Þegar leyniþjónustumaður er myrtur við kjarnorkuvopnaviðskipti, þá ræður Oakes, félagi hans, tvíburabróður hans Jake Hayes til starfa. Jake hafði ekki hugmynd um að hann ætti tvíburabróður, hvað þá að hann ynni fyrir leyniþjónustuna CIA. Jake, öðru nafni Michael Turner, fær níu daga til að búa sig undir að taka við af bróður sínum. En hryðjuverkamennirnir komast að því hver hann er í raun og veru, og ræna kærustu hans. Hann þarf að bjarga henni og bjarga New York borg frá kjarnorkuvopnaárás.
Þetta er versta mynd sem ég hef séð sem Anthony Hopkins leikur í. Ég hef ætíð haft mikið álit á honum en þetta er bara slæm mynd. Reyndar finnst mér hann halda myndinni á floti, því …
Þetta er versta mynd sem ég hef séð sem Anthony Hopkins leikur í. Ég hef ætíð haft mikið álit á honum en þetta er bara slæm mynd. Reyndar finnst mér hann halda myndinni á floti, því þessi mynd er sökkvandi. Chris Rock er fínn þegar hann er ekki að leika í myndum (Down to Earth var ágæt). Hann er stand-up grínisti (sem hæfir honum albest), þetta er bara vont. Ekki finnst mér söguþráðurinn góður (alveg að fara að slitna), og ekki veit ég hvað leikstjórinn var að spá þegar hann gerði þessa mynd. Ekki á þessi mynd margar stjörnur skilið og held ég að þessi fjöldi sem ég valdi sé hæfilegur fyrir myndina (eins og ég sagði áðan, Anthony Hopkins heldur þessari mynd á floti).
Ég bjóst við að þessi mynd væri góð en hún var mjög léleg.. Chris Rock leikur fátækan mann sem missir tvíburabróðir sinn sem reyndist vera í lögguni. Þá er önnur lögga send (Anth…
Ég bjóst við að þessi mynd væri góð en hún var mjög léleg.. Chris Rock leikur fátækan mann sem missir tvíburabróðir sinn sem reyndist vera í lögguni. Þá er önnur lögga send (Anthony Hopkins, Silence of the lambs myndirnar)til að senda hann í lögguna og bjarga borginni frá kjarnolkusprengju. Af hverju þurfa hæfileikar góðra leikara vera hent í vaskinn?!
Þegar ég sá trailerinn af þessari mynd hélt ég að þetta væri ótrúlega góð mynd en mér skjátlaðist. Hún var ömurleg. Lélegasta mynd sem Chris Rock hefur leikið í að mínu mati. Tv…
Þegar ég sá trailerinn af þessari mynd hélt ég að þetta væri ótrúlega góð mynd en mér skjátlaðist. Hún var ömurleg. Lélegasta mynd sem Chris Rock hefur leikið í að mínu mati. Tvíburabróðir gaursins sem Chris Rock leikur er í leyniþjónustunni (CIA) og verður drepinn í miðju verkefni. Þá kemur náungi frá leyniþjónustunni (Anthony Hopkins,Silence of the lambs myndirnar) og skipar Rock að koma í hlutverk bróður hanns og bjarga borginni frá kjarnolkusprengju. Myndin misheppnaðist alveg og fær eina stjörnu hjá mér.
Bad Company er góð mynd með fínum leikurm. Hér er verið að segja frá manni sem er að missa kærustuna sína en hann fær starf hjá CIA til þess að leysa bróður sinn af hólmi sem lést f…
Bad Company er góð mynd með fínum leikurm. Hér er verið að segja frá manni sem er að missa kærustuna sína en hann fær starf hjá CIA til þess að leysa bróður sinn af hólmi sem lést fyrir nokkrum dögum og Hopkins er að þjálfa hann til að vera eins og bróður sinn..... Þetta er mynd til að horfa einu sinni tvisvar á en það ættu samt allir að kíkja á hana......
Jerry Bruckheimer og Joel Schumacher saman, tvö nöfn sem eru nóg til þess að hræða líftóruna úr kvikmyndaunnandanum, snúa hér bökum saman til þess að búa til einhverja misheppnuðustu …
Jerry Bruckheimer og Joel Schumacher saman, tvö nöfn sem eru nóg til þess að hræða líftóruna úr kvikmyndaunnandanum, snúa hér bökum saman til þess að búa til einhverja misheppnuðustu buddy/cop mynd sem sögur fara af. Myndin er gott dæmi um það sem ég álít að sé að eyðileggja Hollywood. Það er þegar þú færð ofurframleiðandann + formúluleikstjórann, nærð þér í ofvirkan svartan grínista + virtan skapgerðarleikara sem leikur einmana löggu, blandar saman slöppum one-liner bröndurum + byssuhasar, rússneskum glæpamönnum + kjarnorkusprengju = sumarsmell ársins. Það að búa til kvikmynd eftir formúlu, án þess að neinn aðili sem kemur að myndinni hafi metnað í að gera eitthvað sem eitthvað vit er í, getur aldrei skilað af sér neinu nema sálarlausri vitleysu. Myndin er gjörsamlega ofunnin, stefnulaus, lapþunn, vitlaus og hávær. Chris Rock verður sífellt meira óþolandi, Anthony Hopkins á margfalt betra skilið og nennir varla að vera með, og aðrir leikarar sem eru ekkert annað en andlit. Enginn annar nær að vera persóna í myndinni, og því veltur allt á þessum tveimur. Annar er hávær og þreytandi, hinn er eins og svefngengill með dollaramerki í augunum. Allt þetta er ekki ávísun á góða mynd, og því brást ekki að hér er um einhverja misheppnuðustu sumarmynd allra tíma að ræða. Bruckheimer skilur þetta ekki, fólk á skilið að fá gæði og eitthvað með innihaldi, ekki formúlur með tómahljóði.
Guð minn almáttugur!! Það mætti halda að leiðindagaurarnir Jerry Bruckheimer (merkilegt hvernig honum tekst alltaf að finna sér leið niður á botninn) og Joel Schumacher (maðurinn sem klú…
Guð minn almáttugur!! Það mætti halda að leiðindagaurarnir Jerry Bruckheimer (merkilegt hvernig honum tekst alltaf að finna sér leið niður á botninn) og Joel Schumacher (maðurinn sem klúðraði m.a. Batman-seríunni) séu að reyna að eyðileggja feril góðra leikara með lélegum og heimskulegum bíómyndum. En guði má þakka fyrir Anthony Hopkins, því varla er hægt að rústa magnaða feril hans svona auðveldlega, en það er þó óskiljanlegt hvers vegna hann skuli samþykja að taka þátt í svona sorpi (það mætti halda að hann hafi ekki einu sinni lesið handritið á myndinni, ef það er til). En allaveganna, þá dregur hann myndina upp úr ruslahaugnum. En lítið er samt hægt að segja um Chris Rock hér, því hann er farinn að versna mikið í áliti hjá mér, enda verður hann bara sífellt meira pirrandi, og Bad Company er enn eitt dæmi um það að hann ætti að halda sig við stand-up grín, því þar er hann a.m.k. eitthvað fyndinn. Í þessari mynd er hann alls ekki fyndinn. Ekki nóg með það, heldur hefur myndin ekki neitt almennilegt upp á að bjóða; Handritið er rusl, söguþráðurinn er þunnur og stefnulaus, hasarinn er ekkert frumlegur og umfram allt er myndin bara leiðinleg, ómerkileg og tilgangslaus í alla staði. Og ég ráðlegg þeim Bruckheimer og Schumacher að koma hvergi nálægt kvikmyndum í framtíðinni, því héðan í frá verður varla hægt að bjarga feril þeirra.
Dapurlegt. Það var það sem mér kom helst í hug á þessari mynd. Allir sem að þessari mynd koma hafa gert góða hluti. En enginn þeirra gerir neitt gott í þessari mynd. Anthony Hopkins get…
Dapurlegt. Það var það sem mér kom helst í hug á þessari mynd. Allir sem að þessari mynd koma hafa gert góða hluti. En enginn þeirra gerir neitt gott í þessari mynd. Anthony Hopkins getur að vísu ekki leikið illa en Chris Rock getur það, það er ljóst. Víst er myndin snyrtileg, myndatakan góð, og allt fagmannlegt. En handritið hræðilegt, klisjurnar verri, grínið passar ekki og hálfslappt. Ég skil eiginlega ekki hvernig þessi mynd komst saman. Það þarf ekki nema einn þokkalega vel gefinn, alltaf í boltanum, einstakling til þess að sjá að ekkert smellur hér. En það er fallegt í Prag.
Það er svolítið skrýtið að sjá Chris Rock leika á móti snillingnum Anthonie Hopkins. Chris Rock er svo leiðinlegur
leikari að hálfaværi nóg eins og í Down To Erath það hefði …
Það er svolítið skrýtið að sjá Chris Rock leika á móti snillingnum Anthonie Hopkins. Chris Rock er svo leiðinlegur
leikari að hálfaværi nóg eins og í Down To Erath það hefði verið skárra að hafa Eddu Heiðrún Backman í þessu hlutverki. Mér fannst hann eiðinleggja myndinna með þessu öskrum ég bara þoli þetta gerpi ekki. Það er nú lítið hægt að segja um Hopkins bara hvað var hann að spá með því að leika á móti Chris Rock. Joel Schumacher sem hefur leikstýrt bæði frábærum og hundlélegum myndum það hefur greinilega ekki batnað ferillinn sinn með þessari mynd. Þessi mynd er engan vegin spennandi og engan vegin fyndinn en maður hefur séð svipaðar myndir eins og Bevely Hills Cop eins og það stendur hér fyrir ofan mig en verst er að þessi mynd er helmigi lélegri en hún. Gott fólf ekki fara á þessa mynd horfið frekar á Latibær með popp og kveikt á kertum þannig allt sé rómó. Takk fyrir.
Bad Company kom pínulítið á óvart þar sem að traylerinn gefur til kinna að hér sé á ferðinni hörku grínmynd á borð við Beverly Hills Cop og þessháttar myndir þvert á það þá va…
Bad Company kom pínulítið á óvart þar sem að traylerinn gefur til kinna að hér sé á ferðinni hörku grínmynd á borð við Beverly Hills Cop og þessháttar myndir þvert á það þá var þetta ekkert mikil grín mynd fyrir utan einn og einn punkt frá Chris Rock.
Myndin segir af smákrimma sem er að missa kærustuna sína vegna þess að þau hafa ekki efni á að taka næsta skref, hann lendir hinsvegar í því að CIA þarfnast hans og þá fer hann að sjá peninga í hillingum og ákveður að slá til, það sem hann veit hinsvegar ekki er það að hann þarf að vaða djúpan skít áður en hann fær peninginn.
Anthony Hopkins er ágætur í myndinni eins og hann er alltaf þó svo að hlutverk hans hafi ekki kallað á mikið þá leysir hann það vel .
Chris Rock er ágætur í sínu hlutverki hann fer kannski í taugarnar á sumum en þá eiga þeir bara ekkert að vera að horfa á myndir með honum, það vottaði nánast í leikhæfileika hjá honum á tímabili en það dó strax þar sem að hann er aulinn í myndinni.
Ágætis skemmtun mæli alveg með henni ég fór hinsvegar á hana í Lúxus og hún er alls ekki svo mikils virði.
Bad Company: bad movie, idea and rip-off. Það er rétt að svona blanda af leikurum eins og Hopkins og Rock er sjaldséð en nú er það stórslys. Þessar Bruckheimer myndir verða verri með hv…
Bad Company: bad movie, idea and rip-off. Það er rétt að svona blanda af leikurum eins og Hopkins og Rock er sjaldséð en nú er það stórslys. Þessar Bruckheimer myndir verða verri með hverri mynd nema The Rock, Armageddon og Black Hawk Down. Þessir kanar geta ekki lifað af eina mynd án þess að Bandarísk föðurlandarást verði í myndinni. Varastu þessa mynd af ótalmörgum ástæðum.
Það er ekki oft sem maður sér Chris Rock og Anthony Hopkins leika saman í mynd en í Bad Company leikur Chris Rock mann sem þarf að leysa af bróður sinn sem var CIA njósnari þangað til han…
Það er ekki oft sem maður sér Chris Rock og Anthony Hopkins leika saman í mynd en í Bad Company leikur Chris Rock mann sem þarf að leysa af bróður sinn sem var CIA njósnari þangað til hann var drepinn. Anthony Hopkins leikur CIA njósnara sem reynir að hafa auga með honum. Þetta er fín mynd og ef þið hafið gaman af Chris Rock þá læðast með svona einn og einn one liners. Ég get alveg mælt með þessari mynd ef þið viljið sjá grín/spennumynd.
Bad Company er eins og skinkusneið. Hún er framleidd eftir nákvæmum reglum sem segja til um innihald, form, og útlit og hún er þar af leiðandi alveg eins og varan sam var framleidd á undan he…
Bad Company er eins og skinkusneið. Hún er framleidd eftir nákvæmum reglum sem segja til um innihald, form, og útlit og hún er þar af leiðandi alveg eins og varan sam var framleidd á undan henni og sú sem kemur næst á eftir. Hér er formúlan afturhaldssamur hvítur maður + ofvirkur svertingi = voða fyndið. Þetta hefur maður séð milljón sinnum áður - 48 HRS, Beverly Hills Cop, og fleiri eru dæmi um það. Það er ágæt hugmynd grafin undir öllu Bruckheimer-draslinu hér, en hún hverfur undir ofurleikstjórn Joel Schumacher (eins og venjulega) og formúlutónlist/klippingu/kvikmyndatöku fólksins sem Bruckheimer notar yfirleitt. Ég veit ekki hvað Anthony Hopkins var að hugsa þegar hann samþykkti þetta handrit; hann hlýtur að hafa vantað pening. Chris Rock er eins og hann er alltaf - hávær og sífellt meira pirrandi því lengur sem hann er á skjánum. Söguþráðurinn er lapþunnur; enn ein útgáfan af týnda tvíburabróðurnum og svarta sauðinum. Að þessu sinni blandast í málið rússneskir bófar og kjarnorkuvopn, en ekkert af þessu virkar áhugavert eða spennandi. Það er hægt að glotta út í annað endrum og sinnum, en allar bestu senurnar eru sýndar í trailernum. Bad Company ber nafn með rentu og er ekki 800 króna virði - bíðið frekar eftir myndbandinu.
Bönnuð innan 12 ára
Ofbeldi
Blótsyrði
