GoldenEye (1995)

. Það er komin ný manneskja sem M, kona (Judi Dench) og Moneypenny (Samantha Bond) talar um hvort hegðun Bonds sé kynferðisáreitni, þó að hún segi það í hálf gerðu gríni liggur mikið undir því. Internetið, rafpóstur og GSM símar er eitthvað sem hefur aldrei áður komið til tals í Bond myndum, nema þá í sambandi við eitthvað ótrúlegt tæki sem Q hefur fundið upp.


James Bond er í þetta skiptið leikin af Pierce Brosnan. Brosnan er frábær sem Bond, hann sameinar næstum allt það besta úr Sean Connery(sjarmann), Roger Moore(grínið) og Timothy Dalton(hörkuna), þó að hann verði aldrei eins góður og Conner þá veit hann það alla veganna og skapar sinn eigin Bond í staðinn fyrir að herma bara eftir. Í flestum hlutverkum eru komnir nýir leikarar, Samantha Bond leikur Moneypenny. Samantha er nokkuð góð sem Moneypenny, mikið betri en Caroline Bliss var í Living Daylights og Licence to Kill. Judi Dench er hin nýa M, hún er mjög góð sem M. Í staðinn fyrir Felix(sem missti fæturna í Licence to Kill) er komin annar CIA fulltrúi, Jack Wade leikin af Joe Don Baker, hann er skemmtilegur en ég skil ekki alveg af hverju Joe Don Baker var valinn til að leika hann þars em hann lék vondakarlinn í Living Daylights! Það eru fáir sem að fá að leika bæði illmennið og góða karlinn í James Bond heiminum.


GoldenEye segir frá því þegar nokkrir rússar, meðal annars fyrrverandi breskur njósnari Alec Trevelyan eða 006 (Sean Bean), ná höndum yfir leynivopni kommúnistanna, Gullaugað. Það virkar þannig að gervihnattatungl sem er tengt risastórum gerfihnattadisk sendir geisla hvar sem er á jörðina og skemmir öll raftæki í 100 m radíús. James Bond fær meðal annara hjálp frá tölvuforritaranum Natalya Simonova (Izabella Scorupco) og fyrrum njósnara KGB Valentin Dmitrovich Zukovsky (Robbie Coltrane) sem ég verð að viðurkenna að er ein af uppáhalds persónunum mínum úr James Bond myndunum. Bond keyrir líka á flottasta bílnum síðan hann keyrði á í Goldfinger, reyndar sami bílinn Aston Martin DB5. Bond fær reyndar líka glænýjan BMW Z3 Roadster frá Q en hann fær ekkert tækifræi til að nota hann. Myndin er eins og Bond myndir gerast bestar, hún er full af hasar atriðum, tækni- og sjónbrellum, flottustu bílum sem hafa verið í Bond mynd og fleira.



- www.sbs.is

Eftir sex ára hlé kom loksins ný Bond mynd og það alveg stórskemmtileg. Um tíma gengu sögusagnir um það í fjölmiðlum, að Albert R. Broccoli hyggðist láta næstu mynd á eftir License to Kill fjalla um samband Bonds við föður sinn eins og Spielberg hafði gert í síðustu Indiana Jones myndinni, en sem betur fer varð aldrei af þeim ósköpum, enda hefðu þau vafalaust jafnast á við Moonraker, ef ekki hreinlega slegið hana út sem kalkúnn seríunnar. Þungu fargi var því af mér létt, þegar Goldeneye kom fram á sjónarsviðið, enda reyndist hún bæði þrælspennandi og óvenju vel skrifuð njósnamynd. Pierce Brosnan er ótrúlega góður sem James Bond og jafnast næstum því á við Connery í því hlutverki. Izabella Scorupco er sömuleiðis ekki aðeins langfegursta beib seríunnar, heldur einnig ein besta leikkona hennar frá upphafi. Ekki má heldur gleyma Sean Bean, sem er virkilega góður í hlutverki skúrksins, og Famke Janssen, sem er eftirminnileg sem eitt helsta handbendi hans. Leikstjórnin er góð, kvikmyndatakan glæsileg og tónlistin frábær. Örfá mistök, gallar og aulaskot í anda Moore myndanna skemma þó fyrir og draga myndina næstum því niður í tvær og hálfa stjörnu. Kaupið ykkur endilega Special Edition útgáfu myndarinnar á DVD.

Alveg bráðskemmtileg áhorfunar þessi ræma. Söguþráður pínu snúinn og skemmtilegur, flottar senur og Brosnan alveg þrusufínn. Bond reynir að hafa upp á vopnasalanum Janus, sem er talinn standa á bak við ránið á Gullauga, rússnesku geimvopni. Inniheldur einn skemmtilegasta eltingarleik Bond-myndanna, þegar Bond ekur skriðdreka yfir og gegnum Moskvu. Þó eru nokkrar "klaufavillur" sem skemma fyrir, en þrátt fyrir það er skemmtanagildið ótvírætt.

Þessi kvikmynd markaði endurkomu James Bond, njósnara hennar hátignar, eftir rúmlega sex ára hlé, hún er sautjánda kvikmynd Broccoli-fjölskyldunnar um þennan ómissandi leyniþjónustumann og það fer enginn í fótspor hans. Eftir sex ára hlé mætir nýr og ferskur leikari til sögunnar í hlutverkinu; írski leikarinn Pierce Brosnan og er hann fullkominn arftaki gömlu meistaranna Sean Connery og Roger Moore í hlutverkinu. Þeir sem kunna að meta góðan Bond verða ekki fyrir vonbrigðum hér frekar en fyrri daginn. Goldeneye er hlaðin spennandi og ótrúlega vel gerðum áhættuatriðum í bland við hinn eina sanna Bond-húmor, hinar heillandi Bond-konur og hina ógleymanlegu Bond-glæpona sem svífast hreint einskis til að ná fram markmiðum sínum. Hryðjuverkahópur með aðsetur einhvers staðar í fyrrum Sovétríkjunum hefur af mikilli kunnáttusemi komist yfir háþróaða herþyrlu og Gullaugað, stórhættulegt nýtt hátæknivopn sem hefur verið þróað í samvinnu breskra og sovéskra vísindamanna. Stórhætta vofir yfir Bretlandi því hugmynd höfuðpaurs hryðjuverkamannanna er að beita þessu vopni eins fljótt og auðið er gegn breska heimsveldinu og hyggst hann gereyða heimsborginni London. Slíkt mun hafa mikla gjöreyðingu í för með sér. Og eini maðurinn sem getur komið í veg fyrir að þessar ógnvænlegu áætlanir hans nái fram að ganga er auðvitað enginn annar en James Bond. Hann heldur því sem leið liggur til Sovétríkjanna fyrrverandi í leit að aðalbækistöðvum hryðjuverkamannanna og kemst að því sér til mikils angurs að einn af foringjum hópsins er einn hæst setti herforingi Rússlands. Þetta gerir leit hans mun erfiðari og vandamálin flóknari og hættulegri úrlausnar. Áður en yfir lýkur á hann hvað eftir annað eftir að lenda í hinum svakalegustu aðstæðum sem venjulegir menn ættu ekki möguleika á að sleppa lifandi frá. En James Bond er sko enginn venjulegur maður, eins og við höfum oft kynnst af eigin raun!! Auk sjálfs Pierce Brosnan er hér á ferðinni voldugur og vandaður leikarahópur. Má þar minnast á Izabellu Scorupco sem er góð í hlutverki hinnar rússnesku Natalyu Simonovu sem lendir í miklum lífsháska og Famke Janssen er ógleymanleg í hlutverki hinnar banvænu Xeniu Onatopp sem er ógnvænleg og hreint ógeðfelld í alla staði. Sean Bean er afar góður í hlutverki hins valdagráðuga Alec Travelyan og það sama gildir um þá Joe Don Baker og Robbie Coltrane en þeir eru báðir góðir í hlutverkum sínum. Óskarsverðlaunaleikkonan Dame Judi Dench fer á kostum í hlutverki M, yfirmanns MI6 og nær að marka sér mikinn sess sem fyrsti kvenkyns leiðtogi karlrembuleyniþjónustunnar og sannar að hún er stórfengleg leikkona og er staðfest að hætti Bernard Lee sem túlkaði M á árum áður. Ennfremur er Desmond Llewelyn óviðjafnanlegur að vanda í hlutverki hins ómissandi Q, enginn mun túlka hann eins vel og þessi breski úrvalsleikari sem verður sárt saknað á næstu árum. Ekki má heldur gleyma Bondlaginu samnefnda sem í þetta sinn er flutt af rokkömmunni Tinu Turner og er það samið af meðlimum írsku eðalsveitarinnar U2, þeim Bono og The Edge. Stórkostlegt lag sem setur sterkan svip á myndina. Hér er semsagt allt sem prýða má úrvalsspennumynd að hætti Bondáhugamanna. Ég gef þessari ógleymanlegu Bondmynd þrjár og hálfa stjörnu og mæli eindregið með henni við alla þá sem nokkurn áhuga hafa á ofurnjósnaranum ódauðlega og sígildum ævintýrum hans. Þetta er besta Bondmyndin í fjöldamörg ár og markaði hún upphafið að nýju og óstöðvandi æði og kom James Bond á kortið sem hasarhetja á nýjan leik eftir nokkur mögur ár. Hún glæddi lífi í eina þekktustu kvikmyndapersónu tuttugustu aldarinnar og gerði hann vinsælan á ný rétt eins og hann hafði verið á sjöunda og áttunda áratugnum