Hasarveislan John Wick Chapter 4 hitti íslenska bíógesti beint í hjartastað nú um helgina þegar 3.600 manns börðu myndina augum. Tekjur voru 6,5 milljónir króna.
Toppmynd síðustu viku á íslenska bíóaðsóknarlistanum, Shazam! Fury of the Gods þurfti að gera sér annað sætið að góðu en íslenska myndin Á ferð með mömmu situr sem fastast í þriðja sæti listans.
Villibráðin langtekjuhæst
Sem fyrr er tekjuhæsta kvikmyndin á listanum íslenska kvikmyndin Villibráð en 113 milljónir króna hafa skilað sér þar í kassann frá því myndin var frumsýnd fyrir ellefu vikum síðan.
Sjáðu aðsóknarlistann í heild sinni hér fyrir neðan:
