Virtual Sexuality
Öllum leyfðÍ myndinni er sýnd nekt og/eða þar er að finna kynferðislega hegðun eða tilvísanir
Í myndinni er ljótt orðbragð
GamanmyndDramaVísindaskáldskapur

Virtual Sexuality 1999

Frumsýnd: 2. desember 1999

If you can't find the perfect guy, make one!

92 MÍN

Justine er orðin örvæntingarfull um að hún finni aldrei þann eina rétta, og ákveður að fara á tækniráðstefnu ásamt nördanum og bekkjarfélaga Chas. Hún er sjálf engin tækninörd, en er hvött til að prófa sýndarveruleikavél og kemst að því að hún getur sjálf hannað sér þar hinn fullkomna mann, þó svo að hann sé aðeins í rafrænu formi. En bilun... Lesa meira

Justine er orðin örvæntingarfull um að hún finni aldrei þann eina rétta, og ákveður að fara á tækniráðstefnu ásamt nördanum og bekkjarfélaga Chas. Hún er sjálf engin tækninörd, en er hvött til að prófa sýndarveruleikavél og kemst að því að hún getur sjálf hannað sér þar hinn fullkomna mann, þó svo að hann sé aðeins í rafrænu formi. En bilun í rafmagnskerfinu verður til þess að hluti af sál hennar afritast yfir í sýndarveruleikamanninn, og hann verður raunverulegur! Chas verður fljótt góð vinkona þessa nýja og tilbúna manns, sem kallar sig Jake, og hann útskýrir að í raun sé Justine innra með honum. Justine laðast samstundis að Jake en hann virðist vera meira hrifinn af gjálífsiskonunni og drósinni sem þekkt er undir nafninu Ryksugan, eða "The Hoover", sem virðist geta laðað að sér hvaða mann sem er án þess einu sinni að hafa fyrir því! Í vonbrigðum sínum þá ákveður Justine að fara á stefnumót með hinum sjúskaða Alex til að geta orðið kona. Þegar stóri dagurinn nálgast, hvað mun Chas og Jake gera til að hindra Justine og hvað verður um Jake?... minna

Aðalleikarar

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (3)


Ágætis mynd svosem, það var ágætt að fara á hana í bíó en á köflum svolítið þreytandi. Eitt og eitt atriði sem voru fyndin og ágætt að skella þessari mynd í tækið. Ég gef myndinni 3 stjörnur af fjórum.
Fannst þér gagnrýnin hjálpleg? Nei

Ég verð nú bara að segja að þetta er ein af lélegri myndum sem ég hef séð á ævi minni. Ég reyni alltaf að sjá eitthvað gott við allar myndir, en ég bara sá það ekki þarna. Ég og kærastan ákváðum að fara í bíó og vissum ekkert um þessa mynd, þannig væntingarnar voru engar. Þessi mynd minnti mig helst á lélegan breskan sjónvarpsþátt leikstýrðum að 5 ára krökkum. Ég held að ég hafi aldrei verið fyrir jafn miklum vonbrigðum með eina mynd og sé svo sannarlega eftir að hafa eytt pening í þennan hrylling.
Fannst þér gagnrýnin hjálpleg? Nei

Mér finnst þessi mynd bara fín. Ég hef lesið bókina líka og bókin og myndin eru ekki alveg eins. Mér fannst bókin skemmtilegri en kannski er það bara af því að ég las hana áður en ég sá myndina. Mér fannst myndin svolítið ruglingsleg. Aðallega byrjunin. Ég skildi ekki alveg hvað var að gerast. Efni myndarinnar finnst mér mjög sniðugt. Það að prófa að vera hitt kynið er örugglega eitthvað sem öllum hefur langað að reyna. Þó að mér finnist myndin mjög góð þá held ég að ég nenni ekki að sjá hana aftur. Að mínu mati er þetta þannig mynd sem er hægt að sjá oft. Hún er fín einu sinni en ekki oftar. Þá fer hún bara að vera þreytandi. Ekki nema að það líði langur tími á milli. Ég get alveg mælt með henni en þó held ég að fullorðnir hafi ekki mikið gaman af henni. Hún er of unglingaleg. Ég gef henni 3 stjörnur.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn