Quantum of Solace (2008)

Sem huge Bond aðdáandi, beið ég virkilega spenntur eftir þessari. Casino Royale var reyndar búinn að breyta Bond forever, og búinn að koma Bond í nútímann. CR virkaði reyndar alveg mjög vel. Daniel Craig fór virkilega vel með hlutverk Bonds(þó hann nái aldrei hæðum Connerys) og hún var alveg fínasta skemmtun. En þó vantaði allt sem einkenndi Bond(þ.e. allar tæknigræjurnar og bara flest sem einkennir Bond). Og þessi nýjasta ræma er ekki að bæta aðstæðurnar. Í rauninni er hún bara að gera Bond verri. In fact, ég get bara því miður ekki kallað þetta Bond mynd. Hún einblínir allt of mikið á action atriðin, sem eru reyndar alveg ágætlega góð. En það er líka það eina sem er gott við þessa blessuðu mynd. Sem Bond mynd, er hún hræðileg. Sem heilalaus action mynd, fínasta skemmtun. Þannig að mín lokaniðurstaða: 3/10.

Daniel Craig er mættur aftur sem James Bond.  Síðasta Bond myndin, Casino Royale var nýtt upphaf fyrir seríuna sem hafði staðnað og orðið föst í gömlum og úreltum klisjum.  Hinn nýi Bond er mannlegri og heilstæðari sem persóna.  Í Casino Royale verður hann ástfangin af hinni glæsilegu, Vesper Lynd.  Þegar í ljós kemur að glæpasamtök hafa verið að neyða hana til samstarfs við sig og til að svíkja Bond, fremur hún sjálfsmorð.  Quantum of Solace hefst þar sem Casino Royale endaði.  Bond er búinn að handsama mannin sem kúgaði Vesper Lynd og hefur rannsókn á glæpasamtökunum sem hann er hluti af.  Engar upplýsingar eru til um þessi samtök hjá bresku leyniþjónustunni, MI5.  Þegar það kemur síðan í ljós að hátt settir aðilar innan MI5 eru á mála hjá samtökunum verður það augljóst að hversu öflug þessi samtök eru.  Á sama tíma eru yfirmenn MI5 ekki vissir um að þeir geti treyst James Bond sem virðist hafa meiri áhuga á að hefna fyrir dauða Vesper Lynd.Quantum of Solace er fyrr í gang en Casino Royale og það er mun meiri hasar í henni.  Þó er einnig í henni að finna allt það sem gerði Casino Royale að klassík.  Plottið í myndinni er afar áhugavert og vondi karlinn, Dominic Greene er með þeim svalari.  Túlkun Daniel Craig á James Bond er að mínu mati betri en þeirra sem á undan honum fóru með hlutverkið.  Líklega þá á persónusköpunin og handritið stóran hluta í því.  Eitt sterkasta atriðið í myndinni er þegar James Bond heldur utan um deyjandi vin sinn, það atriði eitt segir okkur meira um Bond en flest önnur.Þessi mynd skartar einnig einu flottasta atriði Bond seríunnar.  Bond hefur komist að því að lykilmenn í samtökunum ætla að hittast í óperunni, þar sem þeir ræða saman í gegnum talstöðvar á meðan á sýningu stendur.  Verið er að sýna lokin á fyrsta þætti óperunnar Tosca eftir Puccini þegar Bond kemur upp um þá.  Þeir sem voru hrifnir af Casino Royale verða ekki fyrir vonbrigðum með Quantum of Solace.  Hún er hröð, fyndin og vel skrifuð.  Besta spennumynd ársins hingað til.Davíð Örn Jónssonkvikmyndir.com

 Ég fór á laugardaginn í troðfullann 1000-manna sal í Háskólabíó. Myndin nær ekki nærri því að vera eins góð og Casino Royale. Hasarinn í þessarri er samt miklu meiri en í fyrri. Þessi mynd er mjög hraðskreið sem er bæði plús og mínus. Daniel Craig er bara plús í myndinni og C.I.A konan í Bólívíu (Ekki Camille) passar ekki inn í og er hún mínus við myndina, samt ekkert mikill. Marc Foster sagði myndina sýna meira tilfinningar Bond en mér finnst hún ekkert þannig. Eiginlega bara hasar og ruglinslegur endir. En hún toppar samt flestar James Bond myndir. Myndin er ekki mjög bond-leg en samt mjög góð skemmtun og ég egf henni7/10

Quantum of Solace er sennilega fyrsta Bond-myndin sem að virkar ekki sem sjálfstæð eining. Myndin erfir ýmsar upplýsingar sem forveri hennar skildi eftir, og m.a.s. eru myndirnar svo tengdar að þessi hefði rétt eins getað borið titilinn Casino Royale: Part II.Til að ná að fylgja söguþræðinum á réttum hraða er eiginlega skylda að hafa séð forverann, og í þessari seríu hefur slíkt aldrei komið upp á áður. Myndin er engu að síður skotheld afþreying frá upphafi til enda og e.t.v. meðal skemmtilegri Bond-mynda sem ég get munað eftir (en undirritaður getur nefnt mjög margar sem voru aldrei neitt sérstakar). Hún virkar samt betur ef viðkomandi skellir henni saman við Casino Royale og líti á myndirnar tvær sem eina heild.Marc Forster er eflaust einhver besti leikstjóri sem hefur komið nálægt Bond-seríu, og ábyggilega sá sérstæðasti. Maðurinn er mest þekktur fyrir átakanlegar karakterstúdíur, sem gerir það enn merkilegra að hann hafi verið valinn fyrir mynd sem þessa. Ég virði manninn á persónulegu stigi þar sem að ég dýrka Stranger than Fiction og fíla Monster's Ball og The Kite Runner í klessu. Forster sér til þess að halda uppi sama andrúmslofti og úr fyrri myndinni, en hann forðast það samtímis að kópera hana algjörlega. Ég játa þó að handritið hafi ekki beinlínis passað við hann, þá aðallega vegna þess að hasarmagnið skín talsvert á persónusköpunina. Þetta hljómar kannski eins og ósanngjörn gagnrýni gagnvart Bond mynd, en samanburður við fyrri myndina er óhjákvæmalegur, og það verður að segjast að sú mynd tókst alveg frábærlega að jafna góðan hasar við persónusamskipti án þess að missa spennuuppbygginguna.Quantum of Solace er þétt og vel keyrð en hana skortir ákveðin fókus. Persónurnar eru m.a. dálítið þunnar, og þá sérstaklega hetjan okkar, sem nær aldrei beinu sambandi við áhorfandann. Bond er mestmegnis laus við allan sjarma og húmor í þessari lotu (hvað varð um "one liner-ana?!") og það er hugsanlega stærsta kvörtun mín. Hasarinn er líka stundum - en sem betur fer ekki oft - dregin upp úr þurru, án þess að vefjast eitthvað sérstaklega utan um plottið, eins og hann á að gera. Spes að akkúrat þessir gallar skyldu ekki eiga við Casino Royale. Ef út í það er farið féll sú mynd reyndar misvel í kramið hjá hörðustu Bond-(hasar)fíklum, en mér persónulega finnst hún vera ein sú albesta í seríunni.Þessi mynd reynir ekkert að toppa þá mynd, og þarf þess heldur ekkert. En þar sem um er að ræða beint framhald hefði verið örlítið skemmtilegra að sjá aðeins meira á bakvið sjálfan Bond heldur en bara reiðan töffara. Ég tek það fram að það er alveg dásemd að horfa á Daniel Craig í rullunni. Mér finnst hann frábær Bond og þessi mynd er engin undantekning, en ofannefndir gallar takmarka hversu margt hann getur gert með hlutverkið í þetta sinn. Franski gæðaleikarinn Mathieu Almaric (úr The Diving Bell and the Butterfly) kemur sjálfur ákaflega vel út (augun í honum hræða mig!). Olga Kurylenko, sem hefur batnað töluvert í leikhæfileikum síðan Hitman, er brennheit og passleg á meðan Gemma Arterton er einhver vannýttasta (auka) Bond-gella sögunnar og gerir akkúrat ekkert spennandi með sitt hlutverk.Quantum of Solace græðir mest á því að flæða vel og bjóða upp á eðal skemmtanagildi af gamla skólanum. Eins og ég hef skýrt tekið fram þá er hún engin Casino Royale, en hún er þrusugóð framlenging samt sem áður og klárlega betri en margar aðrar spennumyndir á árinu.7/10