Tim Robbins ( The Shawshank Redemption ) , Charlize Theron ( The Cider House Rules ) og Mark Wahlberg ( The Perfect Storm ) eru nú að leika í myndinni The Truth About Charlie, undir leikstjórn Jonathan Demme ( The Silence of the Lambs ) en mynd þessi er endurgerð á hinni klassísku kvikmynd Charade, með Cary Grant og Audrey Hepburn. Fjallar myndin um unga konu sem fer til Parísar að hitta eiginmann sinn, en þegar þangað er komið kemst hún að því að hann er dáinn og allir peningarnir þeirra horfnir. Þá hittir hún dularfullan mann sem segir henni að hann eigi peningana og hann vilji þá aftur, fullviss um að hún sé að fela þá. Í millitíðinni bætast við fleiri lík. Spennandi verður að sjá hvort endurgerðinni takist að halda uppi gæðum þessa klassíska þrillers.
