Van Helsing (2004)

Þessi finnst mér vel gerð. Þá á ég við tæknibrellur og leikstjórn,- sérstaklega leikstjórn. Stephen Sommers sýndi með Mummy og sannaði með Mummy Returns að hann er bara fantagóður að stýra myndum inn á eitthvað form sem er að virka en erfitt að koma orðum að því. Hann leggur greynilega mikinn metnað í að fá bestu fáanlegu fagmennina til að hjálpa sér og er útkoman merkjanlega góð. Þessi er slök að því leiti að hún er ekki byggð á neinum atburðum heldur koma goðsagnir eingöngu til sögu og eru flestar þeirra illa leiknar. Hugh Jackmann er svosem ágætur og skilar sínu nokkuð vel og nær að halda sínu striki út all myndina. Besta túlkunin fannst mér þó hjá Richard Roxburgh sem Dracula. Sjaldan hef ég séð eins látlausa og rétta túlkun á honum. Allir aðrir leikarar eru rétt svo að hanga með hausin upp úr vatninu, til að fá sína launaávísun. En eins og með Mummy myndirnar þá er allur frágangur mjög góður og ekki hægt að kvarta yfir neinu þar(fór reyndar ekki á hana í bio), mér fannst meira að segja að varúlfurinn sem að Van Helsing varð að ansi líkur honum(hvernig sem ég fer nú að því). Sagan baftur á móti er að brjóta allt of mörg ''lög'' innan kvikmyndabransans og reynir Sommers að fella alla karakterana saman með skrítnum ástæðum Dracula um að ætla sér að koma lífi í afkæmi sín með tækjum Dr. Frankensteins. En þar sem að þetta er mú bara saklaus skemmtun, þá sleppur hún með að verða rökkuð niður af mér. Allavega eitthvað.

Væntingar mínar til Van Helsing voru ansi miklar - en þrátt fyrir það þá stóðust þær væntingar fullkomlega og gott betur en það. Ég er í raun alveg hissa á dómunum sem þessi mynd er að fá út í heimi(og hér?). Þessi mynd er einfaldlega langtum betri en öll önnur action-flick sem ég hef séð. Í raun og veru er Van Helsing svona eins og sambland af Underworld og LXG - en mér fannst einmitt actionið og spennan stórkostleg í Underworld og sagan í LXG snilld. Þetta saman með, held ég geti vel fullyrt, bestu tæknibrellum í kvikmynd hingað til, er uppskriftin af Van Helsing. Útkoman er ótrúleg. Hjartað í mér hamaðis nánast allan tímann og gæsahúðin var viðloðandi. Svona myndir eru reyndar alls ekki fyrir alla. Persónulega hef ég gaman af Dracula, varúlfum og vampírum en öðrum gæti ekki þótt það eins heillandi. Svo er heldur ekki víst að fólk lifi eins fyrir tæknibrellur og hljóð og ég geri. En mér finnst samt ekki nóg að hafa bara tæknibrellur...það þarf að vera eitthvað meira á bakvið þær. Van Helsing gerir það svo sannarlega. Sagan bak við þetta allt saman er snilldin ein...en það er eitthvað sem ég var ekkert sérstaklega að búast við. Hugh Jackman stendur sig frábærlega eins og vant er. Þokki Kate Beckinsale gerir það að verkum að hún þarf ekkert endilega að leika vel en það gerir hún samt. Uppi stendur þó Dracula sjálfur, en Richard Roxburgh skilaði Dracula greifa stórkostlega vel af sér. Í heildina séð þá flokkast Van Helsing með allra bestu myndum sem ég hef séð, en mynd eins og þessi á það mjög líklega til að eiga mjög þröngan aðdáendahóp, rétt eins og Underworld. Hjá mér mun allavega enginn vafi leika á því að Van Helsing á eftir að vera mikið notaður meðlimur DVD safnsins þegar að því kemur.=)

Já þessi mynd er örugglega fyrsta stórmynd sumarsins Hugh Jackman er frábær sem van Helsing og Kate Beckinsale kemur góð inn sem prinsessan Anna. Oft þegar myndin var farinn að vera OF alvarleg kom David Wenham (Lord of the Rings) með létt grín. Það sést þó mikið í hljóðnemann í atriðunum í brenndri myllunni, undir mylluni og í skógum Búlgaríu. Skrímslin eru vel leikin þó sérstaklega Drakúla sem leikinn er af Ricard Roxburgh en Roxburgh er rosa scary.

Agaleg vonbrigði. Einn hrikalegasti leikur sem ég hef lengi séð og persónurnar út og suður. Hún skríður yfir meðallag hjá mér af því ég elska ævintýri. En skemmtanagildið fólst aðallega í svakalega góðum tæknibrellum og svo lélegum leik að maður skellti upp úr (yfirleitt á kolröngum augnablikum). Kannski var það planað að hafa þetta svona í gamla stílnum, þar sem sviðsmyndin vóg meira en leikurinn. Ein persónan var þó frábær og það var blessaður munkurinn, sem var enda snilldarlega leikinn af David Wenham (Faramir úr LOTR). Frankenstein var vel leikinn, en persónan var gerð jafn væmin og hún var mikið hörkutól sem gengur ekki upp. Hugh Jackman var frekar slappur og Drakúla gaurinn var nú bara ömurlegur, ekki fór nú mikið fyrir hinum sögufræga kynþokka yfirblóðsugunnar. Kate Beckinsale tjáði sína óskipulögðu persónu illa og bjóst ég nú enda ekki við meiru frá henni. Konurnar hans Drakúla voru svo illa leiknar að það leit út fyrir að leikstjórinn hefði viljandi stýrt leikkonunum í þennan hörmungarleik. Tónlistin í myndinni gekk þar að auki ekki nógu vel upp. Lítið er hægt að segja annað um Van Helsing en að hún var ein stór mistök. Kannski ætluðu menn sér of mikið og misstu sjónar á sögunni svo niðurstaðan var ein tæknibrellu-ringulreið. En það er synd að klúðra svona spennandi ævintýrasögu sem hefði verið kjörin til að gera næstu stórmynd úr. Ég er alls ekki sátt, maður bjóst við miklu meiru af hinu hæfileikaríka liði sem stóð að baki myndinni.

Þetta er ekki besta mynd sommers en þetta er allt í lagi afþreying þrátt fyrir það hvað hún er vitlaus en ég verð nú samt að segja það að hún hefði getað verið talsvert betri.

Hún er full af tæknibrellum og hún er none stop action movie hún er allt í lagi leikinn en þrátt fyrir þetta nær það ekki að bjarga söguþráðnum sem hefði getað verið mun betri en engu að síður er þetta ágætis afþreying.

Myndin er ekki góð en hún er ekki leiðinleg.

Þegar ég fór á Van Helsing bjóst ég ekki við miklu, var ekki búin að heyra mikið gott um þessa mynd.

Þess vegna kom það mér á óvart hvað myndin var góð. Besta sumar myndin held ég bara.

Söguþráðurinn er góður og leikararnir líka.


Góð mynd!

Ef að Van Helsing er ekki dæmigert sumarrusl fyrir Hollywood, þegar það tekur nautheimskar hugmyndir, treður nógu mikið af tæknibrellum inn í þær, og reynir að láta þær líta út eins og góða skemmtun, þá veit ég ekki hvað það er. Van Helsing er versta sumarhasarmynd sem ég hef séð frá því ég sá The League of Extraordinary Gentlemen.

Söguþráðurinn er eins heimskulegur og hann getur hugsanlega orðið en svona hljóðar hann. Van Helsing (Jackman) er nokkurs konar leigumorðingi fyrir Vatíkanið. Starf hans felst í því að berjast við hin illu öfl sem ógna mannkyninu. Eins og augljóst má verða þarf Van Helsing að berjast við mörg af frægustu skrímslum 19. aldar eins og til dæmis Herra Hyde (Coltrane).

Van Helsing er síðan sendur út af örkinni ásamt aðstoðarmanni sínum Carl (Wenham) til Transylvaníu þar sem hann þarf að ráða niðurlögum Drakúla greifa (Roxburgh) og hans hyski. Eini gallinn er að enginn veit hvernig á að drepa Drakúla. Drakúla hefur auk þess á prjónunum djöfulleg áform um að vekja öll börn sín til lífsins í gegnum skrímsli Frankensteins (Hensley) og gera út af við síðasta afkomanda ættarinnar sem hefur barist við hann í margar aldir, Önnu Valerious (Beckinsale). Og nú þurfa Van Helsing og Anna að taka höndum saman við að kveða niður þessi illu öfl.

Þetta hljómar ekki vel, er það nokkuð? Drakúla ætlar að nota skrímsli Frankensteins til að vekja börn sín til lífsins. Auk þess tengjast varúlfar þessu öllu á einhvern hátt. Hljómar eins og út úr gamalli ódýrri Roger Corman mynd frá 6. áratugnum. Það eina sem vantar er Steina og Olla inn í sullið. Því miður er þessi mynd að taka sig óvenjulega alvarlega miðað við hversu mikil della hún er. Það reynist hennar banabiti. Ef að Sommers hefði litið aðeins betur á handrit sitt og séð hversu heimskulegt og hversu mikið rusl það er í alvörunni hefði hann getað leikstýrt eftir því. En nei. Út af þessu verður myndin hundleiðinleg.

Það er ekkert sem kemur manni á óvart. Og það sem á að koma manni á óvart er svo heimskulegt og í rauninni óskiljanlegt að það missir gjörsamlega marks. Og manni stendur á sama hvort eð er. Manni er nákvæmlega skítsama um hvern einasta karakter í þessu rusli. Þetta er engin saga, þetta er ekkert annað en æfing fyrir tæknimenn í tæknibrellum og ágætis tækifæri fyrir nokkra leikara að hirða feita launaávísun. Auk þess er þessi fjári 134 mínútur að lengd. Corman hefði hóstað einni svona upp á 90 mínútum, með sumum tæknibrellum sennilega álíka góðum og hún hefði verið 10 sinnum skemmtilegri.

Svo er ég orðinn svo þreyttur á að sjá vampýrur og aðrar forynjur blóðmjólkaðar til dauða af Hollywood. Sögnin um Drakúla er upphaflega afar rómantísk og harmræn skáldsaga. Sömuleiðis Frankenstein. En það er búið að gera úr þessum karakterum skrípafígúrur fyrir löngu síðan og aldrei meir en núna. Drakúla er nú orðinn eins og hver annar vondi karl í Bond-mynd.

Myndin er þokkalega vel gerð svo sem þótt mér finnist tæknibrellurnar alltaf vera einum of augljósar. Leikurinn er svona fyrir ofan garð og neðan enda lítið hægt að gera með jafn hörmulegt handrit. Jackman tekst að vera ábúðarmikill að vanda en hann ætti í alvörunni að finna sér einhver betri hlutverk og fjölbreyttari. Sem dæmi má nefna að Van Helsing er nánast sama persóna og Wolverine í X-Men. Báðir þjást af minnisleysi, bera flott vopn og svo framvegis. Það sýnir kannski best hverslags strand öll hugmyndavinna hefur lent í í draumverksmiðjunni. Kate Beckinsale er á góðri leið með að verða vondumyndadrottningin. Pearl Harbor, Underworld, Van Helsing, hvar endar þetta eiginlega? Sá eini sem fær prik hjá mér og því stjörnuna er Richard Roxburgh sem Drakúla. Hann er sá eini sem virðist hafa gert sér grein fyrir því hversu mikið drasl þessi mynd er og leikur því eftir því. Hann fer hamförum í ofleik og er sá eini sem virðist vera að skemmta sér pínulítið í allri myndinni.

Van Helsing er dæmi um allt það versta sem kemur frá Hollywood. Hörmungar hugmyndir, hryllilega illa skrifað handrit, brokkgeng leikstjórn og tæknibrellufyllerí. Stephen Sommers má fara að vara sig ef hann vill ekki verða næsti Michael Bay. Vonandi er þetta ekki smjörþefurinn af því sem koma skal.

Van Helsing er fyrsta stórmynds sumarsins og sem slík stendur hún vel að vígi en hvað varðar sögu þá er hún afar slök. Myndin fjallar um mann að nafni Van Helsing sem vinnur fyrir leynifélag á vegum vatikansins og fellst vinna hans í því að uppræta allt illt í heiminum. Hann er sendur til Transilvaníu til að uppræta óvinn númer 1. sjálfan Drakúla greifa. Myndin hefur að bjóða upp á frábæran hasar og tæknibrellur en það er einn af stærstu göllum myndarinar að tæknibrellurnar eru ofnotaðar og hasarin er of mikill. Þegar maður var að vonast eftir löngum og góðum samtölum stóðu þau í mestalagi yfir í 3 mínutur og þá gerðist eithvað svakalegt sem stóð í um 10-15 míutur. Stærsti galli myndarinar er án vafa handritið sem er hrikalega illa skrifað og vantar mjög mikið í það. Þegar leikstjóri myndarinar Stephen Sommers skrifaði það hefur hann greinilega bara verið að hugsa um hassarin en ekki um söguna. Það sem fór mest í taugarnar á mér í sambandi við handritið var að það var alltaf verið að tala um fortíð Van Helsing en svo þegar myndini lauk var maður ekkert búinn að fá að vita um fortíð hans. Fyrir utan þetta sem ég var að telja upp er þetta alveg ágætis mynd. Leikurinn í myndini er fín og stendur Hugh Jackman þar fremstur í flokki sem Van Helsing og oft á tíðum heldur hann myndini uppi. Richard Roxburgh leikur sjálfan Drakúla greifaog á hann ágætan leik þó hann ofleki stundum. Um húmorinn í myndini sér David Wenham algjörlega um sem munkurinn Carl. Flestir ættu að þekkja David Wenham sem Faramir í Lord of the Rings þríleiknum og verð ég að segja að hann ætti frekar að halda sig við þannig hlutverk en hann á þó góðan dag hér. Svo er leikonan Kate Beckinsale í einu af aðalhlutverkunum og leikur hún hinna ótalausu Önnu Valerious og verð ég að segja að hún á slakan leik. það er gaman að sjá í þessari mynd nokkur af helstu skrímslum kvikmyndasögunar og má þar nefna Drakúla, Frankenstein skrímslið, úlfmaninn og svo kemur Dr. Jekyll og Mr. Hyde við sögu. Van Helsing verður trúlega tilnefnd til einhverja óskarsverðlauna fyrir tæknilegu hliðina og á hún mestan séns á að vinna förðunarverðlaun. Í heildina litið er Van Helsing ágætis sumarmynd sem hægt er að hafa gaman ef litið er framhjá ofnotkun á tæknibrellum og mein gölluðu handriti. Takk fyrir.

Þetta er eiginlega allt sem ég bjóst við. Stephen Sommers sem gerði hina frábæru Mummy (1999) og svo Mummy Returns (2001) sem var ekki eins góð skrifaði eitt versta handrit sem ég hef nokkurn tímann séð í kvikmynd. Línurnar voru alveg hræðilegar oftast og mér svimaði stundum við þær. Þrátt fyrir hræðilega handritið hefur myndin ágætis stíl á tæknibrellum, kvikmyndatöku og bardögum sem er eitt af einkennum Sommers eru óvenjuleg bardagaatriði sem er einn hlutur sem bjargar þessari mynd. Hugh Jackman var mjög góður sem Van Helsing, Kate Beckinsale þrátt fyrir að hún sé góð leikkona var hún hræðileg í sínu hlutverki. Richard Roxbury sem lék Count Dracula var góður samt ekkert miðað við Gary Oldman sem Dracula. David Wenham er eitthvað sérstakt. Var Faramir í Lord of the Rings en núna er hann fyndinn munkur. Hann getur greinilega leikið fjölbreytileg hlutverk, sýnir hvað hann er góður. Tæknibrellunar voru mjög góðar, get ekki kvartað. Myndin gat þó verið hræðilega ostasöm (cheesy) á pörtum með svona gamal-dags stíl. Það sést greinilega þegar horft er á hana. Sum augnablik í myndinni voru snilld, til dæmis húmor í bardagaatriðum og David Wenham sem var nokkuð fyndinn. Þetta er alveg fín mynd, ekkert rosalega gott en alveg ásættanleg og alveg það sem ég bjóst við. Frankenstein var mjög góð persóna myndarinnar, eitt sem gerði myndina betri.

Já eg skellti mer á þessa mynd og tek það strax fram að hún var míkill vonbrigði.

Handritið er hreint út sagt alveg glatað.

Margar alveg fáranlegar setningar í þessari mynd.

síðan var það ekki góð hugmynd að hafa svo margar hryllingsmyndapersónur í myndinni, myndin virkaði bara of hlaðinn.

Síðan fanst mer líka að myndinn hefði frekar átt að vera meiri hryllingsmynd. það vantaði t.d allt blóð í hana eg meina að hafa hasarmynd alveg blóðlausa virkar bara ekki. Samt er þessi mynd betri en the Mummy returns sem er algjör hörmungur. Eg vona bara að stephen sommers geri ekki fleiri myndir og sérstaklega hætti að skrifa handrit hann er kannski ekki alveg eins slæmur og georg lucas samt sem handritsöfundur að vera liktur saman við georg lucas er frekar slæmt. allavega gef eg henni 2 1/2 fyrir góða skemmtun hún er líka alveg einstaklega flott og var öll tæknivinnslan frábær. Eg hef sjaldan skemmt mer eins vel í bíó sérstaklega því að eg hló í raun míkið af sénum sem áttu að vera rosalega alverlegar en út af þessu handriti voru þessar senur óviljandi fyndnar.

Massa ræma frá nýjum meistara ævintíramyndanna Steven Sommers.

Það er ekkert slæmt um þessamynd að segja nema þá helst að leikurinn er með eindæmum dapur hjá öllum nema Dracula sjálfum ekki misskilja mig Hugh Jackman er cool en hann er betri í Xmen. Það er allt svalt við þessa mynd allir leikarar myndarinnar gera persónurnar flottar (þrátt fyrir dapran leik), umhverfið er svakalega magnað og andrúmsloftið magnþrungið. Það sem er allra svalast við myndina, að mínu mati, eru ískyggilega flottir varúlfar aldrei nokkurntíman hef ég séð jafn svalar og grimmar hreifingar hjá varúlfum og eiga tæknimennirnir þar skilið mikið hól. Vampírurnar eru líka svalar en komast samt ekki í hálfkast við grimma varúlfana, fyrir utan þó Richard Roxburgh sem er massa svalur sem sjálfur Dracula. Allar tæknibrellur myndarinnar eru stórfenglegar og er nóg af þeim en þó ekki þannig að það hafi farið í taugarnar á mér enda hef ég mikið gaman af góðum tæknibrellum.

Það sem dróg myndina niður var tvennt, fyrr um talaður lélegur leikur og síðan kanski of mikið af gömlum ofnotuðum onlinerum sem voru ekki alltaf að virka.

Mæli eindregið með þessari ræmu skellið ykkur á hana.

Gegggjuð mynd. Venjulega á sonna myndum, þið vitið svona varúlfa vampíru dót, þá fer ég á þær með þvílíkum væntingum....og verð oftast vonsvikin. En þarna hélt ég að ég myndi gera sömu mistök aftur, því Hugh er eitt af uppáhöldunum mínum. Og ég verð að segja að þó að væntingarnar voru miklar var myndin 10x betri en ég bjóst við :D Hún hrein snilld. Dracula, Varúlfum og Frankenstæn er blandað saman í alveg nýrri sögu, með frábærri útkomu. Það eru nokkur eftirminnileg atriði í myndinni, s.s. flottar tæknibrellur, eitthvað djúpt sagt eða svoleis. Ef það er eitthvað sem ég á að setja útá, þá er það klæðnaðurinn hjá stelpunni, hann fer alveg svakalega í taugarnar á mér. Annars eru allir leikararnir, og engin undantekning, frábærir og smellpassa inní hlutverkið. Þó svo að Hugh Jackman er uppáhaldið mitt þarna, þá er gaurinn sem lék Dracula alveg geðveikur í þessu. Sumstaðar er umhverfið líka svo flott, eins og á dansleiknum eða í tilraunarstofunni... að manni finnst manni vera að dreyma. Svo náttúrulega slatti af húmor. Allavega, ein af bestu myndum sem ég hef séð, og á skilið 10 stjörnur.