Die Another Day (2002)

Maður verður víst að vera með hér og fjalla um hina íslensku bond mynd, ég er ekki aðdáðandi bond myndana en varð að kíkja á þessa af því ég fékk boðsmiða, sá ekkert merkilegt við hana og endurspeglaði hún ekkert íslenskt nema númaeraplötu á bíl vúhú algjör snilld og mjög góð landkynning, nú er bara að byggja snjóhúsið í myndinni og græða smá pening

Þegar ég fór á þessa mynd bjóst ég ekki við miklum þar sem ég hafði orðið fyrir svo vonbrigðum með the world is not eonugh.

En ég varð ekki fyrir vonbrigðum með Die another die en það fór fór þó svoldið í taugarnar á mér atriðin með Ísland þau voru svo gervileg en þetta er samt allt í lagi að sjá einu sinni.

Mér finnst hálf lélegt hvað margir gefa bond myndinni góða dóma, að mínu mati er þetta lélegasta Bond myndinn sem Pierce Brosnan hefur leikið í. Die Another Day er ein af þessum Bond myndum sem er vinsæl bara afþví að hún er Bond mynd. Hasarinn sem á að skína í gegnum þessar bond myndir dettur allveg niður í þessari hálf leiðinlegu mynd. Fylgihutirnir sem Bond er alltaf með eru hörmung að sjá í þessari mynd og gengur hún alltof mikið út á það að drepa og kála öllu sem sést í 2 metra radíus. Mér finnst Bond myndirnar verða lélegri sem á líður og brátt mun ábyggilega vinsældirnar sem voru og eru svo góðar detta niður ef ekki er reynt að brjóta upp ísinn og fara að krydda þennan hasar upp aðeins. En samt sem áður er þetta mynd upp á 2 stjörnur. (afsaka stafsettninguna).

Bond hefur aldrei klikkað fyrr en núna. Fyrsta atriðið var alls ekki slæmt og í svona Bond takt. Síðan voru bara slagsmál, menn sem ætlaði að taka yfir heiminn (eins og vanalega) og Jinx sem hjálpar Bond. Bond tók svo eina kynlífssenu í Búddahofi með Jinx og framhaldið af því var að Norður-Kóreu menn vildu að það yrði hætt að sýna myndina útaf þessu atriði því þetta er óvirðing fyrir Norður-Kóreu menn. Demantanámurnar eru svo á Íslandi og eru hörkugóð atriði tekin hér á landi. Einnig koma nokkur ágæt atriði inná milli í myndinni.

Annars var ég ekki nógu sáttur með þennan Bond og við bíðum eftir þeim næsta...

Mér fannst myndin alveg brjálað skemmtileg. James Bond var mergjað góður í slagnum. Mér fannst heimskulegt hjá manninum sem gaf henni bara tvær stjörnur og fannst hún bara léleg. Zao var mergjaður í slagnum líka. En James Bond var samt aðeins betri. Já mér finnst bara að allir ættu að fara á myndina því þetta er mynd sem enginn má missa af.

Þrátt fyrir að gefa myndinni ekki nema eina og hálfa stjörnu, þá finnst mér hún samt betri en undanfarnar tvær Bond myndir. Ég held að það segi meira um undanfarnar tvær Bond myndir, heldur en þessa. Það sem hrjáði undanfarnar tvær, þær Tomorrow Never Dies, og The World Is Not Enough, var að þær voru eins og klón hvor af annarri. Þær voru nákvæmlega eins, báðar jafn vitlausar, litlausar, illa skrifaðar og hreint út sagt leiðinlegar. Þessi nýjasta Bond mynd, Die Another Day, misheppnast einnig herfilega. Hún misheppnast þó með örlítið meiri stæl, þ.e.a.s., hún misheppnast á þann hátt að maður man þó eftir henni. Hér er um að ræða sérlega vitlausa mynd, með risastórum plottgötum, þreyttum aðalleikara, illa skrifuðum bröndurum, og einhverjum verstu tölvubrellum sem ég hef nokkurntíma séð í svona dýrri kvikmynd. Þeir sem sáu um brellurnar í þessari mynd, ættu bara að skammast sín og sækja um vinnu við eitthvað allt annað, t.d. sorphirðu. Hins vegar hafði ég lúmskt gaman af Halle Berry í þessari mynd, ásamt því að einhver mynd með John Cleese, getur ekki verið alvond. Einnig fannst mér hún byrja nokkuð vel, að sjá Bond pyntaðan og brotinn niður á annað ár, gerir hann eitthvað svo skemmtilega mannlegan. Ég fékk bara Timothy Dalton fílinginn á tímabili, svona mannlegan fíling. Hann hvarf fljótt þegar á leið. Myndin leysist fljótt upp í vitleysu, og ekki einu sinni skemmtilega vitleysu. Það er ennþá nóg líf í James Bond. Það þarf bara að hætta að einblína á brandara og sprengingar. Ef Brosnan væri með þýskan hreim, þá gætu undanfarnar Bond myndir alveg eins verið slappar Scwarzenegger myndir, nema Scwarzenegger myndir verða aldrei svona slæmar. Ég vill fá mannlegan Bond, og Bond sem er leynilegur útsendari, ekki bara tortímingarvél sem sprengir allt í tætlur. Þunnur þrettándi þessi.

Alls ekki fullnægjandi mynd sem gengur því miður allt of mikið út á hasar og dóna one line joke. Þegar Bond gekk inn í augað fór svona sælu hrollur um mig og hlakkaði ég mikið til að sjá meira af gamla góða Bond. Málið versnaði n´æu heldur betur þegar klassíska Bond themeið var orðiði að einhverju Bond remixi og heldur myndin þannig áfram, sem eitt stórt remix. Þeir hjá mgm ættu að skammast sín fyrir svona slappleika. Svo gengur ekki að hafa bondgellu sem leikur betur en bond sjálfur. Hún fær 2 stjörnur fyrir flott hasaratriði og flotta bíla/gellur.

Hér er á ferðinni langvitlausasta Bond myndin hingað til. Atriðið þar sem Bond lendir í fangelsi í N-Kóreu er mjög langdregið. Það vantar ekki hasarinn og tæknibrellurnar en söguþráðurinn er ótrúlega vitlaus. Það ber að nefna helst það að í myndinni á að vera hægt að breyta andliti manna með erfðatækni, t.d. breyta andliti asíubúa í evrópubúa. HALLÓ.

Þá er fullyrt að mörgæsir lifi á Íslandi. Vondi kallinn á að hafa smíðað risastóran spegil út í geimnum án vitneskju Bandaríkjamanna og Rússa - líklegt eða hitt þó heldur. Bond á að kafa undir ísvök í c.a. eina mínútu án þess svo mikið sem að skjálfa úr kulda. Bond bíllinn á að vera ÓSÝNILEGUR. Atriðið á Íslandi er hálf lummó. Ísland á að vera einn ísjaki. Ég er hræddur um að útlendingar fái svolítið ranga mynd af landinu. Ég meina það vill engin ferðast til lands þar sem er bara að sjá eina langa ísbreiðu. Brosnan og Halle berry komu ekki einu sinni til landsins. Íslands atriðið sjálft er ekki nema nokkrar mínútur, fyllt upp í með tölvubrellum. Sem sagt móðgun við áhorfendur og aðdáendur Bonds. En því miður er þessi mynd að þéna meiri pening en nokkur önnur Bond mynd, þannig að maður má eiga von á að þessi vella haldi áfram í næstu mynd.

Mér blöskrar hversu margir eru að gefa Die Another Day jákvæða dóma. Hér er hvorki um að ræða góða Bond-mynd né góða kvikmynd. Í þetta sinn er Bond á hælum hryðjuverkamanns sem kallast Zao og inn í atburðarásina flækist ævintýrasamur auðkylfingur sem varð ríkur með því að finna demantsnámu á Íslandi (ég hefði gaman af því að heyrða hvað jarðfræðingar hafa að segja um þetta). Um það bil þriðjungur myndarinnar á að gerast hér á Íslandi, en fyrir utan nokkur skot eru þessi atriði tekin upp í kvikmyndaveri eða gerð í tölvu. Ekki hefur miklu verið kostað til þess að draga upp raunverulega mynd af Íslandi. Samkvæmt því sem við sjáum er dæmigert landslag á Íslandi líkt og Jökulsárlón að vetri til og hvarvetna má sjá ísjaka ef litið er til sjávar. Einnig er gefið í skyn að hér búi mörgæsir og öryggisvörður sem á að vera íslenskur bullar einhverja óskiljanlega blöndu af dönsku og þýsku. Ég verð semsagt að setja stórt spurningarmerki við það hversu góð landkynning þetta er fyrir okkur. Hví þeir fóru ekki frekar til Grænlands veit ég ekki. Nóg er að finna af hasaratriðum og eru sum þeirra vel af hendi leyst, en í rólegri köflunum missir myndin oft allt niðrum sig. Samtöl Bond og Jinx eru til að mynda skammarlega illa skrifuð og fáránleg. Einnig eru sum tæknibrelluatriðin hér alveg fáránlega óraunveruleg, maður skyldi halda að með öllum auglýsingjastyrkjunum sem einkenna Bond myndirnar væri hægt að eyða smá pening í góðar brellur en svo er greinilega ekki. Að minnsta kosti tvö tæknibrelluatriði eru svo illa gerð að þau væru hallærisleg í sjónvarpsþætti hvað þá kvikmynd. Meira að segja einföldustu tæknibrellum eins ''blue-screen'' er algerlega klúðrað. Svo má nefna nokkur atriði í söguþræðinum, eins og til dæmis þennan ''laser''-geisla út í geimnum.. hljómar þetta ekki eitthvað kunnuglega? Man einhver eftir Austin Powers? Ég varð semsagt fyrir miklum vonbrigðum með þessa mynd. Ef næsta Bond mynd lítur út fyrir að verða eitthvað svipuð mun ég láta ógert að sjá hana.

Þá er hann mættur aftur, James Bond 007, í sinni tuttugustu mynd og að mínu mati ein af þeim bestu. Það sem er sérstaklega skemmtilegt við myndina er að næstum helmingur hennar gersit á Íslandi. Mótleikari Brosnans er Halle Berry sem gerir hlutina ekki verri því hún er hörkugóð í myndinni, sem og Pierce Brosnan. Útkoman er hörkugóð spennumynd um Bondarann og ekki skemmir að Ísland leikur eitt aðalhlutverkið. Mæli með henni fyrir alla, konur og kalla.

Alveg grátlega slöpp. Víst er allt fyrir hendi sem áður hefur verið fyrir hendi í týpískri Bond mynd en hún nær aldrei að fljóta vel. Brosnan skilar sínu en handritið er bara svo lélegt að manni fer fljótt að leiðast. Halle Berry er flott en einum of væmnin samt. Hin gellan er ekki einu sinni flott. Mér leiddist verulega í lokin. xXx var margfalt betri og verðugur arftaki Bond myndanna ef menn ætla ekki að gera betur en þetta. Ég hefði haft meira gaman af myndinni ef honum hefði verið leyft að vera síðhærðum og á flótta alla myndina ... en þá hefði þetta náttúrulega ekki verið Bond mynd. Sleppið henni.