American Beauty (1999)

Satt best að segja fannst mér þessi mynd SNILLD!!!

Ég ætlaði aldrei að getað hætt að hugsa um hana þegar ég kom heim, pæla, pæla, pæla...í henni.

Frábærir leikarar og algjör snilld að hafa strák með myndatökuvél að pæla í lífinu (rétt eins og hverjir aðrir í myndinni).

En þetta var frábær mynd, vel hugsuð. Fyrst í stað hélt ég að þetta væri einhver mynd í anda American pie en hún er langt frá því að vera eins kynóð og hún.

Geðveik mynd, svo sannarlega 2 klst virði, hlaupið út í sjoppu og fáið hana leigða!

ALLS EKKI ÓSKARSVERÐLAUNAMYND. American Beauty er ósköp venjuleg mynd hún gerist í góðu hverfi í Bandaríkjunum þar sem hin fullkomna fjölskylda býr. Einn daginn vaknar faðirinn og eiginmaðurinn upp að nafni Lester og segist vera búin að fá nóg af því að þurfa alltaf að hegða sér venjulega þegar honum líður ekki eins og hann sé venjulegur. Hann hættir því að leika þennan góða faðir og eiginmann og byrjar að gera það sem hann vill gera. Hann verður ástfangin af vinkonu dóttur sinnar og hugsar oft um hana nakta. Að mínu mati hefði Kevin Spacey aldrei átt að vinna Óskarsverðlauninn heldur hefði Russell Crow eða jafnvel Jim Carrey átt að vinna þau fyrir besta leik i karlahlutverki. Svo átti American Beauty alls ekki að vinna Óskarinn fyrir bestu myndina heldur Insider sem er ein besta mynd sem ég hef nokkur tíman séð.

Þessi mynd er ein sú allra besta sem ég hef séð.


ÉG VIL TAKA SKÝRT FARM AÐ ÞESSI GREIN INNIHLELDUR MJÖG STÓR ATRIÐI ÚR SÖGUÞRÆÐI MYNDARINNAR (SPOILERS)!!!!!!!!





Í byrjun myndarinnar er sögumaðurinn Lester Burnham (Kevin Spacey) að segja frá ömurlegri fjölskyldu sinni, Carolyn Burnham konu sinni(Annete Bening) sem er fasteignasali og Jane dóttur sinni (Thora Birch) sem er framhaldsskólanemi og einnig því hvað hann sé mikill minnipokamaður. Í vinnunni er komið fram við hann ásamt fleirum eins og maðka. Þennan dag eiga allir að skrifa starfslýsingu eða með öðrum orðum skrifa langa ritgerð um það hvers vegna þeir ættu ekki að verða reknir vegna fjárskorts. Lester tekur mjög illa í þetta strax til að byrja með. Sama dag flytur ný fjölskylda í húsið við hæiðina á Burnham fjölskyldunni. Í þeirri fjölskyldu eru: Ricky Fitts jafnaldri Jane sem á að ganga í sama skóla og hún. Hann tekur gjarnan myndir af því sem honum finnst fallegt. Frank Fitts fyrrverandi herforingi og Barbara Fitts mjög undarleg kona. Ricky byrjar strax að taka myndir af Jane upp á cameruna sína en hún tekur ekki vel í það. Dag einn þegar Lester og Carolyn fara á körfuboltaleik til að sjá klappstýruatriði sem Jane er með í verður Lester yfir sig ástfanginn af Angelu Hayes, vinkonu Jane. Og um það leyti byrjar hann þá fyrst að lifa lífinu og byrjar t.d að reykja ólögleg efni. Sú ást verður auðsjáanleg meðal þeirra vinkona og finnst Jane þetta ver mjög ógeðslegt. Angela lýgur því reyndar að henni að flestir karlmenn hafi slefað yfir henni síðan hún var 12 ára. En Jane og Carolyn verða líka ástfangnar og fá sína ást endurgoldna. Jane byrjar með Ricky Fitts og Carolyn heldur framhjá með keppinauti sínum Buddy Kane. Þegar Lester skilar starfsskýrslunni inn verður hann rekinn en........... fær árslaun og fulla ábyrgð vegna þess að hefur litlar sannanir um að forstjórinn hafi borgað fyrir að fá fullnægingu með peningum fyrirtækisins. Hann fær svo vinnu á skyndibitastað. En hann kemst að því að Carolyn heldur framhjá en það sem meira er honum er alveg sama! Hann er ástfanginn af Angelu og byrjar að lyfta til þess að hún líti betur á hann. Eitt kvöld þegar Angela og Jane eru samn heima hjá Jane biður Ricky hana að flýja með sér til NY. Hún svarar játandi en hættir að vera vinkona Angelu. Ástæða þess að Ricky baða hana um þetta er að pabbi hans hélt að hann væri hommi þegar hann sá hann selja Lester dóp (en hann fattaði það ekki). Lester og Angela hittast eftir það. Þau tala saman en þá fer Angela allt í einu á klósettið. Carolyn kona Burnhams labbar að húsinu með skammbyssu en heyrir allt í einu skothvell. Lester er myrtur nákvæmlega á besta tíma lífs síns af Franky Fitts.

ALGER SNILLD!!!!

Ég held að það lýsi ekkert þessari mynd betur heldur en viðbrögð áhorfenda í salnum á kvikmyndahátíðinni hérna í Prag. Ekki nóg með að það væri klappað (eitthvað sem gerist venjulega bara á á hasarmyndum a la Die Hard eða Star Wars), heldur voru í mesta lagi tíu manns í fullum sal sem stóðu upp. Allir aðrir sátu orðlausir þangað til síðasti stafurinn í kreditlistanum hafði runnið upp skjáinn. Maður var ekki að leita að búningameistaranum eða hljóðmanninum - maður vildi bara ekki að þessi mynd mundi nokkurn tímann enda.

Vá! Endrum og eins kemur mynd sem ekki bara nær að skemmta þér og fær þig til þess að hugsa heldur lætur hún þig einnig upplifa allan tilfinningaskalann og sýnir þér hve lífið getur verið dásamlegt. Um það er American Beauty sem ásamt Fight Club er besta mynd ársins. Lester Burnham (Kevin Spacey) er 42 ára gamall millistéttarmaður sem býr ásamt konu sinni Carolyn Burnham (Annette Bening) og dóttur Jane (Thora Birch) í úthverfi í ónefndri borg. Þau hjónin hafa fjarlægst mjög hvort annað, dóttir þeirra hatar þau og líf þeirra er þrungið leiða og tilbreytingarleysi. Lester verður fyrstur til þess að átta sig á því hve líf hans er í raun ömurlegt. Hann byrjar þess vegna að breyta lífi sínu. Hann byrjar að stunda líkamsrækt og sjálfsfróun í miklum mæli, hann hættir í sinni ömurlegu möppudýrsvinnu, hann fer að reykja maríjúana sem hann fær hjá stráknum sem býr í næsta húsi (Wes Bentley, sem er ástfanginn af dóttur hans) og hann fellur fyrir Angelu (Mena Suvari) sem er vinkona dóttur hans. Konunni hans líkar þetta alls ekki en hún er sokkin einum of djúpt niður í sína gleðisnauðu veröld til þess að taka upp á einhverju líku þó hún byrji að halda framhjá honum með myndarlegum manni (Peter Gallagher). Málin flækjast síðan og flækjast þar til að allt síður upp úr með ófyriséðum afleiðingum. Þessi mynd er ein snilld út í gegn. Maður hefur sjaldan séð mynd sem hefur snert mann svona mikið og látið mann þykja jafn vænt um persónur sínar og þessi mynd gerir. Hún byrjar á kómísku nótunum og er þá alveg drepfyndin gamanmynd sem lætur mann oft fá krampa af hlátri. Þegar síður á seinni hlutann verður myndin tragískari og sá hluti er jafn vel gerður og sá fyrri. Hann er hreint ótrúlega hjartnæmur og tilfinningaþrunginn og nánast ljóðrænn og draumkenndur á köflum í þessari einföldu fegurð sinni og boðskapur myndarinnar er lifðu lífinu til hins ýtrasta hverja einustu mínútu lífs þíns. Leikstjórn Sam Mendes er í hæsta gæðaflokki. Hann heldur vel utan um efnið og nær ótrúlega góðum leik út úr leikurum sínum. Handrit Alans Ball er hin hreinasta snilld og er hreint unun að fylgjast með leikurunum fara með rullur sínar. Kevin Spacey sýnir hér og sannar enn og aftur að hann er einn allra besti leikari heims og á ógleymanlegan leik sem fjölskyldufaðirinn sem reynir að bæta líf sitt með grátbroslegum árángri. Annette Bening er glimrandi góð sem konan hans og sýnir hún hér stórleik, Thora Birch er mjög góð sem dóttir þeirra og einnig er Mena Suvari afar fín sem vinkona hennar. Loks ber að nefna hinn ágæta leikara Chris Cooper sem var frábær í October Sky og er frábær aftur hérna sem ofbeldisfullur og tilfinningalega brenglaður faðir. Það besta við myndina er að allar persónur myndarinnar, meira að segja vinkonan og ofbeldisseggurinn eru allar í þrívídd og þær hafa allar dýpstu samúð mans. Þessa mynd verða allir að sjá. Það er lífsnauðsynlegt. Þið munið skilja þá hvað lífið er dásamlegt.

Það var sannarlega ánægjulegt, að þessi bleksvertugamanmynd skyldi hafa verið metin að verðleikum við óskarsverðlaunaafhendinguna nú í ár. Hún átti það skilið. Kevin Spacey er alveg frábær sem sögumaðurinn að handan, sem útskýrir fyrir áhorfendunum hvers vegna hann var myrtur. Söguramminn minnir að því leyti á gömlu bleksvertugamanmyndina Sunset Boulevard eftir Billy Wilder, en aðstendendur American Beauty þökkuðu honum sérstaklega fyrir myndir hans við óskarsverðlaunaafhendinguna.

Alveg ágætis mynd með ferska sýn sýn á það hvernig meðaljóninn ákveður að byrja lifa lífinu. skemmtilegasti parturinn var að fylgjast með honum breytast og síðan taka afleiðingunum á því. mér finnst hún sérsrtaklega góð vegna þess hversu raunveruleg hún var, kellingin hafði áhyggjur að sulla niður á teppið í miðjum ástarleik og hugsaði mest um framann og að meika það, skörp sýn á nútímalífið og að vera á framabraut og öðru slíku og svo hvernig maður ætti, finnst mér, að haga sér. þarf kannski ekki að reykja gras alla dag en bara að kaupa uppáhaldsbílinn sinn opg fíla það að vera til.

Ég veit ekki hvað ég á að segja. Ég sá bara ekki einn einasta galla á þessari mynd. Kevin Spacey er frábær leikari, og leikstjórinn, Sam Mendes, á mikin heiður skilin. Söguþráðurinn er ÆÐISLEGUR! Og persónurnar eru þær bestu. Það var eitt sem ég tók mikið eftir. Það voru rósir úti um allt í myndinni. Aðallega alvöru rauðar rósir. Þær settu mikin svip á myndina. Ég get næstum sagt að það hafi verið rósir í hverjum kafla myndarinnar. En þessi mynd er allavega sú besta sem ég hef séð, og ég fór mikið að pæla þegar ég sá hana. Sérstaklega um hvað fegurð er í rauninni.

Sannkölluð tímamótamynd sem hlaut fimm óskarsverðlaun árið 1999, sem besta kvikmynd ársins, fyrir besta leikara í aðalhlutverki (Kevin Spacey), fyrir stórfenglega leikstjórn Sam Mendes, óviðjafnanlegt handrit Alan Ball og fyrir vandaða myndatöku Conrad Hall. Sannkallað meistaraverk sem þekur allan tilfinningaskalann og er í senn kómísk gamanmynd og tragísk ádeila og lýsir ennfremur hnignun amerískrar kjarnafjölskyldu er virðist á yfirborðinu hið fullkomnasta fyrirbæri en er í sannleika sagt rotið í gegn undir niðri. Eftir því sem áhorfandinn kemst nær kjarna Burnham-fjölskyldunnar kemur það æ betur í ljós að líf þeirra er innantómt og ómögulegt og að hjónin (sem bæði feta framabrautina í lífsgæðakapphlaupinu) hnakkrífast fram og aftur. Fjölskyldan er í raun full af hatri og fyrirlitningu fyrir hverju öðru. Dóttirin þolir ekki foreldrana og hjónin Lester og Carolyn Burnham lifa í gersamlega ástlausu hjónabandi og finna ekki til nokkurrar einustu gleði þegar þau umgangast hvort annað. Eiginmaðurinn fellur í framhaldi af því fyrir vinkonu dóttur sinnar (sannkölluðu lambakjöti) og eiginkonan finnur sér einnig viðhald. Lester reynir að endurheimta eitthvað af þeim töpuðu og mannlegu tilfinningum sem honum finnst að lífið fela með sér. Þetta mun reynast fjölskyldunni örlagaríkt og gjörbreyta lífi þeirra allra. Svört kómedía sem er í einu orði sagt stórfengleg. Sannkölluð snilld sem fær áhorfandann til að missa andlitið með meistaralegum tilbrigðum á öllum sviðum. Myndataka snillingsins Conrad Hall og tónlist Thomas Newman eru stórfengleg. Handrit Alan Ball er með afbrigðum beitt og hörkugott og leikstjórn breska leikhússnillingsins Sam Mendes (brilljant frumraun sem kvikmyndaleikstjóri) er hreint út sagt afbragð, hann hlýtur að fá óskarinn. Það sama má segja um þau Kevin Spacey og Annette Bening, en þau eru einstaklega góð í hlutverkum Burnham-hjónanna, og vinna þau bæði hér sinn mesta leiksigur. Kevin Spacey var afar góður í óskarsverðlaunahlutverki sínu í "The Usual Suspects" en hann er mun betri hér. Annette Bening var einkar góð í "Bugsy" árið 1991, er hún lék gegn eiginmanni sínum Warren Beatty en hún er þúsund sinnum betri hér. Kevin Spacey hlaut óskarsverðlaunin sem besti leikari í aðalhlutverki 1999 og verðskuldaði það svo sannarlega, hann er alveg stórfenglegur í persónusköpun sinn og nær að túlka gráa fiðringinn hjá hinum miðaldra og lífsleiða heimilisföður á hreint óviðjafnanlegan hátt. Annette Bening á einnig stórleik í hlutverki hinnar kaldlyndu og tilgerðarlegu Carolyn Burnham, mér finnst afar ósanngjarnt að hún skyldi ekki hafa hlotið óskarinn fyrir meistaralega og óviðjafnanlega túlkun sína. En ég var hissa á því að Wes Bentley skyldi hafa fengið tilnefningu fyrir leik sinn á hinum kengruglaða nágranna Burnham-fjölskyldunnar, hann fer á kostum í hlutverki sínu. Einnig er Thora Birch mjög góð í hlutverki Jane Burnham og Mena Suvari er einnig einstaklega eftirminnileg í hlutverki Angelu Hayes, sem Lester kolfellur fyrir og ennfremur eru þeir Peter Gallagher og Chris Cooper fínir. Semsagt besta kvikmynd ársins 1999, mynd sem er ekki hægt að gagnrýna vegna þess að hún er einfaldlega stórfengleg á allan hátt. Ég gef American Beauty hiklaust fjórar stjörnur og mæli eindregið með henni og tel ég hana vera eina af bestu myndum tíunda áratugarins. Eitt er hinsvegar víst: hún er ógleymanleg öllum þeim sem hana sjá. Hún er ein af þessum myndum sem verða táknmyndir síns tíma og verða að lokum ódauðlegir gullmolar

Halló veri fólkið. Ég er ótrúlega ósámmala ykkur flestum. Ég fór á hana í bíó og ég sofnaði næstum á henni . Hún fær hálfa stjörnu hjá mér fyrir leik Kevin Spacey(eða það sem ég sá af honum leika). Átti aldrei að fá Óskarinn.

Einstaklega vönduð mynd sem fjallar um fjölskyldu nokkra sem býr í úthverfi ónefndrar stórborgar í Bandaríkjunum. Úr fjarlægð virðist fjölskyldulífið vera fullkomlega eðlilegt en þegar nær er litið kemur í ljós að fjölskyldan er algerlega óvirk ásamt því sem mikið hatur og fyrirlitning ríkir í henni. Foreldrarnir lifa í ástlausu sambandi og eru orðin hálfgerð vélmenni sem finna ekki til neinnar gleði í lífi sínu. Einn daginn vaknar eitthvað aftur til lífsins innan í föðurnum, Lester (Kevin Spacey), og í kjölfar þess ákveður hann að reyna að endurheimta þær töpuðu tilfinningar sem honum finnst gera lífið þess virði að lifa því. Þetta hefur víðtæk áhrif á fjölskyldulífið og reynist öllum aðilum örlagaríkt. Myndin hefur hlotið nær einróma lof gagnrýnenda um allan heim og er það ekki að furða. Þetta er afar súrsæt blanda af drama og gríni sem mun ekki skilja marga eftir ósnortna. Það er ekki lítið afrek að draga fram mikið magn af ljótleika út úr hinu daglegu lífi og segja samt sögu sem lýsir lífinu og heiminum sem hlutum sem búa yfir óendanlegri fegurð, en það hefur aðstandendum myndarinnar tekist vel. Þökk sé sterkri leikstjórn, frábærum leikurum, mjög góðri tónlist sem fellur saumlaust að myndinni og síðast en ekki síst nær óaðfinnanlegu handriti er ekki annað hægt en að mæla sterklega með American Beauty.