Octopussy 1983
(James Bond 13)
James Bond's all time high.
Octopussy hefst á því að leyniþjónustumaður er myrtur með falsað Fabergé-egg í fórum sínum. James Bond er settur í málið og uppgötvar fljótt að maðkur er í mysunni sem aldrei fyrr. Bandbrjálaður og grimmlyndur indverskur prins, Kamal Khan, sem er lunkinn við að svindla í kotru, reynist tengja rússneska dýrgripinn við hinn illa og geðveika hershöfðingja... Lesa meira
Octopussy hefst á því að leyniþjónustumaður er myrtur með falsað Fabergé-egg í fórum sínum. James Bond er settur í málið og uppgötvar fljótt að maðkur er í mysunni sem aldrei fyrr. Bandbrjálaður og grimmlyndur indverskur prins, Kamal Khan, sem er lunkinn við að svindla í kotru, reynist tengja rússneska dýrgripinn við hinn illa og geðveika hershöfðingja Orlov sem hyggst koma af stað þriðju heimsstyrjöldinni með því að sprengja kjarnorkusprengju í flugherstöð NATO í Vestur-Þýskalandi, svo mjög mislíkar honum afvopnunarferli Sovétríkjanna sálugu. Orlov er einmitt einn af hinum sígildu óvinum Bond, yfirlýstur harðlínukommúnisti sem vill þó ekkert meir en meiri gróða sér til handa. Í baráttu sinni gegn hinum illu Orlov og Kamal Khan nýtur Bond aðstoðar hinnar dularfullu Octopussy, smyglaradrottningar sem fellur fyrir njósnaranum ráðagóða, en er sjálf ekkert lamb að leika sér við.... minna
Aðalleikarar
Leikstjórn
Enda þótt Octopussy sé ein skásta James Bond mynd Roger Moores, hefur hún elst fremur illa og getur vart talist annað en miðlungs góð. Kemur þar margt til. Aulahúmor í anda Moonraker myndarinnar bregður alltof oft fyrir, pólitíkin er einfeldningsleg og fáránlegur ofleikur Steven Berkoffs sem brjálaður sovéskur herforingi skemmir mikið fyrir. Moore leikur auk þess tæpast neitt frekar en fyrri daginn. Octopussy getur engu að síður reynst viðunandi stundargaman en versnar þó við enduráhorfun.
Ein af skárri myndum þessa sorglega hnignunartímabils Bond-sögunnar, þ.e. þegar Moore fékk að leika hann. Leikur Moore, eða skortur þar á, ásamt næfurþunnum söguþræði skemma fyrir, en þó nokkur ágætis atriði lyfta myndinni aðeins yfir meðallag. Þetta er þó alltaf Bond-mynd þegar allt kemur til alls.....