The X Files (1998)

Scully og Mulder komast á sporið á svikavef þar sem framtíð heimsins er í húfi. Þau verða að koma í veg fyrir að alþjóðlegum leynisamtökum valdamikilla einstaklinga takist ætlunarverk sitt. Allt bendir til þess að Fox Mulder verði loks vitni að sannleikanum sem hann hefur leitað öll þessi ár. Vinsælustu persónur þáttanna koma allar við sögu og má þar nefna Cancer Man (Reykingamanninn) og nörda vini Mulder, samsærisklíkuna óborganlegu. X-Files myndin er allt sem aðdáendur þáttanna gætu óskað sér, stærri, flottari brellur og magnaðri söguþráður en nokkru sinni fyrr.