I, Robot (2004)

Þessi mynd er hin fínasta skemmtun. Will Smith er ekki með neina snilldartakta í þessari mynd en hann skilar sínu. Sterkasta hlið myndarinnar eru tæknibrellurnar. Þær eru alveg rosalegar í myndinni og þvílíkt og annað eins(Vona að myndin verði tilnefnd til Óskars fyrir þær). Það sem mér fannst vanta(veit ekki hvort þið eruð sammála mér) er að ég hefði viljað hafa svona lokabardaga milli persónu Wills Smiths og Sonny, eins og var í Blade 2. Það hefði verið geggjað. En annars mæli ég samt með henni.

Þessi mynd er góð á öllu leiti...Góður söguþráður (miðað við aðrar myndir), stórflottar tæknibrellur, flottur húmor og góðir leikarar...þessvegna fær hún þrjár stjörnur frá mér

Ég hafði heyrt frá vini mínum að hún væri ekki það góð svo að þegar ég fór á hana var ég ekki með miklar væntingar. Myndin var tvímælalaust betri en ég bjóst við og mæli með að fólk fari á hana í bíói. Fyrir aðdáendur góðra mynda þá er þetta myndin til að fara á.

I,robot er besta mynd sem ég hef séð í langan tíma. hún er spennandi fyndin. will smith fer á kostum í þessum spenni trylli. myndin gerist í framtíðin þegar allt mannkynið er farið að treysta á robota fyrir utan einn mann (will smith). myndin er dálítið svona hollywodd þar sem einn maður hoppar 20 metra aftur fyrir sig hann hittir alla en engin hittir hann. samt frábær mynd og ég mæli með henni

Vinur minn dró mig á þessa mynd, er ég nú ekki mikill Will smith aðdáandi, finnst hann eiginlega hund leiðinlegur. Er alltaf þessi töffari sem segjir einhvern voða brandara þegar hann er nær dauða en lífi. í þessu tilfelli er það alveg eins, hann er bara eins og hann er alltaf í öllum sínum myndum.


En ég var samt ekki fyrir vondbrigðum þegar ég sá þessa mynd, var búinn að búast við myklu verri og væmnari mynd. Samt var svolítið klisjulegur endir sem fylgja bara svona myndum.. >>En samt er þetta ágætis afþreiging. ég allavega sá ekkert eftir því að fara á hana í bíó..

Því miður átti ég erfitt með að skemmta mér á þessari mynd, þrátt fyrir efnilegan söguþráð, fínan leikstjóra og allar tæknibrellurnar þá gat ég ekki hugsað um neitt annað en að þetta hefði átt að verða betra. Yfirdrifin hasaratriðin og Will Smith skemmdu meðal annars vel fyrir(er reyndar hlutdrægur ég hef aldrei þolað manninn). Tvær Stjörnur fyrir Sumarmynd í meðallagi.

Þessi mynd er mjög vel gerð og notfærir allar tæknibrellur sem til eru (f. utan 2töku), þessi saga hefst circa 2004 þegar pabbi hans var rekin og vélmenni tekur við störfum hans, þess vegna hatar Will Smith vélmenni. Sagan gerist árið 2035 og Will Smith á að reyna að fynna út af hverju professorinn drap sig (hann lét vélmennið Sonny lofa að gera það). Það eru fjöl margir skemmtilegir brandarar og ég mæli sérlega með þessarri mynd. Hún er nokkuð lík Minority Report eða Men In Black, og fær fjórar stjörnur fyrir allt.

Þetta er frábær mynd. Hún er fyrir þá sem fíla hasar og spennu. Þessi mynd gerist árið 2035. Þá eru vélmenni komin í heimin. Will Smith líkar þau ekki og heldur að þau geti gert eitthvað vont. Will Smith fer á kostum. Ég mæli mikið með henni.

Þetta er mjög skemmtileg mynd. Hún gerist árið 2035 þegar vélmenni eru komin í heiminn. Það eru margir skemmtilegir brandarar og góður hasar. Það eru líka mjög góðar tækknibrellur. Will Smith leikur frábærlega. ég mæli með að allir fari á þessa mynd.

Ég er vonsvikinn, Alex Proyas sem gerði hina geðveiku Dark City hefur eitthvað misstegið sig. Í fyrsta lagi er I, Robot að einbeita sér að hlutum sem eru að mínu mati ei mikilvægir. Hugmyndin bakvið myndina er mjög góð, byggð á gamalli bók. Auðvitað eins og er oftast gert í nútímamyndum er að nota sjónbrellur við gerð sögunnar. Þessi tækni gerir það kleift að gera hluti sem eru annaðhvort mjög erfiðir að gera eða ómögulegt. I, Robot hinsvegar ofnotar sjónbrellurnar of oft, líkt og Star Wars. Sonny aðalvélmennið er besta persóna myndarinnar og hið besta við myndina. Hann er sterkasta persónan og er ástæðan að myndin fær tvær og hálfa stjörnu. Án hans væri myndin að mestu leyti tóm. Þrátt fyrir þessar ofnotaðar brellur á pörtum þá hjálpaði hún mikið við gerð Sonny´s. Will Smith er hvorki góður nér lélegur, það er ekkert það gott né lélegt við hann. Ef ég hefði gert hana þá væri hún bönnuð innan 16 eða R-rated og væri mun ofbeldifyllri, mun drungalegri og mun meira hugsunarefni í stað þess að vera eitthvað sumar-flick. Þessi hugmynd hefði getað orðið að glæsilegri vísindaskáldsögu rétt eins og Dark City var. Það eina fullkomna við myndina var Sonny sem ég met mikið. I, Robot er svo sem ágætismynd, hefur flott atriði og skemmtilega parta.

I, Robot er tvímælalaust það sem menn geta kallað ekta sumarhasarmynd. Hún er samt eiginlega meira en það. Hún er ekki enn eina týpíska vitskerta Hollywood-spennumyndin sem byggir aðeins á tómum hasar og ódýrum tæknibrellum. Í höndum einhvers annars hefði þess vegna getað orðið svo, en leikstjórinn Alex Proyas - sem þekktastur er fyrir að skapa drungaleg og myrk stílbrögð (sjá goth-klassíkina The Crow og snilldina Dark City) - tekst að gera eitthvað nýtt sem skarar örlítið meira fram úr. Proyas býr til alveg svakalega nettan stíl sem umvefur trausta, úthugsaða og innihaldríka sögu. Söguþráðurinn er í sjálfu sér mun gáfaðri en svona myndir eru yfirleitt, og fókusar meira á smáatriðin heldur en lætin. Tæknibrellurnar eru líka fyrsta flokks, og örugglega með þeim betri sem ég hef séð á árinu. Þær blanda fullkomlega saman tölvugerðum fígúrum og raunverulegu umhverfi án þess að detta nokkurn tímann í þá gryfju að líta út eins og tölvuleikur. Hasarinn er líka solid, og það besta er að hann notast ekki á við snöggar klippingar eða óþægilegt músík vídeó-look til að skapa spennu, heldur höndlar leikstjórinn þær senur bara svo ákaflega vel með svo flottri sýn að þær pumpa adrenalínið í gang eins og til var ætlast (flott þetta með hröðu, tölvugerðu kameruhreyfingarnar by the way). Svo er það náttúrlega Will Smith, og I, Robot sannar bara að hann hefur eiginleikann til að geta borið heila spennumynd uppi sjálfur. Reyndar er gerð meiri tilraun til að skella meiri dýpt í persónu hans en við höfum séð áður af honum, en týpan er þó nákvæmlega sú sama og við kynntumst t.d. í Bad Boys, Men in Black eða Enemy of the State. Annars fer hann alltaf mjög vel með one-lineranna (og margir þeirra eru nokkuð góðir hérna, verð að viðurkenna það), sem þykir ansi stór krafa hjá hasarhetjum. Bridget Moynahan er sömuleiðis leikkona sem þjáist af því sama og Will með að vera alltaf 'sama týpan.' Hún er einhverra hluta vegna alltaf eins, en það er svosem engin ástæða til að setja mikið út á hana. Hún fyllir eins vel og hún getur upp í hlutverk gáfuðu vísindakonunnar sem er alltaf jafn glær. Það eru margar áhugaverðar spurningar sem þessi mynd vekur, eins og lagið er hjá góðum framtíðarþriller, og myndin kafar út í mikla persónudýpt, og þar helst með persónuna Sonny (þ.e. vélmennið sem flækist inn í atburðarásina), sem er alveg ótrúlega góður karakter og nær pottþéttu sambandi við áhorfandann. Sem vísindaskáldskapur hef ég mínar athugasemdir um myndina - þ.á.m. hversu auðútreiknanlegar sumar flétturnar í myndinni eru - en sem sumarmynd hefur hún næstum allt sem ein slík þarf upp á að bjóða. Ég er feginn að við fáum loksins að sjá eitthvað nýtt frá þeirri eldgömlu Man vs. Machine-hugmynd. Þetta er ekki besta mynd leikstjórans, né efast ég um að þetta sé neitt Matrix/Minority Report/Ghost in the Shell-kalíber, og hún trompar samt ekki Spider-Man 2 úr toppsætinu sem besta spennumynd sumarsins, en meðmæli mín eru sterk þrátt fyrir það.8/10Ég verð samt að kommenta á gífurlega hallærislega og þvingaða Converse-auglýsingu sem kemur alltof oft fram, en lögð er óbærilega mikil áhersla á hversu flottir nýju skórnir hans Wills eru. Ég var nánast farinn að halda að þeir tengdust söguþræðinum eitthvað sérstaklega, en nei nei... Skórnir mynduðust bara svona oft í nærmynd. Spes.

I, Robot gerist árið 2035 þegar úir og grúir af vélmennum sem eru notuð til að vinna ýmis verk fyrir mannfólkið. Í Chicago borg fremur háttsettur maður sjálfsmorð og rannsóknarlögreglumaðurinn Spooner(Will Smith) grunar að brögð séu í tafli og reynist grunur hans síðan á rökum reistur. Enn ein vélmennamyndin er hér komin en miðað við það hvað grunnhugmyndin er ofnotuð þá kemur myndin bara þokkalega út, er spennandi, grípandi og alls ekki fyrirsjáanleg. Samt fannst mér soldið vont að sjá Will Smith þarna í aðalhlutverkinu af því að maðurinn er alltaf sama týpan. Reyndar er hlutverkið hans í myndinni frekar illa skrifað þannig að það má ekki kenna greyinu um allt. Ein af aðalsöguhetjunum sem styðja við Will gamla er vélmenni nokkurt og það verður að segjast að þetta vélmenni hefur mjög sterkan karakter. Ég veit reyndar ekki hver ljáir rödd þess en viðkomandi gerir það vel. I, robot fær tvær og hálfa stjörnu og ég mæli svona lauslega með henni.