búið að gerast fyrir Lethal Weapon seríuna áður en fjórða myndin kom) en Shanghai Noon er laus við þetta - áherslan er lögð á húmorinn og jafnframt tekst vel að flétta spennuna og húmorinn saman í sömu atriðin. Það er ekki margt við myndina sem kemur beint á óvart - fyrir utan það að svona tiltölulega formúlukennd forskrift skuli geta orðið að svona skemmtilegri mynd - en í þessu tilfelli snýst gamanið um að sjá hvernig hlutirnir gerast frekar en að sjá hvað gerist. Hver sá sem getur ekki giskað á endinn með nokkurri nákvæmni eftir 10 mínútur hefur ekki eytt miklum tíma fyrir framan hvíta tjaldið. Þegar öllu er á botninn hvolft gengur myndin alveg prýðilega upp sem heild og er hin besta skemmtun sem óhætt er að mæla með fyrir flesta.
Öllum leyfð
