Hver man ekki eftir sjónvarpsþáttunum óhugnanlegu The Twilight Zone, a.m.k. af þeim sem eru komnir af léttasta skeiði.
TheWrap vefmiðillinn greinir frá því að Bryan Singer leikstjóri X-Men myndanna vinni nú að endurræsingu þessara goðsagnakenndu þátta, fyrir CBS sjónvarpsstöðina.
Singer mun þróa verkefnið áfram og verða aðalframleiðandi, ásamt því hugsanlega að leikstýra.
Verkefnið er enn mjög stutt á veg komið.
Hinir upprunlegu Twilight Zone þættir voru á dagskrá CBS sjónvarpsstöðvarinnar á árunum 1959 til 1964, en sjónvarpsstöðin blés síðan nýju lífi í þá á níunda áratug síðustu aldar.
Nú síðast voru þættirnir enn settir á dagskrá árið 2002 og þá með Forest Whitaker sem kynni, en þeir entust aðeins í einn vetur í það skiptið.
Hér að neðan er þekkt byrjunaratriði upprunalegu þáttanna: