Showtime (2002)

Showtime er gífurlega vonbrigði. Klisja út í gegn. Myndin fjallar um harða löggu sem leikin er af DeNiro og aulalögguna sem leikin er af Eddie Murphy. DeNiro vinnur án félaga en auðvitað er honum skipað að vinna með Murphy og það sem meira er, kvikmyndatökuvél fylgir þeim hvert fótmál því þeir eru aðalstjörnurnar í nýjum raunverlueikasjónvarpsþætti. Inn í þetta fléttast vondi kallinn sem er að hanna nýjar og hættulegar byssur og auðvitað flækjast félagarnir inn í það. Myndin er fyrirsjáanleg klisja eins og þær gerast verstar. Alveg gatslitið handrit gerir það að verkum að manni hundleiðist. Ef það hefði ekki verið fyrir DeNiro og nokkra brandara hefði ég farið heim og horf á 48hours. Virkilega slöpp mynd.

Showtime er mjög góð alveg frábært að sjá þessa leikara saman og ég vonast til þess að það verði gerð önnur mynd með þeim tveimur.

Ef þið eruð ekki búinn að sjá hana, DRÍFIÐ YKKUR ÞÁ Í BÍÓ!!!!!!

Show time er ansi góð, ég bjóst nú við meiri kímni, svona út af Eddie Murphy.

Í upphafi myndarinnar er Eddie Murphy að reyna að ná hlutverki í einhverja lélega þáttaröð, ég fattaði það ekki alveg strax og hélt að myndin væri bara svona virkilega ömurleg.

En útkoman var önnur, ekki allt önnur, en þú skárri en leit út fyrir.

Leikararnir Eddie Murphy og Robert DeNiro eru bara ágætir saman.

Mitch (DeNiro) er hörkunagli í rannsóknarlögreglunni og fá þeir þrjótar sem komast í kast við hann vel að finna fyrir því, hann lætur hinsvegar fréttamann óvart finna fyrir því og er nú mútað til að ,leika, aðalhlutverk í lögregluþáttaröð.

Trey Sellars (Eddie Murphy) er venjulegur lögreglumaður ,ofurlögga, en er hinsvegar bæði vannabe leikari og vannabe rannsóknarlögreglumaður, ágætis blanda :) hann hefur einmitt reynt tvisvar sinnum að ná rannsóknarlögreglu prófinu.

Þegar hann svo fréttir að því að gera eigi lögregluþátt með Mitch í aðalhlutverki en honum vanti félaga þá slær ofurlöggan til og reynir að fá hlutverkið, það gengur augljóslega upp og saman, ásamt tökuliði þáttanna : )þurfa þeir að rannsaka mál um ólöglegar stórhættulegar byssur sem eru við það að koma á markað undirheimanna.

Nokkur sprenghlægileg atriði prýða myndina en annars er hún bara svona ágætis afþreying, kannski meiri video mynd heldur en bíó mynd.

Góð spennugrínmynd með mjög góðum leikurum þar að meðal Eddie Murphy og Robert De Niro. Í þessari mynd eru góðar sprengingar og góðir byssubardagar og svo er hún líka drep fyndin missið ekki af þessari.

Ég bjóst ekki við neinni stórmynd þegar ég sá þessa en fór á hana í bíó því ég fékk 2 frímiða. Í byrjun myndar bregður löggan Mitch Preston (Robert DeNiro) sér í dulargervi og ætlar að reyna að koma upp um fíkniefnasala. Trey Sellars (Eddie Murphy) er líka að vinna hjá lögunni þó að hann hafi ekki náð inntökuprófinu enn. Hann sér Mitch vera vopnaðan og hefur ekki hugmynd um að hann sé í löggunni og biður um liðsauka. Úr þessu öllu saman verður svo svaka skotbardagi og einn fíkniefnasalinn er með risa byssu sem er drulluólögleg. Í fyrstu halda löggurnar að allir bófarnir séu allir náðir (en það er ekkert vitað um byssuna) og Trey fær að vita hver Mitch er í raun og veru. Myndatökumaður frá einhverri sjónvarpsstöð kemur svo að Mitch en það líkar honum ekki og skýtur á myndavélina. Sjóvarpsstöðin ákveður þá að fara ekki í mál við Mitch ef hann vill leika í raunveruleika sjónvarpsþátt sem Chase Renzi (Rene Russo) ætlar að sjá um. Mitch vill ekki taka það í mál en stjórinn neyðir hann til þess og Trey vill ólmur fara með honum í þáttinn og fær það. Chase vill að þátturinn endurspegli Cops þáttaraðirnar þó Mitch finnist Trey bara vera böggandi. Þátturinn fær nafnið Showtime og verður geðveikt vinsæll þegar hann fer í sýningu og þá aðallega út af Trey sem var að fíla sig í tætlur við gerð þáttanna. Málið með fíkniefnasölunum er samt langt frá því að verða klárað og það er ein stór ráðgáta hver smíðar stóru byssuna. Ég get ekki gefið þessari mynd meira en 1 og hálfa stjörnu þó Eddie Murphy hafi verið nokkuð fyndinn á köflum.

Eins og fyrri ræðurmaðurinn segir þá hefur útkoman ekki verið eins vel heppnuð og hún hefði getað. Þegar DeNiro og Murphy sameinast í grínmynd er ekki hægt að búast við öðru en góðu. Myndin er fyndin stundum, en samt alltof frumlaus og klysjukennd. Ekki bíó-mynd, heldur vídeo-mynd.

Þegar stórleikarar eins og Eddie Murphy og Robert De Niro sameinast getur útkoman ekki mögulega verið önnur en sprenghlægileg. Djöfull er leiðinlegt að hafa rangt fyrir sér.Showtime er alls ekki slæm mynd en hefði betur farið að handritinu hefði hún getað orðið mikið skemmtilegri. Hún þjáist af götóttu handriti og glötuðu plotti. Húmorinn hittir líka ekki alltaf í mark og svo eru flestir brandararnir ofnotaðir og þar á meðal endurteknir einum of oft. Ég neita því samt ekki að hér finnast nokkur hlægileg atriði. Svo ná leikararnir tveir prýðilega saman. De Niro kemur með sinn gamla góða húmor þótt hann geri ekki neitt nema að vera alvarlegur og gerir það á skemmtilegan hátt. Murphy er alltaf með jafnmikla munnræpu og er oftast skemmtilegastur þannig. Persónan sem René Russo lék, var frekar leiðinleg og uppáþrengjandi, en William Shatner bregður sér í gestahlutverk þar sem hann leikur sig sjálfan og á nokkra góða spretti (eins og t.d. þegar hann er að reyna að kenna persónu De Niro's hvernig á að leika. Snilld að heyra hann af öllum kenna öðrum að vera sannfærandi leikari).Myndin byrjar ágætlega sem gamanfarsi en þegar það kemur að seinni hlutanum (m.ö.o. eftir hlé) treystir myndin of mikið á klisjur úr svipuðum myndum (þ.e.a.s. myndum á borð við Lethal Weapon, Beverly Hills Cop, 48 Hours og ýmsum öðrum sem fjalla um ólíklegt tvíeyki) og þá fer atburðarásin að verða sífellt óáhugaverðari. De Niro og Murphy ná einhvern veginn ekki alveg að halda henni á floti. En hefði samt sem áður hvorugur þeirra tekið við sínu hlutverki, hefði hér sjálfsagt verið um að ræða hörmung, en hún sleppur þó og er í heild bara meðalafþreying, en áðurnefndir gallar útiloka möguleika á hærri einkunn hjá mér.5/10