Væntanlegt í bíó

Söguþráður Mögnuð vísindaskáldsaga og framtíðarævintýri sem gerist eftir um þrjú þúsund ár þegar heilu borgirnar eru komnar á færanlegan grunn og ferðast um Jörðina í leit að orku til að knýja þær. Til að fá þessa orku gleypa borgirnar m.a. í sig aðrar minni borgir og bæi og verða um leið íbúum þeirra að fjörtjóni. Hester Shaw á harma að hefna gegn einum aðalmanninum í stærstu borginni London, Thaddeusi Valentine, eftir að hann hafði ráðist á heimabæ hennar, Salthook. Eftir misheppnaða tilraun til að ráða Thaddeus af dögum þarf Hester til að flýja borgina og út í eyðimörkina þar sem hún gengur í lið með fólki sem er staðráðið í að komast inn í London á ný. En það er hægara sagt en gert ...

Söguþráður Hér er um upprunasögu að ræða sem hefst þegar Arthur Curry, öðru nafni Aquaman, er aðeins þriggja ára og fer fyrsti hluti myndarinnar í að sýna hvernig hann kemst að því að hann er hinn eini sanni konungur sjávarborgarinnar Atlantis. Arthur er í fyrstu ekkert allt of hrifinn af þeirri ábyrgð sem því fylgir en getur ekki hlaupist undan merkjum þegar hættur steðja að úr öllum áttum sem ekki bara ógna Atlantis og íbúum sjávarins heldur og öllu mannkyninu. Þá kemur sér vel að hann býr að ógnarkröftum, getur stjórnað sjávarföllunum, synt á hljóðhraða og talað við dýrin sem búa í hafinu auk þess sem hann nýtur ómetanlegrar aðstoðar sjávarprinsessunnar Meru sem gefur honum lítið eftir hvað ofurkrafta varðar. En andstæðingarnir eru líka öflugir, þar á meðal Ormur hálfbróðir Arthurs sem vill sameina hin sjö konungsríki hafsins og segja mannkyninu stríð á hendur enda telur hann mannfólkið bera ábyrgð á hnignun hafsins. Þá skelfilegu áætlun verður Aquaman að stöðva hvað sem það kostar ...

Söguþráður Myndin gerist um 25–30 árum eftir atburðina í fyrri myndinni og Banks-krakkarnir Michael og Jane eru sjálf orðin fullorðin. Michael býr enn í húsinu við Kirsuberjagötu og á nú þrjú börn á svipuðum aldri og hann og Jane voru þegar Mary Poppins kom fyrst í heimsókn. Þegar alvarlegur fjölskylduvandi steðjar að sem Banks-fjölskyldan á erfitt með að höndla birtist Mary Poppins á ný á heimilinu, staðráðin í að bjarga málunum og alveg viss um að hún geti það ...

Söguþráður Sagan segir upprunasögu vélmennisins Bumblebees. Hin átján ára gamla Charlie Watson er nýbúin að fá bílprófið og dreymir um að eignast bíl. Peningar fyrir honum eru hins vegar af skornum skammti og því hrósar hún happi þegar henni tekst að nurla saman fyrir gamalli Volkswagen-bjöllu sem hún finnur í bílakirkjugarði og er eins og fyrir einhverja töfra enn gangfær. Staðráðin í að gera bílinn upp eftir bestu getu fer Charlie með bjölluna heim í bílskúr foreldra sinna þar sem hún á eftir að uppgötva sér til mikillar undrunar að þessi bíll er langt frá því að vera eins og aðrir bílar. Í raun er þetta vélmennið Bumblebee sem er í felum og á flótta, bæði undan sérsveitarmönnum svo og öðrum vélmennum utan úr geimnum ...

Söguþráður Maya er komin á fimmtugsaldur og er föst í láglaunavinnu í stórmarkaði enda hefur hún hvorki menntun né reynslu til að geta sótt um betur launuð störf og finnst eins og hún sé í blindgötu með líf sitt. Dag einn breytist allt þegar einkarekið fjármálafyrirtæki býður henni fyrir misskilning hálaunað starf. Reyndar er ekki um alveg tóman misskilning að ræða því eiginmaður bestu vinkonu Mayu hafði tekið upp á því að falsa bæði ferilskrá hennar og samfélagsvefi auk þess að sækja um vinnuna fyrir hana. Maya veit því ekki hvaðan á sig stendur veðrið þegar hún er kölluð í viðtal en ákveður að láta reyna á svindlið þegar á hólminn er komið. Eins og gefur að skilja lendir hún fljótlega í miklum vandræðum í starfinu enda eru miklar kröfur gerðar til hennar, kröfur sem hún í fyrstu hefur ekki hugmynd um hvernig á að mæta. En eftir því sem mótlætið verður meira því ákveðnari verður Maya að leggja ekki árar í bát, ná tökum á starfinu og sýna um leið hvað í henni býr ...

Söguþráður Hér er um að ræða hliðarævintýri frá hinum venjulegu Spider-Man-myndum þar sem aðalsöguhetjan er Miles Morales sem telur sig hinn eina og sanna köngulóarmann. Í þeim efnum hefur hann rangt fyrir sér því hann er bara einn af nokkrum sem geta kallað sig því nafni. Að því kemst Miles þegar hann kynnist hinni framandi Spider-Manveröld þar sem köngulóarmenn, köngulóarkonur og köngulóardýr hafast við og eru öll gædd sömu ofurhæfileikunum. Þeirra á meðal er Peter Parker sem tekur Miles í kennslustund í sveiflutækninni áður en hann hittir allar hinar köngulóarútgáfunar, þar á meðal Gwen Stacy, svarta köngulóarmanninn og Spider-Ham, sem er í raun svín. Úr þessu öllu verður heljarinnar ævintýri, spennandi og mjög fyndið, þar sem hersingin þarf að takast á við glæpakónginn þykka, Wilson Fisk, sem síðast lét á sér kræla í nýjasta Spider-Man-tölvuleiknum.

Söguþráður Robin af Loxley, sem hefur marga fjöruna sopið í krossferðum, og Márinn félagi hans, gera uppreisn gegn spilltum enskum yfirvöldum.

Söguþráður Grínútgáfa af sögunum um einkaspæjarann Sherlock Holmes og aðstoðarmanninn Doctor Watson

Söguþráður Bandaríski stríðsfréttaritarinn Marie Colvin flytur fréttir frá stríðssvæðum eins og Kosovo, Chechnya, Austur Tímor og Miðausturlöndum.

Söguþráður Maður úr verkamannastétt, af ítalsk-bandarískum ættum, gerist bílstjóri fyrir píanóleikara af afrísku bergi brotinn, á ferð hans milli tónleikastaða á sjöunda áratug síðustu aldar í suðurríkjum Bandaríkjanna.

Söguþráður Par hefur í nógu að snúast þegar þau ættleiða þrjú börn.

Söguþráður Sex einstaklingar sem ekki þekkjast fyrir, lenda í aðstæðum sem þau ráða ekki við, eftir að þeim er boðið að taka þátt í leik sem krefst þess að flýja úr lokuðum rýmum. Nú þurfa þau á öllu sínu að halda til að sleppa út.

Söguþráður Lífið og tilveran í Solby er friðsælt og gott, þar til að Mitcho og Sebastian finna dag einn flöskuskeyti við höfnina. Flaskan er frá borgarstjóra Solby sem hefur verið týndur, og í skilaboðunum kemur fram að hann sé staddur á dularfullri eyju, og hafi gert merka uppgötvun. Nú þurfa þeir að fara í mikla ævintýraför til að hjálpa borgarstjóranum og ná honum heim. Í leiðinni uppgötva þeir nokkuð sem mun færa íbúum Solby mikla gleði - risastóra peru.

Söguþráður Ein aðalhetja og tveir þorparar úr Unbreakable og Split koma saman. Kevin Crumb, sem McAvoy lék ( upprunalega persónan sem er með margskiptan persónuleika ), persóna Willis, David Dunn, og persóna Samuel L. Jackson, Elijah Prince, öðru nafni Hr. Glass. Þeir eru allir staddir saman á geðspítala, og eru þar í sérstöku prógrammi fyrir fólk sem heldur að það sé ofurhetjur.

Söguþráður Myndin fjallar um hinn ráðvillta en þó heillandi Ben Burns, sem snýr óvænt heim til fjölskyldu sinnar eitt örlagaríkt aðfangadagskvöld Jóla. Móðir hans, Holly Burns, tekur vel á móti syni sínum, en kemst fljótlega að því að eitthvað er að. Á næstu 24 klukkustundum gæti líf þeirra breyst til frambúðar, en Holly þarf að gera hvað hún getur til að vernda fjölskylduna.

Söguþráður Ætlun Mary Stuart Skotadrottningar að steypa frænku sinni Elísabeti II, Englandsdrottningu, af stóli, endar með því að hún er fangelsuð í mörg ár og dæmd til dauða.

Söguþráður 90 ára plöntusérfræðingur og fyrrum hermaður í seinni heimsstyrjöldinni, er gripinn með þriggja milljóna dala virði af kókaíni sem hann er að flytja í gegnum Michigan ríki fyrir mexíkóskan eiturlyfjahring.

Söguþráður Árið 1987 hurfu nokkrar manneskjur í Kaupmannahöfn um svipað leyti án þess að vitað væri til að þær tengdust á nokkurn hátt. Rúmum tuttugu árum seinna vekja þessi mannshvörf athygli Carls Mørk og félaga hans, Assads og Rose, hjá Deild Q í dönsku lögreglunni. Smám saman rekja þau óljósa slóð, annars vegar til þekkts læknis og forystumanns í nýjum stjórnmálaflokki og hins vegar til Sprogeyjar þar sem lengi var hæli fyrir afvegaleiddar stúlkur. Sá staður reyndist mörgum vistmönnum helvíti á jörð. Og til eru þeir sem vilja frekar drepa vitnin en láta ýmislegt sem þar gerðist komast upp.

Söguþráður Sönn saga eins frægasta gríntvíeykis kvikmyndasögunnar, þeirra Laurel og Hardy, eða Gög og Gokke eins og þeir voru kallaðir á Íslandi. Eftir að gullaldartímabili þeirra er lokið fara þeir í ferð til að skemmta í Bretlandi og á Írlandi.

Söguþráður Dularfull fortíð skipstjóra kemur aftur upp á yfirborðið þegar fyrrverandi eiginkona hans finnur hann. Hún er örvæntingarfull og biður um hjálp, en um leið setur hún allt nýja lífið hans í uppnám, þó það sé kannski ekki allt eins og það lítur út fyrir að vera.

Söguþráður Gísella Dal fær tvær erlendar konur til þess að leigja hjá sér til að ná endum saman. Fyrst um sinn gengur sambúðin vel, en með tímanum fara menningarárekstrar að krauma upp á yfirborðið sem ógna valdi Gísellu, geði hennar og sjálfsmynd.

Söguþráður Táningssysturnar Ginger 16 ára og Brigitte 15 ára eru helteknar af dauðanum. En kvöld eitt er önnur þeirra bitin af varúlfi.

Söguþráður Georg nær naumlega að flýja Frakkland undan innrás nasista – þar sem hann kemst undan með því að stela skilríkjum þekkts rithöfundar sem er nýlega fallinn frá. Þegar til Marseilles kemur hittir hann unga örvæntingafulla konu sem leitar eiginmanns síns, sem síðar reynist vera umræddur rithöfundur. Þá fara málin að flækjast…

Söguþráður Saga Ruth Bader Ginsburg, og baráttu hennar fyrir jafnrétti og hvaða hindranir mættu henni á leið hennar að því að verða hæstaréttardómari í Bandaríkjunum.

Söguþráður Fimm ár eru liðin frá síðustu mynd og nú vofir ný ógn yfir: LEGO DUPLO innrásarher frá annarri plánetu, sem fer um og eyðir öllu sem á vegi hans verður.

Söguþráður Nýbúið er að velja Nels Coxman sem Borgara ársins í litla bænum sem hann býr í í Colorado, fyrir að halda vegunum snjólausum allan veturinn. Líf Nels og eiginkonu hans, sem leikin er af Laura Dern, er einfalt og hamingjuríkt, þar til ógæfan ríður yfir, þegar dóphringur drepur son þeirra. Með ekkert í höndunum annað en venjuleg handverkfæri og snjóplóginn sinn, heldur Nels í hefndarför, til að finna þá sem ábyrgir eru fyrir morðinu. Með því hleypir hann af stað gengjastríði, sem setur bæinn hans í hættu, nema hann geti sjálfur kveðið það í kútinn.

Söguþráður Fyrrverandi fangi reynir að smygla sér í raðir mafíunnar, í rammgerðu öryggisfangelsi.

Söguþráður Hasarmynd um unga konu sem vill komast að því hver hún er, og breyta heiminum.

Söguþráður Fimm stökkbreyttum er haldið föngnum í leynilegri byggingu, þar sem þau þurfa að berjast gegn eigin kröftum og hættum sem þeir hafa í för með sér, sem og syndum fortíðar. Þau eru ekki að fara að bjarga heiminum - þau eru bara að reyna að bjarga sjálfum sér.

Söguþráður Kosningabarátta öldungadeildarþingmannsins Gary Hart fer af sporinu þegar kemst upp um hneykslanlegt ástarsamband.

Söguþráður Konan leitar hefnda á þeim sem skipulögðu flugslys sem grandaði fjölskyldu hennar.

Söguþráður Í þetta uppgötvar söguhetjan okkar, Tree Gelbman, að það að deyja í sífellu aftur og aftur, er í raun barnaleikur miðað við það að gera það ekki, og mæta hættunum sem eru framundan. 

Söguþráður Á sama tíma og draumur Hiccup um að búa til friðsælt fyrirmyndarríki dreka er að verða að veruleika, þá hrekja ástarmál Toothless Night Fury í burtu. Þegar ógn steðjar að, þá fara menn að spyrja sig um forystuhæfileika Hiccup, og nú eru góð ráð dýr.

Söguþráður Krakkahljómsveit fer í ævintýraferð til að koma í veg fyrir miðaldaógnir.

Söguþráður Todd Hewitt býr á hinni fjarlægu plánetu New World, sem er ný von fyrir mannkynið, eða þar til vísusinn "The Noise" breiðist út og sýkir huga fólks. Faraldurinn gerir flesta sturlaða þar til Todd uppgötvar að stúlka að nafni Viola gæti verið lausnin að mörgum leyndarmálum plánetunnar.

Söguþráður Myndin segir frá endurhæfingu Mark Hogencamp, sem varð fyrir áverkum á heila, þegar fimm unglingar réðust á hann og börðu til óbóta með þeim afleiðingum að hann lá í dauðadái í níu daga á eftir. Þegar Hogencamp rankaði við sér var hann algjörlega minnislaus, og mundi ekki eftir vinum sínum né fjölskyldu. Sem eins konar meðferð, þá byrjaði hann að búa til módel af belgíska þorpinu Marwencol á tímum Seinni heimsstyrjaldarinnar í garðinum á bakvið húsið sitt, og meðal annars gerði hann dúkkur sem litu út eins og hann sjálfur, vinir hans, og mörgum til mikillar undrunar, árásarmenn hans. Þetta bætti ástand hans allnokkuð, en varð einnig til þess að hann flúði inn í ævintýraheim þar sem urðu til ýmiss konar sögur þar sem dúkkurnar léku helstu hlutverk.

Söguþráður Carol Danvers verður ein kraftmesta ofurhetja alheimsins, þegar Jörðin lendir í miðju stjörnustríði á milli tveggja geimveruættbálka.

Söguþráður Fyrrum fjölbragðaglímukappi og fjöskylda hans hafa í sig og á með því að halda sýningar á litlum stöðum hingað og þangað um Bandaríkin, á meðan börnin dreymir um að ganga til liðs við World Wrestling Entertainment.

Söguþráður

Söguþráður Ungur fíll, sem er með eyru sem gera honum kleift að fljúga, hjálpar fjölleikahúsi sem á í fjárhagserfiðleikum. En þegar sirkusinn ætlar að færa út kvíarnar þá komast Dumbo og vinir hans að myrkum leyndarmálum á bakvið fágað yfirborðið.

Söguþráður Myndin gerist í Chicago í Bandaríkjunum um áratug eftir að geimverur hafa tekið þar völdin.

Söguþráður Louis Creed, eiginkona hans Rachel og tvö börn þeirra, Gage og Elli, flytja í nýtt hús úti í sveit þar sem þau heyra af dýrakirkjugarðinum sem er staðsettur rétt hjá nýja heimilinu. Eftir að kötturinn þeirra verður fyrir bíl og deyr, þá fer Louis með hann í kirkjugarðinn dularfulla til að grafa hann, en þar er ekki allt með felldu, og Creed fjölskyldan kemst fljótlega að því að dauðinn sé mögulega eftirsóknarverðari en lífið.

Söguþráður Það býr ofurhetja innra með okkur öllum. Það þarf bara smá galdra til að töfra hana fram. Billy Batson þarf til dæmis bara að kalla orðið SHAZAM!, og þá breytist þessi 14 ára gamli strákur í hina fullorðnu ofurhetju Shazam.

Söguþráður June er lífleg og bjartsýn ung stúlka, sem uppgötvar ótrúlegan skemmtigarð í skóginum, sem heitir Wonderland. Í garðinum er fullt af frábærum tækjum, og talandi dýrum, en eina vandamálið er að garðurinn er í niðurníðslu. June kemst fljótlega að því að það var ímyndunarafl hennar sjálfrar sem skóp garðinn, og hún er sú eina sem getur komið honum í lag. Hún slæst í lið með dýrunum til að bjarga þessum töfrastað, og færa gleðina aftur í garðinn.

Söguþráður Hr. Link ræður landkönnuðinn Sir Lionel Frost til að hjálpa sér að finna löngu týnd ættmenni sín í hinum goðsagnakennda Shangri-La dal, en þar er um að ræða hinn fræga týnda hlekk, lifandi ættföður Mannsins. Með í för er ævintýramanneskjan Adelina Fortnight, og saman ferðast þau um heiminn til að hjálpa þessum nýja vini sínum.

Söguþráður Teiknimynd byggð á Playmobil leikföngunum.

Söguþráður Eftir hamfarirnar í Avengers: Infinity War þá er alheimurinn í rúst, og hetjurnar þurfa að standa saman til að koma lagi á hlutina á ný.

Söguþráður Endurgerð gamanmyndarinnar Dirty Rotten Scoundrels frá árinu 1988, þar sem tveir svikahrappar fara í keppni sem snýst um að "taparinn" fari úr bænum.

Söguþráður Bergmál er ljóðræn kvikmynd, um íslenskt samfélag, sem byrjar á aðventunni í aðdraganda jóla og endar á nýársdag. Samtímaspegill.

Söguþráður Hinar léttu og skemmtilegu UglyDolls takast á við þá staðreynd að þær eru öðruvísi, en þrá ást og umhyggju. Mestu skiptir þó að vera maður sjálfur.

Söguþráður Hinar léttu og skemmtilegu UglyDolls takast á við þá staðreynd að þær eru öðruvísi, en þrá ást og umhyggju. Mestu máli skiptir þó að vera maður sjálfur.

Söguþráður John Wick nú að brjóta sér leið út úr New York borg, með aðstoð „þjónustuiðnaðarins“, til að halda lífi.

Söguþráður Leikin útgáfa af ævintýramyndinni um Aladdin, sem frumsýnd var árið 1992. Aladdin er götustrákur sem hittir hina heillandi og ákveðnu Jasmine prinsessu og andann í glasinu, sem gæti verið lykillinn að framtíð þeirra.

Söguþráður Hermaður leitar um allt stjörnukerfið að föður sínum sem hvarf þegar hann var að leita að lífi í alheimnum fyrir 20 árum síðan.

Söguþráður Saga breska tónlistarmannsins Elton John, allt frá því þegar hann var við nám í the Royal Academy of Music, og í gegnum ferillinn og samstarf hans við textasmiðinn Bernie Taupin.

Söguþráður Sögurþráður enn á huldu.

Söguþráður Jean Grey byrjar að þróa með sér ótrúlega hæfileika sem spilla henni og breyta henni í Dark Phoenix. Núna þurfa x-Menn að ákveða hvort að líf eins úr hópnum er meira virði en líf alls fólks í heiminum.

Söguþráður Myndin fjallar um það þegar persóna Tessa Thompson, Em, reynir að sanna sig í starfi með því að ganga til liðs við Lundúnaskrifstofuna, en þar er fyrir Chris Hemsworth, eða öllu heldur persónan sem hann leikur, leynifulltrúinn H. Þau tvö flækjast svo inn í morðgátu, og í hönd fer mikið ferðalag um allt kosmosið.

Söguþráður Eftir atburðina í Avengers myndinni, fara Peter Parker og félagar í frí til Evrópu, þar sem Peter þarf að bjarga vinum sínum frá þorparanum Mysterio.

Söguþráður Söguþráður ókunnur að svo stöddu.

Söguþráður Þetta stórkostlega ævintýri segir sögu Simba, fjörugs ljónsunga sem hlakkar óskaplega mikið til að vera konungur. Skari frændi hans leiðir hann á glapstigu og Simbi tileinkar sér kæruleysislegan lífsmáta ásamt kostulegum förunautum, þeim Tímon og Pýmba, og gleymir konunglegri ábyrgð sinni. En örlögin grípa í taumana og hann þarf að endurheimta sess sinn í „Hringrás lífsins“...

Söguþráður Hvítur, hvítur dagur segir frá ábyrgum föður; ekkli og lögreglustjóra lítils sjávarþorps sem hefur verið frá starfi síðan eiginkona hans hvarf fyrir tveimur árum. Hann einbeitir sér að því að byggja hús fyrir dóttur sína og fjölskyldu þar til hann byrjar að gruna mann í þorpinu um að tengjast hvarfi konu hans. Með tímanum breytist grunur hans í þráhyggju sem óhjákvæmilega bitnar á þeim sem standa honum næst. Þetta er saga um hefnd, sorg og skilyrðislausa ást.

Söguþráður Mynd sem segir forsögu þorparans Jókersins.

Söguþráður Í myndinni mæta uppvakningabanarnir fræknu nýrri tegund uppvakninga, sem hafa þróast frá því upprunalega myndin var frumsýnd, auk þess sem þau þurfa að takast á við venjulegt mannfólk sem lifði af uppvakningapláguna sem fór sem eldur í sinu um Jörðina, og eirði engu.

Söguþráður Sönn saga Fred Rogers, sem stjórnaði og bjó til barnaþættina MisteRogers´ Neighborhood.

Söguþráður Framhald Avatar frá árinu 2009.

Söguþráður Söguþráður enn á huldu.