Dr. No (1962)

Dr No er ein besta bondmynd allra tíma sem allir verða að sjá. Nú hér er verið að segja frá breska njósnaranum James Bond(Sean Connery), hann á hér að ná manni sem kallar sig Dr No hann ferðast á eyju þar sem hann hittir Honey Reider(Ursla Anders) sem er ung stúlka sem hann fellur fyrir. Hann lendir í vandræðum eins og vanalega en hann sleppur auðvitað alltaf........ Þú sem ert að lesa þetta verður bara að sjá þessa mynd Sean Connery sínir sinn besta leik í fyrstu James Bond myndini sem slær út flestar Bond myndir. SJÁIÐ ÞESSA!!!!!

Ef ekki er tekið með sjónvarpsþættinum Casino Royale (1950), þá er Dr. No fyrsta skiptið sem James Bond kom á filmu. Ian Fleming vildi fá David Niven en framleiðendurnir, Harry Saltzman og Albert Broccoli vildu hafa Bond fyrir alla, ekki bara aðdáendur bókarinnar. Hann átti að vera fyndnari og smeðjulegri og ekki eins kaldrifjaður, þó að hann er miklu kaldrifjaðri hér heldur en hann varð í næstu myndum og er ekkert líkur Bondinum sem Roger Moore lék 11 árum seinna. Þeir vildu helst fá Cary Grant til að leika hann en hann vildi bara skrifa undir samning fyrir eina mynd, þeir vildu þá fá Roger Moore en hann var undir samningi fyrir The Saint, loks varð fyrirsætan skoska Sean Connery fyrir valinu og þrátt fyrir að George Lazenby, David Niven, Roger Moore, Timothy Dalton og Pierce Brosnan hafa leikið hlutverkið þá stendur hann oftast upp úr sem hinn eini sanni Bond.


Bond fer til Jamaiku eftir að annar njósnari hvarf þar. Hann hittir þar CIA fulltrúan Felix Leiter(sem kemur fram í nokkrum fleiri Bond myndum) og Quarrel (John Kitzmiller) bátseiganda sem hjálpaði njósnaranum sem hvarf að komast á litla eyju sem er í eigu dularfulls vísindamanns, Dr. No. Bond fer á eyjuna og hittir þar Honey Rider og þau lenda svo í klóm Dr. No, sem vinnur hjá SPECTRE(Special Executive for Counterintelligence Revenge and Extortion) og stefnir á heimsyfiráð.


Í myndinni eru flestar persónurnar kynntar, M (Bernard Lee), fröken Moneypenny (Lois Maxwell), Felix Leiter (Jack Lord) en maður saknar reyndar Desmond Llewelyn sem Q en í Dr. No er er hann bara kallaður eftir nafninu sínu, Major Boothroyd og er leikin af Peter Burton. Hann kemur bara fram í einu atriði til þess að láta Bond fá nýa byssu, Walther PPK sem að Bond gengur ennþá með. Myndin er raunverulegri en flestar Bond myndirnar, Bond hefur engin tæki frá Q til að hjálpa sér, hann verður að sýna eigin gáfur(í einu atriðinu þarf hann að vera í kafi og hann notar hola grein til að anda). Bond er líka barinn í einu atriðinu og það sjást skrámurnar á honum. Fyrsta Bond stelpan og án efa frægasta, Honey Rider (Ursula Andress) setur standardinn sem hefur verið seinustu 40 ár hjá Bond stelpunum. Dr. No er löngu orðin klassísk mynd í kvikmyndasögunni, fyrsta myndin af vinsælustu kvikmyndaseríu sem gerð hefur verið. Það eru 40 ár síðan hún kom út og hún er enn frábær.

Meistaraspæjari hennar hátignar stígur í fyrsta sinn fram á hvíta tjaldið og setur öllum myndunum sem á eftir komu fordæmi með ljúfum og heillandi húmor, stórfenglegum hasar- og spennuatriðum, tæknibrellum og stórfenglegu bralli vonda kallsins, Bondstúlku og hetjunni sjálfri og njósnara hennar hátignar Elísabetar Englandsdrottningar. Sean Connery fer hér á kostum í titilhlutverkinu og mótar hlutverk þessa ódauðlega sjarmörs kvikmyndasögunnar. Það er heilmikið lagt í frumgerðina og er hún enn í dag, tæpum fjórum áratugum síðar augnayndi. Hér bregður Bond sér til Jamaíku og freistar þar að leysa morð á breskum njósnara og aðstoðarkonu hans sem voru myrt við skyldustörf þar. Fljótlega er sótt að honum úr öllum áttum og hann er ekki öruggur með líf sitt. Góð skemmtun og tvímælalaust ein af allra bestu myndunum í seríunni. Ég gef Dr. No þrjár og hálfa stjörnu og mæli eindregið með henni við alla þá sem hafa unun af að sjá gamlar og góðar spennumyndir.

Fyrsta James Bond myndin var í raun Casino Royale, sem William Brown gerði árið 1954 með Barry Nelson í aðalhlutverki. Dr. No var hins vegar fyrsta myndin í ‘seríu’ þeirra Broccolis og Saltzmans og sú sem festi njósnara hennar hátignar á spjöld sögunnar svo um munaði, enda hefur hún nú þegar alið af sér tuttugu framhaldsmyndir ef hliðarmyndirnar Casino Royale (1967) og Never Say Never Again (1983) eru taldar með auk óteljandi stælinga. Sömuleiðis urðu aðalleikarar myndarinnar, þau Sean Connery og Ursula Andress, að stórstjörnum og titillagið er fyrir löngu orðið sígilt. Þessar vinsældir myndarinnar eru engin furða, enda er Dr. No bæði frábærlega vel gerð og þrælspennandi. Ég mæli hiklaust með henni fyrir alla þá sem vilja sjá góðar njósnamyndir.