Silkwood (1983)

Byggt á sannri sögu af Karen Silkwood, starfsmanni kjarnorkuvers í Oklohoma, sem opinberaði hættulega starfsemi í Kerr-McGee kjarnorkuverinu, og lést undir kringumstæðum sem enn er deilt um. Myndir byrjar og endar á því að Silkwood er að aka ein á afviknum vegi árið 1974 á leið á fund með fréttamanni dagblaðsins The New York Times, til að afhenda honum sönnunargögn um vanrækslu í kjarnorkuverinu. Í myndinni kemur einnig við sögu elskhugi hennar og lífsglaðar vinkonur. Lífið í kjarnorkuverinu er fremur tilbreytingarlaust, eða amk. þar til Silkwood og samstarfsfélagar verða fyrir geislun, sem yfirmenn vilja þagga niður. Karen telur að hér sé ekki allt með felldu, og lætur verkalýðsfélagið vita. Átt er við sönnunargögn, sem neyðir Karen til að framkvæma sína eigin rannsókn. Að lokum setur hún sönnunargögn í skjalatösku og fer á fund blaðamanns the New York Times. Hún nær aldrei á fund hans; opinber skýring á dauða hennar í bílslysi er að hún hafi verið drukkinn og undir áhrifum róandi lyfja. Kerr-McGee var að lokum skipað að borga Silkwood fjölskyldunni stóra sáttagreiðslu vegna geislunarinnar, en enn er ekkert vitað um hvort að bílslysið hafi borið að með saknæmum hætti.