Nýtt á DVD

DramaSpennutryllir
Leikstjórn Chad Stahelski
Söguþráður Leigumorðinginn John Wick sem var neyddur aftur í slaginn í fyrstu myndinni um hann þarf nú í framhaldinu að sinna beiðni gamals félaga og takast á við stórhættulega morðingja alþjóðlegs glæpa- og njósnagengis sem hreiðrað hefur um sig í Róm.
Útgefin: 22. júní 2017
RómantískDrama
Leikstjórn James Foley
Söguþráður Fifty Shades Darker sem er gerð eftir annarri bók E.L. James um hið sérstaka ástarsamband Anastasíu Steele og Christians Grey, er beint framhald fyrstu bókarinnar og hefst aðeins nokkrum dögum eftir að henni lauk með sambandsslitum. Við þau er Christian hins vegar afar ósáttur og biðlar til Anastasíu að halda áfram að hitta sig, en nú á hennar forsendum.
Útgefin: 15. júní 2017
RómantískDramaVísindaskáldskapurÆvintýramynd
Leikstjórn Peter Chelsom
Söguþráður Geimskip fer af stað í fyrstu ferðina þar sem markmiðið er að nema land á Mars, en eftir flugtak komast menn að því að einn geimfarinn er ófrískur. Stuttu eftir lendingu, þá deyr geimfarinn af barnsförum, en barnið lifir og verður fyrsta mannveran sem fæðist á plánetunni - en faðirinn er ókunnur. Þannig hefst ótrúlegt líf Gardner Elliot, forvitins og vel gefins drengs, en um það leiti sem hann verður 16 ára hefur hann einungis umgengist 14 manns alla sína ævi. Hann er forvitinn um föður sinn og heimaplánetu sína, og byrjar í netsambandi með stelpu frá Colorado, sem heitir Tulsa. Þegar hann kemst loksins til Jarðar, þá vill hann upplifa allt sem Jörðin hefur upp á að bjóða og hann gat aðeins lesið um á Mars. En þegar hann er kominn til Jarðar sjá vísindamenn að líffæri hans eru ekki hæf til að starfa á Jörðinni. Gardner er mjög ákveðinn í að finna föður sinn og flýr frá vísindamönnum og fer með Tulsa í ferð til að finna föður sinn, og finna sinn stað í heiminum.
Útgefin: 1. júní 2017
HrollvekjaSpennutryllir
Leikstjórn M. Night Shyamalan
Söguþráður Kevin er maður sem haldin er alvarlegri persónuleikaröskun en innra með honum búa a.m.k. 23 mismunandi persónur sem koma fram þegar þeim hentar. Þegar ein af þessum persónum rænir þremur stúlkum og lokar þær inni hefst atburðarás sem enginn getur getið sér til um hvernig fer – né hvernig hún endar!
Útgefin: 1. júní 2017
DramaFjölskyldumynd
Leikstjórn Peer Pedersen
Söguþráður Við kynnumst hér fjögurra barna móðurinni Nancy Green sem hefur þurft að bíta í súra eplið oftar en tölu verður á komið í lífinu og þyrfti nú, þegar öll börn hennar eru orðin fullorðin, að fara að hugsa um sjálfa sig. Það er hins vegar erfitt því þótt börn hennar séu orðin sjálfstæð, eða ættu að vera orðin það, tekur hún enn inn á sig öll þeirra mál og á erfitt með að sleppa ...
Útgefin: 31. maí 2017
Spennumynd
Leikstjórn James Nunn
Söguþráður Þegar Jake Carter svarar neyðarkalli lendir hann skyndilega á milli steins og sleggju við að vernda líf skjólstæðings síns fyrir mótorhjólagengi.
Útgefin: 31. maí 2017
DramaSpennutryllirÆvintýramynd
Leikstjórn Stephen Gaghan
Söguþráður Sagan af Kenny Wells, misheppnuðum viðskiptamanni sem í leit að fljótfengnum auði fór ásamt jarðfræðingnum Michael Acosta til Indónesíu í gullleit. Eftir mikla erfiðleika og mótvind fundu þeir æð sem var á þeim tíma talin einn mesti gullfundur aldarinnar. En þá er sagan svo sannarlega ekki öll sögð ... Sagan í Gold er byggð á sönnum atburðum sem tengjast svonefndu Bre-X-máli, en það skók fjármálaheiminn hressilega á árunum 1995 til 1997 og snerist um einn mesta gullfund 20. aldarinnar.
Útgefin: 25. maí 2017
GamanmyndFjölskyldumyndTeiknimyndÍþróttamynd
Söguþráður Hin árlega brimbrettakeppni er framundan og nú þurfa þau Cody Maverick og félagar hans að takast á við langerfiðustu keppinauta sína til þessa.
Útgefin: 24. maí 2017
TónlistarmyndHeimildarmyndÆviágrip
Leikstjórn Ethan Hawke
Söguþráður Þegar leikarinn Ethan Hawke kynntist lífssýn píanóleikarans og kennarans Seymours Bernstein ákvað hann að deila henni með öðrum og úr varð þessi góða og áhrifamikla heimildarmynd sem allir ættu sannarlega að sjá. Seymour Bernstein er fæddur í New Jersey árið 1927 og þrátt fyrir að vera bæði frábær píanóleikari og tónsmiður kaus hann snemma að einbeita sér að kennslu eftir að hafa tekið að sér píanókennslu barna aðeins fimmtán ára gamall. Í kennslunni fann hann nefnilega köllun sína og með tíð og tíma þróaði hann ekki bara kennsluaðferðir sínar í píanóleik heldur lagði áherslu á að nemendur sínir öðluðust um leið hugarró, jafnvægi og æðruleysi til að takast á við hvað eina sem þau gætu mögulega átt eftir að glíma við á lífsleiðinni. Af aðferðum hans geta allir lært.
Útgefin: 19. maí 2017
SpennumyndHrollvekjaSpennutryllirVísindaskáldskapur
Leikstjórn Paul W.S. Anderson
Söguþráður Resident Evil: The Final Chapter er beint framhald af síðustu mynd, Retribution, þar sem Alice stóð ein eftir af þeim sem lögðu í lokabardagann við Regnhlífasamtökin. Nú neyðist hún til að snúa aftur þangað sem martröðin byrjaði og freista þess ásamt örfáum bandamönnum að verjast síðustu árásinni. Takist þessi lokatilraun hennar ekki er úti um mannkynið ...
Útgefin: 18. maí 2017
DramaÆviágripÍþróttamynd
Leikstjórn Ben Younger
Söguþráður Sönn saga hnefaleikameistarans Vinny Pazienza, sem sneri aftur í hringinn eftir að hafa lent í hörðum árekstri sem varð honum nærri að aldurtila. Pazienza, kallaður "Pazmaníu djöfullinn", var litríkur hnefaleikakappi og fimmfaldur heimsmeistari. Best þekkti bardagi hans var við Roy Jones Jr. árið 1995, þar sem hann hélt áfram að berjast fram í rauðan dauðann, þó andstæðingur hans væri búinn að berja hann í buff, en þetta úthald hans og þrákelni má rekja til árekstursins, en eftir að hafa lent í því að geta jafnvel ekki gengið á ný, þá fannst honum engin þolraun jafnast á við þá lífsreynslu.
Útgefin: 18. maí 2017
SpennumyndGamanmyndRómantísk
Leikstjórn Paco Cabezas
Söguþráður Eftir að hafa gengið í gegnum sáran skilnað, þá hittir Martha mann sem virðist vera sá eini rétti. En eftir því sem sambandið þróast, þá kemst hún smám saman að því að draumaprinsinn er fyrrum leigumorðingi. Það reynir á sambandið þegar þau reyna að bjarga hvoru öðru eftir að fortíð hans fer að valda miklum vandræðum, og gamlir óvinir enda með að ræna Martha.
Útgefin: 12. maí 2017
SpennumyndSpennutryllirÆvintýramyndRáðgátaSöguleg
Leikstjórn Yimou Zhang
Söguþráður Söguleg, rómantísk vísindaskáldsaga og skrímslamynd um eina merkilegustu og stærstu byggingu veraldar, Kínamúrinn.
Útgefin: 11. maí 2017
DramaSpennutryllir
Leikstjórn Andy Goddard
Söguþráður Walter Stackhouse er vinsæll arkitekt í New York á sjöunda áratug síðustu aldar. Hann er kvæntur hinni fögru Clara, og lífið gæti ekki verið betra. En áhugi hans á óupplýstu morðmáli, leiðir hann inn í hringiðu óreiðu, og hann neyðist til að spila leik kattarins og músarinnar, við snjallan morðingja, og metnaðarfullan rannsóknarlögreglumann. Á sama tíma girnist hann aðra konu.
Útgefin: 11. maí 2017
Drama
Leikstjórn Jim O'Hanlon
Söguþráður Þrjár manneskjur, og þrjár ótrúlegar sögur. Allar manneskjurnar bjuggu á 100 gatna svæði í Lundúnum. Max Moore er fyrrverandi leikmaður í bandaríska fótboltanum, sem er að reyna að laga sig að lífinu eftir boltann. Hann missir fljótt stjórn á lífinu og fer að drekka, dópa og fara á kvennafar, og glatar konu sinni og börnum í kjölfarið. Í reiði og örvæntingu verður hann fljótlega ofbeldishneigður.
Útgefin: 11. maí 2017
RómantískDramaRáðgáta
Leikstjórn Peter Strickland
Söguþráður Evelyn er kona sem stundar rannsóknir á mölflugum og nýtur leiðsagnar fiðrildafræðingsins Cynthiu. En á milli þeirra er einnig öðruvísi samband. Undir niðri krauma heitar tilfinningar og ástarsamband sem tekur á sig stöðugt sérkennilegri myndir þegar líður á söguna og endar á magnaðan hátt ...
Útgefin: 5. maí 2017
DramaSpennutryllirGlæpamynd
Leikstjórn Kai Barry
Söguþráður Myndin segir frá nýgræðingi í sérsveit lögreglunnar, Alex, sem í sinni fyrstu aðgerð gerir mistök sem kosta alla félaga hans í sveitinni lífið. Sjálfur neyðist Alex til að leggja á flótta til að bjarga eigin lífi og um leið reynir hann að setja saman í huganum hvað gerðist. Til þess þarf hann að reiða sig á óskýra hljóðupptöku af atburðarásinni og ljósmyndaminni sitt ...
Útgefin: 5. maí 2017
HrollvekjaSpennutryllir
Leikstjórn Stacy Title
Söguþráður Árið 1960 framdi ungur maður fjöldamorð í blokkinni þar sem hann bjó og eftir að hafa verið handsamaður bar hann því við að „Bye Bye-maðurinn“ hefði sagt honum að fremja morðin. Löngu síðar gera fjögur ungmenni tilraun til að ná sambandi við framliðið fólk og vita ekki að þar með kalla þau yfir sig endurkomu Bye Bye-mannsins með hörmulegum afleiðingum. „Vondi kallinn“, eða „boogie man“ eins og hann er nefndur á ensku, hefur í gegnum árin tekið á sig ýmsar myndir. Bye Bye-maðurinn er ein þeirra en í þeirri útgáfu drepur hann ekki sjálfur heldur fær fórnarlömb sín til að gera það með því að fylla þau af ranghugmyndum og ofsjónum. Að þessu komast vinirnir John, Sasha, Kim og Elliott illu heilli kvöld eitt þegar þau eru að gera tilraunir með andaglas og bjóða fyrir slysni þessari óvætt að kíkja í heimsókn ...
Útgefin: 4. maí 2017
RómantískDramaVísindaskáldskapurÆvintýramynd
Leikstjórn Morten Tyldum
Söguþráður Risageimferja er að flytja þúsundir manna til plánetu í fjarlægu sólkerfi þegar bilun í svefnbúnaði veldur því að tveir af farþegunum, þau James Preston og Aurora Lane, vakna af dásvefninum sem þau áttu að vera í, níutíu árum á undan áætlun. Eftir að þau James og Aurora vakna og átta sig á því að þeim mun ekki takast að falla í dásvefn á ný blasir við að þau þurfi að eyða því sem eftir er ævinnar í félagsskap hvors annars um borð
Útgefin: 4. maí 2017
GamanmyndDramaFjölskyldumyndÆviágrip
Leikstjórn Roger Spottiswoode
Söguþráður Þetta er dagsönn saga James Bowen sem ákvað að hætta allri neyslu fíkniefna eftir áralanga misnotkun og byrja líf sitt upp á nýtt. Dag einn kynntist hann kettinum Bob sem var einnig heimilislaus og þar að auki særður. James ákvað að hjúkra honum og þar með hófst órjúfanleg og ótrúlega náin vinátta á milli þeirra sem átti eftir að stórbæta og auðga líf þeirra beggja
Útgefin: 4. maí 2017