Ný athyglisverð íslensk heimildarmynd er væntanleg síðar í mánuðinum í Bíó paradís, Goðsögnin FC Kareoki. Í tilkynningu segir að myndin sé “gamansöm, stundum sprenghlægileg, mynd í fullri lengd um elsta mýrarboltalið Íslands.” “Eftir að hafa tekið þátt í keppni á Ísafirði í tíu ár án þess að vinna nokkurn skapaðan hlut vinna þeir loks óvænt […]
Alþjóðleg kvikmyndahátíð í Reykjavík, RIFF, var sett í 14. skipti í gærkvöldi, en boðið er upp á 200 myndir af ýmsum toga frá ýmsum löndum á hátíðinni sem stendur til 8. október nk. Opnunarmynd hátíðarinnar var dansk-íslenska kvikmyndin Vetrarbræður sem er fyrsta mynd leikstjórans Hlyns Pálmasonar frá Höfn í Hornafirði, í fullri lengd. Myndin er […]
Sænski leikstjórinn Maximillian Hult segist vera dálítið taugaóstyrkur yfir því að leikstýra íslenskum leikurum í nýrri rómantískri dramamynd sinni Pity the Lovers, þegar hann skilur ekkert hvað þeir eru að segja. “Ég verð að viðurkenna að ég er smá órólegur yfir því að leikstýra íslenskum leikurum á tungumáli sem ég tala ekki sjálfur. En þessar […]
Á síðasta ári fór framleiðslufyrirtækið Republik af stað með dagskrárdeild innan fyrirtækisins. Mörg verkefni hafa nú þegar litið dagsins ljós og fleiri eru í vinnslu um þessar mundir, að því er fram kemur í frétt frá fyrirtækinu. Á síðasta ári var heimildamyndin um Fjallabræður í Abbey Road frumsýnd í Háskólabíói og á RÚV, og í […]
Gamanmyndahátíð Flateyrar fór fram um helgina á Flateyri. Í tilkynningu frá hátíðarhöldurum segir að hátíðin hafi verið vel sótt, og tæplega 700 manns hafi mætt á viðburði á hennar vegum. Þráinn Bertelsson var heiðraður fyrir framlag sitt til gamanmynda á Íslandi. Veitti hann verðlaununum viðtöku og í framhaldi af því var sérstök heiðurssýning á gamanmyndinni […]
Svanurinn, fyrsta kvikmynd leikstjórans og handritshöfundarins Ásu Helgu Hjörleifsdóttur í fullri lengd, hefur verið valin til þátttöku í Discovery hluta alþjóðlegu kvikmyndahátíðarinnar í Toronto. Um er að ræða heimsfrumsýningu myndarinnar. Vetrarbræður, hin dansk/íslenska fyrsta kvikmynd leikstjórans og handritshöfundarins Hlyns Pálmasonar í fullri lengd, mun sömuleiðis taka þátt í Discovery hluta hátíðarinnar. Vetrarbræður vann nýverið til […]
Dansk/íslenska kvikmyndin Vetrarbræður, eftir handritshöfundinn og leikstjórann Hlyn Pálmason, vann til fimm alþjóðlegra verðlauna nú um nýliðna helgi. Þetta kemur fram í fréttatilkynningu frá framleiðanda myndarinnar. Í tilkynningunni segir að myndin fari þannig af stað “með látum inn í hátíðaferðalagið sem er rétt að hefjast.” Myndin var heimsfrumsýnd sem opnunarmynd aðalkeppni kvikmyndahátíðarinnar í Locarno í […]
Íslenska Golden Globe verðlaunaða og Óskarstilnefnda kvikmyndatónskáldið Jóhann Jóhannsson sér um tónlistina í nýjasta spennutrylli The Black Swan leikstjórans og Íslandsvinarins Darren Aronofsky, Mother!, en fyrsta stiklan úr myndinni hefur nú litið dagsins ljós. Það er ekki laust við að manni renni kalt vatn milli skinns og hörunds við að horfa á sýnishornið! Myndin verður […]
Í dag kl. 12 að íslenskum tíma heimsfrumsýnir leikstjórinn Hlynur Pálmason dansk/íslensku kvikmyndina Vetrarbræður, sem opnunarmynd aðalkeppni kvikmyndahátíðarinnar í Locarno. Kvikmyndin keppir þar um hin mikils metnu Golden Leopard verðlaun. Hátíðin er ein sú stærsta sinnar tegundar og fer nú fram í 70. skipti frá 2-12. Ágúst. Myndin er ein af 18 myndum sem hljóta […]
Nýtt plakat hefur verið gefið út fyrir íslensku hrollvekjuna Rökkur, eða Rift eins og hún heitir á ensku. Í tilkynningu frá aðstandendum segir að plakatið sé svokallað “teaser” plakat sem notað verði til að kynna myndina á kvikmyndahátíðum og á vefmiðlum í sumar. Hönnuður plakatsins er Ómar Hauksson. Fullbúið plakat verði svo kynnt í byrjun hausts, […]
Samkvæmt könnun sem gerð var um síðustu helgi sögðu 92% bíógesta í Smárabíó að myndgæðin í nýja S-MAX sal bíósins hefðu verið mjög góð eða framúrskarandi og 79% að háskerpugæði Flagship Laser 4K væri hvatning til að fara oftar í bíó. Þetta kemur fram í tilkynningu frá bíóinu. Frumsýningargestir fyrir utan S-MAX salinn. […]
Kvikmyndin Ég man þig er byggð á samnefndri bók eftir glæpasagnahöfundinn Yrsu Sigurðardóttur. Bókin kom út árið 2010 og sló í gegn, en olli jafnframt mörgum andvökunóttum. Leikstjóri myndarinnar er Óskar Þór Axelson sem einnig samdi handritið ásamt Ottó Borg. Við fylgjumst með tveimur sögum. Annars vegar kynnumst við geðlækninum Frey (Jóhannes Haukur Jóhannesson) sem […]
Framleiðslufyrirtækið Flying Bus, sem samanstendur af ungum kvikmyndagerðarmönnum, þeim Arnóri Elís Kristjánssyni, Heimi Snæ Sveinssyni og Knúti Hauksteini Ólafssyni, hefur sent frá sér grínsketsinn “Yfirmaðurinn”. Knútur Hauksteinn segir í samtali við Kvikmyndir.is að hingað til hafi þeir sent frá sér ýmsar kvikmyndatengdar skopstælingar , en nú sé um frumsaminn grínskets að ræða, sem hann segir að sé […]
Íslenska hrollvekjan Ég man þig, sem byggð er á vinsælli skáldsögu Yrsu Sigurðardóttur, verður frumsýnd á föstudaginn næsta, þann 5. maí, í Smárabíói, Háskólabíói, Laugarásbíói og Borgarbíói, Akureyri. Myndin fjallar um ungt fólk sem er að gera upp hús á Hesteyri um miðjan vetur og fer að gruna að þau séu ekki einu gestirnir í þessu […]
Óskar Þór Axelsson leikstjóri íslensku hrollvekjunnar Ég man þig sem frumsýnd verður í vikunni, segir í samtali við Morgunblaðið í dag að tökur myndarinnar hafi ekki gengið þrautalaust fyrir sig, meðal annars hafi þær frestast, en það hafi hinsvegar á endanum reynst vera lúxus, eins og hann orðar það. Myndin er aðallega tekin upp bæði á Ísafirði, Hesteyri […]
Ný stuttmynd Andra Freys Ríkarðssonar, Ólgusjór, sem stefnt er á að taka upp í sumar, fjallar um unga elskendur sem starfa saman á litlum bát fyrir utan Snæfellsnes. Yfirmaður þeirra stýrir þeim með harðri hendi í gegnum talstöð á meðan margt leynist undir yfirborðinu. Það er ungt framleiðslufyrirtæki, Behind the Scenes, sem framleiðir myndina. ,,Andri […]
Ný íslensk kvikmynd, Snjór og Salóme, verður frumsýnd á föstudaginn næsta, þann 7. apríl, í Smárabíói, Háskólabíói og Borgarbíói Akureyri. Leikstjóri myndarinnar er Sigurður Anton Friðþjófsson. Samkvæmt tilkynningu frá Senu er hér að ferðinni stórskemmtileg saga um óvenjulegan ástarþríhyrning. Þau Salóme og Hrafn hafa átt í on/off-sambandi í fimmtán ár og leigt saman íbúð. Þegar […]
Ný íslensk heimildarmynd, Línudans, verður frumsýnd á morgun þriðjudaginn 28. febrúar kl. 18 í Bíó paradís. Myndin fjallar um baráttu bænda gegn lagningu háspennulínu sem mun, að óbreyttu, skera tugi bújarða í sundur og hafa neikvæð áhrif á lífsgæði, eins og segir í tilkynningu frá framleiðendum. Hversu lengi getur samstaðan haldið ef einstökum landeigendum berast […]
Framleiðslufyrirtækið Behind the Scenes auglýsir eftir leikurum af báðum kynjum fyrir stuttmyndina Ólgusjór eftir Andra Frey Ríkarðsson. Myndin verður tekin upp 22.-26. júní næstkomandi á Snæfellsnesi. Karlar á aldrinum 21-25 ára og konur á aldrinum 25-30 ára eru hvött til að sækja um. Áhugasamir eru beðnir um að senda póst á olgusjor@scs.is. Nauðsynlegt er að […]
Á Laugavegi 64 í miðbæ Reykjavíkur stendur eitt af síðastu vígjum safnarans enn og gengur býsna vel. Þorvaldur Kristinn Gunnarsson, betur þekktur einfaldlega sem Valdi, hóf rekstur á Geisladiskabúð Valda árið 1998 og enn í dag streymir kúnnahópur til hans og festir kaup á notuðum og nýjum vörum í heimi afþreyingar. Alls voru fjórar safnaraverslanir […]
Kvikmyndin Rökkur, verður heimsfrumsýnd þann 4. febrúar næstkomandi á Alþjóðlegu kvikmyndahátíðinni í Gautaborg í Svíþjóð, eins og við sögðum frá hér á Kvikmyndir.is á dögunum. Rökkur er dramatískur sálfræðiþriller með hrollvekjandi ívafi og ein fyrsta íslenska kvikmyndin sem fjallar alvarlega um ástarsamband tveggja manna. Í tilefni af frumsýningunni svaraði Erlingur Óttar Thoroddsen leikstjóri myndarinnar, nokkrum spurningum […]
Ný íslensk kvikmynd, Rökkur, verður heimsfrumsýnd þann 4. febrúar næstkomandi á Alþjóðlegu kvikmyndahátíðinni í Gautaborg í Svíþjóð. Myndin verður lokamynd hátíðarinnar. Rökkur er dramatískur sálfræðiþriller með hrollvekjandi ívafi og ein fyrsta íslenska kvikmyndin sem fjallar alvarlega um ástarsamband tveggja manna, að því er segir í frétt frá framleiðanda myndarinnar. Leikstjóri er Child Eater leikstjórinn Erlingur […]
Ný íslensk kvikmynd, Hjartasteinn, eftir Guðmund Arnar Guðmundsson, sem nú þegar hefur fengið verðlaun á kvikmyndahátíðum víða um heim, var forsýnd við hátíðlega athöfn í Háskólabíói fyrr í vikunni, að viðstöddum leikurum, leikstjóra og öðrum helstu aðstandendum. Myndin verður frumsýnd í bíóhúsum hér á landi í dag, föstudaginn 13. janúar. Ef eitthvað er að marka umsagnir á […]
Námskeið í því hvernig drepa eigi Zombie nasista, er á meðal dagskráratriða á fyrstu íslensku hryllingsmyndahátíðinni, Frostbiter: Icelandic Horror Film Festival sem haldin verður á Akranesi um næstu helgi, 24. – 27. nóvember. Það eru hjónin Ársæll Rafn Erlingsson leikari og Lovísa Lára Halldórsdóttir kvikmyndagerðarkona, sem standa fyrir hátíðinni. Ársæll segir í samtali við kvikmyndir.is […]
Fyrsta stikla og plakat er komið út fyrir nýja íslenska heimildarmynd Ara Alexanders Ergis Magnússonar, Aumingja Ísland, Sturlungaöld um aldir alda. Myndin verður frumsýnd á fimmtudaginn næsta, þann 10. nóvember, í Bíó Paradís. Þegar bankakerfið á Íslandi hrundi árið 2008 fór Ari Alexander að mynda atburðarrásina og reyna að átta sig á afleiðingunum fyrir íslenskt […]
Söfnun er hafin á Karolinafund fyrir eftirvinnslu á nýrri íslenskri bíómynd; Týndu Stelpurnar. Sagan fjallar um tvær 14 ára gamlar stelpur sem verða vitni að morði. Þær byrja að rannsaka það upp á eigin spýtur og flækjast þannig inn í atburðarás sem þær ráða ekki við. Leikstjóri myndarinnar er Lovísa Lára Halldórsdóttir en þetta er […]
Nú fer bráðum að líða að því að 20 ár séu liðin frá því að íslenska kvikmyndin Morðsaga var gefin út á VHS, en það var einmitt 20 ára afmælisútgáfa. Síðan þá hefur myndin ekki verið gefin út og því er Bókasafn Mosfellsbæjar einn af örfáum stöðum í heiminum þar sem hægt er að sjá hana […]
Kvikmyndir og stuttmyndir gerðar af aðdáendum til heiðurs vinsælum kvikmyndum, eða persónum í kvikmyndum, eru vinsælt kvikmyndagerðarform, þó útkoman geti verið æði misjöfn, og jafnvel vandræðaleg, í versta falli. Í nýrri X-Men aðdáendamynd frá K&K Productions; Cable: Chronicles of Hope, er hinsvegar mikil fagmennska á ferðinni og enginn byrjendabragur á tæknibrellunum. Það sem gerir myndina […]
Íslenski sjónvarpsveturinn er kominn í gang og fjöldi íslenskra þátta annaðhvort búinn að hefja göngu sína eða er væntanlegur á skjáinn síðar í vetur. Hér á eftir verið tæpt á því helsta á dagskrá stöðvanna sem framleiða mest innlent efni, RÚV og Stöð 2, en greinin verður uppfærð reglulega með nýjum upplýsingum. Borgarstjórinn Margir biðu spenntir eftir […]
Íslenska spennumyndin Grimmd, eftir Grafir og Bein leikstjórann Anton Sigurðsson, verður frumsýnd á morgun, föstudaginn 21. október, í Smárabíói, Háskólabíói, Laugarásbíói og Borgarbíói, Akureyri. Myndin segir frá því þegar tvær ungar stelpur hverfa sporlaust af leikvelli í Árbænum. Stúlkurnar finnast látnar í Heiðmörk og í einbeittri rannsókn í leit að sökudólgum fléttast saman nokkrar sögur þegar […]