Elektra (2005)

Mér finnst Daredevil geðveik mynd meðal við þessa þetta er algjör viðbjóður sem betur fer fékk ég frítt á hana því annars myndi ég aldrei fara á þennann viðbjóð það á bara ekki að bjóða uppá svona ógeð ég hvet engann til að fara í bíó á þessa eina sem er gott er Jennefer Garndner sem er sexý í þessari mynd

Ég veit eiginlega ekki hvað ég á að segja. Ég hafði nokkuð gaman af Daredevil þegar hún kom út fyrir tveimur árum en þessi er ekki að meika neitt. Fyrir utan Batman and Robin er Elektra líklega versta myndasögumynd síðari ára. Myndina skortir nær allt sem kallast skemmtanagildi, það er ekki minnst einu einasta orði á Daredevil og svo er ekki einu sinni reynt að útskýra nákvæmlega hvernig eða af hverju Elektra var upplífguð. Ég hef fátt gott um þessa mynd að segja, hún er bara glötuð og ég hélt eiginlega að hún væri miklu betri þrátt fyrir alla slæmu dómana sem hún hefur fengið. Elektra er sumsé pjúr flopp en verðskuldar samt eina stjörnu. Hálfa fyrir tengingu titilpersónunnar við Daredevil og hálfa því að Jennifer Garner er nú bara nokkuð sæt.

Þeir sem sögðu að Daredevil væri slæm mynd, þeir hafa ekki séð lélega ofurhetjumynd fyrr en þeir sjá Elektra. Mér fannst Daredevil ávallt vera stórlega vanmetin mynd. Hún var á engan hátt fullkomin, en hún hélt sér við myndasögugeirann samt sem áður og uppfyllti mest það sem þurfti. Það var líka nett andrúmsloft í henni og fólkið á skjánum fékk að spreyta sig nógu mikið. Þetta er allt saman MIKLU meira en hægt er að segja um Elektra. Ég hugsa að það sé ekki neitt gott við þessi ósköp fyrir utan örfáar vel útfærðar slagsmálasenur og Jennifer Garner, sem er ávallt falleg. En ef þið viljið sjá þessa þætti eina og sér, horfið á trailerinn. Myndin er engan veginn þess virði. Garner er góð leikkona annars og gerir sitt besta til að halda myndinni á floti. Hún stendur sig heldur ekkert illa þannig séð, og að sjálfsögðu kvarta ég ekkert undan sjóðheita klæðnaðinum. Vandamálið er að finna í handritinu. Myndin er samansafn af vondum klisjum. Óspennandi söguþráður, dauf persónusköpun og léleg samtöl einkenna myndina. Svo ég tali heldur ekki um hversu asskoti hallærisleg myndin er sem heild, og miðað við hversu alvarlega hún tekur sig er efnið ótrúlega nálægt því að verða pínu hlægilegt. Elektra sem persóna er ekki einu sinni áhugaverð lengur. Hún virkar jafnvel eins og allt annar - og talsvert leiðinlegri - karakter en maður sá áður. Elektra sem bíómynd er tómt klúður (með áherslu á orðið 'tómt'), og á allan hátt óþörf. Það er löngu orðið ljóst að svona myndasögu/kvenhetju ''spin-off'' séu ekkert að borga sig. Lítið t.d. bara á Catwoman. En hvað þessa hetju varðar, þá hefðu aðstandendur átt að skilja hana eftir dauða frekar en að móta þessa svokölluðu skemmtun.2/10

Þessi mynd er um konu sem er leigumorðingi og hún heitir elektra, hún er í miðju stríði sem hefur verið mjög langan tíma og hún á að vera Balance í þessu stríði mill góðs og ílls.Myndin er helst um að vernda 13 ára stúlku og faðir hennar frá íllum djöflum sem eru öflugir.Mjög skemmtilegur söguþráður og nokkrar góðar senur í anda matrix.

Satt að segja bjóst ég við meiru þarna. Eftir að hafa bjargað Daredevil frá brotlendingu, hélt ég að Garner færi á svipað plan. En í handritinu er fátt um fína drætti fyrir Garner til að gera einhverjar rósir. Þegar ég steig upp úr stólnum var mér hvorki skemmt né leiddist mér. Myndin byrjar heldur rólega en nær engu flugi. Ræman rennur í rólegheitum í gegn. Maður nær þó að gleyma stað og stund. En Flopp nr.2 frá Marvel.