Elis Pétursson

Sá þessa líka stórgóðu mynd núna á miðvikudaginn, og ég verð að segja, þetta var snilldar endir á snilldarverki hjá Peter Jackson, ég bara finn ekki galla á þessum þremur myndum og er það von mín að hann ráðist fljótt í að gera The Hobbit. Allt var líka vel gert í þessari mynd eins og hinum 2, bardagaatriði sem og byggingar og fleira og ég bíð spenntur eftir að komast yfir Special Edition og sjá það sem klippt var út. Mæli með að þið farið í bíó milli jóla og nýárs og sjáið það besta sem komið hefur á ræmu og verið sýnt hérna í bíóhúsum landsins.

Ég brunaði á þessa alveg hreint ágætu mynd núna um daginn, og varð ekki fyrir vonbrigðum, gerði mér ákveðnar væntingar og þær stóðust alveg fullkomnlega. Ben Stiller hefur nú áður verið í svipuðum hlutverkum, t.d. í Meet The Parents og There´s something about Mary og passar bara fínt í þetta, stendur alvef fyrir sínu. Sú sem hins vegar stendur upp úr hjá mér er Drew Barrymore, mér hefur alltaf fundist hún hálf leiðinleg, alla vega ekki standa undir orðspori sem góð leikkona en hérna stendur hún alveg fyrir sínu og er bara nokk góð. Ekki má svo gleyma hryllingnum á efri hæðinni, sem leikin er af Eileen Essel held ég að hún heiti, svona pain in the ...... þið vitið hvað ég á við og eru atriðin með henni oft á tíðum frábær. Nú myndin fjallar um par sem er að kaupa sína fyrstu íbúð og lítur hún vel út og allt í lukkunar standi með það en gallinn er sá að með íbúðinni fylgir gömul kona sem er með samning um að vera þarna áfram. Og myndin snýst svo um það hvernig hún fer meira og meira í taugarnar á ungu hjónunum þangað til á endanum að þau reyna með alls konar ráðum að losa sig við hana með skrautlegum og oft á tíðum sársaukafullum árangri. Í heildina þá er þetta svona grín/rómó mynd og alveg þess virði að eyða 2 tímum af helginni í að horfa á hana.

ÆÆÆ, hvað er hægt að segja um þetta stjörnuhrap, þessi mynd er ekki einu sinni skugginn af forvera sínum, sem var fín afþreying, hraði, byssubardagar og flottar kellingar, s.s. strákamynd algjör þó svo að eflaust fullt af stelpum hafi einnig haft gaman af henni. En þessi mynd er þreytt, verður aldrei neitt, og fyrir utan örfá augnablik þá er hún ekki fyndin. Nú lítið hefur breyst hjá þeim félögum nema að Marcus (Lawrence) er orðinn þreyttur á að vinna með Lowry (Smith) og er alltaf í innri baráttu um að hætta að starfa með honum. Í þessari mynd berjast þeir félagar við sérlega illskeyttan fíkniefnadjöful sem er reyndar bara nokkuð skemmtilegur karater í þessari mynd, virkilega vondur kall. Nú eftir nokkur fáráðnleg uppátæki og mikla skothríð þá vitum við nú held ég öll hvernig þessi mynd fer, ekki satt og það leiðinlega við þetta allt saman, hún varð aldrei spennandi, og mjög sjaldan fyndin, mjög svo ólíkt fyrri myndinni

Jæja ég brunaði á þessa mynd og þvílík mynd, það geta eflaust einhverjir dúddar fundið eitthvað að henni en ekki ég. Tarrantino hefur einstakt lag á að búa til sérstakar og eftirtektarverðar persónur sem maður man eftir. Nú Uma Thurman fer þarna hamförum og heggur mann og annan, ég verð nú bara að segja að ég man ekki eftir öðru eins sláturhúsi í mynd síðan jólamyndin í sveitinni var einu sinni Desperado, einstaklega góð tímasetning að hafa þá mynd um jólin en nóg um það. Nú myndin sjálf og þá aðallega bardagaatriðin eru hreinn klassi, hröð og skemmtileg og ekki of löng, enda skilst mér að sami gaur og var með í Matrix og Crouching Tiger, Hidden Dragon hafi verið þarna að verki í sambandi við bardagaatriðin þegar liðið svífur þarna fleiri metra í einu. Ég mæli 100% með þessari mynd, nema ef þú heldur að þú sért að fara með kærustuna og ætlar að eiga rómantíska stund, þá leigirðu þér Lion King á næstu videoleigu, eða eitthvað álíka.

Minn dómur, snilld og drífið ykkur á hana.

Neineineinei!!!

Þetta er eiginlega það fyrsta sem kemur upp í hugann eftir að vera búinn að sjá þessa mynd. Jújú, eins og venjulega þá eru flott special effects í myndinni, og fyrir hlé var hún nokkuð góð, sennilega var þó eftirvæntingin mest við að bíða eftir lokaslag Agents Smiths og Neo. En sagan sjálf var frekar þunn, þó svo að maður fengi svör við ýmsum spurningum úr mynd númer 2 í þessari. Nú bardaginn milli Neo og Agent Smith byrjar vel, en var svo allt of langdreginn og boring, minnti óneitanlega á 2 Superman að slást. Eftir að hafa séð allar myndirnar núna á 2 dögum þá hef ég komist að þeirri niðurstöðu, eins og svo margir hafa haldið fram, að Matrix hafi bara átt að vera ein mynd, s.s. sú fyrsta sem var langbest af þeim öllum, en allt í einu hafi menn ákveðið að bæta 2 við og græða meira, því ég sé enga ástæðu í raun fyrir myndum 2 og 3, þær standa engann veginn undir væntingum og fyrir utan special effect-ana og sitt hvort bardagaatriðið í hvorri mynd, eru bara slappar.

Ég er með tvær spurningur: Hvað ætlar Hollywood að framleiða mikið svo af myndum og afhverju eru bara svona myndir í bíó?? Van Wilder er enn ein kúkkogpiss unglinga gamanmyndin. Hún bætir engu við það sem við höfum séð áður. Myndin er svo svakalega klisjukennd að mér varð illt. Hún fylgir formúlunni hvernig gerum við heimskulega gamanmynd sem á eftir að græða peninga af unglingum sem gera ekki miklar kröfur til kvikmynda í einu og öllu. Sjaldan hef ég séð jafn fyrirsjáanlega mynd eftir eina mínútu þá veit maður hvernig hún fer. Van Wilder er ekki fyndin, þetta eru allt endurteknir brandarar sem hafa sést ótal sinnum áður og því miður þá eru þeir ekki fyndnir lengur ef þeir hafa þá verið það einhvern tíman. Tara Reid er sæt búið. Þar fær myndin mínar stjörnur og einn eða tvo fyndna brandara. Ekki eyða 800 kr á þessa mynd í bíó, ekki 500 kr. á video - slepptu henni. Ég vil taka það fram svona í lokin að ég fékk frímiða frá vini mínum.

Það er langt síðan ég sá svona góða hryllingsmynd. Maður situr í heljargreipum óttans alla mynd og bíður eftir að öskra og fá hjartaslag. Þó svo að bregðuandriðin séu ekki mörg þá bregður manni mjög mikið þegar þau koma. Allir leikara standa sig vel, þó finnst mér litlu krakkarnir standa sig best. Myndin er vel skrifuð, vel tekin og góð í flest alla staði. Ef ég myndi segja mikið frá söguþráðinum þá myndi það skemma fyrir þeim sem hafa ekki séð myndina, svo ég ætla alveg að sleppa því. Órtúlega spennandi mynd sem tekst að fá mann til að ríghalda í sætið og hárin til að rísa. Myndin nær svo hámarki með frábærum og virkilega scary endi. The Others kom mér virkilega á óvart og verður að teljast ein af bestu myndunum sem hefur komið í bíó á þessu ári. Ef þú hefur gaman að láta hræða úr þér líftóruna, farðu þá á þessa. Ég mæli með eindregið með henni.

Cats and Dogs er nokkuð skemmtileg mynd. Það er vel hægt að hlæja að henni. Þar er Mr. Tinkles (Sean Hayes í Will & Grace)í fararbroddi sem fyndnasta persónan, að mínu mati. Hugmyndin á bak við myndina er skemmtileg og tæknibrellurnar eru flottar. Allir leikarar sem töluðu inn á myndina stóðu sig ágætlega en Sean Hayes var þó bestur. Þetta er mynd sem allir geta haft gaman að, þó svo þetta sé barna- og fjölskyldumynd. Myndin fær þó stóran mínus hjá mér fyrir endinn, sem er svo amerískur að ég fékk hreinlega æluna upp í kok. Annars mæli ég með myndinni sem góðri skemmtun.

John Travolta er mjög góður leikari en hann hefur ekki alltaf valið bestu hlutverkin til að leika. Með þessari mynd hefur hann náð botninum í lélegum hlutverkum. Þessi mynd er hreint út sagt ömurleg en samt bráðfyndin en bara fyrir það hvað hún er ömurleg. Söguþráðurinn er einstaklega lélegur, leikaranir standa sig fáránlega en annað er ekki hægt miðað við gæði myndarinnar. Ég nenni ekki að telja upp annað við myndina, því allt er ömurlegt við myndina. Ég verð nú samt að mæla með henni, bara svo að fólk sjái hve asnaleg mynd þetta er. Einnig munu allar myndir sem þið eigið eftir að sjá vera góðar (í samanburði við þessa.)

Chris Tucker og Jackie Chan er mjög góðir saman í þessari frábæru mynd sem gefur fyrri myndinni ekkert eftir og er jafnvel betri er sú fyrri. Frábær sumarsmellur þar sem grínið, fjörið og spennan er í fyrirrúmi. Jackie Chan sýnir alls kins kung fu brellur og spörk sem fær mann til að gapa af undrun. En Chris er aðallega með fíflalæti sem fær mann til að hlæja. Mjög góð mynd og gott par.

AntiTrust er ágætismynd. Helsti galli myndarinnar er sá að hún er of fyrirsjáanleg og nær því aldrei að byggja upp almennilega spennu. Það hefði hún svo sannarlega getað gert. Allir leikarar standa sig ágætlega, þó svo að persónusköpunin sé ekki mjög merkileg. Hugmyndin er góð en það væri hægt að gera enn betri mynd úr henni. Þessi mynd er eiginlega bara svona videospóla, bíðið þangað til að hún kemur út á spólu.

Þessi mynd er afbragðs skemmtun, fínt sjá hana í miðri viku. Frábær bardagaatriði, þar sem Jet Li lemur alla í klessu. Jackie Chan er kerling miðað við Jet. Þó svo að handritið sé ekkert sérstakt né leikurinn, þá er þetta góð sumarskemmtun með flottum bardagaatriðum. Reyndar ætti Jet Li að læra aðeins meiri ensku. Fín mynd.

Þessi mynd er gerð af handritshöfundi I Kina Spiser de Hunde. Blinkende Lygter fjallar um nokkra smákrimma og æskuvini sem að stela 4 milljónum danskra króna. Þeir ákveða að flýja til Spánar og ætla hefja þar nýtt líf. En fyrst um sinn fela þeir sig í litlum kofa í skógi á Jótlandi á meðan einn þeirra nær sér af skotsárum. Þar á margt eftir að breytast og margt skrítið mun gerast. Blinkende lygter er góð tilbreyting frá öllum niðursuðu myndunum frá Hollywood. Leikaranir eru stórgóðir og handritið gott. Myndin er fyndin og skemmtilegt en einnig spennandi. Danir hafa sýnt það nú að þeir geta vel gert góðar myndir, eins og þessi er mjög gott dæmi um. Afbragðsskemmtum fyir þá sem vilja sjá eitthvað annað en fjöldaframleiddar poppkornsmyndir frá Hollywood.

Guð minn almáttugur, segi ég nú bara!! Djöfull er þetta asnaleg mynd. Húmorinn er í algjöru lágmarki og hann einkennist af einstaka hálfvita -og fimmaurabröndurum sem enginn hlær af. Það kom þó fyrir að ég hló en þá var það bara vegna þess hve óendanlega asnaleg þessi mynd er og hvað húmorinn er barnalegur og heimskulegur. OH! hvað mér finnst svo fyndið að sjá hund reykja hass!!! - Grátlegt! Söguþráður myndarinnar er asnalegur, leikararnir eru lélegir og allt er lélegt. Það eina sem ég gat skemmt mér yfir voru konurnar í myndinni. Dude Where's My Car? er í alla staði asnaleg mynd! Fimm orð sem lýsa myndinni vel: ASNALEG, BARNALEG, ÓFYNDIN, LEIÐINLEG, HEIMSKULEG.

Þegar myndin var búin þá spurði ég sjálfan mig, hvað fjallaði þessi mynd eiginlega um? Ég er ekki enn búinn að átta mig á því. Brother hefur eiginlega engan söguþráð. Til þess að segja eitthvað um myndina, þá gengur hún út á það að japanskur glæpakall kemur til Bandaríkjanna og byrjar að drepa hina og þess óþokkana af engri sérstakri ástæðu (Ef einhver ástæða var fyrir morðunum þá fór það fram hjá mér), punktur. Það er örugglega 100 manns drepnir í myndinni, á alls konar máta. Eitt er hægt að segja um myndina, hún er dálítið sick.Það er einnig fáránleg tónlist í myndinni, hún væri mjög góð í klámmynd. Þess vegna fær hún 2 og hálfa stjörnu frá mér. Skrítin mynd en vel þess virði að sjá. Takk

Ágæt afþreying en ekkert meira, þessi mynd stendur og fellur með aulahúmor, þannig að ef þú ert hrifin af one-linerum og ddööö bröndurum þá gætirðu sennilega skemmt þér ágætlega yfir þessari mynd en annars ekki. Klæðnaðurinn er stórskemmtilegur en myndin er of amerísk, engin skortur á neinu í myndinni nema kannski heilafrumum hjá aðalleikurunum

Mér finnst þessi mynd bara fín. Ég hef lesið bókina líka og bókin og myndin eru ekki alveg eins. Mér fannst bókin skemmtilegri en kannski er það bara af því að ég las hana áður en ég sá myndina. Mér fannst myndin svolítið ruglingsleg. Aðallega byrjunin. Ég skildi ekki alveg hvað var að gerast. Efni myndarinnar finnst mér mjög sniðugt. Það að prófa að vera hitt kynið er örugglega eitthvað sem öllum hefur langað að reyna. Þó að mér finnist myndin mjög góð þá held ég að ég nenni ekki að sjá hana aftur. Að mínu mati er þetta þannig mynd sem er hægt að sjá oft. Hún er fín einu sinni en ekki oftar. Þá fer hún bara að vera þreytandi. Ekki nema að það líði langur tími á milli. Ég get alveg mælt með henni en þó held ég að fullorðnir hafi ekki mikið gaman af henni. Hún er of unglingaleg. Ég gef henni 3 stjörnur.

Mér fannst The Sixth Sense mjög góð. Ég fór tvisvar að sjá hana í bíó og er alveg til í að taka hana á spólu. Mér finnst sá sem lék litla strákinn alveg frábær. Hann gat leikið svo vel hvernig manni myndi líða ef maður hefði sjötta skilningarvitið. Hann gerði þetta raunverulegra. Það fannst mér. Mér fannst endirinn líka frábær. Flottur endir. Ég mæli með henni en ekki fyrir þá sem þola ekki að vera hræddir. Ég gef henni 3 og hálfa stjörnu þó að hún ætti kannski skilið 4 en ég trúi því að ekkert sé fullkomið þó að enginn galli finnist.

Þessi mynd skipar sér án efa á meðal þeirra allra lélegusta kvikmynda sögunnar. Það gerist nákvælega ekkert í þessari mynd engin spenna, ekkert. Ömurlegt handrit og hræðilegur leikur. Það er ótrúlegt að svona myndir skulu vera gerðar. Hún er kannski hugsuð sem svefnlyf og er ætluð fólki sem á mjög erfitt með svefn. Þessa mynd á annars bara að brenna og hana á enginn lifandi vera að sjá. Nema hún sé hafa gaman að því að kvelja sjálfan sig! Þessi mynd er gubb.

ÞVÍLÍK SNILLD! Ég hef ekki hlegið svona rosalega á einni bíómynd á minni ævi, og ég er ekki viss um að ég eigi nokkurn tíman eftir að hlæja svona mikið á bíómynd aftur. Það yrði þá ekki mannlegt. Þessi mynd er stórkostleg, það er gert svo mikið grín af öllum þessum helvítis unglinga"hrollvekjum". Og þær eiga þetta svo mikið skilið. Söguþráður Scary Movie er nákvæmlega eins og í öllum þessum unglinga"hrollvekjum" nema það er gert grín að öllu. Útkoman er mesta hláturskast sem þú átt eftir að upplifa! Þeir sem fíla ekki Scary Movie hafa annaðhvort ENGANN HÚMOR, eða vita hreinlega ekki hvað Scream og þessar myndir eru. Wayans - bræðurnir eru algjörir snillingar. Sjáðu þessa og þú drepst úr hlátri.

Ég sá þessa mynd í New York. Mission Impossible 2 er hreint út sagt rosaleg mynd. John Woo kann sko aldeilis að búa til hasarmyndir og áhættuatriðin eru frábær. MI2 er mjög flott, myndatakan er flott, það er mikið um "slow motion" atriði og dúfur(sem eru örugglega í öllum myndum John Woo, gott dæmi um það er Faceoff) sem gera myndina mjög flotta. Eins og nafnið gefur til kynna er myndin ótrúleg og er ýmislegt í myndinni sem er aðeins mögulegt að gera bíómyndum. Farið að sjá þessa mynd og þið verðið ekki fyrir vonbrigðum. Annars kunnið þið ekki að meta góðann hasar.

ÞVÍLÍK STEYPA!! er það fyrsta sem mér dettur í hug að um skrifa um þessa mynd. En ólík mörgum steypum er þessi steypa alveg djöfulli fyndinn. Bakvið þessa steypu er góð og sniðug hugmynd þar sem gert er grín af grátlegustu þáttum sem gerðir hafa verið, nefnilega Star Trek og öllum þessum þvílíku furðufólki sem hafa lagst svo lágt að stúdera það hræðilega náttúruslys. Steypan Galaxy Quest er mjög góð gamanmynd sem allir hafa gaman af (líka Star Trek aðdáendur). Ég mæli eindregið með þessari steypu og þú átt eftir að skemmta þér vel, annars kannt þú ekki að meta góða og heilsteypta steypu.

Frequency er frekar skrítin mynd sem fjallar um mann sem nær sambandi við föður sinn gengnum gamla talstöð, en málið er að faðir hans dó fyrir 30 árum í eldsvoða. Hann er sem sagt að tala við föður sinn sem staddur er í fortíðinni en hann sjálfur í nútímanum. Í sameiningu koma þeir í veg fyrir dauða föðurins. Þetta hefur slæm áhrif því að nú fer allt líf sonarsins að breytast til verri vegar. Þá hefst kapphlaup við tímanum til að breyta fortíðinni þannig að framtíðin verði betri og allir verði happy. Nokkuð góð spennumynd, góð hugmynd, fínn söguþráður sem er raunsænari en flestar þeir myndir sem fjalla um álíka efni. Vel þess virði að sjá hana því hún er hin fínasta skemmtun.

Þessi mynd er einhver sú allra frumlegasta og furðulegasta mynd sem ég hef séð. Hún er hrein snilld. Söguþráðurinn er algjör snilld og ótrúglega skrítinn. Ég vil eiginlega ekkert lýsa söguþráðnum, þú verður bara að sjá myndina. Margir góðir leikarar leika í myndinni t.d. Cameron Diaz, ég held að myndin hafi verið hálfnuð þegar ég fattaði að þetta væri hún. Hún er svo óþekkjanleg. Myndin er þvílíkt fyndin og bara frábær skemmtun, sem allir verða að sjá. Góða skemmtun!

Ég get ekki sagt að þessi mynd sé vonbrigði, þar sem hinar myndirnar eru frekar slappar. Áður en ég fór að sjá myndina bjóst ég við ömulegri mynd, en raunin varð nú önnur myndin er bara nokkuð sæmileg. Já, ég hló nú nokkuð en öskraði ekkert, það voru nú aðrir sem sáu um það. Mér brá reyndar nokkrum sinnum, en ekki nóg. Leikarar eru frekar slappir líkt og áður. Persónur eru jafnheimskar og áður. Handrit sæmilegt en myndin sjálf er nokkuð flott. Ég verð að lýsa ánægju minni með það að það eigi ekki að gera fleiri Scream myndir.

Þvílík leiðindi, þessi mynd er algjör tímasóun. Myndin er illa leikin, asnaleg og eina ástæðan fyrir því að ég gef henni eina stjörnu er að myndatakan er flott einstaka sinnum. Það er ekkert sem heitir spenna í myndinni, söguþráðurinn er lélegur og mjög mislukkaðuð skrímsli einkenna þessa mynd. Leggið frekar peninginn inn á banka eða kaupið nammi, bara eitthvað allt annað en að eyða þeim í þetta DRASL! (Ég tek það fram að mér var boðið sem betur fer annars hefði ég heimtað endurgreiðslu.)

Þessi mynd er ein af þeim lélegri sem ég hef séð. Þessi mynd byrjar ágætlega og svona fram að hléi. En eftir hlé. Þvílík væmni og leiðindi. Þetta er ótrúlega langdregin mynd. Rúmlega tveir tímar, þar af af ca. klukkutími af væmni. Myndin spannar 200 ár og gerir það ekkert nema að rugla mann og gera myndina leiðinlegri. Í lokin veit maður ekkert lengur hver er hver. Leikarar eru sæmilegir en í heild leiðinleg mynd.

Þessi mynd kom mér mikið á óvart. Reyndar vissi ég ekkert um hana áður en ég fór á hana. Kevin Bacon er góður í hlutverki sínu. Þetta er mynd þar sem manni bregður og verður jafnvel hræddur. Myndin er óhugnaleg, spennandi og fyndin. Þetta er mynd sem ég mæli með, ekki nema þú sért veikur fyrir hjarta. Þú gætir fengið hjartaáfall.

Þvílík hörmung! Að það skuli vera hægt að gera svona lélegar myndir. Í flestum myndum sem fjalla um baráttu löggu og glæpamanna gerir maður greinamun á löggunni frá bófunum. En í þessari mynd er ekki möguleiki að vita hver er hvað. Þessi mynd er hrein leiðindi frá fyrstu mínútu. Hún fjallar ekki um neitt. Maður veit ekkert afhverju "löggan" er á eftir bófunum. Þessi mynd fjallar ekki um neitt nema tilgangslaust ofbeldi og dóp. Ég gef myndinni hálfa stjörnu vegna eins prests sem er með vondu mönnunum. Hann var eini coolistinn í myndinni og þokkalega ruglaður. En á heildina litið er þessi mynd hrein hörmung og viðbjóðslega leiðinleg.

Frekar leiðinleg mynd. Hún er ekkert spennandi og frekar illa leikin nema þá kannski Vince Vaughn sem leikur Norman Bates. Hann er það eina sem gerir það að verkum að ég gef myndinni eina og hálfa stjörnu. Lokaatriðið var líka gott. En samt finnst mér endirinn asnalegur. Alls ekki 650 kr. virði og ég mæli frekar með gömlu myndinni.