Magnús Sigurbjörnsson

Ég er nú ekki vanur að skrifa um myndir en ég einfaldlega verð að skrifa um þessa.Ég ætla nú að byrja á að hrósa kvikmyndir.is fyrir frábæra forsýningu og eiga þeir hrós skilið fyrir frábært framtak.Ég hafði ekki miklar væntingar fyrir myndina. Maður var búnað sjá þessa imdb gleði og náttúrulega fékk smá kipp við það en annars var ég ekki mikill Batman aðdáandi né Aaron Eckhart maður en ég get sagt ykkur það ef þið kunnið að meta góða bíómynd þá skiptir það bara engu máli. Myndin byrjaði full af fjöri og spennan hélt sínum dampi alveg til seinustu mínutu. Jókerinn ætlar sér meira en völd þegar hann stefnir á að ræna allar mafíur Gotham borgar en Gordon og hans menn í löggunni ásamt Batman reyna að takast á við kallinn. Christian Bale leikur Batman/Bruce Wayne og hann lifir sig vel inn í hlutverkið en er ekki mikið að fara fyrir utan sitt comfort zone enda viðskiptamaður og ofurhetja þegar hann nennir. Spilar sig solid eins og hann á að gera. Heath Ledger, maðurinn sem fólk mun líklegast ekki hætta að tala um leikur Jókerinn. Ég get ekki sagt annað en að hann er bara frábær í þessari mynd og það er bara ekki spurning að hann á möguleika á Óskarstilnefningu. Algjerlega óháð því að hann dó fyrr á árinu þá var leikur hans frábær. Aaron Eckhart kom mér virkilega á óvart. Ég hélt að hann væri bara svona leikari sem myndi bara framleiða Thank You For Using More Tobacco og drukkna í einhverju svoleiðis rugli en hans leikur til fyrirmyndar.Svo varð að vera gella í myndinni en Maggie Gyllenhaal tekst vel til en ekkert svosem meira en það.Var líka gaman að sjá nokkur kunnugleg andlit í mjög litlum hlutverkum sem hafa gengt mun stærri í sjónvarpsþáttum vestanhafs sem sýndi að góðir leikarar voru í flestum stöðum. Þegar vel er liðið á myndina helduru í rauninni að þú ert búnað fatta plottið, myndin sé að klárast og já... "ég vissi hvernig þetta endaði" en neinei... plottið er frábært og óútreiknanlegt og í rauninni man ég ekki eftir öðru eins.Ég held að hinn almenni gagnrýnandi eigi eftir að vera í erfiðleikum með að dæma myndina þar sem gagnrýnendur eiga mjög erfitt með að gefa myndum alveg fullt hús. Hvað er fullkomin mynd? Er þessi mynd 100% mynd? Kannski eitthvað til að taka til umhugsunar en þessi kemst allaveganna mjög nálægt því. Hún er allaveganna hin fullkomna uppskrift af spennumynd.

Nafnið - Nói Albínói hljómar kannski frekar svona leiðinlegt eða eitthvað í þá áttina og fólk heldur svona kannski að þetta er einhver leiðinleg og langdregin mynd en svo er alls ekki. Ég settist inní Háskólabíó og beið eftir að myndin byrjaði. Ég held að myndin sé tekin upp í Bolungarvík (Vestfjörðum). Ég vissi ekki baun um myndina áður en ég fór á hana. Myndin byrjaði alveg ótrúlega vel en ég hló soldið af því. Myndatakan er mjög sérstök í alla staði en passar vel við þar sem myndin á ekki að gerast í nútímanum. Myndin hefur verið tæp 2 eða 3 ár í framleiðslu ef ég veit það best og heppnaðist vel. Nói er mjög sérstök persóna en ef ég fer að lýsa honum of mikið verður myndin leiðinleg. Hann á heima á þessum afskekkta bæ með ömmu sinni(Anna Friðriksdóttir) sem verð ég að segja leikur hreint snilldarlega í myndinni ásamt þessum hóp af góðum og efnilegum leikurum þar á borð við Tomas Lemarquis sem fer með hlutverk Nóa. Þröstur Leó Gunnarsson skartar hlutverki pabba Nóa en margir góðir leikarar leika önnur hlutverk í myndinni. Ég tel myndina mjög sérstaka en ég tel að Dagur Kári eigi stórt hrós fyrir handritið sem er einstaklega gott. Ég hendi þrem og hálfri stjörnu á Nóa Albínóa og hún er þúsund kallsins virði, ójá.

Bond hefur aldrei klikkað fyrr en núna. Fyrsta atriðið var alls ekki slæmt og í svona Bond takt. Síðan voru bara slagsmál, menn sem ætlaði að taka yfir heiminn (eins og vanalega) og Jinx sem hjálpar Bond. Bond tók svo eina kynlífssenu í Búddahofi með Jinx og framhaldið af því var að Norður-Kóreu menn vildu að það yrði hætt að sýna myndina útaf þessu atriði því þetta er óvirðing fyrir Norður-Kóreu menn. Demantanámurnar eru svo á Íslandi og eru hörkugóð atriði tekin hér á landi. Einnig koma nokkur ágæt atriði inná milli í myndinni.

Annars var ég ekki nógu sáttur með þennan Bond og við bíðum eftir þeim næsta...

Ég var nú ekki hrifinn. Fór á forsýningu með skólanum og fannst mér þetta bara þessi venjulega bandaríska þvæla sem maður veit hvernig endar. Hún fjallar um J. J. sem er góður körfuboltamaður en er tekinn útaf í leik fyrir að vera kominn með sex villur. Hann er mjög óánægður með það og sýnir ókurteisislega framkomu við þjálfara sinn jafnframt og áhorfendur þegar hann fer úr treyjunni og hættir sem leikmaður liðsins í miðjum leik vegna þess að honum var skipt útaf. Restinni ætla ég ekki að lýsa en hana getiði séð í bíó þegar hún verður frumsýnd. Ég mæli hinsvegar ekki með henni.

Ég gef 1/2 stjörnu.

Ég varð fyrir vonbrigðum eftir myndina. Jón Gnarr er engan vegin týpa í þessa mynd sem fjallar um hann í leit af konu í byrjun sem rekst á kínverska konu. Hann á með henni góðar stundir en þegar vinur hans (Þorsteinn Guðmundsson) þvingar Júlla til að giftast þeirri kínversku en Júlli neitar því þar til vinur hans neyðir hann til þess og Júlli verður að gera það, sú kínverska neitar og allt fer útúr böndunum. Síðan eltir hann hana til Hong Kong sem mér fannst alveg tilgangslaust, það væri betra ef þetta væri alíslensk mynd og þetta væri eitthvað hérna innanlands. Mér fyndist líka að Jón Gnarr ætti að vera meira í sínum eigin húmor. Þorsteinn Guðmundsson passar hinsvegar 100% í sitt hlutverk en niðurstaðan er 1 stjarna !

Ég skil nú ekki af hverju það er verið að eyða svona góðum leikurum í svona hræðilega mynd.
Ben Affleck, mjög góður leikari sem passar engan veginn í þetta hlutverk.
Jennifer Garner, efnileg leikkona sem hefur sýnt hæfileika sína í spennuþáttunum Alias sem sýndir voru fyrir nokkru á RÚV + gullfalleg.
Michael Clarke Duncan, mjög góður leikari einnig sem skaraði framúr í The Green Mile og The Whole Nine Yards ef ég man rétt.
Söguþráðurinn er víst úr einhverjum teiknimyndasögum sem ég hef ekki lesið en myndast sem algjör þvæla í þessari mynd. Þessi mynd er örugglega eitthvað í líkingu við Spider Man sem ég hef nú ekki séð. Leiðinleg mynd í alla staði. Þessi hálfa stjarna gef ég Jennifer Garner fyrir að vera hún sjálf í þessari mynd en margir karlmenn hrífast örugglega af henni enda gullfalleg eins og áður er tekið fram.