Vertical Limit (2000)

Þetta er góð spennu mynd sem fjallar um Annie Garret (Robin Tunny) sem klifrar upp K2, hættulkegasta fjall í heimi. Peter Garret (Chris O'Donell) er sama um lífið sitt en ekki systur sinnar. Hann þorir að fara upp K2 og bjarga systur sinni. Missið ekki af þessari frábæru hasarmynd.

Ég verð að segja að þetta er ömurleg mynd sem er fyrirsjánleg og með ömurlegum leikurum sérstaklega Chris O´Donell og allar myndir með honum geta ekki verið góðar. Eitt það ömurlegasta við þessa mynd er það að það getur ekkert heppnast í fyrstu tilraun það verður eitthvað að fara úrskeðis fyrst en ég held að það hafi alltaf skeð í þessari mynd og á heildina litið er þetta ömurleg mynd en þessi stjarna er fyrir hvað myndinn er flott myndatakan og annað og síðan voru gaurarnir sem léku bræðurna góðir en annað ekki.

Þetta er fín og mjög spennandi mynd með flottum atriðum og fyndnum fimmaurabröndurum. Myndin er alveg góð afþreying í videoi en samt er hún miklu meira spennandi og miklu skemmtilegri í bíó, því þá lifir maður sig rosalega inn í myndina. Ef þið viljið virkilega njóta myndarinnar þá mæli ég með að þið sjáið hana í heimabíói.

Eftir stórgott byrjunaratriði, þó menn hetji þar yfir sig, fer heldur betur að halla undan fæti. Menn fara hér í fjallgöngu að bjarga öðru fjallgöngufólki sem situr fast nálægt toppi fjallsins K2. Þar sem menn vita til þess að einhverjir séu fastir í sprungu er tekið með hreint óheyrilega mikið magn af nítróglysseríni, sem skaffað var af Pakistanska hernum. Pakistanskir hermenn vita greinilega ekki að nítróglysserín hefur ekki verið notað í hernaði í heila öld, enda feigðarflan að fara með slíkt á fjöll. Nú, menn hoppa hér milli tinda og hanga í snærum og sýna feykimikinn hetjuskap hver af öðrum, milli þess sem þeir sprengja upp heilu og hálfu fjallasalina, ýmist viljandi eða fyrir slysni og ganga fram af manni, ef ekki mann fram af manni í vitleysunni. Hinsvegar er myndin spennandi, það má hún eiga, og í mörgum tilfellum býsna vel leikin, svo hún nær með herkjum upp í meðallag, en ekki yfir það.

Ágætis mynd. Lang dregin. Góðir fimm-aura-brandarar. Söguhetjurnar eru verulega undirstrikaðar sem hetjur í þessari mynd. En það er það eina sem gerir þessa mynd að góðri mynd, þessi óraunverulegu atriði! En það sem fór í taugarnar á mér voru þessu al-amerísku vælu atriði. Endirinn var full Holly-vúddískur fyrir minn smekk.

Þessi mynd er prýðileg skemmtun. Nóg af hasar og sérstaklega er byrjunaratriðið gott. Ég er sammála þeim sem talað á undan mér um það að það sé þunnur söguþráður en myndin er samt fín.

Vertical Limit fjallar í stuttu máli um náunga sem heldur í lífshættulega fjallgönguför á eitt hæsta fjall heims til þess að bjarga systur sinni sem situr föst í snjóflóði nálægt toppnum. Allt sem að ég hafði séð úr myndinni áður en ég sá hana benti til þess að þetta gæti í það minnsta verið ágæt afþreying en mér fannst samt eins og það vantaði eitthvað "bad-guy element", vissulega er hægt að gera góða mynd þar sem söguhetjurnar takast á við náttúruöflin - það heppnast bara sjaldan vel, eins og þessi mynd er gott dæmi um. Vissulega er nokkur flott spennuatriði í henni, vandamálið er bara að á milli þeirra þarf maður að fylgjast með þvílíkt óáhugaverðum og klisjukenndum persónum að það hálfa væri nóg. Ég hefði mun frekar viljað sjá hálftíma útgáfu af myndinni þar sem væri búið að klippa þetta allt saman burt. Lengdin er líka vandamál, það er engin ástæða fyrir að þessi mynd þurfi að vera rúmir tveir tímar. Ég var farinn að líta á klukkuna annars lagið löngu fyrir hlé og eftir hlé leiddist mér nú bara á köflum. Hvert einasta tækifæri er gripið til þess að reyna að byggja upp spennu þar sem aðalpersónurnar eru settar í hættulegar aðstæður þótt þær séu hverri annarri ólíklegri. Leik og leikstjórn er líka ábótavant, Chris O'Donnell leikur þessa venjulegu mjúku týpu en Robin Tunney sem leikur systur hans er algerlega flöt og tekst að klúðra lykilhlutverki, því ef manni er sama um persónu hennar er manni í raun alveg sama um alla atburðarásina. Fyrir flott landslag og staka góð spennuatriði inn á milli gef ég eina og hálfa stjörnu, því miður er ekkert annað hérna sem hægt er að gefa fyrir.