Life as a House (2001)

Life as a House er melódrama um klofna fjölskyldu, George (Klein) er arkitekt sem uppgötvar að hann hefur ólæknanlegt krabbamein og hefur aðeins um 4 mánuði eftir ólifað. Sonur hans Sam (Christensen) er gothari sem hatar líf sitt og fjölskylduna sem er alveg hættur að vilja hitta pabba sinn svo George nær að fá son sinn yfir sumarið þar sem hann skildi við mömmu hans tíu árum áður. George vill mest af öllu byggja hús þar sem gamla húsið hans var, sem var ryðgaður kofi, og hann reynir hvað sem hann getur að fá son sinn aftur til þess að skilja sig. Myndin er gersamlega undir höndum leikaranna, Klein, Thomas og Malone eru öll í topp formi en Christensen stendur sérstaklega hátt uppi. Þrátt fyrir að hafa verið alger viður í Star Wars episode II: Attack of the Clones þá má ekki gleyma að hann var mjög góður í Revenge of the Sith og Shattered Glass líka, Hayden er alveg rosalegur leikari og hann er hreint geðveikur í Life as a House. Það er slæmt að ég fékk ekki að sjá þessa mynd fyrr, en hún koma aldrei í bíó á Íslandi sem er ennþá verra. Life as a House á nú skilið um þrjár og hálfa stjörnur, ég sé nú alls ekki eftir því að hafa leigt myndina.

Ég vil bara taka það fram í byrjun að þetta er mynd sem allir ættu að sjá, æðisleg mynd sem maður (allavega ég) getur horft á aftur og aftur. Hún fjallar um George sem gengur ekki allt of vel í lífinu, skilin við eiginkonuna, á son sem þolir hann ekki og þar að auki missir vinnuna. Svo bætir það ekki úr skák að hann kemst að því að hann er dauðvona og á ekki nema 3-4 mánuði eftir. Hann ákveður að það síðasta sem hann gerir áður en hann deyr sé að rífa gamla húsið sitt, eiginlega skúrinn sinn, sem er alger hörmun..niður og byggja nýtt hús. Hann heimtar það að fá son sinn sem heitir Sam, tánings vandræðastrák til að vera hjá sér og hjálpa honum. Sam vill það alls ekki en gerir það samt. Þeir rífa niður húsið og byrja að byggja nýtt. Fyrrverandi eiginkonan, Robin slæst líka í hópinn með strákana sína, sem hún átti með hinum eiginmanni sínum og brátt byrjar sambandið á milli George og fjölskyldu sinnar að verða betra. Mér fannst þessi mynd alveg frábær. Kevin Kline, sem leikur George leikur alveg óhuggulega vel og líka Kristin Scott Thomas sem leikur Robin. Mér fannst líka sá sem lék Sam, Hayden Christensen, sem er aðalega þekktur fyrir að leika Anakin í Star Wars myndunum, alveg rosalega góður. Síðan eru bara fullt af góðum leikurum í þessari mynd og ég hvet alla til að leigja sér þessa mynd því hún er alger snilld;)

Life as a House er sérlega áhugavert drama á flestan hátt. Hún er lúmskt áhrifamikil og kemst framhjá því að fara út í óþarfa væmni eða melódramatík (sem er afar sjaldgæfur kostur þegar svona mynd er um að ræða). Hún er líka hlý, fyndin á köflum og persónurnar eru flestar nógu viðkunnanlegar til að manni fari ekki að standa á sama um þær. Myndin er samt aðallega borin uppi af traustu handriti og mjög góðum leik. Kevin Kline sýnir einn besta leik feril síns, og Kristin Scott Thomas kemur einnig með sterka frammistöðu. Einkum eru ungstirnin Hayden Christensen (nýi Anakin í Star Wars, fyrir þá sem ekki vita enn) og Jena Malone (Donnie Darko) alveg frábær í hlutverkum sínum. Þess má einnig geta að myndin rennur í gegn á hinum fínasta hraða og er aldrei nokkurn tímann langdregin, og þótt hún fari staka sinnum út í hálfgerða sápuóperu þá get ég a.m.k. vel mælt með henni fyrir alla kvikmyndaunnendur.8/10