The Others (2001)

The Others er hrollvekja úr gamla skólanum,fær hárin til að rísa og svo sannarlega vel leikin. Nicole Kidman (Dogville) leikur konu sem á heima lengst út í Englandi.Myndin gerist á stríðsárunum og hún á tvö börn. Þau eru bæði með mjög sjaldgæfan sjúkdóm og ef þau fara í minnstu birtu bólgna þau út og kafna. Hún ræður vinnumenn í húsið,en það kemur í ljós að þau hafa unnið í húsinu áður. Eitt barnið er alltaf að segja henni að hún er að sjá fólk í húsinu sem segjast eiga húsið. Henni finnst þetta vera vitleysa en það kemur í ljós að eitthvað undarlegt er við vinnufólkið,og það er reimt í húsinu.... Nicole Kidman og Christopher Eccleston (28 days later) og allir aðrir sem leika í myndinni leika vel.

Góð hryllingsmynd sem gerist á því herrans ári 1945. Nicole Kidman leikur konu sem á heima eitthvað á einhverri eyju lengst út í rassgati og á tvö börn. Eiginmaður konunnar er í stríðinu og var langt síðan þau sáu hann. Börnin eru með mjög sjaldgæfan sjúkdóm sem er að ef þau fá birtu á sig bólgna þau og geta ekki andað en geta bara fengið minnstu birtu frá lampa þannig að þau eiga heima í risastóru dimmu húsi. Konan ræður þjónustufólk og það kemur í ljós að þau hafa unnið þar áður. Eitt barnið er alltaf að segja móður sinni að hún er að sjá aðra fjölskyldu í húsinu og þau segjast eiga húsið. Konan trúir ekki svoleiðis vitleysu en sér að húsið er reimt... Góður leikur og óhugnaður gerir myndina góða en mætti bæta aðeins spennu í hana.

Ein frumlegasta hrollvekjumynd sem ég hef séð á ævi minni og reyndar ein af þeim bestu. Nicole Kidman er ótrúlega góð og hæfileikarík leikkona og sýnir það með stæl í þessari mögnuðu mynd. Sjáið hana líka í Moulin Rouge. Hún fær hiklaust 4 stjörnur.

Þessi mynd er allger snilld! Myndin gerist á eyju í miðju Ermasundi í lok seinni heimsstyrjaldarinnar. Heimilisfaðirinn er ekki enn kominn heim úr sríðinu svo að Grace (Nicole Kidman) er einstæð móðir með tvö börn í stóru húsi sem hafa banvænt ofnæmi fyrir ljósi. Fyrrverandi vinnufólk hennar hafði horfið sporlaust svo hún ræður til sín fólk og kemst nokkru seinna að því að ekki er allt með felldu. Hún þarf að hafa sig alla við því að líf barna hennar er í húfi og endirinn kemur skemmtilega á óvart. Nicole Kidman fer á kostum og sýnir hér afburða góðan leik og held ég að ég hafi nú bara ekki séð hana betri. Myndin fær fjórar stjörnur, hiklaust.

Ef að þú ert fyrir hroll og spennu myndir, þá verða þær ekki mikið betri en þessi.

Spennan vex hægt og rólega og nær á endanum æðislegum tökum á þér (vonandi), en ekki með neinum sóðaskap eða blóðsúthellingum.

Allt er vel gert hvort sem er myndataka, leikstjórn, eða þá leikur, Nicole Kidman er frábær og ekki eru krakkarnir síðri,

það besta við þessa mynd er þó handritið sem er snilld, með flottum persónum sem skapa mjög drungalegan ramma utan um þessa mynd.

Það er alveg á hreinu að ég mun eignast þessa á DVD !

Sjáðu hana strax !!

Nicole Kidman sínir snildarleik í myndini the others sem heldur manni í spennu allan tímanen söguþráðurinn eða flettan í þessari mynd er frábær ég vill ekki vera að seigja of mikið að seigja frá þessari mynd einfaldlega vegna þess að það gæti skemmt myndina atburðarásinn í þessari mynd er þannig að ef og miklar upplýsingar eru látnar uppi um þessa mmynd þá er svo mikikl hluti af spennu bara farinn sumum finnst best að horfa á mynd ánþess að vita nokkuð um hana og það er best með mynd eins og þessa en þó er hægt að seigja frá myndini aðeins, Nicole kidman leikur ekkju sem á heima í mjög stóru og gömmlu þar býr hún með börn tveim strák og stelpu. Þar sem hæun býr á þjónustufólks auglýsir hún eftir þjónsustufólki og ein daginn birttist það.Ein gömmul kona gamal maður og ung stelpa sem er málaus. Þetta þjónsustufólk eru frekar dulafull til að byrja með en þau eru ekki það eina sem á eftir að ver skritið í þessu gamla húsi..Því svo rekst nicole kidman á það að auglýsing þar sem auglýst var eftir þjónustufólki hafði aldrei farið ú Nicole hafði sett hana í póst en bréfberinn hafði aldrei komið og var ekki búinn koma í svolítin tíma. Gamla konan útskúyrir það fyrir Nicole að henni og hinu þjónsustufólkinu þykki svo vænt húsið því þau unnið þar áður en þúrft að fara þá og þessvegna höfðu þau komið aftur núna uppá von og óvon um að fá vinnu. Eftir þessa útskýringu hjá gömlu konu leyfir Nocle henni og þjónnsutufólkinu að vera en hlutirnir fara að vera en skritnari því Nicole fera að heyra hljóð í húdinu og finnst eins og eihver annar sé þar í fyrstu heldur hún að þetta séu draugar en er það svo. Ég verð að seigja það að ég hef ekki séð mynd í líkingu þessa jafnspennandi síðan Sitxsens með bruce Willis þeir sem hafa séð sixtsens með bruce willis meuna eftir endinum endirinn. The Others með Nicole Kidman er en þá betri. Sixtsens var líka spennadi mest allan tíman en the others er spennandi allan tíman.

Myndin er að sjálfu sér vel gerð. Góð leikstjórn, klipping og myndataka. Góður leikur hjá öllum leikurum og óvæntur endir. Eftir myndina fær hún mann að hugsa. Vantar samt sem áður eitthvað meira ,, power . Samt góð ,, spooky mynd.

Myndin the Others er kyngimögnuð hrollavekja sem fær hárin til að rísa. Það sem er heillandi við myndina er að hún hér sveipuð ákveðini dulúð og spennu frá upphafi til enda. Að mínu mati er það einkenni góðrar myndar ef hún heldur athygli manns allan tímann og það er ekki hægt að segja annað en þessi mynd geri það. Nicole Kidman fer með aðalhlutverkið í myndinni og ferst henni það einstaklega vel úr hendi. Það má í raun segja að allir leikarar myndarinnar skili sínum hlutverkum vel. Það sem vakti eftirtekt mína var að það er í raun lítið um atriði sem meiga missa sín og spennan dettur aldrei niður eins og oft vill gerast í svipuðum kvikmyndum. Söguþráður myndarinnar er hreint magnaður og ég veit ekki með aðra en endirinn kom mér svo sannarlega á óvart. Svona í lokin þá er óhætt að mæla með þessari mynd fyrir þá sem eru fyrir spennu og hrollvekju í bland því unendur slíkra mynda verða ekki vonsviknir með þessa. Þið skuluð allavegana búa ykkur undir að öskra af og til og fá gæsahúð, þetta er svoleiðis mynd. Pottþétt skemmtun!

Þessi hrollvekja svínvirkaði (allavegana fyrir mig og kærustuna). Frábær leikstjórn, frábær tónlist, frábær leikur og umfram allt góður söguþráður einkennir þessa mynd. Takið kærustuna á þessa, alvöru mynd fyrir kærustupör.

Eftir að hafa séð The Others í annað skiptið í gær þá get ég ekki annað en skrifað umfjöllun um þessa frábæra mynd sem mér fannst frábær í fyrsta sinn sem ég sá hana enda hefði ég ekki farið á hana aftur nema að svo væri en í annað sinn er hún einfaldlega ennþá betri og ég hélt að það væri ekki hægt en í stuttu máli þá fjallar the Others um unga ekkju sem býr ásamt börnum sínum tveimur í stóru drungalegu húsi og eftir að hún ræður til sín þjónustufólk þá fara undarlegir atburðir að gerast í húsinu sem eiga eftir að hafa áhrif á líf þeirra til frambúðar. Þessi mynd hefur einfaldlega allt sem þarf til að gera góða mynd þ. E. frábært handrit, frábæra leikstjórn, áhrifamikla tónlist, flotta myndatöku og síðast en ekki síst frábæran leikhóp sem sem Nicole Kidman fer fremst í flokki og ég verð illa svikinn ef hún fær ekki Óskarinn fyrir frábæra frammistöðu í þesari mynd en semsagt hér er á ferðinni mynd sem ég á í erfiðleikum að finna nógu sterkt lýsingarorð yfir, hún er einfaldlega stórkostleg, tvímælalaust 4 stórar stjörnur!!

Enn og aftur fáum við að sjá hversu glæsileg Nicole Kidman er. Hún er alver frábær leikkona. Hérna er hún í hlutverki móður sem er innilokuð í dimmu, gömlu húsi vegna ljósóþols barna hennar. Einkennilegir hlutir fara að gerast einn daginn sem raska sálarró heimilisfólksins. Myndin er sérlega vel gerð í alla staði og handritið hrein snilld. Allt er þetta í svona gamaldags Hitchcock stíl og allveg laus við Hollywood bjarmann. Ég mæli eindregið með henni og gef henni fullt hús.