The Game (1997)

Ágætis spennuræma eftir einn skemmtilegasta leikstjóra samtímans.

Douglas er hér í hlutverki auðkýfings, sem fær að gjöf frá litla bróður sínum þáttöku í leik, sem virðist sakleysi í fyrstu, en þegar líða tekur á er sem einhver maðkur sé í mysunni.

Ekki gallalaus, en skemmtileg og talsvert yfir meðallagi að gæðum.

The Game er hrein snilld þegar maður hugsar út í það. Fincher er einhver besti leikstjóri allra tíma. Plottið og útsnúnni söguþráðurinn og ekki gleyma misterían er bara frábær. Myndin inniheldur eitthvað það besta handrit sem til er og plot. En myndin hefði getað verið betri. Michael Douglas leikur ríkan snobbaðan náunga sem á sorglega æsku en þegar litli bróðir hans gefur honum afmælisgjöf fer allt úrskeiðis. Þetta er mynd sem ekki má missa af.

Ég hataði þessa mynd þegar ég sá hana fyrst. Mér fannst hún lofa svo góðu en ég þoldi það ekki þegar hún eyðilagði allt með einu ömurlegasta endaatriði sem ég hef séð. Lengi vel vildi ég alls ekki sjá hana aftur til að endurskoða álit mitt en nú fyrir nokkru ákvað ég að gefa henni séns. Að sjá hana í annað skiptið breytti litlu, ég þoli ennþá ekki þennan fyrirlitlega endi og mér fannst myndin frekar leiðinleg, langdregin og óspennandi. Hún byrjar stórkostlega, ofsalega dramatísk tónlist, tilfþrifalítil myndataka (sem er þó flott) sem undirstrikar hversu tómt og leiðinlegt líf Michael Douglas er. Fyrstu mínúturnar eftir að Leikurinn sjálfur byrjar eru mjög góðar en myndin rennur út í sandinn eftir það. Hún verður bara leiðinleg. Hugmyndin var svo frábær að það er algjör synd (og kemur virkilega á óvart) að hæfileikaríkum manni eins og Andrew Kevin Walker hafi ekki dottið neitt betra í hug þegar hann skrifaði handritið. Þegar maður er með svona sögu þá er allt mögulegt en Walker valdi leiðinlegustu leiðina til að segja söguna. Fincher stendur sig ekkert betur fyrir aftan myndavélina þar sem hann virðist ekki hafa neinn áhuga á því að reyna að gera myndina skemmtilega. Ég veit að þetta á að vera myrk spennu-kómedía en hún er aldrei spennandi og mjög sjaldan fyndin. Myndin sjálf lítur vel út, kuldaleg og fjarlæg, en nær aldrei að vinna áhorfendur fullkomlega á sitt band. Leikararnir standa sig vel en til að ljúka þessu verð ég bara að minnast aftur á lokaatriði myndarinnar sem er algjör martröð að horfa á. Ömurlegt.